影片
營業時間
今日營業
07:30 - 23:00
星期一至日
07:30 - 23:00
以上資料只供參考, 請與餐廳確認詳情
因為有張花膠雲吞雞煲嘅券，唯有比多次機會佢，幫襯佢個晚巿。我地6個人，點咗個$1288嘅《殿堂晚飯套餐2025》，加埋個雲吞雞都好夠。講真佢個份量就真係唔只四人份，就連個湯羮分6碗都可以，由小食到甜品一共有13樣菜式，聽落都覺得好化算。食物質素方面，又係好參差，完全談唔上「出色」。 鎮江水晶餚肉+涼拌珊瑚拼海蜇+餐泰式鳳爪+佛山燻蹄呢四個小食放埋一齊，好似全盒咁分開佢地，做法唔錯，好過分開4碟細細一碟咁寒酸。涼拌珊瑚拼海蜇、餐泰式鳳爪同佛山燻蹄味道算正常，係唯獨鎮江水晶餚肉嘅肉質較為鬆散，一夾就散哂。鮮蟹肉海皇燴燕窩我幾鍾意佢呢個湯，味道好鮮甜，加上有唔少嘅蟹肉同海鮮碎，飲落有啲口感。花膠雲吞雞煲呢個係母親响前一次飲茶時買券，所以今次就用咗佢。講真望落個觀感已經有啲差，雞係「鞋」嘅，當因為煲過算正常，啲雲吞係唔好食，得啲碎肉同馬蹄，成唔出有蝦嘅爽口口感，只有一篤嘢咁嘅感覺。另外係佢個湯冇咩味，呢道菜式反而係最差。欖角一口骨味道唔錯，排骨炸得夠脆，味道亦算正常。紅寶百合泡菜苗菜就正常嘢，但個湯又係冇咩味，唔知佢係用咩去整呢個湯。上湯波士頓龍蝦伊麵其實有個建議係佢將龍蝦轉蝦仁會仲好，放落呢個套餐度都唔會有咩大問題。家下果堆龍蝦嘅殘骸，完全唔知想點，零零碎碎咁，又冇咩肉。櫻花蝦海皇炒飯講出色嘅呢個炒飯算係其中之一，夠鑊氣而且用料都豐富，蝦仁夠大隻同爽脆，同個龍蝦伊麵簡直天壤之別。海南文昌雞唔知出面文昌雞係咪都係瘀瘀灰灰咁色，同堆有啲咸，有啲懷疑呢個唔係文昌雞。古法蒸龍躉呢條魚應該係成個餐最出色嘅，蒸到剛剛好，魚肉又夠滑，而且唔算細條。精美甜點 - 木瓜雪耳食咗一啖，唔太啱口味就冇再食。為咗張券去食呢餐，味道非常一般嘅中菜，除非有人請食飯仲要指定嚟呢度，否則我唔會揀呢度食。
繼續閱讀
去到的時候，茶樓不算十分多人，剛開始坐低座位時服務還算可以。之後坐下叫餐，一開始上餐速度還可以。中途我發現有一樣點心好耐都沒有上，然後我就問服務員，然後服務員就話一早就已經沒有，就話打單比我睇，個時才發現服務員漏點，但係就沒有向我們反映或者叫我們轉其他款式點心，服務態度非常差，落單錯誤唔即時向顧客反映，仲鬧顧客情緒唔穩定。從此黑名單的茶樓，叫身邊人都唔可以再去。食物又是放好耐再俾顧客，送到上都已經變凍。真系令人失望、失望。服務員都唔知有沒有培訓過，每個人都沒有笑容，真系見到都大打折扣，印象分可以扣到沒有。
繼續閱讀
25年2月8號在觀塘鱷魚恤中心海逸宴會廳食晚飯，叫了一隻清遠雞，上枱時半隻雞都係生嘅唔熟有血，叫經理處理，經理態度極差只可以叫廚房微波爐返叮，用微波爐翻叮嘅雞買到二百幾蚊一隻點可以接受？其他酒樓特價一蚊雞都好食過佢好多。最重要就係經理服務態度極差😡
繼續閱讀
近期鐘意觀塘鱷魚恤嘅凱日飲茶因為擺枱無咁逼，點心夠熱上點心同沖水都夠快，味道唔錯有蝦嘅點心特別高質，因為蝦鮮又爽今次就試下其它發現佢地嘅豆沙包同煎魚餅都好好食今次蘿蔔糕就失手了，太多粉同煎得唔夠焦香但整體都係唔錯
繼續閱讀
今日陪兩老去觀塘APM行街，行到攰就去咗鱷魚恤中心嘅凱日宴會廳飲下午茶。兩老要求：坐得舒服、夠冷氣、唔使搭枱、可以慢慢食。呢間酒樓完全符合佢哋兩個嘅要求。我哋叫咗三個下午茶優惠孖寶，再加兩個下午茶優惠點心，一共八樣野。🥢鮮蝦菜苗餃水晶皮有少少厚，但係因為入面嘅料都好足夠，所以整體嚟講都算好食。🥢斑斕生煎包綠色嘅斑斕包包住豬肉，斑斕包有淡淡的斑斕香味，入面舊豬肉餡都夠多汁。🥢脆煎蓮藕餅食到一粒粒嘅蓮藕，煎得好香，但係唔會好油膩。🥢蔥花炸兩腸清淡咗啲，不過炸兩香脆，腸粉皮都唔算太厚。🥢潮州蒸粉果圓圓脹脹嘅粉果，上枱嘅時候都係熱辣辣。🥢豉汁魚茸釀茄子厚切茄子配上大大舊魚蓉，多汁，不過冇乜特別。🥢我不是春卷根本就係普通嘅鮮蝦春卷，比佢個名呃咗。🥢脆皮燒鵝檬粉檬粉夠幼滑，燒鵝都唔會太韌，個湯都幾清。每一樣點心都係熱辣辣咁樣上枱，飲下午茶都算唔錯，坐得都算舒服，唔太迫，食完之後可以慢慢坐到3:30，直到有員工大叫清場，我覺得呢一下有啲扣分，好似飯堂食完嘢趕客走咁。
繼續閱讀
您可能會有興趣的...