影片
今次專登去咗台灣滴妹開既舖頭，試咗杯人氣No.1嘅✨「棉被午茉綠」✨，真心要同大家分享下～奶蓋鋪到滿一滿，真係好似張棉被冚住咁，軟綿綿好治癒🥰個鹹奶蓋真係不得了～香滑得嚟又唔膩，帶微微鹹香，同清新嘅茉莉綠茶超夾！清甜茶底，兩種味道層次分明，又融合得啱啱好。我仲加咗茶凍🍮，咬落QQ哋，帶淡淡茶香，令成杯野飲更加有口感，正到爆～行商場攞住一杯，慢慢行、慢慢飲，真係chill到震～環境又光猛乾淨，等嘅時候都不忘自拍兩張🤳
繼續閱讀
近排講到最Hit茶飲店，再睡五分鐘一定榜上有名～今日終於同女朋友嚟葵芳新都會試試佢哋個人氣系列！我哋點咗兩杯：日安紅厚奶歐蕾 同 棉被四季金萱，未飲已經俾個名迷住咗🤣雖然人流超多，要等成15分鐘先有得拎，但真心講一句：**等得值！**💯兩杯茶飲都係茶味超香，唔係得個甜字，係飲得出用心沖出嚟～上面鋪住嘅厚奶綿滑唔膩，為成杯茶加晒分，飲落有種“奶蓋天花板”嘅感覺🫶如果厚奶可以再多啲鹹香味會更加有層次感，飲落更突出～但而家咁嘅口感都已經好滿意，拍拖飲一杯，慢慢行商場，夠chill夠有feel～
繼續閱讀
見啲分店comment話好濃茶底味講到好好飲咁 ,行過經過熱潮已過又無乜人排隊 ,咁我對呢杯嘢有一定嘅期待 心諗應該唔差嘅。嗌咗杯: 深培烏龍歐蕾-少冰 微糖。我唔知係咪staff求其沖定點 ,飲落好淡好淡嘅奶水味 ,一啲茶味都唔覺 ,伏咗..🥲
繼續閱讀
未夠鐘入場就買杯嘢飲住等，原本諗住嗌珍珠奶茶，但老婆話想飲烏龍，咁就嗌杯烏龍latte加珍珠，等一陣就做好，啜一啖已經有回甘，一路行一路飲多幾啖，係㗳得出佢啲茶嘅烘焙味道，我只可以講佢用嘅茶底應該唔差，以開到成行成市嘅台式飲品店嚟講，算係幾有誠意嘅一間。Order期間店員主動介紹，態度友善，嘢飲價錢算平，但見佢有賣其他自家品牌嘢就比較貴，畢竟可能佢主打做年輕人生意，啲嘢係幾得意嘅。如果有機會再幫襯可能會試下佢其他冇奶嘅飲品
繼續閱讀