再來一次 (已結業)

👉🏼小店以往沒有這厚切餐肉蛋麵的，可能因為疫情，生意大不如前，加上這都是港人喜歡的食品，定價不會太高，期望可薄利多銷🐖厚切餐肉蛋出前一丁麵，這店的煎蛋🍳(荷包蛋)是我愛吃的，因為即煎，底部有微焦，蛋白滑溜有厚度，吃時有燙口的熱力；餐肉厚切當然好，但質量普通，外層煎得有點overcook，某些位置質感「嚡」；至於出前一丁，還有進步的空間新款式食品，繼續加油！🍴這小店是家庭式經營，那位姨姨既有禮又健談。店裏還有不錯的食物，如瑞士汁雞髀🍗，大隻且肉嫩

事源上次食完外賣自取之後成日心掛掛想再食，今日有時間就走左去堂食，12點左右，唔係太多人，老闆娘服務真係一流，我飲叫杯即磨咖啡，要多奶，仲比明治奶我自己加到夠，今次又係叫左個健怡芝士蛋魚柳墨西哥卷，重點魚柳係煎唔係炸，冇熱氣又唔太多油，芝士仲係拉絲果隻，半臂咁大條，一樣足料。傾傾下先知，原來佢地啲飯或意粉，除左沙嗲，黑椒同白汁之外，原來仲有白咖哩汁可以選，岩曬我啲唔食辣既人,下次真係要再來試下先得。

已經食過N咁多次 個墨西哥捲真係唔惹少 份量多之餘仲要係好食 魚柳係煎唔係炸 仲有水蜜桃 可以選擇醬汁或黑醋 仲食完真係飽幾個鐘 健康又抵食 加3蚊有即磨咖啡 老闆娘又有禮又好人 所以成日都會再來一次

一直好中意食佢個牛油果雞卷🌮🌮 ($44)食完再食食完再食。係壁球場對面既再來一次，係簡約家庭式經營，有bar枱高櫈，座位唔多，但好有親切感。每次泥個姨姨都好有笑容，主動問我有乜需要。諗唔到既亦會有善咁推介。牛油果雞卷🌮🥗 $44每次泥必食，勁足料，長過手掌，調味用心，食完勁滿足。見我一行三人仲主動幫我地分左三份🤭雞肉有淡淡香料味，同蔬菜比例恰到好處，蕃茄沙律菜一齊食，好fresh，有少少芝士同蜜桃，轉左黑醋走左醬，都勁夾。

每大時大節叫到會一定叫呢間 價錢真心抵 又多選擇 😚啱哂我甘多朋友唔同口味 有次冬天叫到會 由元朗送到將軍澳 仲熱辣辣 真係食未試過仲熱👍🏻個服務員有禮貌仲好幽默🤣🤣仲有超準時到

星期日出完街返元朗有點肚餓，經過見到有下午茶就入去試一試，覺得味道不錯，特別係雞翅，燒得外脆內軟，好夠味，而且28元包嘢飲，確實幾抵食 整體食物都算有水準。不過裡面空間比較細，全部都係吧檯位，大概只有15個位。

有事入元朗，剛好午飯時間，經過此店，舖面好有日式cafe feel，原來有餐同下午茶提供，仲要係即製，一於試下。店舖高bar枱形式，加上大玻璃窗，好有feel原來佢地都有賣咖啡，整間舖好有咖啡香，令人感到好精神。叫左個lunch set，即製沙嗲豬柳焗飯，加飲品，50蚊有找，仲要係即製。用上竹tray送上加上木制餐具，好特別即製係不同的，等左一陣，熱熱的送上，cheese加上沙嗲好香好好味，啲豬柳好入味，仲要不太硬不太軟，好有口感。個飯仲要係炒飯不是白飯呀！！仲有仲有，飯內仲有蔬菜在內，好正呀！不太好咖啡，但試下啦。咖啡好香，帶微酸，但好容易入口，正！如果下午無事，相信坐舖內飲杯咖啡，從大窗望出去人來人往都幾relax得知開店一段短時間，但店內姨姨和大廚好好傾，在店時亦有不少街坊到來食飯飲coffee，信心有保證！正如其名，會再來一次！

今晩跟朋友踩單車，回程時經過元朗，看見一間名叫＂再來一次＂吃墨西哥捲餅，所以試試😊我點了牛油果烤雞捲，配梅子茶，即叫即製，所以十分新鮮。味道方面，因有生菜丶番茄和蜜桃，所以口味十分清新😋不會太油膩👍🏻份量方面，足有手掌那麼長，一人吃剛好😊另外，很欣賞老闆服務態度，熱情又親切，相信是小店的特色。

元朗新開了一間文青風格小店，主打食墨西哥卷。店外全白新的牆身，放了長椅和一些乾花裝修，是不錯的打咭位。店面很小，大概只有10個座位，是坐酒吧高椅，坐得不是很舒服，但可以坐外面的長椅。套餐只是40多元，包飲品，可以選即磨咖啡不用加錢。點了牛油果烤雞卷和焗意粉，這個墨西哥卷真的超大，長過我手掌有多！很足料，內有牛油果，幾片烤雞，用的應該是雞胸肉，但不會很乾，挺嫩的，配料有蕃茄、生菜、洋蔥、幾片蜜桃，很清新！沙嗲汁焗豬扒意粉，是即焗的，味道都ok。這杯即磨咖啡也很不錯👍🏼元朗很少地方吃到墨西哥卷，這家的墨西哥卷很大份很抵食！店主很nice! 坐在店外的長椅喝著咖啡，感覺很舒服！

今日下午剛經過朗屏，見有點肚餓，見到依間舖頭新開，咁就一於去試下，點知有喜出望外的驚喜。首先我入去叫左一個牛油果醬墨西哥卷，一隻流心蛋，首先講下個卷，配搭非常新鮮，而且一個卷已經，好飽好滿足，又夠健康，很好吃。而流心蛋味道一流，我從未食過咁好食既蛋，令我有一種好似食緊奶黃飽入面啲醬一樣，舖頭應該改錯名，唔應該叫再來一次，我一定會再去N次，絕對值得一試，下次經過朗屏一定會再來，老闆又健談，希望多啲人試下