再來一杯 (已結業)

今日原本約左FD係CWB等，條友未到就走去搵野買黎飲下啦，見到再來一杯個度勁多人，就走去買杯珍珠奶茶試下。佢開正係瘋薯隔離，加上佢裝修都算唔錯，企企理理，多人飲都不無道理既~~叫左杯珍珠奶茶，排隊買15mins，排隊拎又15mins，手腳真係有點兒慢，仲要大熱天時..真係想死..到講杯野喇，太重奶味喇...一D茶味都冇，十足奶水一樣...珍珠就尚算煙"un"囉....最後，佢有2/3入左垃圾桶永不超生。要我再來一杯...真係有D難度。

今晚唸住帶友人來試試這兒的台灣飲品雖然我試過, 但友人未試過丫ma~平時行街又見咁多人排隊,以為真係自己上次味覺有問題唸住比多次機會它~芭樂玉露, 走甜 但仍然超級甜, 味道仲好難飲, 芭樂不是新鮮既咩???? 為什麼是粉紅色架?仲要咁甜....... 我問他點解, 佢話係咁喎, 本身玉露係甜喎~點解唔早點話人知呀......另一杯係lemon 多多, 呢杯一般啦~ 但味道就....我真係唔明白一杯嘢為什麼咁貴... 14元?只係糖水溝糖精加香料... (我唸任何人都做到... 只係做不做者)比起旺角既,輕xxx , 荃灣comexxx , 我唸呢度真係超差.....

成日食完飯都來整翻杯招牌珍珠奶茶~最初祈望不大~但有驚喜~! 700cc~ 茶味濃~ 最好要少珍珠~其他野就傢洗試~真的只有原味才是上品~ $10值得一試。

因為又行開呢頭，天氣又鬼禁熱，所以買杯奶茶消下暑先之前飲過佢嘅奶茶，叫半甜+咖啡魔晶，我覺得都好甜，所以今次問下佢D職員係咪攪錯定聽錯，個職員好清晰講解話佢D魔晶係用糖水浸過，所以會影響到杯飲品嘅甜度。明白晒，今次一於叫微甜，，冇錯，今次杯奶茶就好好飲：好嘢

去開銅鑼灣工幹，非常驚喜發現有間唔錯嘅珍珠奶茶店第一次飲，當然要試我飛佛台式奶茶 +咖啡魔晶整體杯茶好好只係略為多咗少少奶味、蓋過咗D茶味；同埋我叫佢半甜、但係都好甜不過，佢地D咖啡魔晶勁好味，咖啡味好濃，又好口，正因為我12點幾去買，等得唔耐，仲見有好多人買芋香奶茶，唔通好好味，下次一定要試試佢仲有燕窩奶茶，啱晒D愛靚嘅女仕們。其實佢D飲品種類好多，又有500cc細杯裝，但係價錢比一般貴少少，可能銅鑼灣區啦

今年夏天珍珠奶茶又返黎啦,我本人係好鍾意飲珍珠奶茶的,之前我己試過幾間珍珠奶茶店,感覺麻麻哋唔係我嗰杯茶。有日路經銅鑼灣,見到呢間店,於是又決定一試,叫咗杯少甜珍珠奶茶,等咗一陣茶己到手,咦,又幾有驚喜,好香的茶味,又有奶味,够香滑,珍珠好彈牙,又唔會痴埋一舊,呢間係我飲過最好味的一間珍珠奶茶店。我己決定會〝再來一杯〞

今日咁大雨條街都無人,打算早點回家,,見到再來一杯沒有什麼人排隊,,買了一杯金桔檸檬綠try try,,點知入口沒有什麼金桔味,,好像在飲綠茶+加冰,,,我叫的是少甜不叫你加多點水,,,整淡杯野去,,,之後入地鐵想收傘,,點知個杯的膠膜裂的,,攪到我一身都係

一個字講哂....諗住dum得本開係銅鑼灣, 質素應該有保証叫左杯最基本既 珍珠奶茶試下但係估唔到一飲落口已經覺得水還水 奶還奶感覺好似飲緊 奶水+糖粒珍珠又未熟透咁硬骨骨, 趙都趙唔爛唔想浪費...所以死捱左細半杯 都頂唔順.....差

早幾日落開銅鑼灣又熱又口乾 諗住去椰汁大王點知就係對面見到呢間ONE MORE CUP鐘意珍珠奶茶既我當然唔放過珍珠奶茶做緊PROMOTE 10蚊同個FD買左兩杯 等既時間同旺角既幾間都差唔多拎到杯野喇..冇冰既-.-不過冇冰都有佢既好處 唔會太甜奶同茶味都平均 兩樣都出珍珠一般 較林身我覺得唔差架

從來都不會為小食而排隊的我, 首次被雜誌的介紹吸引, 來到此店排隊一試. 朋友說這些小吃店喜歡「放慢手腳刻意製造人龍」, 這次真的領教過了. 人多至極的時候, 收銀的女生還會問我有沒有$3零錢, 我說沒有她便叫我問問身邊的友人, 連零錢都不夠試問又如何當小食店? 可能是我對號入座吧! anyway, 店內"生au au" 的6位員工, 要不是刻意放慢手腳的話我只能說他們的工作效率實在極低, 要顧客在烈日當空街道擠迫的環境下呆等, 實在不難令人大感不滿!說回飲品的本身, 跟友人試了:1. 香芋榛果丁丁 (雜誌效應again) 2. 宇治金時除了大杯外, 實在沒有任何可取之處, 兩者也偏甜, 一人的話根本沒法好好喝光一杯, 完全沒有解渴之效。宇治金時內加入了不少紅豆, 但我會覺得任何一家茶餐廳的紅豆冰都比它好喝。唉!君不見港人十個有六個都遊過台北, 人家這些街頭飲品的水準之高, 價格之低大家心中有數, 只是香港一間間聲稱「由台灣引入/ 到台灣取經」的小店總是令人一次又一次地失望! 有心做的話, 怎麼店員連插飲管的技術也奇差? 全密封飲品的真諦是不用顧客「邊飲邊漏」,但我們當日買的兩杯都完全

天氣開始好熱,有日經過銅羅灣,見到有間新開的台式飲品店,呢排的台式飲品店大熱,所以决定又要試下呢間店。我叫咗杯香芋榛果丁丁嘩,好香的芋香味,再飲落下面加入的榛果丁丁,好有口感,又有焦糖味,又有榛子的味,同香芋奶茶好夾,超好味.........下次我一定要試他們的珍珠奶茶

近來被這些便宜又大杯的台式飲品吸引，前天才喝過旺角的貢茶，今天又抵不了誘惑試試再來一杯喝了一杯檸檬多多加蒟蒻選了去冰，因為本人不太喜好太冷的飲料但這杯去了冰的飲品依然超凍檸檬多多味道普通蒟蒻要加三元，但份量不多，有點失望然後想起昨天在貢茶喝的那杯寒天愛玉...喝到最後還是有東西嚼"再來一杯"試過便夠了，應該不會再光顧.

見雜誌介紹呢間獲有歐盟認證既濾水機同製冰機,冰既密度較高,溶化速度比一般既冰慢,延緩沖淡飲品既時間.香芋榛果丁丁係香芋奶加埋台灣入口既榛果丁丁(即係混合雲呢嗱同榛子味既椰果).店員一整好,個賣相同雜誌一樣,但係可能封口封得唔好(我見佢倒轉個杯,之後又撕開個封口直接將杯飲品倒落第二個杯度.之後再封口先俾我).所以到我手嗰杯係無哂d泡既.一拎上手d冰已經溶咗好多變得好細粒(又話無咁快溶既?!).香芋奶好稀無乜奶既質感,似香芋水多d.香芋味亦好淡.椰果只係食到甜味,食唔到榛子味....

　是咁的，話說我和朋友經過見到好多人係再來一杯出面排出面等。。。諗住試一試。。。叫左招牌珍珠奶茶店員好Polite咁同我地講要等十五分鐘，我當堂嚇左一嚇！但我本著一試的心態都堅持落去，諗住咁多人會ＯＫＡＹ最後廿分鐘先拎到，但。。。甜到。。。我飲左唔夠２０％就倒掉了...................大家一定要諗清楚先好試

The Tea is average The QQ is nice & FirmWe have been waiting for at least 15 mins for a drink. The staff at the shop is not train to get things done quick. If you have nothing to do, and you have the time to wait ...wait... & wait.... go for it.