六道茶檔 (已結業)

早餐通常都係去呢檔食燒賣同腸粉，因為鍾意佢啲豉油甜過隔兩檔，其實兩檔都無咩分別，早餐賣啲嘢差唔多，係個豉油味道唔同。腸粉質地有時候ok，有時候擺得太耐會軟爛少少。燒賣都係交貨貨色，正正常常咁。不過今朝見到阿姐一個人一腳踢又收錢，但又冇洗手就掂啲腸粉，同埋腸粉跌咗落塊綠色嘅布之後，佢執返起放返入個兜度。平日有兩個人，一個負責收錢倒豉油甜醬麻醬，一個負責剪腸粉，今日得一個人真係好慢。見到佢衛生意識咁低落後真係好難再想買。…查看更多

朝朝返工都會經過呢間開咗冇幾耐既鋪頭，今朝就決定排隊買份粉果、燒賣試下好唔好食，兩份加埋$21，豉油溝得幾好味，加埋辣椒油仲好食，整體來講都算唔錯，但朝頭早都幾多人排隊買早餐。…查看更多

每朝返工時都會經過呢條街，早排突然間一連幾間小小外賣店連續開左，呢間最早開既，經過親都大排長龍，心諗「咁趕時間返工都會有人肯排隊買野食既？」，又唔太望到佢餐牌，賣咩野食，對於我係一個迷？！哈哈。星期六既早上，可能就快新年啦好多人都開始放左假，經過只見到兩個人買緊野食，我終於望到賣咩喇，10蚊8粒燒賣，一於叫佢嚟試下啦。職員哥哥好快手，8粒就放好係杯喇，只要豉油，不要辣椒油（因為有少少唔舒服唔食辣啦今次）下次，下次大概可以架喇。燒賣唔多粉，幾香，豉油調得幾好。…查看更多