六本木茶房 (已結業)

被「下午茶$14.8起」的海報所吸引，我和朋友走進了The One 的六本木茶房。 後來我們才發覺現實與想像往往會有很大的距離... $14.8 的只是燉蛋，根本無法滿足胃口。 要選擇卅元以上的下午茶餐才 “有睇頭” ， 我們最終要了一份「2人前小食盛台」，但只有一杯飲品，惟有讓給朋友...這個小食盛台由四款食物組成： 蒜蓉包味道不錯，可惜只得一邊脆，而且並非“卜卜脆” 那種； 薯條油太多了； 串燒有兩款，應是雞肉及雞腎，味道間間都一樣，最重要是供應商，這間味道不錯； 炸雞新鮮出爐，外脆內暖，雖然未見多汁但仍很軟，外面灑了味粉，更見香口，不錯！原來六本木和 i square 的 Toi 是屬同一集團，餐牌也差不多，但職員的質素和工作氣氛卻截然不同，這裏的態度殷勤，不時斟水，清理枱上碗碟時還不忘說：「幫你收咗D 碟先，慢慢傾，一陣幫你抹乾淨張枱吓...」 多謝你的服務， Vicky Leung!

朋友係用餐3天前訂位，但餐廳電話實在太難打通，朋友打左5次先至可以訂到位，仲要係夜晚9點咁夜，食呢間團購真係辛苦。朋友要左10 安士七成熟的肉眼牛扒鐵板餐，我地傾多一陣計，塊牛扒好快就燶左。於是向侍應查詢，侍應好好，佢好有禮貎道歉，仲換過碟牛扒添!。更換後侍應仲好好服務，幫忙倒蒜茸醬係鐵板餐度，塊牛扒果然唔濃啦!。朋友話D牛扒都幾大塊，仲有D雜菜伴碟，唔駛咁肥膩，OK好味。而我唔食牛肉，所以就揀左大蝦雜扒鐵板餐，有1隻大蝦、2塊雞扒同雜菜伴碟。雞扒同蝦都好油膩，雖然有D菜係度好似解肥膩，心理上始終都係一個字 - 油。大蝦冇味，雞扒尚可接受，容易切開，配上蒜茸汁，咸味適中。雪糕係指定左o既黑芝麻宇治金時蕃薯，我都未試過杯雪糕一攞黎1分鐘內，掂都未掂過，D雪糕極度易熔，仲要熔到漏到杯外。我於是用9秒9速度，盡快食左D雪糕，食晒雪糕我先明白箇中原因。原來件蕃薯仲係熱，雪糕緊係熔啦!雪糕配蕃薯一齊食都OK，雪糕係vanilla味，配上蕃薯都算別有一番特色。我同朋友都一致認同咖啡、奶茶好滑、香濃，好creamy的感覺，同平時係餐廳飲開味道完全唔同。我最欣賞的莫過於杯奶茶。經過呢間餐廳門口D野食模

第一次不滿到要寫食評...今天相約了舊同事到尖沙咀食飯， 大家都没有特別想吃什麼， 純綷聚一聚兩人就謬謬然走到 THE ONE 揾落腳點!走到5樓， 有幾家餐館， 大部份都試過,唯獨六本木未賞過,盡管一試。餐廳的環境其實都ＯＫ，夠舒服寬躺。但以價錢來衡量食物的話，一點也不值。我倆試了三個菜及一個甜品：咖喱吉列豬扒飯　咖喱汁偏鹹，而且少。塊吉列豬扒有大片脂肪，而肉質部份太ＵＮ:chopstick鐡板和牛七成熟和牛扒份量都算多，但肉質同樣偏ｕｎ，尚算可以接受。蒜汁味度都幾香濃，但都偏鹹，用來送飯會好ｄ。牛油果沙律氣僨，所謂牛油果沙律，牛油果數目不多於五件，少得可憐，其餘的只有生菜。黑芝麻宇治金時蕃薯這是唯一比較讚，雪糕下的蕃薯好好味，可以自己本身都比較愛吃蕃薯，估唔到雪糕跟蕃薯的甜味都夾得來，而且蕃薯好溶，正！這個值得推介。

今日去咗間食日本野的餐廳 (The One ) D野食開頭尼到個樣好似好靚仔，但係食落就有D失望個鐡板雞只得5粒仔個飯又勁硬，就連個最普通的雪糕甜品都唔好食，個蕃薯又冇味，雪糕又勁甜，下次團購都要睇清楚先…

係the one睇左戲之後就去搵食，見無人排隊就試下。服務好mk，有一下真係懷疑自己係邊!落單個小姐是無反應的!我個拉麵好似叫麻辣豬肉麵，其實味道是可以的，不過太重鹼水味！男友叫個咩帶子冷麵，除了帶子好似個一毫子咁大之外，OK；不過等左足足廿分鐘！不過，要注意既係呢間野份量，係少到無朋友的!不算大食的我，飲埋d湯都係唔飽!最終仲要買其他野食!

一大班朋友仔在TST聚會, 晚飯後商討在哪吃甜品, 最後來到THE ONE這間, 看到沒有太多人還OK...但因為我們多人關係都等了一陣...原來如果在這晚餐可以用$8換一款甜品, 真是抵好多, 不過我們已吃了飯, 所以只叫DESSERTS~其實我唔太知什麼是"雨寒天", 覺得幾得意就叫了, 個人喜歡吃芝麻味雪糕!! 芝麻味很濃, 軟雪糕意想不到的幾滑~~還有其他裝飾配料蠻豐富的, 而"雨寒天"就是一些JELLY狀好似粉的透明東東, 都幾得意, 幾有彈牙感!!

今日我同朋友一齊4個人去The ONE睇完戲加埋去食 luch由於時間緊迫我地見到無咩人所以入去我原本已經有次想試le間食肆心想應該不錯點知服務員的態度極差其實我都明白唔駛加1服務可以一般但由落單開始服務員的態度好有問題朋友未食完就收走個餐之後就好似催你食咁站在旁邊一食完一樣就收野我地最後叫餐飲la因為等左好內所以催單然後那位待應小姐竟然好大力咁放低我們4的野飲我地終於忍無可忍就要求解釋但那些職員不但用藉口說是不小心道歉還有”lor”我不認為他們尊重客人雖然食物不錯,而且價錢不貴但服務太差了!!!

昨天和朋友3點左右在這餐廳食午飯, 除了個女侍應生好似啞的, 點餐時只發出「吾」「吾」聲回應(最後漏了單)和加水時只以手勢示意外，最離譜的可以說是貨不對版，點了「冰牛奶紅茶」，來的是一杯好苦的有冰有加奶的紅茶，在日本餐廳叫做「冰牛奶紅茶」的應該是以牛奶做成冰加在紅茶內的，最後漏了單的漢堡咖啡飯的漢堡扒更只是有一點暖，好似只是用微波爐「叮」過，水準不能接受。如其老闆看到此食評的話，我的單號是44482，可讓你跟進。

同朋友去尖沙咀行街, 行到THE ONE看看有什麼好食見到這間六本木茶房, 在門口看過餐牌, 感覺好像不錯, 所以就試試兩位朋友都點了炸豬扒便當...其中有一位朋友一打開便當, 便看到有一條頭髮, 於是叫待應來換待應態度都好好, 講唔好意思之後, 馬上再造一個便當...但可惜...這個便當...兩位朋友都說, 蛋好咸, 豬扒都咸而且有油益味....很免強地吃.....而我點了, 蟹肉蟹子蟹糕拉面...(忘記拍照)嘩!!!!利害... 面仍是面餅, 要自己整散佢, 而且傳來陣陣鹼水味....鹼水味拉面還是第一次食到....應該以後都不會再幫襯!!!

商場裡有很多選擇, 試過的亦不少, 但總是沒有試過這裡, 事關聽聞的都不是好評, 今天與朋友都是終於一試, 親身一評!由於位於樓層不高位置, 大玻璃外只是對面樓景, 將對面樓宇裡的人看得清清楚楚... 內裡裝修還可以, 卡位舒適, 但窄長的餐廰形狀不討好, 感覺一般蕃茄硬, 湯不太濃只有少許茄味, 牛肋不多, 拉麵質地可以, 但整碗麵味道不突出, 可以不點!蓋一打開, 濃烈的腥味已搶著飄至, 很難想像鰻魚的味道會怎樣... 結果真是有點過分的腥味, 鰻魚的量非常少, 少得可憐, 滑蛋及洋蔥等就較多, 飯質算鬆軟, 整體亦是可以不點!等了又等, 差不多吃完其他兩款食物在催促之後, 這拼盤終於出場, 幸好賣相可以, 內裡有雞及牛沙嗲串, 炸魚塊, 薯角, 炸雞件等.... 沙嗲是還可以的, 但其他的不是有腥味便是太硬, 真的麻麻.....這餐店真的需要努力努力, 否則附近會很快落後啊....!

行行下The ONE想食野, 千揀萬揀就比呢間野吸引左(始終想食日式菜)店既環境都係一貫雅致既設計,不錯呢個拉麵係絕對地同餐牌既感覺唔同,因為餐牌係好靚好大隻感覺好新鮮,但真實既呢碗麵只係好細粒又唔鮮味拉麵既麵質良好選擇了醬油湯底, 但其實冇咩味道可言呢個拉麵就係一聽就覺得好吸引既!不過又係失望的...蟹肉、蟹糕、蟹子都係少量到不得了...反而蟹柳就最大塊...湯底都係冇咩味....呢2個拉麵比我既感覺係呢間野外表同內在完全不一....五十幾六十蚊個拉麵真係買環境(雖然都唔係好靚)食完拉麵見到佢有promotion話可以加$16.8有個原價$30-50既甜品就緊係試下啦好既地方係佢整得都算好味, 差既地方就係...餐牌好大份但事實好細 - -"***總結：其實講環境服務都可以，但不喜歡呢間野餐牌同現實相差得太遠，又唔係好味，唔划算

星期六下午食完Lunch, 2個朋友又想Hea同食甜品, 見門口menu好似好多dessert 咁, 就決定入去, 我叫o左焦糖玉子, 朋友叫了抹茶聖代和芒果聖代......等了15分鐘, 我的焦糖玉子到了, 試了一啖.......裡面竟是水水的........再等了15分鐘, 芒果聖代來了.........朋友的芒果聖代吃了一半, 我的焦糖玉子也吃完了.......抹茶聖代先至來到, 唔明雪糕唔使煮, 點解可以咁耐先到......聖代們樣似幾好, 但係朋友們話雪糕下面o的汁.....好水, 好似係自己用粉加水開成咁.........總括黎講, $49元一個聖代仲要加10%service charge, 味道真係唔值

走進THE ONE, 見開了這家日式茶房,就走進去了.打開餐牌甜品區, 有很多選擇嘛~還有些奇怪的都沒看過~不過這個時間要冒險就免了, 還是點回比較穩陣的款式吧.另一半點了個巧克力刨冰巧克力醬是另上的, 不錯. 底層就是沒味的冰, 中間有些香蕉, 最頂當然有個雪尼拿軟雪糕了. 很豐富什麼都有的一個甜點.吃了一口巧克力醬, 不行.....是那種便宜強國味道的巧克力, 而且很稀....很少有那麼簡單的刨冰都做到不好吃.我點的是最普通的巧克力聖代.普普通通, 起碼比刨冰好吃.試了甜品, 我想試主菜的機會也就免了.

朋友見門前櫃窗放o既雪糕樣品好吸引…心思思想試!!...就行動啦!!周日下午茶時份…人客稀疏, 沿窗邊一排卡座都有空著的…正好啊!!...即埋位!...裝潢有時代感又色彩耀目…選用藍色o既檯面最為獨特; 雖然靠窗坐但冇乜景色o既, 望出只係對住大幢灰灰o既樓房, 不過自然光充裕終究會感覺開揚…甜品餐牌主要有燒蕃薯軟雪糕系列, 其次係各式雪糕新地同刨冰之類…就點佢地o既主打甜品啦!!... 燒蕃薯軟雪糕系列約有8-10款不同口味…做法係底層坐著熱蕃薯, 上面放軟雪糕, topping就選自己喜歡o既配搭…上桌首先覺得係幾奀小一客 (註: 人上鏡肥10磅…雪糕都係!!...所以睇相吾準繩!)…燒蕃薯金時芝麻 ($43.8)…係”人氣”之選!! 普通軟雪糕, 吾算特別香滑或者奶味濃, 伴以紅豆茸, 面頭澆上黑芝麻醬…紅豆茸跟甜蕃薯幾對味, 反而黑芝麻吾多帶到作用!!燒蕃薯金時 ($39.8)…哩個本來只應有紅豆的但主理人就”多手”澆上綠茶醬?!...變左”宇冶金時”呢!!燒蕃薯朱古力杏片 ($39.8)…如果食同類型甜品…價錢亦相若…我會去番<麻布茶房>…好似有睇頭D~

當道道都要等位的時候, 這間北海道米比薩的姐妹店叫六本木茶坊不用等位, 便入去一試.........因為唔想坐窗口位便坐了入點的位置~三個人坐了在四人枱, 由於無咩人, 所以好似坐了在十人枱咁~^ ^我order了牛油北海道帶子烏冬~無咩湯底可言, 好似是牛油加蛋咁~帶子有幾粒有雪味, 有兩粒連殼的, 不過都是唔多好味~朋友們order了豬軟骨拉麵同辣牛肉烏冬~拉麵轉烏冬要加錢........唔太抵食~見佢地都不是食得好開心, 可能真的好一般la~連餐可選餃子或雞腿, 大家都是女仔, 所以全部選了餃子~同其他店的無分別~連餐有餐飲, order了兩杯奶茶、一杯咖啡.........一般la~不過要自己溝的那種, 可以打發下時間, 同朋友仔傾耐d~總括, 都坐的好舒服, 服務都幾好, 食物好一般, 同朋友傾下野一流~