六和冰室

營業中

休息中

午飯時間，趕住去超市買嘢，又要準時返到公司，所以搵間茶餐廳食晏應該係最快. 第一次嚟六和，餐廳面積都幾大，坐低即叫午市套餐：沙薑雞飯. 侍應姐姐好快手送上免費的中式湯（節瓜豬骨湯），跟住熱飲，跟住雞飯出場，一個字，快. 食物味道是平常茶餐廳的水準，合格. 侍應友善有禮貌.

噚日（1-1-2025 Wed）晏起身，咁同老公落荃灣買餸前食晏啦，去邊間食？荃豐呢喥其中一間啦，行到嚟，見到有鮮蘋果焗厚豬扒好吸引，就嚟呢間啦。入到去啱啱有兩張卡位，女侍應示意我哋坐窗口嗰張，我哋睇完menu，就要：1. 套餐送嘅中湯應該係菜乾湯，味道清清，唔覺有味精，唔錯。5分3. 熱奶茶熱奶茶茶味有少少澀，口感係滑。2.9分5. 加3.00嘅凍檸茶少甜老公飲嘅，味道似四洲或午後紅檸檬茶咁，甜中帶澀，唔錯。4.5分4. $63.00嘅招牌酸菜魚飯老公食咗先 我問佢辣唔辣？佢答係少辣，好味，我輕試一件魚片，由於我夾面嗰件，所以唔辣，而口感係滑。老公食到底，當然有酸菜，而原來都有萵笋同白蘿蔔，白蘿蔔酸酸甜甜幾好味。5分2. $55.00嘅鮮蘋果焗厚豬扒意豬扒唔算好厚，口感較嚡味道就係酸酸地，意粉都正常冇問題。2.8分抵食係2.7分上次食評係2024年7月1日刊登嘅呢篇：https://www.openrice.com/zh/hongkong/review/%E6%99%AE%E9%80%9A-e4876106

上次我sports day去，，佢服務完全唔掂⋯直頭係差tim呀！我12點2去到，落餐，一直等，，等到12點10先有得食..0係我等既時間，佢d待應係勁得閒，係咁吹水….真係火都黎埋囉…

早上出來荃灣辦事，還未吃早餐，在這中心樓下找到這餐廳，於是入去吃份早餐。餐牌寫著醒晨早餐，款式不是十分多，港式早餐不外是麵、蛋、肉、面包跟餐飲。我就要了一份大多數茶餐廳都有的，配北海道3.6牛乳滑蛋，丹麥多士。早餐到，鮑魚火腿通粉，材料已切絲，通粉不硬不軟，口感剛好，湯底味道濃郁，炒蛋香香滑滑，吃時仍有蛋液滲出來。已塗上牛油的丹麥多士烘得鬆脆好吃。包邊脆脆，包心軟熟，有了這塊多士令整份早餐變得不普通。平時惠顧的茶餐廳只供應牛油多士或牛油餐包，用丹麥多士不常見。餐飲要了熱奶茶，茶順滑，茶味濃郁好飲。地道的港式奶茶應有的口感。雖然都是傳統的港式早餐，不過我覺得這間做得好吃，而且只是38元，不貴，吃完即時醒晨了。

【荃灣區】【六和冰室】自己都知自己性格上一直都好吸啲叔叔伯伯，國際通用，偏偏就唔係吸後生女，真係吹漲。今日又係被個叔父輩同事細豬哥約出嚟食飯吹水，次次都係咁。其實我個人最想嘅，當然係可以同女同事食飯，可惜時不利兮，唉。有時都幾慨歎於自己嘅內在同外在都完全無辦法吸引其他人，咁樣講其實幾灰。換個角度諗，吸引到啲叔叔伯伯都起碼 R 到水吹先，就好似今次特登走到入荃灣陪同事下午茶，都證明自己有人約先，雖然只係約去茶餐廳吹水。我就食 $55 嘅常餐「香煎牛扒公仔麵」，佢特別嘅位係配菜係「櫻花蝦炒蛋」同「牛油丹麥多士」，食落都有啲特別，同平時就咁食牛乳炒蛋比就約略多咗些少鮮味咁，幾得意。嘢飲我加 $3 飲「凍檸茶」走甜，味道係正常嘅。而細豬哥就叫 $54 嘅下午茶「公司三文治」，佢食唔晒畀咗件我食，質素唔差但價錢有啲貴，唔似下午茶公司治價錢。佢都係飲凍飲，加 $3 飲「凍奶茶」少少甜，見佢都飲晒應該唔差。張單佢攞咗去，埋單我係唔知幾錢嘅。。。（地址：荃灣青山公路144-172號荃豐中心地下A80-84號舖）#1amfoodie #foodie #hkfoodie #thatfoodiething

11-6-2023 (Sun)朝,我先嚟呢間邊等位邊等老公嘅教會祟拜結束過嚟食早餐,由於唔趕,我就等卡位啦,點知有卡位嘅時間快過老公到嚟,咁我坐住等同睇menu,睇完同決定咗後,老公就到嚟.我哋要咗:3. $37.00嘅櫻花蝦雪菜肉絲米配火腿炒蛋同牛油丹麥多士呢個老公食嘅,見到肉絲同櫻花蝦份量好少,米粉係鬈曲嘅,我試吓,米粉係爽口,食到雪菜有微辣,呢個普通.1. $45.00嘅西式早餐要雞扒配德國腸,炒蛋同牛油丹麥多士.睇見有一兜仔汁,我先食德國腸,係白烚,只食佢原味,蘸佢唔知咩汁食吓,味道有啲怪.炒蛋係全熟,只係上面淋蛋汁,呢個正常冇問題.大大件雞扒係煎得脆,亦好夠鹹.我件牛油丹麥多士好得意,成pat牛油冇熔到,老公嗰件就磚和咗.咁就影響咗口感同味道,呢個正常呢.2. 熱奶茶我冇落糖飲,順滑,茶味唔太濃亦唔澀.4. 加$3.00要凍檸水老公飲,我冇飲到.味道係3.17分環境:坐喺門口嘅卡位,冷氣唔多夠.抵食係2.7 分