六両三 (鉅利大廈) (已結業)

今日陪屋企人黎附近面試，順便食埋晚飯，見到呢見台灣小店幾有味道。*半筋半肉麵*餐廳用QR Code落單，紅燒湯底可以自選濃度，濃啲淡啲都有得揀，牛筋好軟好入味，而且份量足。麵條揀左粗麵，好有手工製作嘅感覺，每條粗幼不一，有勁度有咬口，唔錯。*鹵肉燙菜*比起一般嘅油菜多咗醬油嘅鹹甜香味，仲有肉香，比一般油菜好味好多。*皮蛋豆腐*夏天食呢一個涼拌小菜，非常開胃，豆腐凍冰冰，加上醬油膏嘅味道，好似食緊豆腐花咁滑。熱薑母茶 (餐飲+$8)薑母茶一上枱，已經聞到好香嘅薑味，辣度同甜度啱啱好，唔會太濃，好易入口！熱飲黎講 呢杯薑母茶份量都唔算少架！

好耐冇食過正宗嘅台式牛肉麵，今晚喺朋友嘅推薦下，嚟咗天后地鐵站附近嘅呢一間台式料理餐廳<六両三>，試過之後，果然充滿驚喜!!~整間餐廳都用上木紋嘅佈置裝飾來設計，充滿台灣地道嘅風味。呢度仲播住台灣歌星嘅流行曲，雖然一直有人客但唔會覺得好逼好嘈，坐得好舒服，感覺非常休閒寫意。<紅燒牛肋肉麵 $82>呢度嘅紅燒牛肋肉湯麵做得非常之出色，滿滿一大碗，見到已經流口水，佢哋嘅牛肋肉炆得非常之入味，而且牛肋肉嘅肉質又軟又腍。呢度仲可以按照個人的喜好，選擇台灣粗麵或者幼麵，非常細心，而我就揀咗台式粗麵，麵質入口彈牙軟熟，非常好食。<百頁豆腐 跟餐加$8 >跟餐只需要加八蚊就可以食到呢道嘅台式百頁豆腐，呢度嘅百頁豆腐非常之大件，共有兩件，入口彈牙，又軟又滑，配有濃厚嘅酸甜醬汁，非常好味。<蕃茄炸墨汁墨魚扒麵 $83>蕃茄湯底配台式粗麵，呢個蕃茄湯底做得非常之濃郁，同台式粗麵配搭得非常之合襯，佢哋個墨汁墨魚扒做得非常之出色，外面炸得非常香脆，咬落去有粒粒大大粒嘅墨魚肉，口感層次非常豐富。<鹹酥雞 $38>鹹酥雞以醬料醃漬入味

路過見到呢間台式食店個名幾得意，望到門口嘅餐牌啱食，又唔使等位，就入去試吓牛三寶拼盤 $98牛筋丶牛鍵丶牛肋條，睇落好似細碟，但每款幾件，其實都唔少，其中最鍾意牛筋，較軟腍入味蕃茄紅燒湯墨汁墨魚扒麵 $83麻辣鴨血豆腐 +$18鍾意食墨魚嘅朋友，應該會覺得呢款墨汁墨魚扒好味，酥脆鹽酥外層，彈牙墨魚粒粒蜂蜜咸金桔 $20掃code落單，本身冇得選擇少冰少甜，但係可以喺備注嗰度寫，而男店員亦有配合要求，good呀！胚芽珍珠奶茶 $29胚芽珍珠佔咗 1/4杯，奶茶底可以揀只要烏龍茶/茉莉茶，可以自選啱自己口味嘅配搭荔液滿白峰 +$28芋圓丶仙草丶雪糕丶荔枝爆爆珠，好耐無食過呢款台式爆爆珠，仲要係荔枝味，略嫌太甜

滷肉飯便當 $65呢個滷肉飯便當真係物超所值，$65有一碟滷肉飯同埋配菜，飯饒實在，滷肉咸香多汁，每一口都係滿足感。配菜仲有啲清脆，真係平衡咗整體口感，值得一試。☺️❤️麻辣乾拌麵 $48 (+涼拌小黄瓜 +$12、+加溏心蛋 +$8)：呢碗麻辣乾拌麵真係夠味夠辣！加咗涼拌小黄瓜同溏心蛋，仲更加豐富味道🤩麵條夠彈牙，麻辣醬香辣濃郁，加上涼拌小黄瓜爽脆，配合啲蛋黃流出嘅滋味，真係一種享受💖炸澎湖花枝丸 $35：呢款炸花枝丸外脆內嫩，油炸得啱啱好，唔會太油膩。荔枝滿白峰 $46：清甜又爽口嘅甜品。兩種味道嘅結合真係好開胃😻食咗之後心情都會變得甜甜地

知道六両三係天后開左分店，專誠黎試下～因為試過尖沙咀嘅分店覺得唔錯！喺呢度嘅裝修好有特色，好有台灣嘅感覺。我就叫咗好多小食，同埋不可錯過既牛肉麵。呢度嘅牛肉麵主打清甜嘅湯底，冇咩味精，我今次就叫做個三寶牛肉麵。裏面有牛腩牛筋牛肋條，全部都煮得好淋好入味，而且份量都唔了少。牛肉麵嘅質感亦都唔錯，加上清甜嘅湯底，成個口感食落唔油膩幾清爽。唔少得有其他小食，我叫咗鹽酥雞 甜不辣 香腸 青菜🥬各款都非常之好食🤤青菜再配上滷肉汁，特別好味，可惜眼闊肚窄，如果唔係仲想食多一會滷肉飯！而且呢度仲有甜品食-荔枝蜜仙草荔枝球芋圓香草冰淇淋，呢個都幾有驚喜，係未食過嘅配搭，非常清咁新啊～！

六両三既尖沙嘴店一直都係我既食堂🩷 最招牌既紅燒牛肉麵湯底濃郁得黎主打唔加味精真係好加分🥰 宜家新店開到過黎香港島 店舖闊落左之餘仲多了唔少新菜色🎨全部口味都好正宗道地添⭐️ 三寶牛肉麵 🐮呢款係我每次都會必點嘅😍 紅燒既湯頭香得黎好清因為無加味精🌱 有牛腱牛筋同牛肋條🥩 入口真係炆得超淋😋 帶輕微既藥材香又唔會太苦⭐️ 古早味厚切排骨便當 🍱排骨炸得酥脆但係唔會乾🥓咬落去仲係好Juicy 值得一讚嘅係配菜好豐富好有地道小店既感覺🇹🇼⭐️ 鹽酥雞 🍗⭐️ 炸澎湖花枝丸 🐙兩味小食都好正宗🏮鹽酥雞調味香口得黎配上九層塔🌿有種獨特既香味 花枝丸真係食到一粒粒花枝肉入口好Q彈 🌊⭐️ 麻辣鴨血豆腐 🦆麻辣味恰到好處唔會過重🌶️ 好懷念台式麻辣鍋嘅風味呀🥹 鴨血同豆腐索曬湯汁好香⭐️ 桂蜜躺雪山 🏔️仙草配上紅豆同芋圓口感QQ好豐富🍡 芋圓都有質素有芋味🍠 特別在桂花蜜淡淡的花香提升了甜品的層次🌼⭐️ 薑母茶 🫚⭐️ 冬瓜茶 🧋兩杯飲品的味道都偏甜😅 但係口味都好天然好有古早味既感覺👵🏻、

聽過呢間餐廳個名 終於有機會嚟食！餐廳佈置好靚滷肉飯($32)細細碗 好抵食睇相已經見到面頭好多肉啲肉好林又多汁 完全唔會柴 又滷得好好食 平平地係好好嘅選擇！加咗個滷蛋 好香呢度出名紅燒牛肉麵 果然名不虛傳個湯濃淡適中 唔會太咸我地叫咗半筋半肉幼麵($90)啲牛肉都好林加咗百頁豆腐 好好味滷肉燙青菜($28) 好大份啲菜係就咁烚嘅 面頭淋返啲滷肉汁 健康得嚟又唔會太寡鹹酥雞($38) 好香口 有肉汁同埋林 好食炸澎湖花枝丸($35)好有驚喜！又大粒又多汁 入面仲好多墨魚肉真係好值得試！最後食個甜品 所有嘢唔會太甜 好味尤其係個雪糕又大球又好食

餐廳裝修都幾有台灣風味，牆上仲會有壁畫裝飾。menu 台式便當、湯麵、撈麵同小食等等都有。炸墨汁墨魚扒便當墨汁墨魚扒喺其他台式嘅餐廳都唔係度度都有，墨魚扒口感彈牙，墨魚味濃郁，外邊嘅炸粉亦都唔厚。便當仲會有椰菜，芽菜，香腸等等配料。佢嘅椰菜都落咗類似蝦醬落去炒，好有誠意，值得一讚。阿宏蔥油拌麵＋滷蛋天氣太熱嘅話，可以試吓拌麵，面上邊有大量嘅蔥油，佢同香港嘅蔥油有少少分別，佢係用原條嘅香蔥配上醬油，又幾特別，己有台式風味，拌麵口感亦佳，軟硬適中，另外可以自己加配台式小食。甜不辣、百頁豆腐 、涼拌麻辣牛展頭、台灣香腸個人最推介係涼拌麻辣牛腱頭，佢帶有微微嘅辣，辣度同香料味適中，亦入味，唔食得辣嘅朋友都可以食，入邊嘅牛筋整到好似啫喱咁。桂蜜躺雪山佢一碗嘅份量都幾多，冰涼嘅仙草凍上邊，配上清香嘅桂花味，消暑又好食。而芋圓、地瓜圓都唔差喎，口感Q彈。胚芽珍珠奶茶 （凍•少少冰•3分甜）奶茶有胚芽既麥香，珍珠就正常，佢呢個好就可以揀甜度同冰度。荔枝蘆薈烏龍呢個無得簡甜度同埋冰量，但整體茶味都算濃郁，亦唔會太甜。

台式小店「六両三」以性價比高成功吸引到大批粉絲，好開心佢哋終於開到黎港𡷊啦，我又多個糧尾選擇。即點即炸👉🏻澎湖炸花枝丸灑上小許華鹽，裡面啖啖墨魚粒，咬落彈牙又香又惹味。滷肉燙青菜$28油麥菜青綠入口爽脆，加上滷肉和滷水汁取代𧐢油，不咸，份量足。蕃茄紅燒炸花枝蝦扒麵首先蕃茄湯底超甜，酸甜適中，味道清新，麵質有靭性，吾會浸得耐而變淋。薄身炸花枝蝦扒，內藏彈蝦肉，真材實料，炸得乾爽，不出油，啖啖肉，好味！紅燒三寶湯80牛𦟌、牛跟、牛肋條，全部都超入味，又夠稔；最愛膠原滿滿的牛跟，食完咀仔都黏住，推薦！泡沫紅茶20白桃烏龍22 好抵食兩個人食咁多嘢都唔使三舊。

匆匆回港，三个孤儿沒有住家饭吃，只有街里随处荡。偶然走进这台灣小店~六两三，很樸素的装修，却客似云来。我们已饿透了，点点麵条和小吃，很久沒吃过这么窝心的一份台灣半筋半牛麵，一口浓汤，全是精熬细煮，绝无添加，$88/碗，绝对物超所值，筋已酥，肉细挑，入口溶，滷味浓。看看两个小朋友点的蕃茄湯麵，充滿维生素C，猪頸肉脆，牛筋丸韌，好用心煮麵的小妹妹，做到一份地道口味。他家的盐酥鸡，不会过咸，也是特色。茶饮也是手打，而非毫无茶味，反正这次随缘而至，下次必专诚再去！

六両三，位於天后水星街，距離天后地鐵站幾分鐘路程，算是區內少數正宗台式料理。餐廳佈置簡單，牆上大壁畫與店內播的台灣音樂，感覺舒適。台式半筋半肉粗麵，湯底味道適中，濃而不膩，牛肉用傳統牛𦟌，肉味香濃有咬口，牛筋入口即溶。餐廳台式小食選擇多，台式香腸，甜不辣，鹽酥雞，炸花枝蝦扒等等。其中炸花枝蝦扒真材實料，外皮酥脆內裡彈牙。台式甜品有茘枝滿白峰，份量十足材料豐富，台式芋圓仙草雲呢拿雪糕，再加上茘枝味爆珠，甜品口感味道多重享受。

Happy Friday去左天后嘅一間台灣菜-六両三食晚飯。見呢間餐廳網上評價唔錯，所以都有d期待。餐廳環境乾乾淨淨，兩邊卡位，坐得好舒服。落單用QRcode，需要嘅話都有實體menu。食物叫左紅燒三寶麵，三寶分別係牛腱，牛肋條 同 牛筋。麵揀左粗麵，粗/幼麵，湯底濃淡等等都可以喺落單到慢慢揀埋，幾方便。紅燒三寶麵，最正係個湯底，非常濃郁，飲落順口，仲有陣陣香味。 粗麵麵底厚身，有咬口，份量都幾多。牛腱切得薄但唔會乾，結實得黎肉質夠嫰。牛肋條大件，炆得好入味牛筋夠諗~而且湯麵配左少少油麥菜，新鮮爽脆，望落擺盤都靚d！跟麵加配左百頁豆腐。百頁豆腐 配台式甜辣醬豆腐軟綿綿得黎有d彈牙口感，食落甜辣甜辣，好有街頭小食風味。飲品揀左無糖烏龍茶，濃度得宜，少少冰，陣陣涼意~仲加配埋甜品 桂蜜躺雪山，桂花蜜配雪糕，芋圓，仙草，紅豆。桂花蜜清新香甜，入口舒服，雪糕好香牛奶香味。仙草挺身，搭配紅豆有口感。芋圓煙韌。甜品份量都多，兩個人Share 比較適合！

#隱世地道，台灣料理呢一間六兩三，佢之前經過佢話佢啲壁畫好得意，想入嚟試吓，今次終於有機會啦！一坐低唔使講，一定係叫咗杯牙珍珠奶茶先啦！而我就梗係杞子，桂花蜜啦！全程用QR code自助落單非常方便！食台灣嘢，梗係要叫佢哋嘅小食啦，叫到成枱滿滿😍今次我哋就叫咗皮蛋豆腐 ～必食，好味到停唔到口滷肉燙青菜～青菜，上面淋上滷肉汁，好夠味蕃茄紅燒豬頸肉麵（幼麵）好多新鮮蕃茄加上嫩滑嘅幼麵，好清新豬頸肉真係燒得好好好入味，份量有十足👍台灣牛肉麵最出名㗎喇，我哋仲要食埋三寶添，而呢度嘅麵餐都可以任意加上各款小食，最啱我哋呢啲，咩都想試吓，但又驚食唔晒嘅人🤣🤣店裏面有一張好特別嘅poster，就係教大家點樣去食紅燒牛肉麵嘅正確方法～原來首先係要飲一啖湯，再試吓面條，然後在品嚐牛肉嘅味道，之後可以再加上秘製辣醬及黑醋調味！嘩，我今次嚟到又學到嘢啦！紅燒三寶牛肉麵～湯頭非常之有牛味，變質爽滑，一塊塊嘅牛肉晶瑩剔透，一啲都唔韌，牛筋大大件，滑脫脫入口即溶，超正👍＋溏心蛋 ～真係有糖心㗎＋白頁豆腐 ～滷水味濃＋涼拌小黄瓜 ～酸酸辣辣好醒胃+凉拌麻辣牛展頭 ～喜愛麻辣嘅必食，回味無窮🤩＋台灣香腸～好有風味最後

經過天后，見到呢間台式小店，坐位都幾舒適，又有小食又有牛肉麵，仲有芋圓，珍珠奶茶，大熱天時，真係要坐低，食下小食(小食有驚喜)好嘆呀！炸澎湖花枝丸入邊食到啖啖墨魚，絕不馬虎！炸黃金地瓜條平時食開炸薯條，今次試吓炸番薯，甜甜地又幾好食喎！鹹酥雞脆香雞，雞鮮嫩，外面脆卜卜。荔液滿白峰好鍾意呢個甜品，食完熱氣嘢再食呢個甜品，有燒仙草，可以解下熱氣。荔枝蜜，荔枝波波（咬落去有啲荔枝汁）仲有芋圓、雲呢拿雪糕，完美配搭。杞子桂花蜜好香桂花味，加埋杞子，夠滋潤！黑糖珍珠奶茶珍珠好煙韌，甜甜地，奶茶味香濃！

人氣台灣菜開到黎天后喇，六両三喺尖沙咀系第一間店，其後觀塘同天后都有分店，最近我就天后店，近近哋就去咗幫襯。人流比想像中多，食食吓一路有人keep住入黎。滷甜不辣真系好傳統嘅台灣菜式，咬落煙煙韌韌，表面灑滿梅子粉香甜滋味。炸花枝扒配蕃茄湯麵🍅炸花枝扒裡面墨魚膠打得尚算結實，食到一粒粒花枝丸粒好爽口🦑蕃茄湯麵濃郁，好多蕃茄蓉，啖啖食到清甜蕃茄湯底。牛肉麵系我每次去食台灣菜都食嘅菜式，湯底充滿藥材味，亦未至於好苦。牛𦟌片片薄片口感軟稔，牛肉味香濃。牛肉麵系台灣麵使用，好有嚼勁。飲品揀咗小黑糖珍珠奶茶同埋胚芽奶茶，珍珠粒粒重黑糖味🤎煙煙韌韌。胚芽奶茶啲胚芽幾多，牛奶滑溜，茶底香濃。