八爪魚 (已結業)

中學嘅時候喺附近讀書，今日重遊舊地💖🌸去返以前成日食嘅餐廳八爪魚食lunch。以前八爪魚主打米線同扒飯，酸辣米線同紅薯粉比較出名✨咁多年後都繼續係差唔多嘅款式。想食少少飯就叫咗個雞扒餐，有生菜腸仔煎蛋同雞扒，雞扒份量剛好，稍嫌有啲鞋，正正常常咁啦😂不過，最神奇係叫咗沙嗲汁，え～啲汁呢！？啲汁係完全冇味😂😂😂只係淋咗喺飯上面令到個飯有啲色水，除此之外，冇啦😂個陣式就幾靚啦，可惜味道真係好一般。都冇計啦，做開街坊生意，如果真係講味道嘅話，幾年前都應該唔喺到嚕🤪

再得我寫，我以為自己係打手。。 其實啲餸菜都係家常小菜， 不過山景商場有日常小菜可以食嘅地方真係買少見少。 飯同餸都好夠份量啱曬我啲大胃王食，哈哈。翠玉瓜炒雞柳次次黎食都冇得輸，唔會難食。例湯唔係味精水，雪梨雪耳仲有蠔仔。

其實食過兩三次都覺得佢啲質素唔差得過大集團。 價錢經濟實惠等於一般茶餐廳 午市價錢。 不過有讚有彈， 就係 餐廳人多有十幾個客嘅時候 出菜就會好慢😂😂。 我上次等咗15分鐘先有得食

米飯係放多左水，變左一patpat, 但炒野有鑊氣，翠肉瓜雞柳可口，煙un有咬口，翠肉瓜正常，雖然我覺得角切會保番菜汁。樓面1個呀姐踢哂腳，所以唔好預有咩服務囉！

八爪魚重開時，吃過一次早餐，觀感麻麻。這天晚上接寶貝放學，巧遇另一位家長，反正大家都不打算煮晚飯，就一起吃個飯才回家吧。小朋友們提出來這裡。我本來是有意見的，但看著兩位有點累的小孩，也不好意思說甚麼。但想不到，伏已中。之前食評也有說過，晚市除了蒸魚外，就是相對邨內其他茶記比較便宜的「家常小菜」，三十多元有交易。於是，我們就著小朋友口味，叫了一個鮮茄豆腐、一個咸蛋蒸肉餅和一客叉燒炒蛋，好像接近一百元埋單吧。侍應態度一般。食物也以光速的上桌，沒有拍照。食物的份量基本上只適宜一人享用，除非二人都極「細食」，或者是用來「求其買返屋企加餸」。不過以加餸的標準而言，只有咸蛋蒸肉餅較為正常，其餘兩道，熱度不足之外，給我感覺是求求其其炒出黎比人，我諗我自己煮重做得好過佢。再者，兩者都是淡而無味。唉，真的完全沒有再訪誘因呀。

2017/2/1 0745, 入去食早餐，店員明明見到你都過黎寫野。我唯有叫佢，叫左佢3次！佢先捨得過黎寫野，仲要係問完又問，唔識字咁！終於寫完野又去落單，遲4分鐘我入黎果個，就仆到去落單！點知轉頭又話無通粉又無米粉！啲野黎左又超難食，成35蚊個早餐！杯奶茶又難飲！食物有洗潔味！

自從裝修後，今日第一次去買外賣早餐。買左2個餐80蚊。價錢唔係重點。重點係個包裝！門口都未出兩杯飲品已爛左。佢地非常好，俾返兩杯新嘅我。但返到屋企一打開。就見到上面碗麵有半碗跌左落下面碗麵到。再黎就係我叫沙嗲牛肉雙腸麵，佢得2條腸冇左牛肉味道亦冇以前咁好。失望！

住在山景一段時間，經常都路過八爪魚，但過門而不入。只知它以薯粉米線作主打，晚市有些蒸餸套餐。然後，前一陣子，掛上店內裝修的通知。過了大半個月，新的八爪魚開張了。今早就去一探究竟。不見了那堆新香港人侍應，清一色一些粗線條的大叔，態度尚可。早餐還是那些很基本的東西，價錢與同邨茶記相若。叫了一個火腿通粉加腸仔煎蛋，連凍飲$32。至於其他時間，會提供湯飯、腸粉、薯粉等食物; 晚上就有一些極家常的小菜提供，只買小菜$30，跟餐約四十多元，相對其他茶記，相宜很多。食物上桌速度一般，特別你是叫了腸粉之類的食物，趕時間不要去。通心粉泡到淋晒，湯頭熱也不能改變難吃的事實; 腸仔蛋和凍飲正常。目測別人的腸粉腸粉皮薄，下的饀料、蔥和香菜十分慷慨。不會刻意再去，試過就好了。