八方雲集鍋貼水餃專門店

營業中

休息中

一個人去開餐，食餃子餐大靚正！呢個餐包5隻餃子/鍋貼，唔想咁熱氣，要了餃子，內裹豬肉韮菜，味道幾適中，點少許豆辦醬仲好味！另外個麵缐有貢丸粒及大腸，大腸食唔到異味，麵缐唔會太糊口，飲埋杯豆漿，飽哂！

成日食八方雲集，唔想叫太貴嘅餐，但係又唔夠飽今次好似發現新大陸咁，原來10隻鍋貼餐係可以將餐飲轉咗湯品，而且其中一種同係有珍珠雲吞嘅，今次真係唔怕食唔飽了珍珠雲吞比水餃細隻，皮都比較薄，係用紫菜湯浸住嘅雖然細隻，但係因為有好多澱粉質，所以真係幾飽呢個size一口一隻啱啱好鍋貼方面都係叫返招牌鍋貼，十隻鍋貼煎得好香，加埋醋同埋辣醬食，好正咁嘅叫法雖然冇嘢飲，但係因為外賣返屋企食，所以可以飲屋企嘢，好抵呀

我知，連八方雲集都寫一篇食評，好似誇張左。誠言，八方雲集數埋都食唔夠5次，今次喺餓到肚扁既時候，居然衝左入黎食。呢間八方雲集喺將軍澳廣場Aeon之內，舖面細細，但經常排長龍。唔好搞錯，喺門口等緊既多數係等外賣，堂食的話，直接入去搵位就好喇。選擇算唔少，今次揀左價值$51.5既麵+鍋貼+飲品套餐，每個item都要加錢 (台式麻醬麵+$2、韓式辣味鍋貼+$2.5、珍珠奶茶+$4，即係大大話話一共加$8.5)。台式麻醬麵，麵質幾彈牙，麻醬味濃，自己加少少豆瓣醬落去吊一吊味，又係另一番滋味。韓式辣味鍋貼，入面包既係韓式泡菜，鍋貼面煎香左又幾脆口。珍珠奶茶就略為有少少甜。食物都算等左一陣 (可能因為肚餓)，同埋... 點解要用即棄餐具咁唔環保呢？得喇，我真係知，八方雲集都寫食評確係有啲誇張，但你又何嘗唔係為左八方雲集而睇左呢篇食評？

今天來到將軍澳廣場，希望找家餐廳用膳，最好份量不要太多，即是輕食。又剛好餃子癮發作，所以來到這家台灣餃子專門店。　在各款的餃子中，特別喜歡韮菜的香味，所以點了韮菜水餃餐，配紫菜花枝丸湯。　韮菜水餃十件　先嚐原味的韮菜餃子，好似縮小了！竟然可以一口一件。不過韮菜水餃的韮菜依然濃郁，餃子皮仍是煙韌有麵味。　　倒出烏醋，沾韮菜水餃真一流。可是紙碟盛著烏醋，有點不便。直接把烏醋倒在韮菜餃子之中，保證不浪費。　紫菜花枝丸湯　　紫菜清甜，加上唐芹的香味，單喝這碗清湯已經很好味。還有三粒彈牙的花枝丸呢！　　這又完成了一個抵食＆輕食的餃子餐了。

八方雲集大部份分店座位都比較擠逼，多人既話同隔離位都坐得幾親密，而且即使堂食都係多數用即棄餐具，感覺唔太環保。將廣呢間方店終於有d唔同！每張枱之間都有d距離，空間感十足，部份餐具雖然仍然係即棄，不過碗同碟就唔係即棄，感覺比較良好！食物水準穩定冇失手！10號麵線套餐：5隻辣味鍋貼+麵線+豆漿，係我每次必點例牌，鍾意呢隻辣味夠惹味又唔會死辣，鍋貼夠香口！點d醋更開胃，如果有蒜泥就更好！一向都好鍾意食台灣麵線，幾年前香港興起麵線熱潮周街都係麵線舖，熱潮過後執下一間又一間，依家好似得返八方雲集先食到…入面有大腸同切粒豬肉丸，如果有蚵仔就更富台灣風味了

今天在將軍澳廣場晚餐，本想到某家意大利餐廳。可是碰上晚市黃金時段，很多客人在門外等候。只因不想等位，於是改到隔離的台灣餃子店。點了２個套餐再追加２個小食。有餃子，鍋貼，麵線及小雲吞。餃子　　這家餃子向來質素不錯。外皮雖厚，但很有麵粉的質感，咬落煙韌有回彈。餡料不太結實，卻剛好方便吸收烏醋。鍋貼的皮較薄，易破，亦較油膩，真的需要以烏醋來中和一下。麵線　味道很正常。　　雖然每款食物都ＯＫ正常，但自己特別喜歡餃子沾蒜蓉，在台北西門町品嚐麵線也要加蒜蓉。個人覺得：這裡没有提供蒜蓉，總覺得有點美中不足。文雅地說：就是畫龍不點睛。

喜歡星期日訓到自然醒, 通常都已經中午時份, 一餐夾埋兩餐食, 當然要食得飽D! 去食餃子都係一個唔錯選擇, 佢有幾款套餐選擇, 呢款麵線套餐就係我心水之選套餐包括水餃/窩貼5隻, 加一碗麵線配一杯豆漿, 轉特飲要另加錢窩貼5隻煎得個底好香脆, 但略嫌"燶邊"左D, 要整走黑色先可以食, 內裏係椰菜豬肉餡, 咬落亦有肉汁係口內爆發, 點埋荳辦醬一齊食, 味道唔錯!呢碗麵線配料有貢丸粒, 豬大腸及少量芫茜, 湯底夠濃, 唯麵線份量好似比以前少左! 食晒成個餐係飽既~~