兩三碗車仔麵

營業中

休息中

未搬之前堂食過兩次，之前啲服務冇咁差，之後都叫外賣叫過好多次，食開都覺得幾好食。今次去咗鋪頭叫外賣，服務真係唔得，個呀姐都係黑口黑面，唔緊要我在乎嘅係食物。之後外賣煮好，我冇為意就拎走咗，之後發現佢冇分湯......拎返屋企食，我屋企距離餐廳只係五分鐘路程，返到屋企開蓋，見到已發脹嘅米粉，我開始懷疑究竟佢係咪漏咗冇俾湯我，因為啲湯喺得返好少好少 （大約一湯匙）係呢個年代仲有邊間餐廳買粉麵係唔分湯？我之前叫過咁多次外賣都係分湯。我想支持下香港小店點解要咁樣懲罰我？ 太過份啦啩，你哋咁樣當啲食客係咩呀？

之前有食開，佢最好食係豬頸肉，嗌過其他餸，例如豬扒，韭菜餃，等等都冇乜特別。今次叫咗麻辣湯底，糖心蛋豬皮蘿蔔米線。只係叫咗兩小辣，個湯鹹到完全食唔到，加咗一杯水都仲係好鹹(侍應仲要比凍水…) 淨係食到鹹味，咩味都食唔到。 食咗一半都唔想再食啦….糖心蛋同蘿蔔OK，豬皮麻麻哋，有啲韌。侍應收錢，一眼都唔望你又唔話俾你聽幾錢，等你自動波。更加唔好奢望又講多謝啦😆。啱啱開嗰陣都幾好嘅，依家應該唔會再去食。

自己本身係住呢一頭附近嘅，有時都會揸車上嚟呢一度食宵夜，而呢一間車仔麵都係我經常會揀嘅宵夜之選，因為佢開嘅時間呢都比較晏啲嘅，但係如果比較硬上嚟食嘅朋友呢都要留意返因為佢有時好多餸都會賣晒，咁就會變相都有啲失望嘅，但係都代表佢啲材料都算新鮮？我自己呢就會嗌腩汁小小辣，同埋叫豬紅蘿蔔牛腩呢幾個餸為主，全部餸呢我都覺得好好食，尤其是蘿蔔啦好入味，另外呢豬紅呢個味道都係非常出色，佢唔會話有一種怪味，個質感呢亦都非常之有咬口，所以間唔中都上嚟食

晚上睇韓國表演與朋友點叫外賣，非常高質我點了豆卜豬紅牛腩幼面，三餸42蚊，但牛腩屬於貴一點要補6蚊，勁大飽，而且額外加通菜只而$20。味道方面：這道豆卜豬紅牛腩幼面的價格相對較高，特別是豆卜勁大舊，其中的牛腩補充選項讓它更加豐富。牛腩的加入使得這道面食更加風味獨特，口感鮮嫩多汁。此外，附加的通菜增加了整體的口感層次和營養價值。整體而言，這道豆卜豬紅牛腩幼面以其獨特的味道組合和充足的份量（必須配辣汁），表現中上水平。如果您喜歡濃郁的牛肉風味和多樣的配料，要試一試。

✨雙餸麵每碗$34✨🍜揀左少辣汁同腩汁個湯底勁濃🫢叫少辣汁都辣度十足再加腩汁有d小咸下次都係剩係加一樣比較好🤣✨蠔油冬菇✨🍄我每次都會嗌😚因為好大粒勁厚肉💕煮到超入味！✨墨魚腐皮卷✨ 🦑好長🫣自家製野永遠最吸引真係見到店員喺鋪面包緊腐皮卷😂食落新鮮彈牙甜甜地浸埋湯仲好食😝✨招牌豬頸肉✨ 🐷份量比好多💪🏻好重香茅味☺️厚肉得尼又唔會韌又幾juicy 😍✨柱候牛腩✨ 🥩又是好巨型😨本以為一定勁硬咬唔開點知原來好腍又無渣仲好香好入味😳😳😳❤️✨辣汁魚蛋✨$20 🌶🥚秘製醬汁好香蒜味🧄辣度十足🤩魚蛋細細粒有咬口

這店員工服務態度極差。我問穿黑衣的員工有否提供清水，她叫我去茶水碗碟柜枱自己斟(其實自助斟水無問題，因小店人手有限），柜枱上只得一个膠杯和一堆碗，由於膠杯很污糟，問她给我另一隻杯，她竟然晦氣地叫我用碗斟水飲！！！！若小店不為客人提供清水，可直接說，不須如此迂迴趕客。此外，食物質素亦很一般，沒有傳统車仔麵的風味。

呢間車仔麵都食過幾次，多數都係街坊比較多，鍾意佢平靚正！而且速度夠晒快，份量都適中，個人最鍾意食韭菜餃、雞翼，配小辣湯底！ 🤤 yummy!!! 除咗車仔麵，佢另外亦都有啲魚蛋燒賣可以食到！

不會有下次，員工無禮貌，黑口黑面，十問九唔應，估唔到今時今日仲有咁嘅服務態度。價錢偏貴，食物味道淡，食物款式少，竟然食車仔麵牛腩要加錢，完全唔會有意欲幫襯第二次

金錢肚紫菜豬扒米粉金錢肚滷得非常軟嫩，非常入味紫菜處理得很乾淨，入口順滑豬扒切件分量超多，外皮微脆冬菇紫菜米粉冬菇夠大粒，超級厚肉，口感軟硬適中米粉爽滑，細滑同幼身

住慈雲山多年 呢間車仔麵伴隨成長 而家搬咗出大馬路 地方闊咗 味道依然今次叫左簡單兩餸麵🍜 分別係🐷豬頸肉同埋次次必食嘅支竹 經典🔥辣汁 多蔥 🐷豬頸肉係依度嘅招牌 不過就要+$6 大約有一片嘅份量 炸得外表香脆 每件豬頸肉厚身 入面保持肉汁 所以幾好食 基本上每次都會叫🤤支竹都係每次都會叫 因為出邊唔係間間都有呢隻炸支竹😝 而且份量都好多 一般有5大條 浸住啲辣汁湯底 超級好食😙😙😙辣汁湯底喺呢度既經典 辣得黎係有味既 食得辣嘅可以叫大辣🔥🔥🔥

佢搬新舖之前已經幫襯過幾次，舊舖比較細，每次都好似要急急腳食完都要即刻走。依家搬咗新舖，坐得舒服咗，環境又乾淨咗，食得更開心☺️今次同朋友食，分別嗌咗豬手豬頸肉牛腩河同墨魚春卷酸齋雲呑米。首先講下佢豬頸肉，分量超多！！而且燒得好香，又爽口，一碗大概有6舊，而且每舊都係有厚度，絕對唔係薄切嗰啲，好滿足！牛腩唔算係超淋，但好入味，而且唔肥，一啲都唔漏😙 豬手亦係兩舊大大舊，好香南乳味😋墨魚春卷雖然得一條，但其實佢又長又粗🤭🤭 而且好足料，食起來好彈牙！雲吞亦有大大舊蝦，彈牙又新鮮🦐 兩三碗係我食過分量最多又好食嘅車仔麵，絕對值得過嚟試下！

💪🏻 三餸車仔麵（$40 三餸，加餸 +$9）車仔麵嘅辣醬係自家製嘅辣醬，同坊間車仔麵嘅辣醬唔同，蒜味香濃，味道獨特而且惹味😋，加埋腩汁更出色！ - 麵底揀左台灣麵，類似上海拉麵，口感煙韌😛- 餸分別揀左胡椒豬扒，墨魚腐皮卷，紫菜，通菜💪🏻胡椒豬扒勁入味！ 胡椒味突出，亦見到粒粒黑胡椒係豬扒表面💪🏻 墨魚腐皮卷應該係自家製，腐皮炸得脆身，墨魚肉彈牙，非常香口！😍（最好叫另上）小店本身最出名食豬頸肉，如果唔怕肥都可以食！ 強力推介豬頸肉！味道：7/10性價比：6/10 食住瘦指數：💪🏻💪🏻💪🏻/5