全盛燒臘茶餐廳 (已結業)

今日同太太到九龍城行街，見到一間食燒味的餐廳，好大間就入去試試。呢間餐廳有早午晚市，你任何時候來都唔怕無得食。自設廚房，確保衛生、新鮮。我地就試左例牌燒餓髀飯，叉燒拼燒肉賴粉，油菜。先來過叉燒拼燒肉，最好嘅叉燒就係半肥瘦，入口嫩滑有口感。燒肉皮脆肉嫩。燒餓髀例牌都好大碟，肉質厚有口感，嫩滑細密。仲有每天有特價飯，取適合我地呢班打工仔享用。

今日經過九龍城，見到一間掛滿美味吸睛嘅燒臘。忍不住入內試試，地方整潔，環境舒適。店員熱誠款待，客人開心享用。我叫左個叉燒加燒肉賴粉，飲凍奶茶。叉燒肥瘦適中，顏色有亮澤，肉質軟嫩，叉燒汁濃味有黏感。燒肉新鮮，皮脆卜卜，肉嫩有汁流出，好味。賴粉爽滑，湯清甜。奶茶香滑味濃，甜度適中。另外朋友叫左燒餓飯，起初以為一碗飯上面加幾件燒餓果款，原來係一碟例牌加碗小飯，正合我朋友心意，他喜歡食肉多過食飯。燒餓皮色調均勻，肉質厚紥實有口感，容易溶化，有燒餓味，不肥膩。另加一碟菜心，菜心鮮嫩好食。可惜跟著有工作在身，唔係就一定買盒叉燒回家比呀媽試吓，真係好食又平過連所店。

好耐無黎九龍城喇！是日專程同男友黎搵食，上網查閱發現呢間燒味茶餐廳，老實講本人一般燒味，但睇到d相又覺得幾吸引，於是便黎食試下！由於今日唔想食多士於是放棄常餐，點了x燒抄蛋公仔麵同燒肉湯瀨粉！燒肉皮脆肉嫩唔老，x燒香甜鬆軟唔痴牙，好好味抄蛋都唔hea,蛋味濃郁又夠滑粉麵類興地湯底屬正常！餐飲熱奶茶比例控制得幾好，熱檸茶都係用新鮮檸檬家！真係又平又大份又好食！值得再黎！

一個人在九龍城，諗住揾間燒臘食下飯……行到九龍城街市對面見到有間燒臘餐廳……估計應該ok,我本身都冇物要求……叫了碟火肉油雞飯……送到來時看都ok..睇落都好正常……但估都估吾到，燒肉油雞飯只有燒肉食得(已經吾糸好食) 點知……一夾起舊雞……全部都不糸雞背近脛，位置……完全下攔……冇肉……好一碟燒肉下攔雞皮雞.骨飯……價錢$45……正常價……吾平……吾貴……但糸今時今日已經少燒臘檔甘樣比全部雞頭雞尾一D正常部位都冇，尼間正係做得到…… 地獄燒臘餐廳……冇下次…呃一次就夠…絕對不再來。

我喜歡吃燒味，遇著有靚的叉燒，燒肉，真是可以樂上半天。偶爾試試這間茶餐廳的叉燒，發覺真的很不錯。綜合了幾次的惠顧，有不同的體驗。第一次是買一個飯盒，叉燒飯，送盒裝飲品，叉燒好靚，又腍又滑，鬆軟，蜜汁味正，勁好味。第二次，剛巧老友探班，說到有靚叉燒，一起去堂吃，有例湯送，味道一般。叉燒明顯不及上次買飯盒的好，乾及爽的，爽的蘋果好吃，但爽的叉燒，則不敢苟同。老友的雙拼，叉燒油雞，都不是那會兒，問了侍應，回答我們下次要求半肥瘦便可。接著有幾次買飯盒或堂吃都不過不失。燒鵝飯，幾香，肉質軟嫩。切雞飯，不過不失，沒特別過人之處。叉燒燒肉飯，今次叉燒又幾好，燒肉皮脆。無論如何，都會再來吃叉燒。

而家香港地一d有質素既燒臘茶餐廳真係買少見少，今日諗住係九龍城食泰國野，所以早少少去行下街，無啦啦發現一間好隱閉既茶記，所以入去一試，呢間既乳豬同叉燒間直無頂，腩骨都唔錯，肥瘦適中，只係個皮硬左少少，價錢合理，大大碟，一定會再食

又到食飯，又到食飯。今日食咩好呢？……係九龍城行走江湖咁耐，我食來食去都係個幾間……其實都幾悶……今日返full，就同咗格來部門既同事食飯，佢地就帶咗我來依間食飯。發現依間都唔錯！點解唔錯？我地一入到去坐低就見到後面枱坐既係我地既上司，連上司都來食，就證明間野食得過！好！我點既係黑椒牛扒飯，我發現都幾足料，啲牛扒都幾多下！啲牛扒好軟熟，同埋好入味！將啲汁加入飯中拌勻，送飯一流。

話說有日屋企肚餓,唔想食公仔面,但又唔想落街食,醒起九龍城開咗間新既燒臘店,不如買二十蚊叉燒,屋企煮飯就一餐啦.嗱嗱臨洗落米就出門口,而家我一路寫一路諗,其實全盛以外,全個九龍城都好似得一間燒臘店,佢地嚟開都係好事.入到去要咗二十蚊叉燒,因本人好肥叉,所以特別叮囑要肥叉.師傅斬好後,用白紙加類似雞皮紙既紙袋包住.個阿姐就就咁比我.我望一望個阿姐,再望望個雞皮紙袋啲油已經印咗出嚟(請睇睇張相,白紙已經印晒出嚟),唔係諗住油淋淋咁行呀?出聲問佢攞個袋,佢好唔願意咁先至比.好老實講,妳唔用雞皮紙袋,直接用白紙加膠袋比我,我係ok既.但啲油都印晒出嚟,都唔係就咁攞住通街行呀?攞到返屋企,打開一睇,只能嘆息,通貨膨脹真係十分厲害.呢個分量幾年之前係十蚊既分量已家要20蚊先可以買到.另外就係雖然要咗肥叉但係都唔係肥叉,只係肥少少既叉.唔緊要,味道可以拉番.放入口,老實講,係唔錯既.肉質都算鬆化,唔係太甜,如果係肥啲會更好.可以話我會encore.但少同嗰阿姐既態度要減少少分.以下是"被要求"加的部份叉燒的味道其實很讚,肉有豬肉的味道,其中醃叉燒用的玫瑰露,叉燒醬,蜜糖,南乳,麻醬 , 生抽,磨豉醬

見到蔡生介紹，今天下午又有時間，於是就來一試。燒腊非常旺場，九成人幫襯，十五分鐘左右已有近十個人要外賣。只試了燒鴨米線餐。鴨身幾瘦，皮燒得香，肉質則一般，肉味豐厚。於是，再叫燒肉和叉燒外賣。燒肉很瘦，皮已不脆，味道少鹹。叉燒亦(太)瘦，有點乾，味道香濃，有焦味。