全日雞實驗所

營業中

休息中

🇭🇰全日雞實驗所·呢間我哋之前睇果籽推介 好似好正咁 就專登嚟咗食😎😎不過大家留意佢8點9就閂門 所以大家唔可以太遲嚟🙊😂·全日溫泉海南雞飯餐$58唔知係咪因為我哋太遲去 我覺得我哋海南雞既擺盤唔算話好靚🫢好在佢都係好食嘅 無令我哋失望佢個雞肉真係幾滑 而且就算雞胸都唔會柴 而且佢個雞皮係起咗啲脂肪嘅 所以食落唔會好肥🐤之後佢配嗰三個醬汁都好好食 但係我自己最鍾意都係佢個油飯😍😍佢個油飯入邊有啲乾蔥 而且雞油味好香得黎唔會好油 食落仲係好粒粒分明 我自己好鍾意🍚·#rbyeat#rby東南亞菜#rby北角 #rby炮台山·📍北角和富道21-53號和富薈地庫B50號美食廣場C1及C2號舖

✨全日溫泉海南雞飯餐 海南雞 揀左雞脾 雞皮好厚 唔算好爽有三份一雞件 皮同肉比例係多於一比一 皮占多 食落好油膩 最後真係搞唔掂肉質唔錯 幾嫩滑帶少少爽 有雞味 幾香味道略鹹 尤其雞皮位 整體嚟講 還可以 唔算好出色香噴噴香飯 可惜唔香 冇乜雞油香 淨係食到少少乾蔥香 口感偏乾硬 麻麻無味精靚湯係椰子雞湯 啖啖椰子香好清甜 唔油膩 幾好飲醬油小黃瓜 份量好慷慨青瓜清爽 有啲麻油香 帶少少甜 幾清新✨桑拿豬肉餅加十蚊加配 肉餅細細件肉質好結實 加咗少少土魷味道正常 冇乜特別 不過十蚊一試無妨✨冷泡烏龍茶淡淡嘅清香 味道唔太突出 帶微微澀食物可以 海南雞未算出色聽聞呢間係海南雞關注組嘅第一位感覺有啲名過於實 有期望咁去但失望而回food court環境好新淨闊落 但抽風一般服務唔錯 價錢可以 可以一試但唔係必試

呢一間全日雞實驗所就咁睇外表亦都係好吸引，非常之有特色，真係好靚呀！於是就吸引咗我入去食嘢！今次我就叫咗呢度嘅全日桑拿瑤柱肉餅飯套餐！呢度嘅套餐非常精緻，而且肉餅真係好好食，好大件同埋好厚身嘅肉餅！咬落去嘅時候肉汁真係好香，而且一啲都唔會好油！

係海南雞飯關注組既第一名全日雞實驗所🐔果然係名不虛傳😋之前喺深水埗已經想試可惜一直都未有機會😮‍💨但佢哋係北角和富薈重新開張終於都有機會試🙌🏻🙌🏻🙌🏻全部雞都係即日製造 每日限量售完即止所以想試嘅一定要趁早去😆😆店主用上自家研發既機器去控制烹調時間同溫度 🌡🧪令雞件保持滑嫩juicy💯👍🏻蘸埋秘製三款醬汁 更加滋味😋配埋香噴噴嘅油飯同無味精嘅椰子雞湯絕對要試🙌🏻💯

雞髀海南雞飯63蚊有嘢飲醃青瓜有淡淡嘅鹹酸味又唔會蓋過青瓜本身嘅清甜，味道較得啱啱好。雞髀同網上介紹嘅一樣真係好滑完全唔知佢點樣浸，既可以保持雞嘅形狀，又唔會好似平時啲海南雞咁啲皮散曬。有辣汁、豉油汁同泡沫蔥油汁，好鍾意佢個蔥油汁，平時啲蔥油會油味分離；但佢張個汁打成泡會令到個味融為一體，可以完整咁樣食到啲蔥油嘅味道，第一次見。湯應該冇味精掛，飲完成湯都冇好口渴嘅感覺；野飲可揀冷泡烏龍茶，味道清新。下次要試其他部位，睇下係咪全部都咁滑。

🐥💮海南雞關注組熱烈推捧嘅全日雞⁉️由佢係西九龍大排長龍，到而家搬咗嚟北角先有機會食到🤯要咗一份「選雞翼、雞胸、上髀」餐$58～同埋一份「雞髀」餐$68🧐佢嘅雞係用特製機器浸熟，三色醬都係自家調配🥢整體嚟講，雞件係非常嫩滑，但係真係太軟身，完全無晒雞嘅口感😣雞肉雖然係熟嘅，但就偏向粉紅色🤔雞味亦都無乜，最後係靠點啲醬先有味😬油飯做得香而不膩，粒粒分明又唔會過硬🍚前菜青瓜仔少少酸甜好好食，可以配無糖烏龍茶都係幾好！總括嚟講抱住好大期望去，但最後唔係太啱我口味😖不過唔太貴可以一試啦💁🏻‍♀️

【📣傳說中最好食既海南雞 - 全日雞實驗所】全日雞實驗所而家係北角和富Wor The Food foodcourt，係foodcourt既當眼位置，係門口已經見到。我地叫左全日溫泉海南雞飯餐(包括香噴噴香飯+無味精靚湯+醬油小黄瓜+三色醬汁+冷泡烏龍茶/罐裝飲品)，仲可以揀唔同部位。今次試左雞翼、雞胸、上脾($58)同雞脾($68)。雞翼、雞胸、上脾個碟就無雞翼，雞胸好嫩滑，反而上脾就有d乾，咬落去見到一絲絲；雞脾就成碟都好滑，啖啖肉，好juicy🤤另外，雞肉既口感同係其他餐廳食既好唔同，幾爽同幾有咬口，感覺上比起平時食既海南雞實淨d🧐油飯真係好出色，粒粒分明，軟硬適中，好香😳雞湯標榜無味精，味道清甜。三色醬汁方面，豉油夠稠身，唔太鹹，薑蓉好綿好滑，同係其他地方食既好唔同！總括黎講，係呢個價錢食到咁高質既海南雞，真係好抵食！

之前喺深水埗西九龍中心嘅全日雞實驗所原來已經係北角重開，我今次就選擇咗海南雞要雞髀，同埋加咗一個桑拿瑤柱肉餅$10，肉餅size大約係一個迷你月餅嘅大細，其實都幾細，不過如果要來送飯應該都可以送到四啖飯😂未到就有少少怪怪地，我以為我食緊蝦醬肉餅，可唔可以先醒起我係叫咗瑤柱肉餅，但係唔知點解佢嘅味道有啲蝦醬味，瑤柱就…我就唔係好鍾意食，所以下次都唔會再叫😅。至於海南雞就算係出色，皮爽肉嫩唔肥膩，不過冇乜雞味，雞嘅份量都屬於偏少，三款醬料都好出色，我最愛辣醬。個飯就偏硬身，只有蔥油味，其他味我食唔到，所以我唔鍾意😅總括嚟講，唔會山長水遠特登嚟食😂😂

朋友知道我超級鍾意食海南雞飯🐔極力推介全日雞實驗所，原來佢之前喺西九龍中心，宜家搬咗去北角。我放咗工就同朋友去北角搵🐔食🤤店舖喺北角一個細嘅商場裡面的 Food Court, 我哋都搵咗一陣先搵到😅佢哋嘅招牌菜就係全日溫泉海南雞🐔飯餐，配上雞油飯、無味精既雞湯🥣醬油青瓜🥒同埋冷泡烏龍茶都只係$58，而且分量十足！仲配埋三色秘制醬，啱晒重口味人士😆雞油飯軟硬度適中，而且有啖啖清香嘅薑黃同雞油味，超級香濃😋齋食飯都已經好滿足青瓜係有去皮，非常貼心，仲配埋醬油漬，青瓜又爽口，青瓜喺口腔中爆汁，非常醒胃椰子雞湯好清甜，有濃郁嘅椰子香味，雞湯竟然一滴油都冇，超級健康💪🏻🌟到主角海南雞出場啦🐔😂我因為太鍾意食海南雞，所以加咗$15轉咗做例牌下庄，原來有¼隻雞。雞件好嫩滑，雞味超級濃郁。唔單只係雞髀，連雞胸部份都好嫩滑，似係用慢煮食物嘅做法，呢啲就係佢哋出名嘅溫泉雞🐔食飽飽，最後來一杯冷泡烏龍茶，大滿足😍

以前係開係西九龍中心傳說中既神級🐔海南雞飯而家搬左北角和富薈既food count今次係☺️專登黎俾個機會佢既雞🐔真係好滑 雞味比較淡肉質係嫩滑Juicy得黎口感實淨 個油飯比雞好食 熱辣辣有油香 仲有香矛同乾蔥味 D飯都煮得好好粒粒分明 有咬口 金鳳米先做到呢個效果👍隨餐附送 醋青瓜同椰子雞湯青瓜可以解一解油膩感個湯好濃郁雞味 清得黎都帶出少少椰子既香甜☺️$58個餐 整體黎講都算幾好啦😌ps:不過未打破到我心目中個間神級海南雞飯囉🥰

️🐓溫泉海南雞飯餐(例牌下庄)$73原價$58 包油飯，海南雞，前菜，湯，飲品（叫左忌廉)，加左$15 轉例牌下庄前菜今日係酸青瓜，爽口醒胃，有一兜仔，份量足夠湯係椰子雞湯，飲完唔會口渴，夠味但唔會太重味飯係油飯，粒粒分明，有油香，但不會太油膩雞皮爽彈，雞肉嫩滑，唔怪得叫溫泉雞👍🏽👍🏽👍🏽👍🏽轉左例牌，所以份量ok 全日桑拿瑤柱肉餅飯餐$58 都係有前菜，湯，飲品（叫左無糖可樂)，飯(白飯，有幾啖係半生熟)肉餅食落香甜，係瑤柱嘅鮮甜味，肉餅蒸煮時間剛好，每一份有三舊，份量剛好😁Cp 值及夠飽: 我哋三個人叫咗兩個下庄海南雞餐一個肉餅餐，食淨左半碗白飯夠飽，但係唔算特別平，要以食名物嘅心態去食

小編最喜愛吃雞，尤其海南雞！今天特意前來試吓全日溫泉海南雞飯套餐，套餐包括：1. 溫泉海南雞一碟。 2.香噴噴雞油薑飯一大碗。 3.無味精靚湯一碗。 4.醬油小黃瓜一碟。 5.三色醬汁一碟。 6.冷泡烏龍茶或罐裝飲品。 7.＄10元加配期間限定桑拿豬肉 餅一份。我在17:00前已經到達，一到開舖我是第一位客人，選擇了套餐，不到10分鐘，一盆份量十足美食在眼前，賣相非凡，急不及待進餐，海南雞皮又爽又滑，雞肉嫩滑有雞味！跟餐碗香油飯好大碗，啲飯有香油薑味，好食！碗湯不肥膩，標榜無加味精，不錯！醬油小黃瓜入口爽脆，桑拿豬肉餅多汁肉嫩，肉餅好像有尤魚香! 飲品揀咗罐裝汽水。全個套餐有齊主菜/飯/湯/小食/飲品，都係＄68元超低食及品質一流，我相信會客似雲來！

海南雞飯關注組長居第一名嘅非當時位於西九龍中心🔥全日雞莫屬。繼7月份突然結業後，終於十月喺北角重新開業~位置都係Food Court入面，但都有D難搵對於一個唔太熟北角嘅人黎講，雖然座位唔算好多，但勝在店舖唔多，座位較闊落同舒適。星期六十二點去到，Food Court好多位簡，全日雞開十二點，眼見前面已有幾個人排隊，比預期中小人，十五分鐘到就落完單。🐓 溫泉海南雞飯餐 (雞胸、雞柳；雞脾)★★★★★能夠喺關注組云云海南雞中脫穎而出，一定有佢嘅獨到之處。主打溫泉海南雞飯餐，有得簡雞胸、雞翼、雞脾同雞柳。今次就叫左雞脾同埋雞胸、雞柳餐+$10期間限定桑拿豬肉餅。溫泉海南雞飯跟餐有大大碗油雞飯、標榜無味精嘅靚湯、醬油小黃瓜、三色醬汁及飲品，勁抵食。主角雞：雞胸、雞柳，都夠滑身好味，但唔夠雞脾食落咁有驚喜！嫩滑得黎JUICY一D都唔乾鞋口，油份夠，雞味好濃郁，雞油香都出，雞皮十分之爽脆，雞肉與皮之間有層少少啫哩，唔點汁就咁食都覺得好滿足，正🤩！雞油飯：大碗熱辣辣，但唔算出眾，有油香味，但冇咩香矛乾蔥味，變相整體個味唔夠香，飯比較淋，唔係好粒粒分明。其他配料、醬汁：幾欣賞三個醬汁，特別係薑蓉，食

位於和富美食廣場入面美食廣場以民族風格裝修 幾有feel不過廣埸唔大 而且得幾間餐廳最吸引我就係呢間食海南雞飯嘅 亦係最多人買嘅雖然最出名係海南雞 但係見到佢有期間限定- 桑拿瑤柱肉餅飯 超吸引所以改變主意😆▶️全日桑拿瑤柱肉餅飯餐 ($58)個餐好豐富 有無味精湯 醬油小黃瓜🥒 仲有飲品 冷泡烏龍茶份量仲好足添 一大碗白飯 肉餅有三大牌厚身嘅醬油小黃瓜做前菜好開胃 酸酸地 咬落好脆口 味道清新個湯都好出色🥣味道超清 一啲都唔油 但係食到明顯唔係味精湯 有啲老火湯嘅感覺冷泡烏龍茶係凍嘅 味道就遍淡 唔香茶味亦唔苦 當水飲🙈當然要講吓呢個肉餅我估佢叫桑拿肉餅係因為佢蒸然後有好多汁起底？😂每牌都好厚身 好結實 唔會一夾就散肉質唔韌 又唔多肥膏 肥瘦比例好好 瑤柱都好多 已經完全同豬肉攪匀咗 間中食到啲瑤柱絲令肉餅質感更特別味道方面 鹹度啱啱好 外面好多其他肉餅都整到好鹹 呢個即使就咁食都ok 餸白飯就更加正👍🏻豬肉味好出 因為佢用新鮮材料整真係好好食！白飯都真係幾香米味 睇其他食評話佢個油飯都正-呢間係真係相當高質 雖然選擇唔多 但係佢主攻呢幾味已經好掂服務都幾好 好有效率 唔係等咗好耐美食

北角和富薈哩個商場經過幾輪裝修之後，本來一大間餐廳嘅鋪位，依家整到充滿土耳其風嘅美食廣場，個個都係打卡位之餘最近仲俾我發現到哩間勝價比都幾高嘅海南雞舖～如果普通海南雞飯就$58連湯連餐飲（凍烏龍茶/罐裝飲品），要雞腿肉就$68一個餐，另外仲有蒸肉餅，但係我今次就試左個$68雞腿海南雞飯餐😁湯清清地，一啲都唔油膩，飲落去好舒服☺️除左啲雞，最鍾意食係碟青瓜前菜😆😆 佢啲汁味道調教到啱啱好，就咁食/撈飯都好好味😋😋😋😋雞腿好好好滑🤤，配埋個蒜蓉汁更加正～ 個人唔係好食得辣，所以冇乜點點佢個右邊嘅辣醬，我反而麻麻地欣賞佢仲間嘅醬油，有啲鹹得滯，可能我鍾意啲甜啲嘅醬啦.. 最後係個飯，未至於好香，但係就一粒粒好好咬口，唔會話淋曬咁，大大碗應該點都夠飽最後美中不足嘅係暫時未冇提供熱飲，我哩啲中女要養身唔係咁想飲凍野😌😌總括黎講哩間海南雞係抵食嘅，加上個靚靚環境食得好開心😁😁😁