光榮冰室 (兆和街) (已結業)

途經多次光榮上址都未幫襯過 , 心血來潮即試望見餐牌有心儀選擇後二話不說進入適逄淋病推行食肆禁令後幾日 , 當然光榮都逃唔過此厄運要被迫最多4人同枱及 1.5米進餐距離咖哩牛腩飯 - 茶記必備餐點 , 易整難精 , 牛腩炆得火侯岩岩好 , 肉好淋 , 肥肉部位較多 , 岩晒食極唔識肥人士 , 咖喱汁辣度一般偏港式味道 , 可能花椒,八角落得唔夠多 , 呢個飯俾 8/10椒鹽豬扒飯 - 豬扒份量都算多 , 但炸得過火太過硬 , 呀婆老野等等實咬唔到 , 除此外本身食偏咸的我都覺得超咸 , 咸到食淨少少食唔晒囉陰公 , 呢個飯沒有酥脆 , 質素差d只能俾 5/10野飲嗌左凍朱古力及檸茶 , 不過不失一般茶記質素 , 叫左後先知有谷咕,早知叫佢啦食完後2個鐘唔夠睇新聞光榮俾警曱玩野查2-3次牌以前俾人笑開我邪童去到邊唔老黎我唔信 , 依家邪到光榮短時間俾人搞幾鑊 , 依家我信了

夜媽媽十一點幾嚟到荃灣先食晚飯，咁夜唔知食咩好，諗嚟諗去都係簡簡單單食個常餐，順便幫襯黃店💛朋友叫左沙嗲牛肉麵，轉岀前一丁，正常嘢，無咩特別好mention, 而我就叫左番茄湯牛腩粒通粉，睇相都知份量好足，茄湯味道唔假，唔係求其茄汁開水，牛腩粒肥瘦均稱，唔錯！以前食過間落埋薯仔淆嘅茄湯底，仲creamy 仲正，可惜忘了喺邊度食😅多士炒蛋，多士加牛油烘過，算係咁！炒蛋就普通料。Overall 常餐不過不失，聽講岀名係啲飯，下次再試！

今日準備去行山，當然要食個靚早餐先。見到依間光榮冰室要排隊就知一定有佢個人特別獨特之神奇食品。忍唔住同班行山朋友入咗去食精而簡，實而不華的餐牌，一眼睇哂有咩食，對有選攞因難症的朋友仔真心方便。我個人認為禮牌中的例牌必定是這一款金牌早餐蜜汁叉燒湯意粉🍝叉燒算瘦，而且份量非常足，意粉唔會特別諗硬度適中。其他朋友點的光榮早餐，更英式的全日早餐非常相似，都是有焗豆，薯餅，腸仔，炒滑蛋。份量都不少。當然亦都有其他嘅早餐可供選擇例如以上者一個沙嗲牛肉出前一丁，個人都覺得非常之出色。有機會我認為每一個人都一定要過嚟試一試早餐。

今晚趁住男朋友唔減肥住, 肯陪我食"飯", 我仲唔食個恨左好耐既"飯"!就係..........煲仔飯~~~~覺得冬天就一定要食煲仔飯, 炒栗子, 烤蕃薯, 荔芋油鴨煲, 羊腩煲........(下刪300款)總之就係去食D暖身暖胃暖粒粒既野啦!光榮既煲仔飯口味都幾多, 除左有傳統口味既煲仔飯,仲有"窩蛋牛肉" "薑蔥鮮鯇魚",  但古怪既男朋友偏偏點左"土魷肉餅", 算啦, 難得佢陪我食飯, 就下佢啦只係一個飯又點滿足到我,  我原先想叫多個西多士,但侍應話晚餐時段唔供應, 所以就改點左炸脾落完單唔洗3分鐘就上檯, 都覺得古怪, 點解咁快,樣係可以既, 但食落.....唔係熱.....幾咸.....仲要肉質好乾好鞋......主角上檯喇! 等左成個冬天既煲仔飯可能係選配料既問題, 由於土魷肉餅無油份同無太多既肉汁,所以令成個煲仔飯顯得平平無奇, 如果唔係有飯焦, 感覺同蒸飯無異雖然食物唔稱得上好好食 (又或者係我地揀唔中好食果D)但我相信入座既所有食客, 都係因為同老闆有相同理念,當食物既質未如理想, 係可以改進, 可以比機會同期待但當人既品格係壞&劣, 係無可能逆轉, 唔需要對其再

成曰聽人講 今日經過就去試真假星期六5點半左右去到 每張枱都有人坐 感覺都幾受歡迎 應該唔伏坐低 叫咗茶餐唔諗套餐 沙嗲牛肉一丁 跟西班牙奄列同牛油方包 同埋 干炒牛肉意粉 兩個餐都跟野飲 熱凍免加錢 即刻就叫杯凍飲餐飲上到嚟 唔係用細杯 係用豆粒冰杯 又唔多冰 凍飲唔洗加錢好抵 餐包好軟熟 完全又唔硬身 仲要飛晒邊 牛油量啱啱好 奄列都幾大件 裡面有火腿香腸同埋焗豆 食咗左呢2樣已經 6成飽沙嗲牛肉一丁 連包湯粉同麻油上埋俾你自己落 牛肉食落係鮮牛 帶有咸香 唔係甜沙嗲口味 好地道港式口味 干炒牛肉意粉 份量都係唔少 意粉煮得好好 唔似煮定再翻炒既口感 又唔會好淋 條條分明又有醬油香甜味 正每個餐都係$42同$44 凍飲又唔洗加錢 好食又地道既港式茶餐廳 加上份量唔少 好飽肚 性價比高 去開果頭就去試吓佢 好值得試

一間無人唔識既冰室 專程拜訪 一嘗真正屬於香港既冰室 點左人氣 滑蛋义燒飯 滑蛋 半生熟 好滑 好似飲奶咁滑义燒 半肥瘦 加埋一齊 好好好好好好好好好食希望更多真香港人去支持👍👍👍👍👍👍👍👍👍👍👍👍👍

光榮冰室，近半年以來，可說是帶有色彩的餐廳之一，而且是佼佼者。每次經過荃灣分店，總是人頭湧湧，而前後舖位的店卻小貓幾隻，好大分別。有受眾支持，但假如做得不好，相信長遠還是會現形。其實我已光顧三次。第一次，豬扒丁麵，茶走，30元正。一睇餐牌，訂價好像是幾年前似的。荃灣區雖然大是大富貴區域，但食早餐一般是3x，麵餐轉丁麵至少加三元，這裡齊頭三十。實說實說，豬扒算大塊厚身，雖然是凍的，也是巴西貨色，但醃得算係咁。對比坊間不少店薄如五蚊銀，又炸到乾身柴皮的豬扒，你會更欣賞這裡的。丁麵是港版，附上味包自己落，麵沒過火，淥麵都有心機，滿足。茶走，茶膽大路，各樣平穩合格，餐茶來說已值回價價。第二次沙嗲牛肉丁麵，炒蛋油包。丁麵相同水平，沙嗲香濃有蒜味，牛肉一般貨色，可咬但略嫌稍靭，醃味大路。炒蛋滑溜，睇色水應該用湖北蛋，有蛋香有牛油香，油包大路貨。茶走相同水平。今晚八點多在荃灣下班，想起還未試過晚飯，又來一次。八九成滿座，的確了不起，要知道同時間，有八成餐廳都沒有半客。晚市有煲仔飯供應，但天氣熱了，慾望減半，選了大路咖喱牛腩，落單後才知道，今晚特餐，所以$45。由於是特餐，自然快手。上枱大碟，基本要求

綜觀世界各地，甚少餐廳用政治意識流包裝，你入來進餐就是一個人的身份認同。一個人的身份被定義為一個人的自我建構的整體，其中一個人在當下自我詮釋的方式，表達了一個人如何像過去那樣自我詮釋與一個人如何渴望未來自我的模樣之間的連續性。如何去表達自已為支持榮光的個體，與他者不同，就是來光榮冰室，拍攝幾張相片放在自己IG story上。平日晚上九時到來，仍然滿載。餐廳空間貼滿文宣。發揮一下超想像，如果店立在清末，這兒能否成為孫中山革命思想的創源地及根據地呢。點了快餐，日式肥牛蛋飯配凍奶茶，直接簡單，味道很難煮得差，純為飽肚。來這兒吃飯，都不是為美食，只為求一份認同及支持理想。一百元不用找。]

老闆咁好點可以唔過嚟支持一下！ 拿出40萬元買了約30萬個口罩除左餐廳裏派發口罩外都去較窮困的地區派發！今次雖然未必可以留喺室內但係都可以叫外賣一啲都唔馬虎叉燒比較入味蛋有比較滑份量夠曬多啊！好飽！平時都夠好多人排隊但多數都係外賣比較多等10分鐘左右就可以啦好嘢唔怕等我希望大家都可以過去試下支持一下唔同嘅餐廳係呢個情況下都唔容易！互相鼓勵先可以更加好而且味道又唔差分店有多可以出分力一齊抵抗宜家呢個艱難嘅時期

話說路過荃灣， 我諗住食光榮冰室， 入到嚟成個格局真係好香港， 大家都係講廣東話， 今朝早食早餐食乜好呢， 食沙牛麵好唔好呢， 仲要係好傳統有得落湯粉嗰隻 ， 一定唔可以用換裝要用碟上。 定係食過香港本土特色嘅 西式扒餐好呢？ 話就話西式扒餐，其實係香港地道嘢囉， 你睇下嗰條廚師腸加嗰個炒到pat pat嘅炒蛋， 同埋理都唔理下，就咁倒出嚟嘅茄汁焗豆， 真係勁有香港茶嘅特色。仲有冇加啲奇怪醬料嘅煎雞扒， 加多杯 凍啡， 一個早餐就好歡樂咁完成， 香港餐廳嘅感覺。

最近都會少出街食，可以慢慢補食評～本來收工過黎都諗住要排返陣隊，點知好好彩黎荃灣店既人少d好快就有位啦不過要搭枱坐得比較迫，似以前細個食茶記不過唔緊要啦，見隔離食常餐我地又叫左個，重有個煲仔飯常餐先上，正正常常不錯啦～炒蛋幾滑通粉唔過淋唔過鹹煲仔飯先係重頭戲！上到枱熱辣辣！加d豉油再焗一焗有好多飯焦🥰好開心啊食到停唔到平時成日叫減肥既我差d食晒成個，好彩懸崖勒馬…叫男朋友食快d！！不過下次黎會帶多2個朋友一齊坐卡位舒服d～

光榮冰室開業半年多仍常常要排隊。早餐最優惠是番茄肉排通粉跟飲品。份量比一般快餐店大份。番茄湯底感覺較天然，沒有太多人工調味料，吃過後可以飽飽地開始愉快一天的工作。

Never seen a cafe like this : dirty posits everywhere, super arrogant waiters, poor food quality, crowded seats, poor hygiene level, some staff even asked us our political views! We just want to take a rest and fill our stomach! For god sack! What a evil place! Don't try!

早幾日聽講呢間餐廳比平機會警告原因係外牆上既呢張紙不過拒絕冇帶口罩既人當然絕對係好啦保障員工同客人嘛呢個都係門面位意想不到既係其實呢道冇玻璃( ´▽｀)路過既人其實可以隨時拎走啲野有種 係信任啊！ 既感覺茶記用霓虹光管做招來都常見但放到咁低又真係少見 都係個小小打卡位既入到餐廳 夠光 冇乜牆上設計即係冇鏡 冇裝飾櫃 冇鐵片 冇牆紙全部都係大大小小既文宣同一部電視有午市特價 咁晚市呢？冇問清楚下叫左個葱油雞扒飯 原來都係配野飲 所以應該午市特價係包埋夜晚上枱 雞扒都煎得幾香係熟既 （好重要！）冇好大陣雪氣同雪味葱油係明顯地多既 夠鹹撈飯都好食既另外叫左叉燒炒蛋飯( ´▽｀)快餐 45蚊包野飲嗌既原因係入到冰室絕大部分人都係嗌呢個所以就試啦 嗯。。 叉燒唔燶唔硬 蛋唔會過生 唔錯其實冇話特別好好好好好好食不過茶記冰室做到咁真係高於合格45蚊包野飲 其實性價比都係高既都係屬於屋企既味道檸茶個茶底幾好飲 唔苦但有茶味野食啊裝修都ok既 係而家因為疫症所以會略嫌人同人之間冇乜距離一張枱都搭左三組人 對於飛沫傳播係緊張少少但冇計啦。。間間餐廳都拍烏蠅佢要排隊。。( ´▽｀)搭枱都人之常情不過而家當

終於黎到呢間黃到發金嘅黃店。1點食飯時間，都好多街坊食，唔使等位但要搭枱食。店內文宣poster 都好多，店外仲有好多港人打氣嘅memo！ 黎之前做咗少少功課，叉燒炒蛋飯係熱門之一。其 一個快餐就係叉燒炒蛋飯，$45包熱/凍飲。呢個價錢真係良心價。大大份男仔食都食到飽。唔只係飯多，蛋都好多，炒到金黃色嘅蛋鋪滿晒成個飯。炒蛋好滑，仲有蛋汁。蛋汁配埋甜豉油蛋汁，撈飯一流。叉燒就偏瘦，所以食落去有啲嚡。作為經典港式飯黎講，光榮冰室總對配得上佢嘅名氣。