兄弟邦

營業中

休息中

在繁忙的旺角，中午時間，真的很難找位置這一間也要等位的，但看到他的門面有點特別，而且有人招待安排入座，就決定一試夏天的天氣有時真的想吃點冷冷的東西午飯時間真的十分多人和同事各自叫了魚生飯和豬扒飯他說豬扒比連鎖式的日本食堂好吃這些飯都是定食會附送湯和前菜，飲品除了汽水還有其他罐裝飲品可選這就是我叫的角切魚生飯還記得以前經常在吉之島買魚生飯吃當然這個的質素會比吉之島好很多人說角切魚生飯是頭頭尾尾來的但這個我覺得也算性比價高至少我感覺我吃的真的是三文魚而不是紅樽魚！因為紅樽魚是真的不能生吃午飯時間這個真的是旺角的好選擇啊

型格既裝修 侍應都好有型 疑似老細既都好有性格小妹通常打電話叫定外賣多 每次聽電話果位都好cool 鬼叫佢啲嘢好食有又誠意 無計 差不多隔日叫外賣咁濟賣飛佛 煙三文魚三文治 配料十足 除左三文魚 仲有青瓜生菜加沙律醬夾埋一齊 味道好夾 但有時啲麵包有啲實 加埋杯凍飲 都係$33 夠經濟題外話 宜家時興走飲筒 但外賣凍飲會比兩支管 會唔會太唔環保♻️呢？其實一支已經夠篤檸檬🍋 唔需要額外比多支 有時電話講左走飲管 都係無走😞想環保都咁難 真係幾無奈

今日同事又話要去食日本野，咁咪去囉，大不了下晝返去食tea。今日去左勝利道果邊搵食，果邊已經係何文田，唔算係旺角，大熱天時行咁遠真係好辛苦。呢間餐廳門面係一個趟門，第一次去既人可能未必搵到佢個門口。鋪面不大，但坐得尚算寛敞。行到一身汗，都唔想食熱野，唯有揀我最愛既角切魚生飯。呢個角切魚生飯有三文魚，吞拿魚，蛋粒，青瓜粒，用料非常充足。魚生非常鮮甜新鮮，中午套餐仲包前菜小食，麫豉湯，飲品，都算抵食。無奈我下晝4點已經肚餓，都係要去食TEA。

The man serving food here has the worst attitude and is the most impolite food service worker in HK! He can’t help but make condescending remarks to paying customers even for the simplest requests like what style of eggs to cook or where to sit. The owner needs to fire this man because he is bad for business!!

去完旺角捐血，都要補充翻啲營養先得，所以就去翻泊車附近地方揾食，今次揀咗食刺身飯。呢間以前都有食過，但位置係隔離個舖位，唔知食物質素會唔會唔同？坐下來，就叫咗個拖羅茸親子丼，因為係刺身飯嘅關係，好鬼快就有得食。望真啲，呢個飯好似細碗咗，一路食一路都諗不如叫多樣野食啦，費事返到屋要煮公仔麵。但最後係冇叫其他，只係慢慢食慢慢食，唔知係咪食得慢嘅關係，食到最得一粒飯時，竟然有飽肚感，最後到宵夜時間，一隻「馬仔」都冇食到呀！P.S. 好多人都講，食飯唔好全滿，而我就習慣係食到超級full，對食慣7、8成飽嘅人，呢度都算係一個幾啱嘅選擇。

本人經朋友介紹，黎到勝利道這間餐廳，地方不算太大，台櫈有種學校飯堂既感覺，我點了一個公仔麵餐，但先黎左一份蛋同包，原來$30價錢已經包了3款食品，感覺上都算底，當我正想享用我既早餐時，特然傳來Disco歌，我既早餐時間完完全全被這些歌曲破壞，覺得非常有問題，但我睇過該餐廳環境並沒有放置音響，點都好，食物還要食，只好快手食完埋單走，正當我埋單既時間，已經聽到嘈雜既音樂是由打通了鄰店的發光音響傳出，難道一朝早聽到這類音樂不怕影響其他食客嗎？食品依類價錢對比，不過不失，但餐廳環境真的有待改善，希望下次光臨不會打擾享用食品的心情

今天是復活節假日。原本放假休息，但是之前預約需要開半天會。開完會後，經過何文田附近。那裡有些很多食店，見「兄弟邦」很像電視節目名稱。再仔細看門外餐牌是吃日本料理。心想應該好好食，於是入內坐下落單。我點了壽司定食，右起有魚子，三文魚，三文魚腩，吞拿魚，北寄貝，雞蛋，長蟹柳等壽司，麵豉湯及日式八爪魚，鳴門券烏冬及鍚蘭檸茶。壽司定食，賣相一流。壽司用的白飯是珍珠米，飯質軟硬度適中，水份感不太重，少少的酸味。芥辣醤，不太嗆的辣味，用來蘸各款壽司會帶出鮮味。魚子:魚子細細粒，食起來不覺得好腥的感覺。三文魚:厚度適中，鮮艷，口感豐富，味道好鮮甜。三文魚腩:有些魚腩脂肪。蘸少少芥辣醬及日本豉油就去油及肥膩的感覺。吞拿魚:厚度剛剛好，蘸芥辣醬食起來就不覺得滿囗好腥感覺。北寄貝:好像墨魚。由於食起來沒有味道，蘸少少芥辣醬及日本豉油帶出北寄貝的鮮味。雞蛋:厚度適中，食起來不太軟也不太硬。長蟹柳:食起來好有鮮蟹肉味，味道鮮甜。麵豉湯:有紫菜及豆腐等料材。味道好新鮮，不太咸。日式八爪魚:醬汁味道不太濃。爽軟及好鮮甜。鳴門卷烏冬，暖暖地。賣相可以，份量也適中。味道清淡，也不太咸。錫蘭檸茶，夠凍。茶味濃帶少少酸味

選擇這家餐廳純粹看中它非中餐又不用等位，主打是定食，另有壽司刺身及日式小吃的單點食物。店子以水泥灰牆為主調、配上木門木桌，略有工業風的味道。滑蛋豬扒丼飯跟前菜、麵豉湯及汽水 $52前菜是螺肉，口感粗糙偏硬，更有咬不開的渣滓要吐出來。麵豉湯的味道跟同類消費水平差不多的餐廳無異，但問題是熱度只到微暖。螺肉與麵豉湯只是點綴，一切就看滑蛋豬扒丼飯的表現了。首先飯是正常，雞蛋的確嫩滑，但是它偏向炒蛋的模樣，並不是日式丼飯那種蛋中有湯汁的感覺，而且味道很淡，我前後大概多加了三湯匙日本鼓油。豬扒丼飯吃過不少，第一次吃到加入金菇的，算是小驚喜。炸豬扒的肉質不過不失，比較好的地方是不油膩，以收費水平來說合格，然而味道太淡，未能產生好感。食物一點都不難吃，但質素實屬中下，不過以現時物價來說，收費$52一點都不貴，而且吃得飽，功能性絕對是有的，所以也沒覺得錢白花了。然而，此等質素令人提不起興趣再來吃同類食物，但看在它便宜份上，或許會再來嘗試其他食物。離開的時候更發現門口的玻璃貼着一大張類似茶餐廳的常餐與三明治餐牌，收費只是三十多元，感覺值得一試。

已經黎食左n次，依然價廉物美，中餐又有汽水，麵豉湯，同一款小食，魚生新鮮，通常我會食三色丼，老公食香蔥吞拿魚丼，今次我叫香蔥吞拿魚丼再加兩隻甜蝦，吞拿魚分量十足，又新鮮，蔥又香，非常吸引，寫返都想再食，追加既甜蝦，好鮮甜。佢哋仲有啲午餐，大家都可以試下

去開何文田附近，見到呢間啲午市套餐只係五十幾蚊，入面人山人海，餐牌選擇又多，緊係入去試下啦!叫左角切魚生飯，啲魚生好生鮮! 由其係啲三文魚，切得大大粒，仲要好新鮮，好肥美，玉子就稍嫌有小小細粒左，但全部都好新鮮，抵讚。五十幾蚊既餐，仲要有埋前菜，麵豉湯，飲品，飲品除左可以揀冷熱飲，仲有得揀罐裝飲品蘆薈等等，真係超級抵食。為一美中不足既係上餐有點慢，比我遲黎十分鐘既人同我同時間上餐，飲品都要再催先記得黎比我😢 不過食飯時間好繁忙，可以接受啦!

今日下午我們喺何文田窩打老道做完嘢之後去咗之前食過，而且印象相當唔錯嘅「兄弟邦」食下午茶！我們叫咗出前一丁麵餐：蕃茄濃湯頂級腸出前一丁嘅蕃茄濃湯係用新鮮餚製，所以味道真係超鮮味濃郁，而且仲有啲新鮮蕃茄舖面，頂級腸嘅腸皮非常爽口脆身，由於係比較大條粗身，所以口感相當豐富，而出前一丁嘅麵質好爽口彈牙，唔會煮到過咗火，而令到麵條變到諗晒！忌廉鷄湯瑞士汁鷄翼通粉嘅忌廉湯底相當香滑濃郁，濃稠度亦調教得恰到好處，唔會過稠或過稀，鷄翼嘅肉質好嫩滑，而且醃得好入味，就算浸著喺湯入面，都唔會變淡，依然食到瑞士汁嘅香甜味，而通粉嘅質感亦好煙韌彈牙！跟餐配嘅北海道牛乳炒蛋拼香草包嘅香草包係厚切㗎，而且烘得相當酥脆香口！而炒蛋除咗炒得非常滑溜之外，仲有好芳香濃郁嘅蛋香味，真係超正呀！係本人嘅必食推介！

走在何文田，找到一間有趣名字的餐廳，兄弟們一起努力，合作營運一間餐廳，不會是一件容易的事。而英文名Neighbour's 表示這是街坊的，相信裡可以為街坊提供一個好的聚腳地方。這餐廳地方不大，正合老友們，兄弟或姊妹們相聚。香蔥吞拿魚飯的吞拿魚很香，也很滑，很好吃。而飯的軟硬度也很好，很好的配合，很好吃。

由於較早前喺何文田勝利道嘅「兄弟邦」食過下午茶，覺得他們嘅出品都幾好，所以今晚喺附近做完嘢之後，就諗著去食晚飯！原來喺晚市時段「兄弟邦」係賣他們隔離嘅兄弟店「鮮丼家」嘅食物！我們叫咗五色丼飯係用「三文魚、甜蝦、蟹籽、北寄貝同油甘魚」堆砌而成，令到賣相相當色彩繽紛吸引，份量亦好足料，差唔多每款都有兩件，而且係我們最鍾意嘅厚切，肉質超肥美甘香，魚油嘅香味，簡直係齒頰留香，真係超正呀！西京銀鱈魚丼飯嘅銀鱈魚嘅肉質好鮮味彈牙，表面煎得色澤好金黃！豬軟骨鍋「壽喜燒湯底」嘅湯底味道香甜濃郁，豬軟骨嘅肉質相當鬆軟，完全唔會有硬實嘅感覺，另外套餐原本係跟飯，但我們叫咗幾個都係飯，所以店員向我們推介話另加$10就可以轉稻庭烏冬，烏冬嘅麵質好軟滑，放入香甜嘅湯底一齊食，吸收晒湯汁嘅味道，真係好正呀！滑蛋鰻魚丼飯嘅滑蛋好嫩滑，因師傅控制時間火候恰到好處，唔會過咗火，而令到鷄蛋變老，而鰻魚嘅肉質亦好爽滑彈牙，再淋上香甜嘅醬汁一齊食，真係好夾呀！

在一個滂沱大雨的日子，本猫奴一拖二帶著兩團毛球到獸醫院做例行檢查。放下了毛球，檢驗結果需時一個多小時才出來，百無聊賴，於是在附近蹓躂找早餐吃。早上近十一時的勝利道，很多食肆仍未開門。走著走著，見到一間名為兄弟邦的餐廳，跟同街的茶記早餐很大不同，決意選擇到此。一個有趣的發現：剛巧坐的位置看見墙上一大個Neighbour's的英文字，小人心想為何不是Brother's呢？😊早餐有三文治餐及公仔麵餐，小人要了後者，加雞扒$12。北海道牛乳炒蛋果然非凡，嫩滑不特些，更有勁香的蛋味，配香草牛油厚切麵包，吃完已飽了一半。不過接著的蕃茄湯意實在堅好食，蕃茄湯酸度恰到好處，即使浸著一塊煎雞扒亦一點不油膩，小人喝了很多。湯意粉本身已有不少火腿絲，但那塊即叫即煎的雞扒又香又多汁，絕對是錦上添花。咖啡夠濃夠熱，這就完成了一頓豐富美味的早餐。吃到最後，竟然在碗底撈到一粒通心粉，也很不錯，小人已決定下次要吃通粉鳥。

今日下午我們喺何文田窩打老道附近做完嘢之後去咗勝利道嘅「兄弟邦」食下午茶！一坐底嗰陣店員會同我們講話：「如果你們想食公仔麵餐嘅話，就喺餐紙上選擇咗想要嘅食材，然後再交畀我入單！」我們就選擇咗公仔麵餐：煎鷄扒出前一丁嘅鷄扒煎得色澤好金黃，肉質好鬆軟嫩滑，而且相當大塊，出前一丁麵亦煮得啱啱好，唔會煮到過咗火而變到好腍身！煎火腿扒通粉嘅火腿扒係將表面輕輕煎香，食落味道更加香口，通粉比平日食開嘅較大粒，而且好煙韌彈牙！另外！跟餐配嘅北海道牛乳炒蛋炒得非常嫩滑，師傅控制時間火候恰到好處，完全唔會有「嚡」嘅感覺，而且蛋味相當香濃，真係好正呀！香草包食第一啖就已經有淡淡芳香嘅香草味慢慢滲透出嚟，麵包嘅質感亦都好軟熟！