影片
星期六約佐朋友喺時代飲嘢, 咁就喺附近食d嘢啦, 去佐時代後面元綠, 我已經好耐冇食元綠架啦, 都冇對佢有咩期望... 去到嘅時候, 冇order枱就唯有坐迥轉位, 但係位置喺廚房門口, 廚房門冇關, 而且傳出好強嘅清潔劑味道... 其實真係有d想走, 但已經坐低佐又唔係咁好意思, 咁我哋馬上要求轉枱, 等佐一陣就有枱轉, 如果唔係真係好難食得落囉...三文魚買一送一, 咁我哋咪叫佐一客囉, 有10塊三文魚, (其中有兩塊係魚腩), 我食佐一塊三文魚腩, 竟然有魚鱗囉, 嘩! 好恐怖呀! 我同個經理講, 佢即刻話同我換過碟, 佢攞去換果時係有5塊三文魚架, 但換完返嚟就得返4塊, 咁我梗係同佢講返啦, 點知企喺壽司吧果個4眼廚師好不滿咁啤住我哋囉, 再換返嚟果碟三文魚, 舊魚嘅顏色明顯係暗啞d佐同唔新鮮架囉! 唔駛問都知係廚房處理過程出佐問題, 先會有魚鱗囉, 仲要好不滿咁啤住我幾次, 好似係我唔啱咁, 真係好過份囉, 同埋而家經濟咁差, 廚房出品仲係咁差嘅話, 我諗係唔會有人再幫襯囉...
繼續閱讀
mad:同自己講過話唔會再去食元綠,但基於今次係我老豆搵提意gei, 所以比多次機會佢 !!個段時間係下午茶時間, 入到去淨係見到1對外國人坐係度幫襯, 真係拍"烏英"咁濟 !!咁有個服務大使係度好好態度, 令到我覺得有1刻對元綠好感左 !! 但原來成間舖得佢係有服務, 其他個個當自己屋企咁, 叫又唔應, 又係度大大聲玩, 可以跑, 可以講D粗俗野 !!食物質素方面, 叫左都幾多, 但每1件都有1個問題, 就係D飯一夾散哂, 仲要係勁白飯味, D紫菜又會飛起左, 好難食 !!最尾叫多2碟, 蠔情卷 & 炸蝦卷, 呢2碟足足等左我半個鐘, 一吹之下, 後面整sushi師傅一check, 大大聲話 "下, 都無落過單!! 有無搞錯" "搞錯"呢2個真係應該又我去講咯 !! =0=||唯1我可以覺得好味gei, 就係等左半個鐘gei "炸蝦卷" !!總結 : 今次以後真係以後都唔會再lai !!
繼續閱讀
本來諗住去time square間元氣，去到先知執左太大雨關係，轉左去食元祿...已經好耐冇去過元祿落大雨，citysuper foodcourt 又多人....俾多次機會佢啦..壽司還算新鮮，師傳好刀法，三文魚切得好透薄特別想講o既係侍應懶懶閒...已經坐近收銀位置，但係每次不停舉住手或者叫幾次先叫到唔怪得星期六都冇乜人食
繼續閱讀
銅鑼灣分店平時已經唔係咁想來次次食完都肚痛陪朋友就無法倆個女子本來想慢慢食坐耐的傾下心事無得坐普通台，要坐迴轉台都算將凳鬼咁低，張台又高，食野好唔就手叫左個2人餐$128，但收正價加一(好搵笨)手卷紫菜淋晒，個拉麵無乜味，壽司唔新鮮仲睇到兩杯飲品既制作過程我個位附近的一角，放左好多濃縮加水的飲品，及冰、杯…附近還有未洗的杯碟求其沖杯野比你，售價係$20兩杯好唔衛生唔係好飽都唔加野就走
繼續閱讀
原本諗住去時代元氣﹐點知去到先知佢地裝修﹐所以去左好內冇去過既元綠。可能係平日﹐所以食客唔多。見帶上既壽司唔係咁新鮮﹐所以就落單叫左幾款﹕三文魚子﹐北寄貝沙律﹐珍寶帆立貝﹐黃金魷魚同炸豬扒。因等左好內都未來同實再太肚餓﹐所以係帶上拿左幾碟三文魚。味道唔係好亦唔係差。等左差唔多20分鐘d壽司仲未來﹐先見到原來個司傅用我地order既野一路教另外個司傅仔點整。上臺時全部包住軍艦既紫菜都亦經淋晒﹐d紫菜淋到麶住舊飯﹐直情現灑d飯文出來﹐仲衰過係帶上麵果d。全部軍艦都唔掂﹐唯獨炸豬扒幾野味﹐同肉質唔鞋口。珍寶帆立貝雖然冇元氣果d咁鮮﹐但已是今餐所叫全部壽司中最好既。
繼續閱讀