元気寿司 (東港城)

營業中

休息中

雖然元氣高速列車出左好耐，但一值都未有機會去見識下，今次心血來潮就算幾多人都要等，好耐都唔算等得耐，大約20分鐘左右就有位，仲安排左坐卡位可以舒舒服服坐梳化。因為小朋友要食熟食，所以點左玉子壽司，玉子甜甜地小朋友都鍾意食。三文魚腩壽司：三文魚腩新鮮，食落有魚油香火炙三文魚腩壽司：火炙三文魚腩壽司和三文魚腩壽司味道差唔多，只係有少少熟同全生既分別。熟蝦壽司：一碟有2件，一啖放入口size剛剛好，熟蝦都有少少彈牙，都幾好味。北寄貝壽司：北寄貝新鮮，咬落鮮甜沒有腥味。蝦天掃羅壽司：蝦天掃羅外層炸得脆脆地，雖然上枱已經凍晒，但勝左夠大隻，小朋友食得好開心。下午茶食幾碟過下口癮，總體感覺2都唔錯。

其實不嬲都去開板X同cheap d嘅爭X。自從元氣佢有𠺢火車喺度走來走去，就開始多咗嚟元氣啦。花臣嘢原來真係可以有噱頭，吸引到一啲好似我依啲客。除咗得意，因為我覺得佢係即刻做出嚟，會新鮮啲，唔似得D喺嗰枱面度轉來轉去放左好耐。當然款式多同埋好食都好緊要，雖然價錢貴少少，但係我都覺得佢啲嘢幾好食。平時多數去apm分店，但係真係太多人。今次第一次嚟坑口新開嘅分店，坑口另一間分店冇火車，所以冇去。😂。

I seldom comment for the chain restaurant. However, I think it worth me to make a comment in Open Rice for their services.Actually, I think the waiting time is quite fair if you take the ticket in the APP as member. I was exciting that I can have the seared prime salmon with miso finally, it always sold out! The first dish they served were so tough, I even cannot eat it. It was appreciate they changed it for me and the second dish served was great!

呢輪食得太多熱氣食物，今晚要食返d清清地，壽司就至岩！赤海蝦肉質幾鮮甜；柚子胡椒醋吞拿魚充滿柚子香味，帶點胡椒嘅辛辣味，吞拿魚腍滑，好清新；另外仲叫左帆立貝裙邊作前菜，唔駛只食壽司咁單調！飲返杯綠茶，食下甜酸薑片，冲洗一下味蕾又再食過！

The sushi is very yummy, the icon is very tasteful and he steamed egg is delicious. I love the food here, and plus there is 3-2 bullet trains that deliver the food to you (except hot food, like udon on and the egg). The only thing that I don't like is that there is always lots of people in the dinner times (5:30 - 10:00). I recommend you to go to this store for afternoon tea and late lunch, but dinner at the Hau Tak store (very near, just at the shopping next to this one, called "TKO Gatew

10點正自動結帳，電腦板顯示已經結賬，無得check下仲有乜未到。唔係應該起碼幾分鐘之前提示客人將會載單？後來服務員問我仲有乜未到，我話你cut左我單，我枱上部平板機已經check唔番。跟住良久print張單比我睇，我話有蝦壽司未到。轉頭10秒唔夠回頭話架機壞了，無得食。全程一句sorry都無，表情絕對係「你快D走啦」。我明白你用「高速火車」送餐可能可以慳番D服務成本，但僅餘的員工也疑似唔想做的態度，實在令人擔心。唔好話其他人慢慢吞噬香港，係我地自己香港人唔長進，服務業倒退，放棄進步的機會。

今日星期三 行開坑口想食日本野咁就想試下食元氣 由於冇會員個關係需要walk-in 等位 我應該7點半到拎飛要40張台 等左大約45分鐘就有位了比起其他分店 算係比較少人 2個人試住食住咁多先 整體上都算唔錯但建議大家唔好食鰻魚丼 個人覺得唔好食依個限定既卷物幾得意 上面用巴馬火腿黎 值得一試整體上 依間算係比較少人既分店 質素不錯

難得一家三口落街食壽司小朋友話要食轉轉壽司但我蝦子餅話唔要食平價轉轉壽司想試下新野 就係依家好hit--高速壽司話說20:14 去拿票一等便是100+結果等左60 mins終於到我地大家都二話不說 一人一平板 齊齊落個單依家用平板 真係好方便自己食咩就落咩 唔洗問大家最好係送到去自己位 唔洗分來分去高速送到 再按上面 元氣仔按鈕送返個車回去 就可以la一次可以同時送三碟到同一個位至於食物有 海膽軍艦 馬刀貝壽司 筋子壽司每一個都好新鮮 好味道炸墨魚軟骨應該係炸好 放左d. 時間上時唔係熱 而且好鹹以前呢個 真係好好味依家另我唔想再order炙燒牛油赤海蝦試下d新野蝦係表面熟 d牛油味都好香仲有 dd香草 好夾飛魚籽蟹肉蟹膏綠茶千層蛋糕第一次元氣order甜品本身唔係我吃 但小朋友飽就變左我食都幾重粉漿味但綠茶都唔會太甜加上d. cream. 都唔會太厚可以encore ge希望下次可以唔洗等咁耐就好la

帶肥髀去將軍澳做面，做完獎佢食最鍾意嘅元氣，雖然係閒日，但都有不少客人等候中，我係會員，先用手機apps攞位，去商場逛下，20分鐘後仲有10個號碼會有提示，返去等一陣就入座，呢間做咗列車上菜，我哋在平板落單，壽司🍣就搭列車送到！子薑：爽脆酸酸的開胃！海膽軍艦（$25）海膽幾新鮮無溶到，紫菜爽脆！好吃三文魚籽軍艦（$17）三文魚唔大粒，鹹香唔腥！赤海蝦（$10）蝦肉厚身爽口！螺片（$10）厚身有咬口爽口！赤貝（$22）唔知點解有好多黏液，賣相比較醜，食落有咬口，但微腥！ok炙燒左口魚群邊（$12）好大塊魚肉，燒到出油，微焦面！好吃帆立貝（$17）因為見列車送比其他人客嘅幾厚身才叫，厚肉滑溜幾鮮，好吃飛魚籽軍艦（$17）我同肥髀各叫一客（我同佢都鍾意食粒粒）紫菜爽脆，飛魚子籽粒粒脹卜卜彈牙，鹹香好味！朱古力芝士蛋榚（$19）朱古力味濃！軟滑好味！肥髀食：油甘魚（$10）皇帝蟹柳（$17）蟹籽沙律（$19）日式炸芝士年榚（$28）炸得好醜樣，爆晒都照比客！中華沙律（$17）皇室紅茶雪榚（$24）壽司大部分都幾好，店員定時來收碟，收銀爽手！元氣列車服務

本來今日都冇諗住出街的，都唔知點解，一家三口Hea到差唔多2點忽然興起話出去行下；就係咁搭地鐵去左坑口行下啦。成10點幾11點先食完早餐，一直都唔多飽，所以都係周圍遊；行過見到有間食越南野，本來老公想試的，但要等位又放棄了。再行過元氣，見到有火車的，仔又望望下，結果就攞左飛仔入去食啦；因為老公又未試過火車送餐，咪玩下囉。都要等20張枱架，但隔離就係三聯，所以走左去睇書又唔覺得等左好耐；而且重有10張枱時，會有電話提醒，重有10張枱就快到。幾好丫，真係預左個客唔駛企定定係門口等。一坐底2父子就一人一個pad係度點餐啦，老公都幾好奇點送餐每次有火車經過都望下先，佢重笑話火車行過拎左唔知會點呢？點下點下，2父子真係覺得好過癮咁，放低部機冇耐，先黎左1,2碟壽司又點過；結果食到我地勁飽，食完都4點，都唔知點食晚飯。一開始就2架火車一齊黎，上左4碟壽司。講真，味道冇乜點，一直覺得元氣好過板長DD的，有火車玩重過癮D，而且好似係冇板長咁貴的。跟住係個樣有D伏，但原來都OK既芝士煙肉烏冬，不過覺得OK，可能因為我同仔仔都係芝士控，有芝士就乜都好味。再黎2架火車...放到成枱都係，感覺係食得開心D咁喎

這間元氣壽司是新開的, 以火車壽司為主題!由於輪候人數太多, 基本上要等1.5個小時才有得入坐! 幸好附近有很多商銷, 可以一路行一路等位!至於食物方面, 佢比黃埔和九龍灣以火車壽司為好! 黃埔那一間也的很難食,所以不再去!這間算是ok好食, 當然佢未算是好好食的那一種, 但起碼佢物有所值!所以日後應該會再來!!!不過, 回枱方面真係有待改善!!!!成排枱食客已經離開超過20分鐘, 你都沒有人去清理, 難怪門口輪候的人這樣多!!!!!

今晚行過，阿仔極力拉我要排隊食元氣火車壽司，好啦，遙距用電話攞飛，行多陣商場先。差唔多排到九點先至被安排入座，肚餓極了，可以坐到卡位，但係枱面未抹乾淨，還見到蟹子同埋一粒飯，然後發現調味盤充滿水，店員清理抹乾水，情況改善但可惜豉油樽沒有了， 等了一段時間才來。小朋友有玉子壽司就開心啦。油甘魚新鮮，辣味長鰭吞拿魚，北寄貝壽司最新鮮最抵食，一碟兩件。新鮮三文魚ok呀沙律蟹柳軍艦，水平一般。貝柱也是我喜愛的。魚皮好厚，但係唔夠脆。牛肉薯餅新鮮炸起，好吃。野菜烏冬，及格啦。

好開心在家附近開了一間元氣壽司高速線，所以立即吹雞同d小朋友來又食又玩！之前我在另一間分店吃過，係幾好玩的！先在ipad點您想吃的東西，美味的食物很快由列車運送到您座位面前！別忘記在拿食物後要按一下個閃閃下嘅制，把列車送回廚房呀！😁🚅P.S.我表弟話好玩，佢話會再來！😋👍