元気寿司 (淘大商場2期)

營業中

休息中

諗住方便屋企人啦 久違咁食元氣梳乎厘穴子陣味超怪 好難食生蝦食落唔新鮮吞拿魚睇落食落都唔新鮮三文魚腩好少少 不過睇落都唔新鮮帶子一般野食黎得好慢服務態度一般最後就係烏冬ok la

元氣@淘大抵食午後之選店內卡位不多 ，如果坐迴轉位，係較迫同唔舒服的所以每次阿仔都要等卡位，小朋友最鍾意個列車送餐，次次幫手拎嘢食，又開心又有滿足感。今日食午後之選，真係好抵。1A餐有三片三文魚，夠厚，幾新鮮。辛辣長鮨吞拿魚壽司上有脆片同辣醬，配合一齊食，幾好味。白鳥貝壽司，新鮮爽口。柚子胡椒鰈魚，柚子同胡椒味都唔濃，不過不失。加埋炸蝦卷，炸卷鬆脆彈牙，外層飛魚子，好食！ 1D餐有炙燒珍寶燒蟹柳，蟹柳好厚，燒得好香。燒汁牛肉燒汁味好濃，好味。炙燒黑椒三文魚，無乜黑椒唔味，但燒過既三文魚，游走熟同唔之間，好味！蒲燒饅魚無骨，加汁食，好惹味！厚燒玉子不過不失，蛋較甜！1C餐有甜粟米，炸蝦卷，皇帝蟹柳、厚燒玉子同熟蝦壽司。炸蝦卷最好味，如上介紹，其餘無乜特別。每個餐都有小食同輕食，今次輕食我叫了烏冬，好驚喜！湯底清甜，烏冬彈牙。小食我叫了大板章魚燒，外脆內軟，味道不俗；炸蝦丸夠鬆脆，但無乜味；芝士薯條夠粗，點芝士醬食一流架！

經常見到呢間連鎖店好多人，預左要等位，點知原來裡面好多位淨，唔知係因為人手唔夠定係特登營造多人食嘅景象。。星期日黃昏攞飛，無聊地等左半個鐘，全部人都喺度嘈。點菜已經用qr code 同自動上菜，點解唔放人入去。三文魚真係唔靚，唔知係未刀功問題，一塊塊西瓜片咁，啲壽司飯唔新鮮，硬到一粒粒，似夜晚超市啲壽司，茶又唔夠熱。天婦羅啲粉唔ok, 似街邊煎釀三寶啲粉，又冇天婦羅汁。其實好多年冇食過，同另一間連鎖最近好hit 嘅比，實在有啲距離。

I've been there with my friend. The staff and cashier are so rude and dishonest!The restaurant serve dish by clicking mobile phone menu: when I want to click a dish, the staff immediately cancel the dish on their machine labelled as ‘sold out’.The dishes are not tasty and not fresh, we waited for more than half an hour but still haven't serve one dish to us.The cashier has no manner--the staff are reluctant to serve our table. Ridiculous!

中午來淘大食lunch，淘大一向都多嘢食。見到元氣最近有優惠，每人食夠$50就送一碟大滿足，好似幾抵。一個海鮮丼，連埋湯，連埋炸物，茶碗蒸，都係$88 ，加$12有手卷，仲有一碟大滿足送。本來對中午嘅lunch都不寄予厚望，但難得嘅係魚生飯新鮮，份量足，茶碗蒸又夠滑，仲有帶子。東京拉麵壽司定食$68 ，份量足夠，男士食完也足夠飽。係難得平、靚、正嘅日式定食。淘大這間元氣座位坐得舒服，卡位多，喺疫情期間，個人覺得坐卡位係好重要其實下午茶更低食，下次有時間一定要來試試。

住係九龍灣。日日都要搵飯食Happy Friday。放工同老公簡簡單單去元氣醫肚好耐都無去過食。今次有驚喜一坐低就見到厚切鰻魚。好吸引呀。仲要$12蚊咁抵。即叫。黎到熱辣辣的。鮮嫰又多汁。抵食之選👍🏻👍🏻 限時。要黎食多幾次先得🤤🤤第二個想食既係蔥香赤鯥。被譽為白肉拖羅。點可以唔試。但好可惜。唔知係咪太好味賣哂😭😭下次要早點了🙄仲有碟牛。老公話好有和牛味。好正。不過我唔食牛。無試再黎都係啲例牌必食既野。炸蝦卷。我最愛🥰🥰 配埋綠茶。簡直人生享受。黎元氣一定要食炸蝦卷！好治癒呀 🥳總括黎講。好味又抵食😋😋 臨走想叫多碟鰻魚都賣哂了😟😟可惜呀。下次再食吧🥰

以前吸引我一次又一次回去的是三文魚頭湯，現在是豐富的下午茶選擇。每次必選蒸蛋，熱辣辣，滑溜溜，還有大大粒的帶子，食完成肚暖笠笠好舒服😌壽司拼盤有多種生熟的不同選擇，但我現在盡量少吃生嘢，所以選了幾乎都是熟食的拼盤。上面都用火輕燒過，入口暖暖的，一口一個大滿足。最愛啖啖肉的蟹柳和甜甜的蛋壽司。芝士薯條是第一次試，熱辣辣新鮮出爐，沾上芝士醬，絕配。吃過不少分店，還是比較喜歡淘大這間的出品。想起好多年前在尖沙嘴的分店，和愛吃壽司的朋友吃了數十碟，兩人數盤子的時候忍不住相視而笑，美好溫暖的回憶。

好耐冇惠顧元氣壽司，突然想吃刺身又看見不用等位，即管試試質素能否保持。炸多春魚：一疊有四條，個人認為粉漿太厚，零魚肉更覺得少，多春魚算多春。日式海鮮燉蛋：燉蛋很滑，入口散發海鮮鮮味，有冬菇、蟹柳、日本魚蛋和蟹柳，實屬豐富，推薦！軟殼蟹手卷：軟殼蟹份量適中，驚喜的是竟然有蟹膏，驚炸過後很香脆，配合適量的沙律醬是不錯之選。加州手卷：有蟹柳、青瓜絲和一片牛油果，三種材料配搭一流，特別是牛油果已經成熟入口香味十足。北海道玉米軍艦壽司：玉米不算香甜，有些少失望。珍寶北海道帆立貝：帆立貝的確非常大件，而且鮮味十足，有片檸檬放在帆立貝面，加了兩滴更能帶出帆立貝的鮮味，不錯！三色刺身：三文魚肥美；北寄貝好吃算大件；帆立貝不能與珍寶相比，也算鮮味。

元氣又轉左新餐牌啦，極上優惠出咗幾款壽司，期間限定9月26日至10月16日，其中最令人吸引嘅係隻炙燒一本穴子壽司，長度我諗大約都有10 cm到。今次我叫咗炸多春魚，佢哋啲多春魚唔會話落咗好多炸粉，熱食來講都算係幾好嘅選擇。

是日平日下午茶時間 2:30pm,去到淘大好肚餓想食壽司,即刻諗起元氣,貪佢快靚正。點知......2:34pm係我地坐低左既時間,一坐低拿拿林點餐,呢度係人手落單,叫左兩個下午茶餐再加壽司。由於平日嘅關係,眼見所有卡位坐滿曬,迴轉位置就比較空,大慨3分1入座率。不過即使人唔多,冷氣都嚴重不足,我地坐個位係完全無風,有d熱。因為好肚餓所以特別心急,四圍望下見到比我地早入座嘅客人大部份都未有野食,有既話都得兩三碟壽司,而迴轉帶一直只係得一客炸蝦卷,當然我餓極都唔會拎個一客壽司嚟食啦平時去開元氣高速帶非常之快,差唔多係一落單就有壽司送到,今日係度竟然等咗近半個鐘,不論係下午茶套餐嘅烏冬,薯餅,定係散點的壽司,一慨都未黎忍唔住叫侍應幫我哋跟下, 結果等多五分鐘,即係足足半個鐘,野食先至到。最唔ok嘅係...等咁耐竟然烏冬&薯餅都只係微暖即係話烏冬薯餅其實一早整好左??仲有呢度既侍應係唔會主動幫食客收走食完既碟,呢樣同其他分店好唔同,服務質素有落差。平時經常幫襯唔同元氣分店嘅我,對呢間淘大分店真係要俾負評。

九龍灣壽司店唔多選擇，早幾日天然好熱唔想食熱嘢，所以就揀左元氣壽司。堂食太多人等位啦，惟有叫外賣買返屋企食。叫左A餐$398有52件壽司，再加個三文魚湯。等左10mins 就拎得啦。三文魚腩壽司好肥美，入口即溶火炙牛油蝦壽司，我最愛好香嘅牛油味，配合鮮甜嘅玻璃蝦一流！帶子壽司，都有鮮甜味。吞拿魚壽司就麻麻。。好鞋嘅感覺，仲有少少腥腥地。其他壽司就不過不失，普普通通。質素一定無日本食嘅咁好，但以平民價壽司黎講都算係咁。

見呢間唔洗排隊，啲壽司都等左一段時間先到，點知啲炸蝦卷，又凍又軟，好似放左一晚甘！炙燒又係凍冰冰甘！完全唔掂，真係食完幾舊都無意欲再食囉！以後唔會再黎淘大呢間元氣！

雖然剛剛有魚生蟲事件，但因為咁啱想食日本野，所以都係去左元氣食。今期有個蝦+貝柱+三文魚子迷你刺生飯，$22，都算幾平呀！不過好細，同埋啲飯有啲硬（始終機整）。不過食元氣都唔使太高要求啦比較好食嘅我覺得係火灸三文魚腩，芥抹墨魚，燒牛肉壽司

元氣我一向好喜歡食，特別佢個tea set真係超級抵！壽司嚟講佢既質素都保持得幾好，價錢又實惠！今次囡囡生日，見有張八折coupon 就舉家去食，入去時時間尚早竟然仲冇tea set, 雖然人未齊但叫定無壞，諗住打埋折就好化算了！食物上得好快！全部都好新鮮，我特別喜歡佢既赤海蝦，配上牛油再燒一燒真係無得彈。淡淡牛油香加少少燒烤香味，配上鮮甜嫩滑既蝦肉真係一流！蒸水蛋就係囡囡至愛，人仔細細可以自己食曬食碗！可知佢幾鍾意！埋單時收銀話叫tea set 唔用得coupon, 但明明條款寫明得，結果用左近半小時去討論，最後我地打埋去元氣客服問，最後結果係可以用⋯本來好好既一歺搞到成肚氣走，希望元氣既員工可以熟讀下d coupon條款，咁就唔洗引起誤會。後記：隔左個多月忽然收到多張coupon話只限淘大分店用⋯⋯唔知係咪諗住補賞下我，但我查實唔多時間經淘大，俾我都無用⋯⋯多謝曬⋯

夜晚去元氣食真係間間都排晒長龍果日係星期5夜晚食飯時間本身同朋友係去APM分店食但實在太多人排隊就轉左場去淘大分別都等左有15分鐘左右先有位入到去就即ORDER但呢間就冇得用紙mark 要叫人黎order最快上既係軟殼蟹手卷食到手卷最底都仲有軟殼蟹肉!!非常之足料呢個都係元氣必點緊接而來既係壽司個人認為火炙系列係必叫既!!火炙三文魚係入口即融既口感三文魚既魚油係口腔融化上面既醬汁同經過火燒既三文魚配合得天依無縫!另外仲叫左炸雞炸得唔會乾身 雞油仍然係好充足 好juicy但美中不足既係5舊雞入面有1舊其實係未炸好咬入去仲係凍呢一點要扣分最後再叫左泡芙同埋cheesecake為呢餐畫上完滿既句號朱古力cheese cake係新品黎味道好濃郁而泡芙相對失色 冇咩特別元氣不嬲水準都穩定既呢一點係佢既優勝之處