元気寿司 (上水中心)

營業中

休息中

一家三口黎到元氣見冇咩人等, 而囡囡又鍾意玩個車車. 點野食, 服務尚可, 集團式都唔期望佢好高質數.點左都唔係好多野食, 真心想講個個玉子, 都唔知自己食緊咩. 連小朋友食左一啖就立即話: 媽咪, 我唔想食E個,.我食左一啖, 連我自己都投晒降. 其他野都OK既. 我諗E個真係我覺得成餐比較好味既野食. 賣相就唔多吸引架喇, 勝在價錢平囉. 

今天食晚飯時已很晚，上水商場備選擇不多，經過元氣就湊定幫襯。上水的元氣有新幹線服務，上碟的速度很快，亦很有新鮮感。珍寶帶子很大隻，食得很滿足，火炙三文魚腩很鮮味，火炙後油脂更出，非常美味。

繁忙時間超多人的。不牛茶時間就冇人啦。全店大約得十個客。我係比較鐘意等冇人先去食嘢嘅。最憎等位。我唔太食生。叫咗七碟。d飯落得超多糖和燥了。太太甜。生的只吃了三文魚。不新魚鮮。價錢貴過之前。比駕火車吸引咗另外。服務超差。全店得十幾個客。只有兩個男人坐着卡位。其他成列卡位是吉的。我都是兩個人。竞然唔比我坐卡位。還同我同一輪。已向主任投訴。

新元氣開左係上水中心之後，變左高速線。上個月想試既時候，太多人，要等成100張枱，當然就試唔到。過左一排去試，終於都冇咁多人啦。入到去，發現大枱既數目都唔少，位子都唔算窄。但係呢就價錢又貴左，好多選擇都暫停供應。食質素就standard 冇咩特別。高速線好似已經變成左大勢所趨，越開越多。如果佢好似日本某集團式迴轉壽司咁可以玩理遊戲就perfect 啦!

之前上水個間元氣結左業，終於等到佢開返，變左“高速線”，緊係要去食啦點知好失望，食物質素好差，上水車站附近個2間外賣壽司店都好食過佢，仲要平過佢。一開張食佢，已經覺得好差，諗住人有失手，尤其是新開張，今日食左2次，真係好差，乜都無供應（選擇真係好少），仲要整得好差，好似隨便放上碟就出貨，應該好快結業。第一次食坐近廚房位， 佢地拿熱食，比我見到廚房入面好亂，左邊洗碗右邊放壽司上“列車”上。入面d 阿姐仲要邊整邊食，又無帶口罩。以前開放式廚房，真係乾淨衛生好多，尤其是做壽司刺身，好容易出事。廚房唔太整潔都唔止，出黎個“列車”你見到有污漬都抹下，但見到個架有污漬的列車係我面前進進出出。我中途有試過其他分店，都無咁離譜，希望佢地會有改善。

作為CD rom, 好食就食多次，唔好食就食第二間。但見到平時都有食既元気搞到好似明將咁既劣食之選，真係忍唔住出聲。高速線cut 左好多種類食物我都無所謂，商業模式都尊重。基本上七八成食物係不過不失，無特別要求所以OK 。但有一兩款真係過分要認真反映。牛展壽司，又名慢煮洋風牛肉壽司。 圖文同個賣相都同menu嗰個圖片極度不符合。 出餐之後見到簡直想報海關， 嚴重違反商品說明條例。 食落口當然又鞋又乾啦。OK , 我冇即場投訴因為覺得都唔關啲待應事。 元氣嘅廚房運作應該都係現成煮好，拎出嚟切嘅啫，所以都應該唔關啲廚師事。蒼白加州軟殼干蟹卷未見過一個加州反捲可以咁少嘅蟹子。 軟殼蟹當然係乾曬㗎啦，算啦，我呢個都冇乜期待。

早幾年附近開咗爭鮮之後，元氣元綠都雙雙敗走，要食元氣就要去到冇雷公咁遠先有得食，最近終於！終於重開喇！！！今次開嘅係有火車嘅嗰種。開咗之後冇幾日我就立即去試食，想第一時間寫食評，可惜食完先發現上水元氣仲未登記上one rice，等到而家先寫到。火車路軌有三條，但食物出得好慢，基本上唔會見到兩條或三條路軌同時有車行，而且都等得幾耐吓。枱上紙巾盒造型好抵死，俾個like佢👍🏻哩個平板電腦係個點餐機嚟，想食咩就係到禁禁禁就可以，完全唔洗用店完溝通。全程有哩隻熊仔吉祥物陪住，真係食都食得開心啲❤️壽司要等好耐，反而熱食一點就出，肚餓可以先叫熱食，但哩個烏冬份量就有啲細喇。限時食物，卡邦尼壽司，聽落怪怪地，但又幾好食，同埋哩啲限時食物都好似比較便宜喔！喺香港連鎖壽司店少有食到高質嘅吞拿魚蓉，推薦推薦！店內嘅碟色彩繽紛，食完件壽司仲發現驚喜！每隻色嘅碟中間都有唔同嘅圖案，真係好得意。唔怕嘔心嘅可以睇埋下面張圖，係碟上嘅圖案，怕肉酸就哩到止步喇！倒數～...三...二...一...值得一讚係佢每隻碟上嘅圖案都配上有意思嘅句子。不過可能新開嘅關係，真係要等好耐，希望遲吓唔洗等咁耐喇。