元朗新記 (鴻運樓)

營業中

休息中

呢幾日食錯野腸胃唔好諗住清吓腸胃 聽過呢間好似好出名嘅粥舖不過未試過我見餐牌都好多選擇，除咗粥之外，有炒粉麵多士啦，小食啦今次兩個人食每人就叫咗一碗蟹粥一碗貴妃雞粥加一碟青菜菜心 佢個蟹粥係好鮮甜 個雞粥d雞都好滑 份量都好多 另外啲粥好軟綿綿 最後我食淨左半碗粥打包返屋企朋友就食得曬賣單嗰陣時仲加咗個菠蘿包拎走堂食嘅話仲有菠蘿油平時都好少食粥嘅我今次試吓呢間粥店都幾有驚喜元朗有兩間分店 下次想試吓佢其他潮州小食

元朗有兩間新記雞粥，今晚係安寧路呢間食小菜😋👉🏻炸物：酥炸魷魚鬚、香脆多春魚熱氣之選🤪魷魚鬚應該係呢度嘅名物，枱枱都有叫。食落果然係正，粗身嘅有咬口，幼身嘅脆得黎唔硬，點埋喼汁好好食。魷魚鬚同多春魚份量超多，兩樣都必叫。👉🏻泰式鳳爪大大碟+味道夠，中意碟底入晒味嘅洋蔥，好襯啲熱氣野。👉🏻魚香茄子煲茶餐廳嘅茄子煲未必有酒樓咁有鑊氣，但呢度都做得幾好，茄子有炸透亦有咸魚香。👉🏻菠蘿咕噜肉酸甜度做得幾好，跟埋白飯飲品。豬肉軟稔新鮮，完全無渣，如果炸得再脆啲就好。👉🏻揚州炒飯幫老豆叫個外賣炒飯～返到屋企凍左小小都仲係好香，同埋好足料👍🏻啲姐姐好有禮貌，食得開心！

⛰同朋友行完山之後出返元朗，朋友建議食粥當晚餐，最後搵咗依間雞粥專門店。🥘 貴妃雞粥 😋😋😋😋🐤 雞粥有淡淡雞油香，約有四、五件切雞，雞皮同肉質又滑嫩，粥亦都煲得好綿！兩個人share，都食到兩三碗仔！🍽 紅燒元朗脆皮乳鴿 😋😋😋😋好耐都冇食乳鴿，朋友想叫一隻試下配粥食！乳鴿燒得皮脆，點啲淮鹽食更惹味！🍹 七喜話梅柑桔冰 😋😋😋😋話梅同柑桔🍊嘅酸甜好出，配七喜汽水，好爽！晚餐 💵💵 約港幣$80/人💁🏻‍♀️ 有時候夜晚唔太肚餓，食粥都係唔錯嘅選擇！經過諗起可以試下㗎！🙆🏻‍♀️ 最後，喜歡嘅話，歡迎follow @foodirectory.hk！

( ͡° ͜ʖ ͡°) 元朗新記 [ @sunkeechickencongee ]——香港嘢——❝ 元朗老字號招牌雞粥貼地小菜粥品 ❞✿ 香脆炸大腸 $58新鮮熱辣炸起 皮脆內軟 唔會乾份量好多 兩個人都食唔哂呀！✿ 蜆介鯪魚球 $58好大粒賬卜卜嘅鯪魚球夠哂香口 送粥一流～✿ 鮮蝦腸粉 $32精瑩通透嘅腸粉皮 鮮蝦又夠大粒 唔錯～✿ 紅燒元朗脆皮乳鴿 $76熱辣辣嘅脆皮乳鴿 皮好脆又香口 肉夠嫩 食得好滋味～✿ 貴妃雞豬潤粥 $65一場嚟到點都要食招牌雞粥啦貪心嘅我叫咗雙拼餸豬膶好正 新鮮夠厚彈牙又唔會苦雞肉嫩滑 粥底夠綿又順滑 味道帶點咸香份量足夠兩個人share～✿ 淨鮮蝦雲吞 $45心旭旭想試埋雲吞～有8粒大大粒 鮮蝦爽口彈牙 都幾唔錯～╰☆* 推介指數：🌕🌕🌕🌖🌑‘𖤘◦″ 𖤣 元朗新記 (鴻運樓) (元朗)元朗元朗安寧路21-35號鴻運樓地下7號舖🤤跟我搵食～請follow: @when_she_bites✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿

呢晚突然好想食粥，來到附近試呢間元朗老字號😎餐廳牆身貼滿香港街道照充滿香港情懷！除左粥仲有好多港式小食和小菜，點了滿滿一枱好開心🥰.酥炸魷魚鬚 $58蜆介鯪魚球 $55XO醬拍拍瓜 $36紅燒元朗脆皮乳鴿 $73香脆油條 $11菠蘿咕嚕肉(跟白飯、凍豆漿) $77 貴妃雞粥 $56藍妹大支 $32.首先緊係試貴妃雞粥，果然招牌非常高質👍🏻粥雞味勁出，口感綿滑，雞份量多又嫩滑，熱辣辣好好食！再配油條超正😌.小食一樣好出色👍🏻大愛魷魚鬚大大條炸得恰到好處港式口味點喼汁正😋老公最鐘意乳鴿香脆可口肉質嫩滑😌青瓜勁肥身大件，爽甜香辣惹味🤤小菜套餐都好抵食，咕嚕肉茶記風果大大碟👍🏻特別要大讚豆漿超驚喜！豆味濃厚又香滑，必試！.果然老字號，比我預期更好食😋份量十足好有誠意，絕對會變成我嘅飯堂🤣見到門口菠蘿包都好吸引，下次要買來試吓先！

總概來說， 呢間野份量好大， 好抵食～ 4-6人來食的話，就可以試到多d野食！滿意！1️⃣海蜇熏蹄份量相當大份，好抵食， 前菜來說4-6人食就剛剛好。 海蜇好彈牙爽口， 味道都夠而又不會太鹹（我好怕）加埋少少spicy 同芝麻 相當開胃。 熏蹄都好食 肥瘦剛剛好， 因為我從不食皮所以沒有食， 但朋友食得好滋味！2️⃣泰式鳳爪呢個菜一向係我最喜好， 份量同樣幾大 岩4-6人當前菜食。 口感好爽脆，酸辣味道，做前菜一流～3️⃣紅燒元朗脆皮乳鴿我地兩個人share一隻， size 不大也不細， 乳鴿來說肥瘦都剛剛好， 上菜是熱騰騰的 外皮都好脆～4️⃣杞孑枸杞豬潤湯都一樣， 粉量好大！ 豬潤都有好多片， 幾鮮甜， 朋友話好飲！ 我都得得ok, 我地飲曬！5️⃣椒鹽豬扒飯好脆 偏濃味， 岩送飯！

。前兩日嚟到元朗，元朗出名多好嘢食，五花八門，最後決定嚟到呢一間老字號粥店，食吓懷舊嘅味道😎。環境都幾舒服，而且店舖都幾乾淨💯。貴妃雞粥嚟到呢度當然必食雞粥，粥底好香雞味，金黃色見到就流晒口水，而且個粥煲得好綿☺️。。海鮮粥呢個粥都唔錯，材料份量好足，魚蝦蟹都有齊，仲有元貝添，充滿海鮮味十分鮮甜😝。。海蜇手撕雞份量都幾多下，酸酸甜甜好開胃，特別鍾意海蜇嘅口感😆。。酥炸魷魚鬚炸得啱啱好，充滿焦香，熱辣辣，要來送粥超正🤤。。炸兩腸粉酥脆嘅炸兩，加上滑滑嘅腸粉，兩種唔同嘅口感非常夾，再加上各種醬料，充滿懷舊嘅味道❤️。

今晚家人腸胃有啲不適，想食啲粥及其他清淡的食品。新記除咗粥品外，亦有炸兩，炒麵米粉及飯等，較多選擇所以決定幫襯。家人叫咗貴妃雞粥我就叫咗豉油王炒麵及火腿炒米粉另外叫咗炸兩腸粉，蜆芥鯪魚球，蝦醬炒通菜。雞粥，炸兩腸粉，炒麵及炒米粉都算幾好。蜆芥鯪魚球雖然大大粒，不過咬落並無太多鯪魚肉，麻麻地。蝦醬炒通菜太過咸，但感覺並唔係單單因為蝦醬的原因。整體食品的評分一般，普遍有小小過咸。下次可以試下區內其他粥品店。

今天要為大家介紹元朗的老字號餐廳-新記（鴻運樓），這家餐廳自開業接近50年，在這裡你可以試到地道的地道美食。首先推薦魚腩粥，這款粥用煲仔上，份外入味及有暖感，粥薑味及魚香味十足，讓你在寒冷的天氣中也能感受到溫暖。接著是XO醬叉燒炒蛋，XO醬份量極多，滑蛋葱花味香濃，叉燒較瘦，但不柴口，認真值得一試。再來是蝦米炸兩，這道小點用腸粉漿包著蝦米炸製而成，漿力十足，咬下去不會太削又有彈牙口感，非常開胃。公司三文治是一款足料三文治，有蛋、餐肉、芝士、火腿、蕃茄和菜，非常豐富，份量也很足，適合當作下午餐。最後是飲品熱檸水和七喜話梅柑桔冰，七喜話梅柑桔冰則是一款冰涼解渴的飲品，口感酸甜適中，非常適合夏天飲用。

​元朗新記出名的食物太多，例如煲仔雞粥、腸粉、炸両、魷魚鬚、蘿蔔糕、海蜇手撕雞等。今次我要試試不吃粥粉麵飯，都可以十分滿足。​未誰店已在門在看到很多人等外賣，店內客人都坐滿了九成，我心知不妙，可能要搭台。幸運地，進店後還有一張卡位，店舖環境光猛企理，食品款式應有盡有。​金牌貴妃雞(例牌) $72必食推介！雞味濃郁，肉質嫩滑，入口爽嫩，配上蔥油下飯一流。​紅燒脆皮乳鴿 $73外層脆口包裹嫩滑多汁的乳鴿，令人一口接一口不停地放進口裡。​香脆炸大腸 $55必食推介！即叫即炸，皮脆內軟，明顯看到大腸清潔得十分乾淨，配上醬汁十分滋味。​海蜇生腸 $55海蜇爽口彈牙，配上生腸甜甜的口感。​泰式鳳爪 $50無骨鳳爪配上酸甜醬汁，開胃小菜。​蠔油菜心 $36基本水準​七喜話梅柑桔冰(凍) $25味道清爽，杯中有原粒柑桔，甜中帶鹹開胃又醒胃。​平民推介，價格十分合理，食品選擇非常多，不得不提是一間抵食的飯堂，相信中午時段大排長龍。​​元朗新記 (鴻運樓)📍元朗元朗安寧路21-35號鴻運樓地下7號舖✖️餐廳不設加一服務費

今日星期日去左元朗拜年😉就去左附近嘅餐廳食雞粥🤗估唔到星期日都有下午茶餐👍🏻來到新記，餐廳最自豪係個雞粥，我就叫左個貴妃雞粥下午茶，雞粥表面有一層雞嘅黃油🤗粥底充滿油香味😋 下午茶中配埋炸兩，送粥一流屋企人就叫左XO醬豬扒炒公仔麵，炒公仔麵已經係好邪惡😈仲要炒到超級香口😂我都忍唔住食左兩碗豉油皇煎中蝦煎到勁香，蝦肉滲透左豉油皇嘅香味🤗食到我舔舔脷😂酥炸魷魚鬚整到好鬆脆，做到外脆內嫩嘅效果🤗值得一試最後緊係要食甜品，我就叫左炸芝麻球，甜品外脆內軟，入面係一粒芝麻湯圓，好正

話說沙田雞粥就食得多啦，呢間老字號新記雞粥喺元朗好似都幾出名，呢幾日凍凍地食返個熱辣辣嘅粥就最啱啦🔥一場嚟到就梗係叫返佢最出名嘅貴妃雞粥啦，個粥底非常之軟綿綿而且有濃濃嘅雞味，雞件都幾滑，啲雞油煲咗落個粥度都幾香，價錢來講$56都算幾平🍲食粥又點可以冇腸粉呢，Emi就叫咗個豬潤腸，呢隻腸粉厚薄適中，豬潤唔係粉嗰隻，係Emi鍾意食嘅質地😋今次見到佢啲小食都幾吸引，所以就冇嗌多個主食，諗住食小食食飽佢啦。Emi最鍾意就係個蜆介鯪魚球，真係有細個食嘅味道，粒粒都好大粒好飽滿，食完真係好滿足🤤至於個炸大腸炸乳鴿，同埋炸魷魚鬚全部都炸得啱啱好，不過叫完先發覺全部都係炸野好熱氣，真係要去飲番杯涼茶先得喇🤣🤣.豬潤腸粉 HKD27｜貴妃雞粥 HKD56香脆炸大腸 HKD55｜蜆介鯪魚球 HKD55紅燒脆皮乳鴿 HKD73 ｜酥炸魷魚鬚 HKD58.元朗新記地址 ｜元朗元朗安寧路21-35號鴻運樓地下7號舖

新記最馳名既係貴妃雞粥👍🏻，好多元朗人介紹除左必叫招牌雞粥外，仲有好多配粥腸粉、小菜都係必食，除左粥之外，還有粉麵飯，選擇多😋價錢合理，即叫即製。元朗新記係新開既分店，裝修環境寬敞，整潔舒適，適合近期天氣寒冷同一班人去食到䁔笠笠既地方。✔️ 貴妃雞黃鱔粥 〔真心推介😋〕$68👍🏻 粥底香甜👍🏻 綿滑👍🏻 雞件多，嫩滑👍🏻 黃鱔煙靭配 蝦米炸兩腸粉 〔推介😋〕$27👍🏻 特別👍🏻 腸粉皮滑👍🏻 多蝦米👍🏻 油炸鬼香脆👍🏻 外滑內脆👍🏻 有層次✔️ 酥炸魷魚鬚 👍🏻👍🏻〔真心推介😋〕$58👍🏻 大條，量多👍🏻 香脆👍🏻 彈牙👍🏻 新鮮配 喼汁好夾✔️ 紅燒元朗脆皮乳鴿 👍🏻👍🏻〔真心推介😋〕$73👍🏻 香口👍🏻 新鮮，即叫即炸👍🏻 外皮脆卜卜👍🏻 肉嫩juicy配 准鹽✔️ 椒鹽海中蝦〔推介😋〕$140👍🏻 香脆👍🏻 微咸👍🏻 新鮮👍🏻 有鑊氣➕/➖ 金茶王 奶茶 $21👍🏻 香濃茶味➕/➖ 凍豆漿 $11正常黃豆香

行過元朗安寧路，見到呢間餐廳都幾多人，一於同朋友入去試下。餐廳燈光光猛，環境企理，食物種類都好多，有粥、腸粉同小菜等～🔎 馳名海鮮粥（$77）上枱熱辣辣，粥底綿滑～而且材料豐富，有蟹、蝦🦐、帶子同魚肉，所以非常鮮甜~🔎 鮮蝦腸粉（$30）食粥當然要配腸粉啦～今次揀左鮮蝦腸粉，腸粉都幾滑，蝦肉又彈牙～🔎 XO醬口水雞（例牌：$79）雞肉份量好多，比想像中辣～不過好惹味～🔎 秘製雞中翼（$32）雞翼炸到熱辣辣，脆卜卜，食落有肉汁～🔎 椒鹽豬扒（$61）豬扒食落好冧，唔韌～有鑊氣，非常香口👍🏻🔎 七喜話梅柑桔冰（$25）話梅柑桔酸酸甜甜，開胃解膩～🔎 七喜龍眼冰（$25）飲落帶龍眼香甜，好飲～

收工同男朋友搵野食，見到門口啲外賣員排哂隊，見咁受歡迎我又入去試下😆，一入門口姐姐好熱情招呼我地坐低，服務態度好好，落單有咩問題都盡力解答。平時聽就聽得多新記雞粥出名，原來有小菜食，款式都幾多元化。——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 例湯 男朋友飲左一啖就叫我試下，心諗唔通例湯已經出事🙈，原來佢想話我知碗湯冇味精，飲完唔會口渴，估唔到係街都飲到靚湯。♥️ 菠蘿咕嚕肉 $77薄薄粉漿包著粒肉，咬落去唔會硬骨骨，啖啖肉，酸甜味較得岩岩好，酸酸甜甜好開胃。♥️ 椒鹽豬扒 $80大大塊豬扒份量多，肉質鬆軟，同男朋友都好鍾意依個口感，好有大排檔風味。- - - - - - - - - - - - - - - - - - - - - - - - - - - - - - - - - - - -——————————————♥———————————————