元朗冰室

營業中

休息中

同朋友經過長沙灣，順便食個下午茶，見周圍唔同區都有呢間元朗冰室就試下～🥯招牌厚豬扒配魔鬼醬脆豬包夾係豬仔包入面塊豬扒好大件, 感覺有少少油，唔會好幹～味道還可以，連住脆豬包食就剛好。🍞一口西多士不過不失～個蛋漿不太厚，外邊都算係炸得鬆化，入面個麵包也鬆軟。不過都係鐘鍾意傳統嘅西多士，一口西多對我嚟講有啲太油膩～飲品叫左凍奶茶同凍咖啡，正正常常，少冰都有半杯冰😂 下次都係叫返熱飲。價錢合理，份量足～

搬咗之後好耐無嚟呢度食今日係度食個快餐緊係食厚豬扒乜飯啦最後叫咗個厚豬扒蓮藕餅飯黎到厚豬扒大大塊但係蓮藕餅一大一細兩舊仔厚豬扒熟辣辣好好味🤤蓮藕餅又凍又無乜蓮藕似普通煎肉餅👎🏽不過一個人快餐上得快，同埋價錢合理

❤️招牌厚豬扒配魔鬼醬脆豬包 $46兩個字, 震撼!🤩脆豬包🥖有仔細塗好滿滿的牛油,外脆內軟, 挺標準的好吃脆豬比麵包還大的豬扒, 厚度一點都不小氣,鬆軟的豬扒, 味道也剛好,魔鬼醬是有wasabi的醬, 不辣但惹味!咖啡☕即磨也好喝~ 滿足!本來沒有任何期待的來這裡填肚,誰知道吃到好東西! 實在太驚喜了!⚜️馬來咖央西多士 $33西多士🧇本身不錯,但咖央不太適合做西多士.. 太膩了,四個人share一個都吃不下.還是花生醬🥜有點鹹，去balance油膩和糖漿的甜會比較適合.但這家的豬扒飽列入最愛下午茶之一 😋後記: 3點吃完後, 晚餐都吃不下, 走168的人可以參考一下 😆

今日同路人甲學完車都已經21:30，係到諗邊到有野食(因為好多食市都係10點就收)，之後路人甲就話不如渣車去深水埗食飯，所以我地就去左元朗冰室喇😋唔知係未因為依家唔可以開咁夜既關係，今次去到餐廳冇左以往既宵夜餐牌，不過我地岩岩學完車，已經用曬d hp，所以都係叫返晚餐～今日我地叫左：1. 和風叉燒烏冬2. 芝士焗薯蓉配牛肝菌湯+蒜白法包我今日食既芝士焗薯蓉同歐陸滋味杯差唔多，咁當然佢冇咁粉啦，但係芝士味都夠多，都算係啖啖芝士😋重有少少燶面，茶餐廳黎講算是不錯👍但有驚喜既反而係個蒜蓉包，食第1啖真係脆卜卜又熱辣辣，完全估佢唔到😍所以呢個值得1讚👍肝菌湯就相對失色左少少，但係茶餐廳黎講，西餐類算合格以上了👍而路人甲既和風叉燒烏冬，湯比較普通，但烏冬和叉燒尚算合格，茶餐廳做到日式樣子，已經好好👍味道亦算不錯，湯都比較濃郁，烏冬都好爽，茶餐廳推介😋終結：茶餐廳式既日本烏冬和西式既套餐，有質素👍大家得閒可以去食下呀😋

這食店在香港有多間分店，食過旺角同太子的分店，感覺不差。長沙灣食店雖多，但坐得舒服，又唔趕客的就不多了。許多冰室像快餐店，食完快餐就趕。這店既多座位，也不吝嗇，我一個人坐卡位都冇被拒。豬扒是這店的招牌，但食過，今天叫了口水雞。很豪爽，給我脾位同雞翼😍⋯⋯上面還加了香脆的花生，感覺新鮮，不是已走氣的。雞，份量足。肥瘦均勻，而且肉質幾滑，雞皮也不感肥，可照食。青瓜條舖底，好新鮮哩！對於女仕，這份量真大，我食不下全部。咖啡，不過不失，叫了少冰，飲完都有半杯😅⋯⋯若是穩陣派，這食店是不二之選。

今天跟Honey到長沙灣取郵品，然後隨便找地方吃個下午茶，就到元朗冰室。我們都想吃甜點，所以叫了奶油豬仔包和 一口西多士。沒想到，兩款食品都好大份！還以為豬仔包只有拳頭般大，但竟然是一塊多士那麼大，好好喎！外脆內軟！而一口西多士也炸得好鬆化，蛋漿不太厚，麵包也鬆軟。不錯…不錯！

有員工會對客人呼喝，放食物和單據時又隨時放落桌上，無位都硬放。放筷子仲有型，突然放在你面前，叫「快d啦」試問吃吃下野，突然「隊」對筷子在你面前，一秒未夠就喝人！最後叫了野飲，吃完飯都未有，原來無落單，叫過落又繼續無，結果我要用番「喝」佢的方法來，跟住就好快有你話呢間的阿姐，原來要用呼喝形式溝通……

晚上經過見到呢間餐廳 同朋友是但食過飯吹下水，叫左豬扒鐵板餐 同燒雞 加紅豆冰 ，個黑色眼鏡框扎馬尾的女人黑口黑面一野將兩個餐 啪一聲放在枱面就離場 ，當時我同朋友傾緊計都俾佢啪一聲打斷對話 ，豬扒餐比較肥 但都味道唔錯，燒雞肉汁多 肉唔錯 ，但杯紅豆冰黎到時候 面頭d冰已經變左溶左冰水 都唔知一早整好放左幾耐 ，紅豆又硬 ，所以唔推介紅豆冰！ 上菜之前叫侍應幫我哋拎杯水嚟 ，某個藍色衫女人將杯水一杯一杯咁啪在枱面，成間餐廳打工的人全部都黑口黑面咁 ，你要接受到佢地服務差先好入去食 ！ 我試過今晚的經驗都怕怕，下次不鳥！

坐低叫杯紅豆冰,唔使一分鐘就送到,杯紅豆冰上面有半寸融咗嘅冰水!肯定係放咗好耐!同服務員講換個杯、嘈咗好耐,最後服務員不情願換過杯、之後發現都係同一杯、不過加多啲冰、等啲融咗架水冇咁顯眼😩所以都係下次唔嚟😔

（态度较差）路过看到它d广告好似几抵食就去吃了它的杂扒.78蚊一份…一开始几满意的，送红豆冰，餐汤，薯蓉和蒜油包。味道都不过不失。差些以为是个宝地。但是个杂扒上来之后就..觉得一般啦…东西偏咸。而且鸡扒牛扒超级薄，差不多就是两块牛肉片甘厚。而且偏细。个杂扒里最大的是那条芝华士肠。但是念在送的东西多的情况下都可以接受的。但是！服务态度就真是5掂。吃吃下个服务员突然过来拔走了我张单走了，而且无解释..后来也没归还张单…后来我去埋单那时个柜员还要确认我吃的什么。当那个服务员路过我问她点解要收走我张单时。她态度很恶劣地说“我做咩5收得你张单啊？”然后还一直碎碎嘴在骂…我奇怪你咩事收我张单而已..你解释句就得咯…无解释还顶人..真是有病

好抵食！$78！一隻烤雞、有焗薯蓉、牛肝菌湯、一杯飲品同蒜蓉法包！全日不收加一！牛肝菌湯味道濃郁唔會水又唔淡焗薯蓉加左少少芝士一齊焗，仲有啲細細嘅薯仔粒蒜蓉法包可能俾我放耐咗，味道比較淡隻雞皮脆內嫩！

簡簡單單的一個下午去咗上址食一個下午茶餐, 下午茶餐: 蜜餞豚肉义燒丼 $42 擺出嘅賣相當唔錯, 主角嘅义燒火喉燒到剛剛好, 肉感有咬口,唯一比較強差人意嘅係那堆綠色偽海藻, 喺眾多日本製造嘅偽輔食品當中呢樣都算係表表者, 70年底嘅產物,依家都好少再見到, 估唔到會喺”茶記”見到佢, 我會建議用兩棵小棠菜取代呢樣配菜, 優閒下午茶餐: 吉列脆魚柳 $38 轉凍檸茶加$2 脆魚柳唔算大件不過重有其他配菜都足夠份量嘅, 估唔到今日個凍檸茶d冰出奇地大細平均好自然咁, 突然覺得冰茶原來可以咁漂亮, 同我地身邊好多野一樣, 從來可能無用心去感受平凡到不得了嘅事物?

又係食焗豬扒飯，暫時都未揾到一間令人回味無窮， 由炒飯底， 主角豬扒，到醬汁都拿捏得恰到好處的店。 知道呢間連鎖冰室以豬扒聞名， 所以決定一試。 焗豬扒飯　（＄５８）首先， 賣相討好， 很飽滿的外相， 芝士份舖滿豬扒面，而且焗得焦香；醬汁配料有蕃茄和菠蘿；豬扒看似份量不少。即叫即焗， 夠熱（p.s. 曾經吃過即使是即叫即焗的焗豬扒飯也是不夠熱），而且芝士有拉絲效果， 第一印象非常好👍🏽。 豬扒是已經切好的， 而豬扒的確與店舖宣傳似的， 非常厚也夠大塊， 差不多是舖滿飯面， 夠鬆軟也保留少量肉汁，嫰滑不嚡口沒有羶味可惜，豬扒太肥，大部分也是肥膏以上只是開始時的肥膏份量，到最後是儲滿了一碗的份量炒飯雖然有少少蛋香，但飯也是沒有鑊氣，因為醬汁太多引致有點笠口，不夠爽至於醬汁方面，雖然配料也多，有洋蔥，菠蘿及蕃茄粒，但酸甜味也欠奉，只吃得出鹹味，整體而言也太咸另外友人也點了鐵板餐—豬扒（＄６８）配黑椒汁配菜不少，有蕃茄，洋蔥，甘荀粒和粟米豬扒沒有焗豬扒飯的豬扒般厚和嫩，但也不薄，也因為鐵板上菜，因此她的肥膏可以被鐵板的熱度燒得焦香可口，肥膏反而成為了優點跟餐配有豆腐花（沒有影相），但味道就是百

位於長沙灣既呢間元朗冰室位置離地鐵站比較遠，通常都係附近工作既人或者街坊過黎食，而呢間冰室比較出名既就係厚切豬扒，而呢樣都係每次過嚟必叫既野食嚟～而餐牌上既選擇都係以豬扒以主，而今次就揀左焗意式厚切豬扒飯～焗意式厚切豬扒飯（$58）首先以焗野黎講佢既上菜速度都算快，可能都係因為佢每日都有太多人係叫呢個飯，所以都一早準備定好多，而佢個飯既size都算大份，豬扒都有3-4塊左右，而每件既size都算大，重點係豬扒切得夠厚，食落個口感好好，而佢面頭亦都灑左好多芝士係面拎去焗，雖然食落幾好食，但食完都會有小小滯😅而個飯既質素都幾好，品唔會痴埋一舊同夠乾身，而呢樣係值得一讚既而呢個價錢黎講就雖然唔算太平，但味道同豬扒既size都算值回票價啦～

原本想食附近嘅西餐😋但係未開門唯有就近食個brunch😛聽聞佢地個厚豬扒出名，梗係要試試佢啦！厚豬扒配蓮藕餅飯豬扒超大塊，炸得剛剛好，食落香口鬆軟唔會覺得係落左好多鬆肉粉嘅口感，就算咁厚都keep到質素，難怪係招牌。蓮藕餅就普普通通，麵粉偏多。個飯撈埋個醬油都好味！厚豬扒配出前一丁（加辣肉醬）厚豬扒一樣咁大塊，一丁都係果個一丁🤣最值得介紹係佢嘅辣肉醬👍🏻超級推介大家追加😋都幾辣下但係配飯或者配麵食都好惹味，食得辣嘅都建議可以試下，不過追加一份就夠了，幾大碗兩個人分都有剩😆