元元酸菜魚

營業中

休息中

黎開荷里活廣場如果要食野首選一定係食呢間！😋真系食極都唔會厭，份量都特別多好啱同人share😚🍽️用餐人數：2💸收加一服務費▪️自選乾鍋$38-可選四配菜（牛百葉$38｜雞軟骨$42｜萵筍$25｜蓮藕片$25）▪️白飯$12x2成道餸嘅用料非常豐富，一上枱就聞到陣陣嘅香辣味，即刻食指大動😋對於鍾意食辣又食唔到好辣嘅我黎講，佢地辣得啱啱好😋我地嗌嘅配料可以話係完全吸收到醬汁嘅精華，非常入味👍🏻⭐️❣️呢道餸本身係有花菜做底，除非你係特別鍾意食花菜，唔係可以唔洗特登嗌❣️通常嗌呢個我地都一定會要番碗白飯，不過佢地嘅白飯就真系貴🥲但係好味嘅

另外，服務態度都非常之差尤其係男經理和個子很高的女收銀員首先，全場冇笑容。第二，男經理唔識帶位，一時指你呢張枱，下一秒話一係個張枱。第三，問職員拎隻碗，佢西口西面拎俾你，好唔願做咁。

餐廳係一般茶餐廳嘅格局，但係都光潔明亮。酸菜魚午餐 $82雖然賣相同色澤唔係好吸引，但好彩食落味道符合預期。酸辣嘅味道比較重，湯有少少鹹，偏重口味。材料方面，魚片冇骨，偏爽滑。仲有啲萵筍、豆卜。薯粉，尚算豐富。整體味道雖然未算非常出色，但係都合格。

性價比高川菜-鑽石山元元酸菜魚去開荷里活，無咩心水食咩，經過見到呢間做緊優惠，有半價小菜，就諗住試吓啦😅點左尖椒皮蛋、香辣乾鍋、紅糖糍粑同埋半價黃金蝦😂尖椒皮蛋真係好辣🥵勁過出邊食，不過好惹味，蛋黃係流心；香辣乾鍋選左蓮藕、腐皮、豬腸，豬腸就炸得比較乾身，其他都唔錯；紅糖糍粑比較硬，好似未熟得哂咁🥺同埋有陣奶騷味，麻麻😒黃金蝦都好濃蛋黃味好足料，比較鹹😅半價就幾抵食，下次可以試吓酸菜魚😗

成間店服務態度最差就係個男經理 我同男朋友本身唔係好食辣 一心諗住放假黎食餐好 就諗住叫酸菜魚食點知黎到變左水煮魚 我地就問佢個男經理即話「印張單你睇 睇吓係咪你自己落錯先」然後就一手掉張單係我地枱呢度係掃碼點單 睇完張單的確係我地點錯 咁我地都幾唔開心個男經理仲要係後面話「哈哈，錯有錯着囉！」我地都硬住頭皮話，我地真係食唔到水煮魚，我地點錯唔好意思，問佢有無得換得到既男經理答覆係：「無架啦 放左落枱就無得換架啦 係你自己點架喎 唔關我事」其實我都唔係話你一定要換 始終係我哋點錯但食唔到辣就食唔到 無得換既話態度都可以好啲個感覺個男經理就係用一個非常輕佻既態度完全無理會客人感受 最後成餐飯都好唔愉快我地亦都因為㩒錯一個掣 又唔想浪費食物盡力食左大部分全香港有好多間食川菜老實講元元都唔係特別好食我就一定無下次

其實都好少因為一間餐廳難食而出po，今次真係忍唔住！🫨🫨小食：雞絲粉皮- 明明係一道好簡單既涼拌小食，但個醬汁好似唔洗錢咁又多又鹹真係出曬事。😖😖😖蔥爆牛肉- 個牛肉好韌，覺得好難咬- d味就感覺一般般啦，食咗啖雞絲粉皮已經味覺失靈主菜：酸菜魚- d魚片同連鎖店譚x果隻差唔多，但呢度就貴好多- d湯底不過不失啦- d粉條癡埋一舊又出事總結：是但搵一間餐廳都好過呢間，呢個價錢完全值得更好既食物

之前想食酸菜魚嘅時候曾經叫過呢一度嘅外賣，而今次經開呢一個商場行街，見到實體舖嘅時候，而果使又唔係下晝啦又唔係夜晚，係中間中午嘅時間，見到佢都有一個酸菜魚嘅set，所以就走咗入去食啦，今次呢係食堂食嘅，估唔到更加驚喜一入到去坐呢就係掃QR code佢落單嘅我自己都覺得呢一個安排係幾方便，即刻呢就叫咗個酸菜魚食啦，上枱呢，酸菜魚呢熱辣辣，我自己超鍾意熱辣辣嘅嘢食，所以已經加咗分，如果味道呢都係一如既往都係咁好嘅，而因為堂食關係呢其實都更加好食，裏面有萵筍，最驚喜嘅呢就係佢都有一啲寬條麵，朔埋啲酸菜魚汁，超級好食，我諗下次我都唔會嗌外賣，會堂食

喺屋企突然之間好想食酸菜魚，又唔想落街買，於是就嗌咗外賣返嚟食。呢一間酸菜魚個味道係唔會太過酸，又唔會太過辣，裏面呢有好多唔同嘅配料，而佢嘅魚亦都係非常之新鮮，唔會話好似冰鮮魚咁樣嘅味道，配埋白飯食呢係非常之好食嘅，但係呢佢表面上呢有好多辣椒，我自己就唔係好鍾意keep咁多辣椒係碗酸菜魚度，好似會令到佢越食越辣咁，所以我通常都會夾開佢，而去個價錢呢係午市方面啦都比較性價比高，如果夜晚嘅話呢，我就自己就未必會嚟食啦，因為佢都要嗌一大兜，自己一個未必可以食得晒，所以都係會午餐或者下午茶先嚟食。

比咗$447食餐垃圾，落完單之後唔夠3分鐘已經上哂所有菜，啲野食全部都唔熱，只係岩岩好，暖暖地。酸菜魚冇酸菜味，得個鹹字，賠錢買難受，真係唔好去食。好好好難食！

鑽石山荷里活廣場餐廳通常沒有太大變化，但是今次看到了一間新的川菜 元元酸菜魚，便和家人們入去試一試午餐。午巿客飯的酸菜魚份量都偏向足夠，味道也挺正宗的，還可以選擇小中大辣。酸菜魚來有豆芽。有萵筍絲有粉條，還有相對份量的魚片，魚片沒有骨也沒有腥味，處理得10分好。然後擔擔麵十分好味，和在內地吃的味道接近，推薦大家嘗試。本來是排骨擔擔麵，但是排骨忘記拍照片了，也是炸得酥脆。套餐加$28飲咗杯手打檸檬茶，味道很正宗。起碼夠大杯，唔會似出邊三分之二杯都係冰。另外還叫了兩個小吃，味道一般，但是仍可接受。這一間酸菜魚 最緊要每碟餸嚟嘅時候都熱辣辣，都有鑊氣。

下午茶餐食佢套餐，真係好抵！叫咗佢個招牌酸菜魚，同蔥炒羊肉個炒羊肉好有鑊氣同超級送飯👍🏻👍🏻仲有個豆漿好有驚喜好有豆味，又唔會太甜，下午茶餐都做到咁真係好出色！

7月12日已移民英國，揾食肥華及靚媽嘅乖姪女，因公事回港，相約叔叔，嬸嬸食晚飯，從言談上肥華得知，乖姪女喜歡食，酸菜魚，所以肥華就選擇咗，呢間之前食過，兩三次又感覺甚好，而有酸菜魚食嘅食店用饍，可惜今餐此店出品，真喺令肥華失望，餐枱上嘅食品，除咗個回鍋肉保持A+水準外，冷盤，醉豬手及雞絲粉皮，有B+評分，上海粗炒值C+級数外，個兩個主角，酸菜魚味道大不如前衹有C級評分，水煮牛肉個湯底極咸，而牛肉就冇味，再加上一碟，味道不佳得大量配料而牛肉衹得幾塊嘅，䓤爆牛肉，呢兩款食品，肥華俾個E+評分佢，亦問心無愧，今餐此店最值得表揚，就喺侍應,幫到客人嘅服務，肥華俾👍👍👍👍佢哋！今餐肥華俾此店⭐️⭐️👎

假日唔想煮，跟家人去到鑽石山，四圍搵嘢食。餐廳燈光鮮明，設計簡潔，以綠色為主調。餐廳坐位蠻多，枱與枱之間不算太濶落，午餐時候，很快就坐滿滿。餐廳使用QR code點餐： 午市客飯套餐酸菜魚、白飯、熱柚子蜜白飯粒粒分明，香氣四溢，有效中和酸菜魚的辣味。魚肉質鮮美，略嫌沒有太多酸菜，如可以多一點就更好。午市粉麵套餐酥炸排骨湯拉麵、熱好立克排骨外表金黃酥脆，內裡肉質還可，但有點乾。湯麵吸引湯汁，卻欠缺彈性。

放工同同事去食飯，近近地方便就腳就揀咗鑽石山，搭完扶手梯一行就見到元元酸菜魚，見到有二人套餐都幾抵食，諗都唔諗就決定食佢啦！二人套餐分別有酸菜魚或水煮魚或者乾鍋選擇！套餐仲會包咗一款冷盤、一款小炒、白飯及飲品冷盤我哋叫咗花雕醉雞，個酒味都幾香，雞肉嫩滑好耐冇食過水煮魚，所以今次我哋就揀咗水煮魚，魚肉無骨又唔會腥，個水煮湯底煮得幾惹味小炒揀咗回鍋肉，炒得夠香，個醬汁味道好正煮食包括咗白飯，但係係可以加錢升級做陽春麵，將水煮魚湯底加入少少一齊食，即刻變咗水煮湯麵啦

成餐最正常嘅係酸菜魚，份量唔少，都無乜大問題小食係最出晒事涼拌萵筍絲咸到洗腎，即刻問職員拎杯水沖一沖水，都無乜用，一樣咁咸😰蒜泥白肉$38得嗰四塊，下面全部都係水晶粉嚟，都唔緊要，但成碟嘢除咗辣味，無蒜味香味，難食到一個點，譚仔都好食過佢好多另外仲叫咗碗牛腱麵，無乜特別無影到相，正常發揮，啲麵比較腍，但就等咗好耐明明當時下午茶時間，都無乜客飲品又係出奇地慢，食緊酸菜魚同小食跟住先有嘢飲希望餐廳認真試吓自己啲出品，改善一下