傷心酸辣粉 (康寧道)

營業中

休息中

估唔到傷心酸辣粉已經去到好難食！薯粉應該要係煙韌！但係佢一啲都唔煙韌！我唔知佢邊度出咗問題，我唔知佢係煲得耐得滯定係煲得少時間得滯，啲薯粉係未透。但已經係筷子一夾起就會斷。d 湯唔夠酸！食薯粉嘅意義，就係食佢既煙韌。食酸辣粉嘅意義就係要食酸同埋辣！佢唔酸！重要嘅嘢要講好多次，食薯粉就係要煙韌我唔食煙韌嘅，我食米粉得啦，我食米線得啦我食河粉得啦！但係我點解要食薯粉呀，就係要食煙韌呀嘛傷心！（哈）果然係傷心酸辣粉

放題做到9點應該喺門口寫清楚，我見有個客8點58分叫就話唔做，放題紙無嘅食物又唔講，見叫咗2次問佢佢先講話無咗好耐，女嘅做咗好耐，成日都黑口黑臉，叫極佢都扮睇唔到

直接到鋪頭叫外賣套餐係包一杯飲品 但職員係唔會順口直問「飲乜嘢？」 而係叫完就直接比錢 對於初次買外賣唔知情嘅消費者係蝕咗一杯嘢飲 表面好似無乜嘢 但有鋪頭所謂嘅「套餐」係無嘢飲跟 所以要問清楚有無

以前份量都少但沒有甘樣離譜！48蚊得8塊牛柏葉？！！！！！真系當客人系水魚？姐姐平時堂食態度差都算，但依家真系食唔起了！！！一啖牛柏葉就6蚊冇咗，真系漲見識！套餐內小食少都算，單點小食都甘既份量，真系食唔起

食物味道尚可，粉面算是中規中矩但做不到：穩定發揮，吃過這麼多次但次次的味道都參差不齊，可以期待但不能指望穩定發揮。阿姐的服務態度極差，先不說點單有漏單的問題，光是因為我們這次去的人少就優先招待人多的那桌就足以在我心中判個死刑。態度差的同時服務素質也有很大提升空間，員工對新菜單十分陌生，十問九不答，不是重複問題就是不耐煩的讓你自己看，我的建議是這個班你別上讓我來，反正都是我看建議這錢你賺不來別賺。上菜速度一般，經常出現遲進來的客人都快吃完了我點的餐還沒上的情況，藉口往往都是外賣單過多，幾次都是如此，不知道是敷衍抑或是事實。有待改進

最出名的酸辣粉，夠酸夠辣！薯粉上舖滿大量肉醬、蔥花、菜莆及花生等配料，口感滑溜，彈牙煙韌，酸和辣的味道各有層次。最愛吃麻辣肚絲，夫妻肺片，招牌口水雞。小菜不會太辣，喜歡吃辣的可以加辣

傷心酸辣粉的蒜泥白肉酸辣粉套餐搭配凍奶茶，絕對是一道令人愉悅的美食組合。首先，蒜泥白肉酸辣粉是這道套餐的主角。粉條煮得剛好，有彈性而不軟爛。酸辣湯汁的味道鮮明而濃郁，酸中帶辣，讓人回味無窮。蒜泥白肉作為配料，增添了豬肉的鮮美和大蒜的香氣，與酸辣湯汁相得益彰。這道酸辣粉還配有豆芽、蔥花和花生碎，增添了口感的層次和豐富度。其次，凍奶茶是這道套餐的絕佳搭配。凍奶茶口感滑順，茶香濃郁，帶有微微的甜味和奶香。它的涼爽口感與酸辣粉的辣味相互平衡，為口腔帶來一種愉悅的感覺。凍奶茶還能消暑解渴，讓整個餐點更加美味。傷心酸辣粉的蒜泥白肉酸辣粉套餐搭配凍奶茶組合得恰到好處。這道套餐融合了辣中帶酸的酸辣粉和鮮美的蒜泥白肉，味道豐富而美味。搭配上清涼的凍奶茶，更能平衡口感和提供涼爽的口腔感受。不論是在炎熱的夏天還是需要一份辣味的美食，這道套餐絕對能帶給你一份愉悅和滿足感。

叫過起碼10次口水雞套餐，有9次都係比雞翼。諗住喺特別要求寫唔該走翼，但係依然都係比雞翼你。又試過專登早20分鐘去舖頭同佢講唔該走翼，店員就話已入單同埋如果要指定部位要加錢。講真我又唔係要雞脾？希望以後你哋可以睇吓人哋嘅要求。如果下次我再有機會喺你度叫外買，希望唔會又係見到雞翼！雞翼！雞翼！

🌶️🌶️🌶️傷心酸辣粉曾經喺香港有好多分店 基本上諗起想食薯粉 就會諗起傷心酸辣粉😋😋同朋友一行二人叫咗個二人餐$168 有兩款川式小食 兩款炸小食 兩個粉 兩杯嘢飲，真係好豐富 而且樣樣都好食。我平時食譚仔食三小辣，呢間叫中辣都接受到 不過比較油 但好食🤭🤭其他小食全部都好好食 不過都係偏油 可能正宗嘅川菜，都係用得比較多辣油🤭🤭🤭🤭🤭佢個餐仲包埋兩杯凍飲加$3 ，可以解辣 咁叫辣啲都唔怕👍🏻👍🏻👍🏻

已經唔係第一次食呢間 次次食佢個酸辣土豆絲都好好食 但今次超難食 唔論係口感 味道方面都好差 簡直係變味果啲 每一條土豆絲都起沙 又軟 一啲都唔似之前爽口香辣果種 認真食咁多次 今次最差 好感負分 下次唔會再食！！😩

呢一間傷心酸辣粉，23:30先關門做完運動，食少少粉麵就啱哂以上係學生優惠（記得出示學生證），叫咗A4 香油海蜇，配咗傷心酸辣粉小辣同埋凍頂烏龍紙包飲品。以上係全日供應嘅滋味粉麵套餐，揀咗手撕雞、花枝丸淮山麵，配黃金蓮藕餅，轉咗凍檸茶呢個海蜇幾甜爽，夾到傷心酸辣粉，清吓個味蕾蓮藕餅呢，粉多過餅，食完都唔知咬咗啲咩咁，點泰式辣醬，還ok至於碗麵，普通味道😂成個餐係幾抵食，$38左右包主食、小食、飲品，全日供應，所以味道爭少少都正常

呢間傷心酸辣粉，食過咁多間，算係咁㗎啦！首先要讚賞嘅就係比其他分店服務態度好！我想要水主動俾我，某分店要我自己去拎！至於嘢食質素方面！就都勉強合格啦！我就叫咗個豬耳薯粉，兩個都係BB辣，呢間餐廳真係比較重手啲個BB辣比起其他分店為辣。不過係咁我仲食到嘅！個豬耳就唔算太林，但仍然都可以接受！都幾多汁下！至於薯粉方面，薯粉就唔算太硬。個湯底就比較一般啦！辣度就仍可接受！榨菜就有少少唔係太理想啦！唔似以前嗰隻榨菜！以前嗰隻好食啲！賣相都可以接受！枱面要抹好啲！

我唔係第一次嚟呢間鋪啦前幾次嚟嘅時候態度真係與網評一樣都係差外賣等候時間好長！！我都算啦！等候時間30分鐘但今次重點我真係要寫一個評論，我嗌嘅川味豬軟骨酸辣粉，我落order係勁啦加咗兩蚊，但係我返到屋企第一啖好酸！！！第二啖都係好酸！！辣味並沒有勁辣！如果比較譚仔，我諗我呢一兜粉，只係得譚仔五小！我懷疑佢將醋同辣椒搞錯，，我要嘅係勁辣唔係勁酸！！我諗我唔會再嚟呢一間分店食！另外我仲帶咗$55嘅手撕雞麵，雞肉還算好，面都唔錯，但係！嗰份面嘅辣係苦嘅、我10分無奈🙄兩三年前嗌嗰陣時味道都好好，宜家疫情持續做嘢係咪都睇心情？就係因為疫情時間大家都為咗安全，選擇叫外賣，係一個好正常嘅事，但係你哋唔應該因為係外賣，而咁求其。

有時諗唔到食咩，酸辣粉都係我地既comfort food 之一。今次去咗 既觀塘分店食野，我地叫左以下野食：🐔皇牌口水雞 $7️⃣3️⃣叫得皇牌，質素果然係唔錯。雞件滑嫩，食到麻辣嘅味道。我哋叫咗小辣，辣同麻嘅味道都幾平衡，而且食到花椒既香味～唔會過辣，配傷心酸辣粉，好味～🥓滷香牛肚酸辣粉 $4️⃣0️⃣牛肚幾淋又無筋，味道係唔差。不過始終口水雞重口味啲，比較吸引🤤酸辣粉煮到偏軟身🍜始終酸辣粉比較難消化，食完個胃都唔會唔舒服👍

態度惡劣!第一次入去，見餐牌有下午茶，就order 下午茶。因為第一次叫，唔知原來下午茶包一個面再加有小食包埋，個丫姐淨係問要唔要加埋個小食，又唔講聲係下午茶會包埋（相信講句「包埋呢個小食」唔會花費佢好多時間）咁就走左，話我唔要個小食喎… … 嘩嘩嘩！態度差到呢！！過咗冇耐，見佢哋（d丫姐）竟然一齊鬧食客！鬧個食客：「坐喺d未執嘅位度，即係加重我嘅負擔姐！」（其實個地方有幾大？得個幾張枱，張張枱都有人，叫人坐邊？）仲有，見個丫姐碗面都放喺另一張枱，等個食客自己過去拎！認真第一次見識！我認自己見識小！呢間…不了食埋丫姐d氣！食個下午茶姐…總之就垃圾！食物味道又一般！不了！