傷心酸辣粉 (已結業)

每次食傷心酸辣粉，都必點既就係口水雞！因為佢既雞多數都做得滑，浸係鹹鹹辣辣既辣油入面，一啖酸辣粉，一啖雞咁放入口，相當好食架。 加上口水雞有好多白芝麻，增加左香味，更好！

酸辣麵的麵質十分彈牙又長，而且入面的配菜都十分有咬口及有味，而且口水雞的雞都很大個的，很滑及很有鮮味，不會怕食到一點又瘦又沒肉的雞，而且口水雞的冰凍感剛好，配上正在食的酸辣粉真的小小辣真的十分令人回味及食到很多有口感的食物。 真係齒甲留香😆另一方面，花枝丸及豬耳都很有味及更彈牙，味道都十分令人回味及有四川那種口味

放lunch班同事話食酸辣粉，咪跟埋去一齊食，對上次食已經係N年前。我吾太食得辣, 問過伙計話小辣吾太辣，就叫左小辣。點知....係我吾好彩定點，個小辣同中辣只係差少少，辣到流灑汗。跟住仲叫左個口水雞。D雞肉冇咩味，隻雞本身已經好多肥膏，仲要成碟都係油浸咁，好油膩! 食開既同事都話之前好食D...如果有食友們好似我咁吾太食得辣同太油， 可以吾洗試...

去旺角行完街都唔知食咩好!諗起好耐無食過辣野, 不如就食餐勁既~~去了家樂坊對面的傷心酸辣粉!!呢度開左咁耐我都未黎過, 反而銅鑼灣果間就耐不耐都去一次~明知自己唔食得辣, 但又會好想食辣XD呢d係咪叫犯賤呢~ 真係!!!haha!! 可能太耐無來, 原來傷心酸辣粉有雞煲添呀!!點了個二人套餐, 有口水雞, 少少辣好開胃, 雞不會太肥, 皮爽肉滑!牛肚, 加上辣粉芫茜, 正!!紅油木耳, 辣度OK, 最喜歡木耳配麵食!!炸墨魚丸, 香口野, 我最愛呀~~~((除套餐外, 我們也有追加小食>v<))套餐我們選了一碗酸辣粉, 一碗白飯最喜歡酸辣粉的肉碎、花生、芫茜!! 麻麻的酥感、火熱的辣度, 真係好過癮!!點了小辣還是太辣XDXD, BB辣才適合我呀XDXD真係好想知咩人會食到最勁的大辣呢~~來到重頭戲!!!!!!!!! 水煮牛肉~~~ WAH!! 真係成2年無食過了~超級大鍋!! 來到有點嚇壞~仲要好足料, 食到最後都仲有牛肉XDXD雖然看上去紅紅的一寸油, 但其實無想像中咁辣配白飯吃真係可以不斷添飯~ 呢個2人餐其實可以3個人食呀~~**飲品我點了菜蜜, 滋潤下平衡返

傷心酸辣粉唔覺唔覺竟然開到返大陸。好耐都冇食啦，今次尼食一食先，叫左酸辣少中辣，口水雞，蒜泥白肉。食蒜泥白肉最驚冇咩蒜，但尼到既就夠曬多蒜泥，食就好爽啦，夠香夠濃味，但食完次後真係口臭兩日啊！！口水雞份量正常，辣度唔多夠，但雞件滑，肉比較少，不過好味既。酸辣粉偏油，麻得濟啊如果可以走麻就好啦，薯粉彈牙好味。

我淨係可以話吾係我個味...我嗌左一碗小小小辣既酸辣粉個侍應同我講吾太辣，可以試下小辣我嗌左個小辣..辣到我噴火啲油po哂係面頭.但我冇計啦唯有食埋佢..但係佢啲薯粉韌都我咬極都咬吾斷..咬勁耐搞到我越來越辣！！之後我真係放棄左個食左一兩啖..再嗌左個川北涼粉，今次真係小小辣啦，雖然我吾明白點解話明涼粉啲涼粉會係熱熱地！但係除左熱熱地之後個味道吾錯既！有少少芝麻味酸酸地辣辣地個粉既口感好有趣真係食糖水個啲涼粉既口感但呢個係白色既！我真係吾建議食佢個酸辣粉！個涼粉就值得一試啦！

傷心酸辣粉 + 香酥軟骨 ($38 下午茶)如果你唔食辣 而你身邊一班中國人😂唔爭氣咁叫左BB辣成日聽人講酸辣粉點好點好其實真係幾好雖然食落口覺得好辣😋但又帶出到個酸味Sour and Spicy Noodle + Crispy Fried Chicken Cartilage ($38 tea set)Ordered the very light spicy 😜 although it is still too spicy for me, I like the sourness of the sweet potato noodle!

同朋友行街傾下傾下，得知原來傷心酸辣粉的全部食物係可以選擇吾辣的！我之前見一人一碗碗紅色勁辣搞到一直吾敢試，知道呢個消息，我梗係拉住朋友同我試下啦！開左咁多分店都係第一次食，入到去，一陣酸辣味，很香很刺激，我地嗌左二人餐，分別有兩碗粉和三碟小食！算便宜！我們嗌左口水雞，海帶絲和紅油脆耳，由於我朋友係愛辣之人，所以都嗌左bb辣，就返我！而粉我就選了不辣的！吾洗好耐，三碟小食先上，雖然bb辣但都幾辣下，可能因為d海帶絲浸住辣油一食便食左好多辣油令到很辣，也可能因為我真的太不能食辣吧？三碟小食，口水雞最滿意，怪吾知得係皇牌小食，而其餘兩碟都只係一般。到上粉了，終於一試了，那隻粉我未食過的，但原來吾好食，好似嗌緊膠咁，又嗌吾爛，要好小心食因為驚吞不下，可能因為我整完牙，仲未有力嗌得好，搞到碗粉由熱食到凍，小心翼翼咁食，因為一條粉勁長，我又嗌吾開，唉，整完牙冇牙力嘅朋友千萬吾好試。食到我冇晒儀容。不過呢個係我嘅問題。但講返味道，碗粉真係好酸下，吾好食，最吾中意那隻粉，真係膠咁，但最後原來發現有得轉米線的，算了。

上得去食傷心酸辣粉，就一定要入去個條成日俾人sell去食野既通道。其實食過幾次，但今次覺得d味道差左，所以決定要寫下食評。十點半收工去到，大把位，即刻叫左兩個豬骨湯既紅薯粉，夫妻肺片同一個豬耳。豬骨湯既紅薯粉依家食落根本就無味，要湯粉一齊食先有味道，如果單單就咁食個紅薯粉，No way。夫妻肺片仲係個個味道，好麻辣，爽口又脆，唔錯。豬耳今次就硬左小小，可能整得無咁"林"。今次誤打誤撞就+7蚊點左杯椰汁，原來好大杯，起碼有600ml，飲上黎有d似以前黑色盒個椰汁，好好飲。不過質素真係差左小小，要注意番，始終酸辣粉依家開到好多。

點了炸醬滷肉滷蛋飯配凍檸檬茶所謂既炸醬，只不過係滷水肉碎，整個飯都是由滷水汁所組成。味道只異常地咸，要飲好多水先得。滷肉是非常肥的豬腩肉，八成肥膏，二成係肉，滷水汁仍然尚算入味。配菜有數條生菜…

本來諗住聽過咁多人介紹應該唔會差得去邊同朋友一齊叫左個傷心酸辣粉 另一個朋友就叫左豬骨湯味我同一個朋友叫左走辣 另一個朋友叫左小辣之後終於到左啲薯粉完全係橡筋咁咬唔斷 食落完全好似冇味咁 啲湯底又淡 朋友食豬骨湯底完全係得個咸字！講真呢個價錢呢個份量呢個味道真係完全唔抵食！ 從來未食過咁難食既酸辣粉！真係好唔掂當！

一人晚餐，點了口水雞套餐。。。好明白，雖然而家五，六十蚊出街食唔到啲咩。。。鋪租同食材都貴。。。但都唔好大過分。。。!酸辣粉份量大約只能吃有6至7口，已經食哂(個湯相比其他分店稀得多)!。。。口水雞份量有3份之2係雞背(雞皮仲厚過塊肉好多)!。。。剩餘3份之1係，雞翼尖，雞翼，近乎皮包骨雞件(各一件，依然係雞皮厚過啲肉好多)

唔知係唔係偏見，我覺得旺角係一笪啲野食冇特色嘅地方，話好食講唔上，話難食又未至於，反正冇邊間食得過，想過癮，想刺激，想感動一下，你肯定會失望嘅地方 今日假期依舊同老婆同我兩歲嘅仔出去行下，旺角，食乜？唔知wo。。。既然唔知，就東食少少西食少少啦，反正o係旺角除咗食自助餐，一間食飽我覺得係一件愚蠢嘅行為。。。咁究竟食乜，掃街？啊，見到3蚊壽司，好似唔錯。。。行到登打士街，抬頭一望，一個好熟識嘅招牌，【傷心酸辣粉】，見過好多次，真係一次都未食過酸辣粉哩味野，o係大陸唔同城市食過唔少，就未o係香港食過，我覺得哩啲下欄野，唔駛上食店食呀，不過人地上得店開，我又有隨便食少少野嘅意思，突發奇想又好，點都好啦，上去試下啦。（個入口真係估佢唔到）上到去，坐低，環境ok，睇下餐單先，食少少好喇，就一碗中辣招牌粉啦，我老婆就食 BB辣金牌酸辣粉。。求其啦。到喇，食淡先。。。嗯，辣的，再食，嗯，辣得剛剛好。。。同老婆交換食係係習慣。。。老婆話: （你哩碗好辣，我唔食喇。。。。。。都唔酸嘅）。。。。。。。。。係wo，我叫嘅唔係酸辣粉咩？再食。。。係唔酸wo，飲淡湯先。。。啊。。。係有酸味的，同荃灣某間米線店

咁岩行過見到，又想食下辣野跟住就同同事上左黎啦都有好多位，唔駛等叫左個蒜泥白肉傷心酸辣粉叫完之後等左成4個字都有~又坐唔爆都等咁耐~終於都黎到又真係好香既份量都ok多真係見到蒜泥真係好足料我兩樣都係叫小辣辣度算係岩岩好再辣我就食唔到喇D粉好Q~好滑都幾好食既~係覺得貴左少少囉就咁2樣野都要成$50~以Lunch黎講貴左D

店的位置很好找！而且附近還有好多可以食東西的小店。「轉入正題」點了份軟骨套餐，50蚊，又點了杯西樹蜜2蚊！酸辣粉，小辣，真的一點都不辣！！！自己又加了點辣椒後，辣度剛剛好！軟骨一小份，味道也還好，可以嘗試下～