傲嚐 (已結業)

久聞荃灣工廈區內有一私房菜，性價比高，食物質素頗佳，同窗好友相約一聚，二話不說舉手贊成。進入工廈後乘搭電梯到食肆，格局完全是工廠食堂布局，但地方寬敞，座位舒服，略嫌嘈雜了少許，不過大家都不會介意。內裡已坐滿食客，沒有訂座根本是沒有可能吃到，預約時揀選好喜愛菜式，價錢按人頭計算。店員先捧上西洋菜陳腎豬㬹湯，用料充足，湯味清潤，有“家”的味道。脆皮坑腩果然名如其實外皮鬆脆，肉質鮮嫩。冰鎮鮑魚則略嫌韌了少許，但口感還算不錯。豉油皇大花蝦非常惹味，蝦頭有膏，肉鮮爽脆。薑葱炒蟹同樣出色，肉質飽滿，香味濃郁。蒜蓉粉絲蒸蟶子皇，味道可口，粉絲完全吸收汁液精華，實在不容錯過。再來一道脆皮芝麻雞，賣相吸引，同樣外皮香脆，不過肉質稍為過火乾少點兒。至於清蒸海魚，可說是這頓晚飯最出色作品，魚嫩鮮味，火喉恰當。清炒時菜簡簡單單，菜心腍軟帶少許甜味，果然夠清。是夜酒醉飯飽，樂聚歡朋，惟一美中不足的是欠缺甜品，如能提供則稱得上圓滿。

今日是公司請食飯，俾咗$3500出嚟，八個人食所以就經過一番商討之後，有同事話依間私房菜海鮮好正所以趁今次有老細，所以就決定食好啲，特意試吓依間，咁大約早一星期前訂定，睇咗菜單，果然係海鮮餐，有幾款海鮮，當然包括有魚，有蟹，有蝦，有魷魚，有鮑魚，有聖子，有貝殼類，有賴尿蝦，仲有煲豬肚湯，最後仲有炒飯，但因為我哋有幾個女仔所以就決定改炒菜，飲品是任飲的，今日是閑日，想不到都坐滿，一入到去就好快上菜，海鮮好新鮮，味道超正，至於我自己就覺得$3500，價錢尚可接受，下次一定會再來，特別想介紹鮑魚，超正超鮮味。

同長者慶祝又不可过油及过於脂肪，所以找了這間私房菜，這間可以自己選寫菜單，於是為了健康自己選了8度清淡菜色菜单😍，首先第一度上的准山响螺头保豬骨湯，湯用了豬骨煲出來不太油脷，但我觉得材料不夠又混了太多水，雖然准山已煲容了，但湯味道太淡，出不到味变成例湯模樣，所以麻麻。第二度上的椒鹽尤魚豆腐，尤魚及豆腐都沒味道，當中还混了一些白飯魚扮尤魚，第三度菠蘿生炒骨，顏色好靚，但排骨没炸过，只是把酱料混了一起炒般，好像吃了有汁肥豬肉般，很差。第四度上粉絲蒜容蒸扇貝，扇貝都大粒，但不新鮮，吃落有点像冰鲜味道，好彩蒜容多。第五度菜脆皮芝麻雞，這度菜式買相好好，好吸引，吃了脆皮不夠脆，亦不是每件皮都脆，雞肉淡，但整体用淡味作標準都可以。第六度菜式清蒸红斑，試了第六度菜式此魚十分新鮮，魚肉貭及配料都OK。第七度菜上湯蒜子浸菜心，菜心好清甜，蒜子有爆过才放在上湯上。最後第8度菜式炸搖柱絲荷葉飯，味道及材料都好，只是飯蒸得过爛，黏口，不過味道OK。雖然8度菜只有2度菜式可以，但這店令我最喜愛地方就是每度菜式都是即煮即送出來，即使味道麻麻，不夠新鮮都有口感的感党，但在工厦私房菜环景真的麻麻，這店我只会光顧一次。

好耐冇見唔見一班友人，幾天前大家聚在一起喺呢間位於荃灣嘅工廈食個 闔、家歡 晚飯友人一早寫咗菜單，有雞，有魚，有海鮮。呢度可以帶酒去飲，唔收收開瓶費 👍晚餐價💰大約每位 $350如果大家有車又或者住係荃灣區，晚餐是一個抵食又不錯的選擇。

很多荃灣的街坊，甚至鄰近地區的朋友，都聽過荃灣楊屋道街市出名海鮮多，且價錢便宜。但如果不是附近街坊，不想買回家慢慢處理，荃灣區其實也有不少食店到此入貨或幫客人烹調，其中一間就是傲嚐了。傲嚐的地點在工廠大廈裡，情況有點像私房菜。訂座時只需告訴店方人均消費約多少，有甚麼特別要求，大廚就會幫你安排妥當。海鮮中我最愛本地青龍蝦，一般酒家吃到的都是波士頓龍蝦，本地貨無論肉質味道都更好，上湯或芝士，都同樣好吃。很多港人都喜歡椒鹽鮑魚，我也不例外，香口彈牙，應該沒有人會不喜歡吧。串燒虎蝦是我每次來都必點的，爽口虎蝦配上爆香過的蔥蒜，滋味也惹味，吃這一道，直接用手吃才是最美味的。師傅每天都會到街市親自挑選游水海魚，所以清蒸海魚每次都不同，如果真想要特別的魚類，可能要碰碰運氣，還預早通知街市預留了。時值秋季，更可要求店方幫忙代訂大閘蟹，吃大閘蟹最麻煩是清理現場，在外吃就可免除這些煩惱，乾手淨腳。 連加工費在內，傲嚐也比一般坊間的海鮮收費便宜，收費絕對公道呢。

母親大人生日，想搵間近屋企又適合一家人食既中菜，所以就搵左傲嚐私房菜試下佢！冷鎮鮑魚-夠大隻，啖啖肉，不錯椒鹽三寶-白飯魚，豆腐，魷魚老實說無咩味，唔似平時街食到咁香口黃金蝦-好大隻蝦又有蝦膏，咸蛋黃唔會太油膩，水準之作清蒸海魚-蒸很剛剛好，好滑，食得出食材好新鮮皇牌芝麻雞-外皮鋪滿芝麻，食落好似食花生糖咁，雞肉炸得剛剛好但建議有醬汁配合就更好食薑蔥炒蟹-唔係水蟹係肉蟹！可惜有一隻唔太新鮮梅左，小小扣分整體海鮮都好大份幾抵食，適合一家人但小妹偏好重口味就覺得無咩調味，浪費左d食材，但鐘意口味清淡的可以來一試

星期五同公司同事食飯之前有朋友介紹荃灣有一間抵食夾大件既私房菜 我就打左電話黎搵老闆娘拎菜單啦果然真係好好好抵食 要捧住個肚走雖然環境比較嘈吵 有啲似大排擋但係 都係食食物既質素姐要傾計就真係難左啲🤭🤭基本上道道菜都好好食我最欣賞係條蒸魚條魚好大 都可以蒸到唔老 真係好考師傅既功架但個芝麻雞 啲芝麻就太多了 唔係唔好食但唔係好慣啖啖都係芝麻 食到有啲芝麻既焦味薑蔥炒蟹都好好食 好夠味 又唔洗用鉗再去拆殻 已經整碎左 清酒煮花甲 酒味濃 入面仲有白蘿蔔同埋大頭菜係底 入曬啲清酒味 有啲驚喜喔最後要拎左三個外賣盒 打包返去 第二日整返熱黎食

朋友話黎荃灣食，心諗唔係呀話，以為食牛肉火鍋，原來正既海鮮餐，都唔算難搵上到去無人理我既，自己搵枱，私房菜嘛，環境正正常常，一般大排擋feel，仲有個露台可以出去食下煙呼吸下開餐，咪就係超級海鮮餐，黎個胡椒豬肚湯先，個湯正到一個點，鍾意辣既會覺得如果胡椒再多啲同靚啲就正，但都要顧下唔食辣既人既原來飲左仲有湯渣，我個人不喜湯渣，但未有其他野食就食下先！！！！！！！正喎！個豬肚超正，又滑又好味，無豬內臟味，好快清晒，必食海鮮開始了，先黎個鮑魚，半隻手掌心咁大姐姐好貼心話「依個要點wasabi豉油啊」，之前啲食評狂話無味、無鹽咩，我就覺得點埋wasabi豉油好okay，人講你就訓咋？只屬單次性經驗聖子皇即係聖子皇，有我塊面咁大，蒜蓉粉絲蒸超正，啲蒜、啲粉絲OMG，但聖子個質地差啲，唔甜唔鮮，難咬，唔算好味薑蔥鮮中蝦，調味不錯，最正既點係蝦頭有蝦膏，好好味，隻蝦都算大，彈牙而唔係雪藏，一開殼就知，肉質唔錯薑蔥炒蟹，不過不失，正常味到椒鹽鮮魷豆腐，又唔係差，不過椒鹽黎講濃味啲就會開心啲最後就係清蒸石斑，條魚堅係新鮮、堅係沒蒸得好，火侯剛好，又滑又嫩，全條都係，無話有啲okay有啲唔熟或太熟，厲害

有同事介紹大伙兒在這裏慶功，起初諗唔明點解會去荃灣食海鮮，但食過一定會再試。因為事先book位、訂餐，所以仲寫埋菜單，我地12人，每款海鮮數量跟人頭，所以全部好足料，大大件，全部都好好味。埋單每人只需約500，以食海鮮計，仲要係飽肚，抵食。只係環境有啲大排檔feel, 坐滿人時都幾嘈😅大大隻鮑魚豉油煎大蝦勁蒜蒸扇貝聖子配麵蒸石斑，好大條的，睇睇同匙更既比例芝麻雞椒鹽鮮魷、豆腐

聽朋友介紹荃灣有間工廈海鮮私房菜, 剛巧上星期屋企人生日, 一行七人訂了六點鐘晚飯 ，位於工廈四字樓電梯直達，到齊人即上菜.先來一個胡椒豬肚湯，湯料十足 ，香氣撲鼻 ，入口不會太辣， 而且份量足夠每人兩碗有多， 好飲. 冰鎮鮑魚~ 新鮮, 肉厚 配日式醬油芥末 ,好滿足啊~最令人回味的 豉油皇大蝦碌~ 一上枱全枱人都大讚" 好香呀" size 如一隻小型雞髀咁大, 非常入味, 超正!!!就連上湯浸菜~ 都絕無欺場 ,清甜爽嫩. 雖然大家已吃得非常開心, 但胃口開了我們還加了一個臘味糯米飯~ 同樣足料，使全餐飯畫上一個完美句號^^ 

蕉炎鮮尤豆正常 但也冇味又冇底味 冇炎咩個朱肚湯又吾究味 淡口到不得了 冇炎呀？冰振鮑魚 扁硬 又冇味 只有凍味 把鬼豉油王大蝦 吾係新鮮冇蝦味 又處理得吾好 大大條黑色蝦長仲痴注 惡心，冇聖子皇又吾講 比左扇貝一點也不新鮮 意為拿一大堆算容一齊蒸就過到骨呀 條魚 就最正常 普通二斤靚青班 芝麻炸鳮 不知所謂 炸到乾曾曾 係乾曾曾呀 D肉又冇味 鳮吾似鳮 点覺呀 菜 冇味 炒通菜 是否玩野 謂炒點好D既菜好冇！個水注花甲 又冇味又吾新鮮 仲成舊刷膠咁最不知所謂 把鬼 執左去啦

三個食肉獸去開大餐，傲嚐就最啱！眾所皆知，傲嚐食海鮮大碟抵食，雖然環境似大牌檔，但係厠所乾淨過榮哥嗰到先呀！點解坊間成日會流傳呢到麻麻，何解？🧐今次有我、餓狼同虎嚥三隻食肉獸book咗個海鮮餐，食肉食到飽都係 $1,050，抵！但係講到好唔好食就要聽兩位廚房大佬品評一吓啦！先講個馬蹄胡椒豬肚湯，湯滾料足，豬肚出味，豬骨出髓，加埋幾粒正氣白果斂肺益氣，甜心馬蹄更係清熱消滯，湯膩而不肥。點解美中不足？胡椒不夠味之故也！胡椒夠好湯則能驅寒祛濕暖胃，胡椒不夠好就比其他湯料蓋過。品評呢煲肉湯就有80分，但係馬蹄胡椒豬肚湯就只得65分。講完個湯講椒鹽豆腐鮮魷，呢道菜只係想問二句，鮮魷飛水後有冇用毛巾整到乾晒先加鹽？椒鹽係預先炒好，放低左一段時間先然後再落鑊同鮮魷一齊炒？唔明就係屋企炒一次你就知道分別。跟著就係講鮑魚，做個廚房都知，鮑魚本身味淡，x洲急凍鮑魚味更淡。想佢香，要用酒，想有味，要煮汁。如果兩樣都唔愛剩係用綠色牙膏加豉油，唔該飽魚切片加夠凍(要見冰粒圍碟)，入口先會甘甜(要用靚wasabi，鮑魚唔靚用芥辣)，最重要係唔好跟住椒鹽菜餚後面，因為會特顯清淡冇味。一係放佢做頭盤，盛下夠消暑，一你

團年飯，揀嚟揀去決定食私房菜，貪佢係工廈區，泊車吾使煩，訂左枱又吾使等，吾會催你走。無味精，足料，湯渣大大碟，湯的份量也很足，一人飲3-4碗都OK。尾段湯凍了，請伙記加熱，亦無托手踭。比想像大隻，以鮑魚計（不連殼）都有4cm x 6cm左右大。呢味冰鎮鮑魚配上WASABI同鼓油，俾個LIKE。根據菜單顯示，呢味應該係美極大花蝦，但食落無美極味，似椒鹽多啲，需然憑該都係雪蝦，但真係好大隻，同埋估佢吾到都幾好食。味道可以，有咩清酒味，應該揮發晒掛，有大量配菜墊低（合情合理），配菜相當入味，我個人食配菜多過啲花甲。雞算幾大隻，肉質OK。同桌家人起菜前以為係脆皮“芝麻雞“，嚟到見到係有好多“芝麻“嘅雞，有驚喜。訂菜時已知係斑類，比預想中大條。起初MEUN為聖子皇，食前幾日收到短訊話聖子吾夠大，改為貴妃蚌，家人覺得貴妃蚌吾抵食，最後加一舊，轉做肉蟹。份量夠，有成3至4隻蟹，夠惹味，好似真係食得出陣鑊氣。最後先上，超大碟，食吾晒。改嚟改去嘅MEUN，其實你想食咩，WA佢，佢會俾個MEUN同個價你。是晚隔枱，有人參雞湯，又龍蝦.........，睇見都流口水，下次可以一試。

好友回港，一定找好野吃。指明要食龍蝦伊麵，網上尋找此荃灣私房菜～傲嚐。位於工廠大廈內，格局似一般飯店，但空間感不錯！當然之前已預定菜式。冰鎮鮑魚Size 大大隻，很爽口。可以沾一點日本醬油及wasabi 來吃。上湯龍蝦伊麵龍蝦肉質豐厚實在。唯獨同伊麵味道麻麻，有點美中不足。蒜蓉粉絲蒸聖子澎湃的蒜蓉粉絲，但聖子較over cooked。清酒煑花甲內有芹菜及白蘿白，湯頭很清甜，可惜花甲非常over cooked，有點失望。生炒骨顏色吸引，但肉質一般。最尾的惹味炒通菜。價錢$1280， 4位。但覺得觀塘區私房菜水準較平均。

男朋友生日既難題係佢想食上湯龍蝦伊麵，但出面油樓同餐廳既都係波士頓而唔係龍蝦，好開心係食到呢餐好好食又有龍蝦又唔係貴既私房菜👍🏻，食完同男朋友都好滿足！預約日子前老闆會send 手寫菜單比你過目，因為事前要求想食上湯龍蝦伊麵，所以老闆會加埋入菜單到，你ok老闆就會依菜單當日出菜😚！環境雖然似大排檔，但見到黎既都係熟客，而且要預約但當日平日都滿晒場。食物方面真係色香味俱全，而且份量都多，我地兩個人都勉勉強強先清到晒。上湯龍蝦伊麵有一隻龍蝦開邊，伊麵多汁好食，龍蝦亦好鮮甜；胡椒豬肚湯亦好好飲，佢既湯渣都會上埋比你，份量都幾多；椒鹽炒鮮魷亦好爽，唔會似太油淋淋或者太un；蒜蓉蒜蟶子一上枱已好香蒜蓉味，食落亦好鮮甜同重蒜味，一個字正！同男朋友食完都一路行一路回味，下次想試下同成班朋友黎食！中菜都係一班人食開心點😊