傑星冰廳

營業中

休息中

同幾個朋友去咗深水埗買電子零件，買完野就係附近搵間餐廳醫肚，見到呢間傑星冰廳好多街坊捧場，環境潔淨、燈光又光猛，一於試試先！鮮蝦雲吞湯湯底清甜富鮮味，大大粒雲吞好飽滿，蝦肉爽口彈牙，雲吞皮厚薄適中，粒粒爽彈美味～斑斕咖椰多士咖椰醬配以斑斕，香甜順口又不失清新，多士烘得夠香脆，食落酥脆鬆軟、層次豐富！油菜有好幾款選擇，最後揀咗菜心～新鮮翠綠，軟腍度剛好，係健康之選！特別一讚蠔油會分開裝，好貼心！夜市推介 - 豉椒倉魚價錢相當抵食！原條豉椒蒸倉魚大大條，賣相好吸引！魚肉新鮮嫩滑，蒸至剛好熟，肉質細緻之餘肉厚又少刺，簡易又下飯！我就揀咗呢款傑星常餐 – 雙拼麵餐午餐肉、腸仔米粉配炒滑蛋+牛油厚多士經煎香後午餐肉特別惹味、腸仔入口鬆軟、滑蛋嫩滑又多汁，配埋牛油厚多士，真係大滿足！傑星冰廳✨📍深水埗汝州街219號地舖

今日出深水埗行街買少少野，想食個下午茶，食落發覺終於揀到間岩自己口味嘅茶餐廳，都幾難得。餐廳光猛，座位都坐得舒服，價錢都真係「深水埗價」，抵食之餘又好鬼好食。法蘭西多士配薯條 $30好抵食，塊西多士勁級厚身！炸得好夠脆身又無炸燶。入面d花生醬夠多夠香，個西多厚身得黎鬆軟，外脆內軟嘅口感加上香濃花生醬味道，重點係，仲要加埋牛油同糖漿，夠晒邪惡！爆炒豬潤 $72咁岩到左晚市就叫埋個晚餐食，豬潤勁多片好有厚度！爆炒好香，d料頭炒到勁香，豬潤keep到個爽脆無腥味。因為厚切，咬落個口感都好滿足，個醬汁有少少辣，餸飯基本上係一流！雙拼多士 鮮牛油,練奶 $21法蘭西多士配薯條 $30脆炸雞脾配鮮果沙律 $35爆炒豬潤 $72 +特飲 紅豆涼粉冰 +$12油菜 $22

出咗深水埗買串珠仔材料後，就在這條街(傑星冰廳)午餐店舖新派冰廳，令人感覺舒服，而且價錢大眾化。❣️牛筋腩咖哩飯牛筋軟嫩有嚼勁;牛腩濃厚的肉香味，肉質鮮嫩多汁，咖哩汁濃稠醇香，米飯蓬鬆香甜❣️三眼仔鹵水雞脾飯三眼仔即是三隻太陽蛋🤣，蛋煎至金黃色的薄膜，蛋黃仍然保持軟嫩的狀態味道濃香👍👍濃郁的鹵水味道充分滲入雞脾中，兩者伴飯😋😋❣️炸雲吞外皮炸子金黃酥脆，餡料有鮮嫩豬肉和鮮蝦,，每一口散發出濃郁的香氣❣️班斕咖央西多士淡淡既班斕香味加上咖央醬香滑，煎炸至金黃酥脆配入奶油yummy❣️紅豆涼粉鴛鴦一杯飲品多種享受，配搭好特別紅豆軟糯，涼粉清爽配入鴛鴦層次感豐富

至尊雲豆蹄花湯❤雲豆姐係白鳳豆，湯係濃白色，飲起黎鮮香味醇，淡淡蹄花香味，雲豆軟如棉纱口感軟軟糯糯，而且飲完唔會覺好想飲水 / 好咸，大推!爆炒豬潤❤豬潤鮮嫩唔乾柴食起黎仲幾爽脆，配料仲有青椒，紅椒同蒜粒爆炒，塊塊豬潤都有反咁上下厚度同大塊! 食起黎好香口。蔥油蒸鯧魚❤鯧魚夠哂鮮味刺少肉質細嫩，我地叫左清蒸，所以食起黎唔會太重口味，反而仲食得出條魚既鮮甜!送飯一流，我見晏小小黎既食客想叫都已經賣哂了，所以想食既話就唔好太晏去喇!

深水埗啲街坊食堂，真係平靚正㗎！嚟到最香港最地道嘅一個區，就梗係搵啲港式茶餐廳配合一吓呢個主題啦。主打港式美食嘅餐廳，杯茶一定要得，先會有回頭客，所以我哋又嚟到傑星冰廳呀！傑星常餐常餐嘅套餐包括炒滑蛋、牛油多士同沙嗲牛肉一丁。炒滑蛋非常香滑，蛋味香濃；至於沙嗲牛肉一丁嘅沙茶沙嗲味非常濃郁，再帶有淡淡嘅花生味，充滿層次。香脆雞扒蛋蓋飯雞扒即叫即炸，所以外皮香脆可口，咬落充滿肉汁。掩蓋住白飯嘅雞蛋份量十足，厚身得嚟仍保持嫩滑。班蘭咖央西多士西多士同樣即叫即炸，上枱夠晒熱辣辣，傑星冰廳嘅西多士以少見嘅班蘭咖央做夾心，配上煉奶竟然出奇地合拍，西多士控表示相當滿意呢個組合。

在深水埗行街，這裏美食特別多，便找了一間茶餐廳坐下來吃晚餐。店門外光線充足的燈光，比較吸睛。明星撈丁$55我選擇了兩個餸，分別有豬扒及牛筋，撈麵有幾種醬汁選擇；有黑椒汁，蒜蓉汁，蕃茄汁，咖喱汁及沙嗲汁我選擇了沙爹汁。沙爹汁唔辣，有香濃的沙嗲味，甜甜的。加埋公仔麵，一齊好邪惡🤤豬扒是必點的，煎得岩岩好，香脆鬆軟，廚師落咗調味料去醃製，鹹鹹香幾好食。牛根整得好軟身，骨膠原很重非常黏口！正凍奶茶$3** 小冰，少甜凍奶茶茶味較濃。油菜$22** 油菜，全走一份菜心份量非常多👍🏻性價比高

深水埗路經呢間傑星冰室算幾早開始下午茶餐 ，2點起下午茶，一於試試佢下午茶餐牌都幾多選擇，又公司三明治/各類治、西多/多士/波羅包、扒餐/撈麵餐咁，撈麵餐仲有得揀兩餸添揀左撈麵餐，有得揀細份/大份，兩款餸：瑞士雞中翼、司華力腸，瑞士雞中翼真系好入味，同雞翼已好軟身而且內味唔使咬開用叉都可輕易撥出肉身，滷水味先鮮明，真系好好味🤤，司華力腸切半邊煎香左，咬落外皮微脆香口食印尼撈點試問可無辣味，辣度岩岩好，麵質唔會過軟系彈牙口感，唔錯唔錯呢個價錢呢個水準很可以喔比較少見茶記加涼粉飲品，呢到既特飲選擇都算幾多，來叫左款鴛鴦涼粉冰，茶底夠濃，奶夠滿，仲可以鐵匙杯出涼粉感覺滑嫩口感，3重享受額外點多份班斕咖椰鮮油多，純粹口痕太想試叫多份，自己食就唔需要多杯附送餐飲喇，平時都系食鮮油多，有埋班斕咖椰忍唔住叫份尼試下先，班斕咖椰既甜味配牛油既咸香中和，連埋兩塊脆多士夾住真系無得彈咁邪惡！下午茶都唔少客人幫襯，坐下坐下連梳化卡座都因繁忙時間關係要靠邊坐，坐位唔算太多，客流都幾猛枕住入客，食物質素+服務員殷勤落單執枱清潔，果然吸引唔少客人，值得回頭幫襯🙌🏻

今日行開深水埗，見你間冰室裝修新淨，夠光猛企理，嘢食都好抵抵食！佢餐單有勁多唔同配搭嘅肉食同麵食，而且價錢一啲都唔貴，簡直係食肉獸嘅天堂！佢Menu基本上都係豬牛雞扒、牛肉同埋雞蛋嘅選擇，而且仲可以用優惠價加配特飲同多款小食！------------------------------🍅◖蕃茄雙拼蓋飯◗ $60蛋蓋飯係呢間冰室嘅招牌，白飯蓋上雞蛋，雞蛋係半生熟，蛋液同白飯一齊食好滑溜好香，配上牛肉同蝦仁，再拌上蕃茄，酸酸甜甜特別開胃，超好撈飯！🍜◖沙嗲牛肉米常餐◗ $40套餐可以揀出前一丁、米粉、河粉或者米線，配上西煎雙蛋同牛油多士，份量都幾大，真心抵食！佢嘅沙嗲醬真係食到粒粒花生，味道濃郁，牛肉又夠入味，好厚肉，正！🐂◖柱侯筋腩◗ $88佢嘅筋腩煮得好入味好香，牛筋超軟腍，牛腩牛味濃郁，肉質一啲都唔韌，做得唔錯！☕️◖鴛鴦紅豆冰◗ 跟餐+$12特飲款式都好多，有紅豆冰、涼粉冰嗰啲，都好吸引！小小苦澀嘅鴛鴦加上甜甜地嘅紅豆，味道又出奇地夾～🍋◖凍檸茶◗ 跟餐+$3凍檸茶茶底唔澀，味道正常發揮～🌟 Encore指數：9/10

今日行開深水埗，見你間冰室裝修新淨，夠光猛企理，嘢食都好抵抵食！佢餐單有勁多唔同配搭嘅肉食同麵食，而且價錢一啲都唔貴，簡直係食肉獸嘅天堂！佢Menu基本上都係豬牛雞扒、牛肉同埋雞蛋嘅選擇，而且仲可以用優惠價加配特飲同多款小食！------------------------------🍅◖蕃茄雙拼蓋飯◗ $60蛋蓋飯係呢間冰室嘅招牌，白飯蓋上雞蛋，雞蛋係半生熟，蛋液同白飯一齊食好滑溜好香，配上牛肉同蝦仁，再拌上蕃茄，酸酸甜甜特別開胃，超好撈飯！🍜◖沙嗲牛肉米常餐◗ $40套餐可以揀出前一丁、米粉、河粉或者米線，配上西煎雙蛋同牛油多士，份量都幾大，真心抵食！佢嘅沙嗲醬真係食到粒粒花生，味道濃郁，牛肉又夠入味，好厚肉，正！🐂◖柱侯筋腩◗ $88佢嘅筋腩煮得好入味好香，牛筋超軟腍，牛腩牛味濃郁，肉質一啲都唔韌，做得唔錯！☕️◖鴛鴦紅豆冰◗ 跟餐+$12特飲款式都好多，有紅豆冰、涼粉冰嗰啲，都好吸引！小小苦澀嘅鴛鴦加上甜甜地嘅紅豆，味道又出奇地夾～🍋◖凍檸茶◗ 跟餐+$3凍檸茶茶底唔澀，味道正常發揮～🌟 Encore指數：9/10

同朋友黎到深水埗開飯, 黎到呢間又光猛企理的傑星冰廳, 7點未到已經坐滿客, 我地等左一陣, 有卡位坐, 都好舒服, 一坐低, 餐廳侍應就話飯已賣哂, 嘩, 咁快手, 好啦, 咁食撈麵都唔錯呀, 橫點我都唔喜歡食飯, 哈哈!*雙拼撈丁~ 炒牛肉, 炸雲吞, 黑椒汁 牛肉爽滑, 炸雲吞熱騰騰, 香脆可口, 黑椒汁好香噴噴野味, 辣度十足, 食得辣既朋友會喜歡*雙拼撈丁~ 炸雞脾, 炸韭菜豬肉餃, 蒜蓉汁 炸雞脾炸到塊皮好脆, 金黃色, 好大隻, 韭菜豬肉餃一樣炸到熱騰騰, 韭菜好香, 食落好香飽滿的, 丁麵加埋蒜蓉汁, 好香野味飲品叫左奶茶涼粉冰和紅豆涼粉鴛鴦, 好多材料, 飲埋都已經飽了九成呢間茶餐廳好抵食美味, 店員服務好, 下次可以再黎光顧

喺西九行完街，嚟到呢間又平又正嘅冰廳食飯。明星撈丁（雞扒、炸韭菜豬肉餃、黑椒汁）雞扒皮脆肉嫩，炸韭菜豬肉餃圓轆轆好大隻，外皮鬆脆香口，入邊嘅餡料份量都不少，撈丁嘅醬汁亦好足夠，滋味十足。雙拼飯（香煎牛扒、香口魚柳、蒜蓉汁）雙拼飯餸料可以揀豬扒、牛扒、魚柳同雞扒，而醬汁就有黑椒、蒜蓉、蕃茄同咖喱，配搭種類多。牛扒肉質軟腍，魚柳金黃香脆，蒜蓉汁嘅味道非常濃烈，鍾意蒜嘅朋友一定唔好錯過。兩餸都係$60，平民價西餐😁咖喱牛腩咖喱係經典嘅港式咖喱，有啲中印合璧嘅感覺，唔會太辣，牛腩香濃軟熟，送飯一流。斑蘭咖椰多士 多士濃邊好脆身，班蘭咖央甜甜地又突出，風味獨特，可以作為甜品埋尾。

港式冰廳新店傑星冰廳位於深水埗，店舖光鮮整潔，假日亦有下午茶餐供應，極具人氣！印尼撈麵餐（細撈）$35可自選兩款配菜，加$5變大撈有兩個麵底，極度抵食！惹味嘅印尼撈麵配煎蛋同埋香口嘅炸雞翼，無得彈，仲包埋飲品！脆炸雞脾拼鮮果沙律 $35大大雙炸雞脾，雞皮炸得香脆，雞肉多汁入味！可選配鮮果沙律或炸薯條，同樣包飲品！柱候牛筋 $68充滿膠質，入口軟糯勁入味嘅牛筋，size超巨型，仲要有好多條，配搭秘製辣醬，多多都食得落！油菜 $22/碟烚得啱啱好嘅菜心，爽嫩又夠健康！熱奶茶鹹檸七 +$12下午茶餐包熱飲，港式熱奶茶夠濃，口感又夠滑！另可＋$12轉特飲！

過來深水埗買萬聖節用品，想醫醫肚時，經過「傑星冰廳」，決定入嚟醫肚，點了一個馳名豬扒蛋蓋飯，上檯後終於明白「蛋蓋」的真正意義，隻蛋果然澎湃，如蓋子蓋著白飯，配上豬扒十分惹味😋😋馳名豬扒蛋蓋飯（$56）🍲🍲豬扒經過烹調處理後，口感嫩滑，具有豐富的肉汁。煎蛋則猶如一個碗蓋，十分大份澎湃，提供柔軟的口感和蛋香，配上白飯，給人一種豐富的滿足感。瑞士雞中翼 (2pc)（+$15）🐤🐤瑞士雞中翼經過特殊的調味和烹調方式，味道獨特，甜得來不會膩，大大隻，好juicy👍🏻👍🏻涼粉冰（+$12）🧋🧋涼爽的甜點飲品，涼粉口感滑嫩，提供涼爽的感覺，而甜味的糖水則增添了甜度和風味，可以消暑解渴。傑星冰廳地址：深水埗汝州街219號地舖

沙爹牛菠蘿包 $21沙爹牛肉的牛肉大大片，醬汁夠晒濃郁，充滿花生香味，與菠蘿包融合後鹹甜鹹甜的，即叫即整，暖笠笠😌法蘭西多士 $30推薦！雖然餐廳比較新式，但這道西多士做得相當傳統，夠晒滋味👍🏼明星撈丁$52 炸魚柳，炸雞翼，黑椒汁大大碟好抵食，魚柳同雞翼都是現炸的，份量十足壯男都都相當夠食。🤓明星撈丁$52瑞士雞脾，牛腩，番茄汁非常驚喜的是原隻瑞士雞髀上，牛腩都煮得相當入味又夠腍，配番茄汁好開胃🤤紅豆涼粉冰 +$12跟餐加$12就有紅豆涼粉冰，大大杯，唔錯唔錯。菠蘿包 $8 忍唔住，叫多兩個菠蘿包😉

難得嚟深水埗就去試下啲未食過嘅餐廳，近期開咗好多新式冰廳，傑星算做得幾有心，門面裝修都幾有心機，兩個人叫咗一個瑞士雞髀蛋蓋飯，一個蕃茄豬扒雞扒撈丁，個份量超大！佢一拎上嚟嘅時候都嚇親，個瑞士雞髀幾入味唔會太鹹，飯雖然唔係炒底，但係粒粒分明，男友個份撈丁又係超大碟，豬扒同雞扒都處理得幾好，唔係用鬆肉粉喇到佢好林個隻，咬落去仲幾Juicy，份量就唔使講啦，男仔都一定食得飽嗰隻，如果大家去深水埗搵唔到有咩好食，都可以試吓呢間傑星冰廳219號 Yu Chau St, Sham Shui Po