倫記車仔麵 (已結業)

晚上9:40肚餓，本想去吃隔壁的米線，路過聞到這家香氣，探身看坐滿了人，進去一試，沒想到相當驚喜！三餸一面26港紙，十分平價，心想拎走返屋企一試，唔好食就換別家（只有兩分鐘腳程）。選既係蘿蔔、豬紅同埋豆卜。咬一口蘿蔔，十分甜，燉得很爛卻沒有過軟，味道清香，太優秀！豆卜新鮮入味，出鍋時會幫你剪開，浸滿湯的濃香。豬紅冇異味，雖冇咩特別驚喜，亦優秀。唔得唔提既係，湯碗十分大，分量非常足，3—4大塊蘿蔔，一滿鍋匙豬紅，一滿鍋匙豆卜，面也不軟爛，彈牙，湯不過咸卻味濃，調料采自助制，甜香既花生粉給湯增色不少！總之是太驚喜既一餐！以後絕對繼續幫襯！…查看更多

食兩次、兩次d猪腸同牛肚都有沙，衛生唔掂，豆漿好鞋口，飲完條脷鞋到不得了又冇豆味!一定唔會再去第三次囉! 而且第一次仲收多左錢添!坐位好逼，餐具感覺不太乾淨，咖哩汁係自己加，但d咖哩汁真係核突到冇朋友!…查看更多

仲有三個鐘場波先有得睇，不過宜家肚餓決定落街食d野先。凌晨時分好多店鋪都無開，得返d24小時既mcdonald同7仔。好彩行到巷仔見到有間食鋪仲開緊，而且有好多街坊食緊，睇黎都幾ok。原來間鋪係食車仔麵，即刻叫個牛肚、燒賣同蘿蔔車仔麵，加杯豆漿合共$31，算係咁啦。食落其實又唔係真係咁吸引，燒賣雖然炸過幾特別不過一浸返落湯就好fail，至於牛肚同蘿蔔就不過不失la，碗麵唯有可以讚既就係d腩汁幾好，不過度度都差唔多，無乜特別。反而杯豆漿就幾好，好似係真係黃豆磨咁飲落有d粉，而且豆味都幾香，食完d咁鹹既腩汁再飲豆漿一流。…查看更多

食左呢間野就快兩年，今次就打下食評啦。依加已經唔係十八蚊啦，加價去到廿六蚊三個"餸"基本車仔麵有既餸都有齊，仲有ｄ比較小朋友既餸如薯片，炸雞翼午餐肉煙肉漢堡扒。我唔係好食內臟，所以入面ｄ小朋友餸就岩晒我。特別一提係好多餸佢都會以炸既形式處理。炸薯餅，必叫，炸得岩岩好，唔會太乾。雞翼同樣都唔差，炸卜卜之餘仲有嫩肉，不過平時叫餸就只有一隻，唔係好抵。我通常都會加配料，而間店都係任加嫁而環境方面，入面有三部大電視，坐咩位都睇到嫁。（衛生方面唔可以期望太高，不過不失，琴日我叫左墨魚丸，呀姐唔小心跌在粒係地，佢拎返黎洗下就去炸。至少佢都有洗過的）…查看更多

[這店位於民泰街, 在紅磡黃埔新村的內街, 就算唔係開得最耐的一間, 也是排頭二三名, 其他大多數的店, 開了又執, 執了又開, 可以捱到長時間, 唔通真係夠平? 一碗其大無比, 三個餸的車仔麵, 由兩年前的十八蚊, 加到今天也不過是廿四蚊.時間不早, 已晚上十時四十五分, 不想吃太多, 一心打算食串魚蛋和腸粉, 真是人算不如天算, 入內望一望, 俗語”鬼黯眼”, 見個個都食車仔麵, 阿姐大聲一問”要咩麵呀? 揀咗麵先呀!!”, 來不及反應, 便回答”油麵吖…” 阿姐再問: “要唔要腩汁?”, …”… 噭…要吖.”人的心理真奇怪, 只睇餐牌和親眼揀既餸係會完全唔同, 阿姐不斷問: ”要咩嘢?..要咩嘢?”, 唔好以為大聲就係無禮貌, 查實阿姐十分友善, 只不過中氣好, 比較大聲啫, 但都係有壓力, 加上親眼望到, 總覺得賣相唔太吸引. 最後, 在未完全研究清楚下, 揀了三個餸: 蘿蔔, 豆卜, 牛腩.阿姐將碗麵搦俾我時, 真真嚇我一跳, 大碗到吖…! 比我家的大湯碗還要大, 滿到碗邊只剩不夠一厘米. 調味配料任加任落, 好豪氣, 落了大量蔥花, 炸菜和炸蒜容 蘿蔔, 煮得極淋, 已經吸收滷汁味, 件件挾上手, 見到蘿蔔的角位和邊位都微微爛, 証明已經煮了很耐時間. 豆卜, 對切成二開, 一手壓下, 索一索腩汁, 咬開, 有嚼勁, 味道略咸, 油麵, 軟度適中, 韌韌地, 彈牙, 口感不錯 牛腩, 令我最疑惑的餸, 咬一口, 感覺有些少彈口, 似牛筋, 又有些少軟身, 似肥膏, 每一件牛腩都係兩節色, 分別係深啡色和淺啡色, 望落以為深啡色係瘦肉部份, 淺啡色係肥肉, 但兩節唔同顏色, 咬落的口感係完全一樣, 就係那種彈口軟身, 到底係咩家伙? 最後無食店內食具不太清潔, 但又未致於污穢, 檯面和載碗筷的箱子感覺油笠笠 …查看更多