俺流塩らーめん (新都會廣場)

營業中

休息中

之前吃過過江龍拉麵店，來自東京澀谷的「俺流塩らーめん」，感覺不錯，家陣天氣冷得我滕滕震，再來吃熱辣辣拉麵就 perfect。 「俺流」查實是「我的潮流」的意思，創辦人「小林」先生首作是「熟成鹽湯」，用高壓將豬肉、雞骨、香蔥等材料餚成精華，做出濃稠湯汁。 葵芳分店和上次一樣，不乏捧場客，繼續多人排隊，我大約等了十五分鐘入座。 先吃前菜，來個期間限定的「海鮮野菜餅」$38 兩件即炸上枱，似天婦羅，將雜菜絲連同蝦等海鮮，撈入粉漿，炸成餅塊。 估計此餅在製法上該有一定難度，要用纖薄粉漿固定散碎的材料，亦正因粉漿不厚這優點，所以食的時候不會太油，亦夠乾身夠脆。吃這個餅可以點旁邊的酸汁，把僅餘的油膩感再踢走，也更醒胃。 另一前菜「日式胡麻雞肉沙律」$48，一大盤，不貴： 菜新鮮，完全不會又老又頹。佐配的日本芝麻醬份量控制得不錯，不會太濫，不多提。反而雞粒方面講兩句，因為雞是先煎過，所以上枱時「心仍是暖」，侍應也沒有放低就走，有溫馨提示小心熱，我當時心諗︰熱？原來是指雞粒。 枱上有不同的調味料︰黑蒜蓉、柚子胡椒、梅子醬，可以隨意加。我個人推介梅子醬配蔬菜，效果不俗。 期間限定的「鮮

今日晚餐唔想食得太豐富，咁就想食碗拉麵就夠喇，係葵芳，我淨係諗到依間係商場電梯底，日日都有人排隊既拉麵店。係排緊隊既同時，店員已遞上餐牌同點餐紙，一睇發覺佢依度既拉麵價錢比其他拉麵店平啲，我揀咗辛辣熟成濃湯拉麵，湯無想像中咁辣，味道濃郁又唔太咸，我幾中意，至於個麵就比較失望，係味千拉麵個啲有皂水味既麵，味道口感就緊係一般喇。最有驚喜既係塊叉燒，佢幾厚身，做到入口即溶既感覺，味道濃郁而唔肥膩，可惜只得一塊。我覺得依個價錢值得試下

Lunch @ 俺流塩らーめん 除非是等她開鋪的第一檯客 , 否則排長龍 , 是指定動作 .... Menu ~用來吃拉麵的醬料有 黑蒜蓉、梅子醬、柚子胡椒 ~ 俺流塩湯拉麵 : 根據餐牌的資料所示 , 此湯底是用了大量雞骨、豬骨、香蔥以慢火餙製而成 .... 先呷一口湯 , 味道溫和鮮香又帶點清甜 , 口味清新又不油膩 ~麵條的形狀既曲且直 , 麵質感煙煙韌韌又充滿彈性 ~日式叉燒 , 切得薄薄的 , 對我來說是偏瘦了一點 , 肉味比較淡而且味道一般 , 但跟湯頭和麵都頗配合 ~麵湯配着菠菜反而有點驚喜 , 感覺很健康 ~本篇完 ~

今晚一個人去食，排隊時已講咗一次係一個人，填埋張Order form，等咗成15分鐘有多先去到隊頭，其間佢仲問多我一次係幾多位，我就話1位，點知個職員就剩係比哂後面兩位三位嗰啲人入。等多10分鐘都仲係咁，火都嚟埋，問佢點解一個人食要等咁耐？明明有枱都比哂後面？佢先話唔好意思，唔知我係一位！我當堂呆哂，我話前後講咗2次，你都仲係唔知我幾位？跟住先話5分鐘內比個位我！仲要比我見到佢拎咗我張單後，寫完枱號就大大力掉去收銀機個單tray度！老實講，返工唔帶個腦，又要發老脾，不如唔好返啦！

一入門口諗住兩位入座，點知要我點餐先可以入去，大佬間餐廳得個幾個人食緊咁多位都要我門口點餐，感覺好差囉，如果間餐廳好多人就話啫。入到去點知先知原來係＋1服務費，心諗憑乜＋1服務費，啲店員又㩒電話，態度又唔好，我企左係收銀前面佢都可以喺度㩒電話。個面就更加好普通，味道賣相都係好普通，環境就冇辦法開係電梯底。總括嚟講我唔明呢間野憑咩收呢個價錢同＋1，一定唔會再去食。附近有更多更好嘅選擇，唔需要去呢間垃圾搵日本菜式。

今日同女朋友去葵芳街下街諗住買公司聖誕節抽獎禮物。行到攰諗住食拉麵，即刻有間拉麵出現係面前，二話不說行入去因為時間早，六點零鐘，完全唔使等位，因為佢間舖係電梯底，所以環境就一般啦，我地仲要坐係兩條電梯入口中間野食方面，我點佐個男盛拉麵，而女朋友點佐個辛辣熟成濃湯拉麵，小食點佐個海鮮野菜餅。面都幾特別，飲湯會發現咬到柚子皮，上網先知原來係呢間拉麵特色，雖然唔係覺得好重柚子味，但感覺好似無咁「流」，可能心理作用。另外枱面都有黑蒜蓉、柚子胡椒同埋梅子醬可以自己調味。野菜海鮮餅都ok,幾足料。女朋友就話佢個拉麵唔多夠辣，但味道都算ok. 整體可接受，但就唔會好好大驚喜，而最失色就係個環境，呢度真係要扣下分

俺流熟成濃湯拉麵 $58（需加一)-因為無數次中伏，依家黎到都只會點一號。食過第二款鹽湯，又貴又油，麵又唔掛唔到湯，感覺中伏。一號勝在價錢較平而且好食。平時食豚骨湯，愈食愈膩，冇辦法飲埋碗湯。而呢個鹽湯則相反，食第一啖覺得清淡無比，平平無奇，後來覺得咸咸地愈食愈上癮，最後仲要清埋個湯先安樂，重點係一啲都唔膩🙅🏻桌子上有其他醬汁可供添加，而食呢款湯我就認為原汁原味最滋味。鹽湯比較鹹，可能唔係人人都鐘意。湯底呈乳白色，經豬骨，雞骨同香葱所熬製，麵質彈牙，叉燒普通，食完有少少口渴既感覺。另外餃子都幾好食，一口一粒，沾上餃子汁真係無敵💁🏻‍♀️～唔想去葵芳掃街，食呢間都唔錯。

係葵芳行完新都會同葵涌廣場，見新開左間拉麵，可能時間尚早，我地入去既時候無乜人排隊。到我地食完出反黎勁多人排隊！先叫個小食先，海鮮野菜餅脆卜卜，佢裏面有魚餅粒，魷魚，蔥，蘿蔔一齊炸！旁邊有火箭菜，大蔥粒。個醬料好多油，不過唔點醬油都ok辛辣熟成濃湯拉麵 - 湯底好濃，雖然係辛辣，但其實都唔係好辣，佢有d柚子皮係湯到，幾特別拉面係幼身既，而面底軟身程度： 㨂左普通有一片厚切叉燒，叉燒一d都唔肥！另外佢同有以下三個醬料提供，我試左黑蒜蓉！食拉麵又點可以無蒜味呢！

又一間好食平價拉面葵廣食完小食，但又想食啲熱野暖肚，咁就去咗隔離新都會，開咗一間新既拉麵店，梗係要去試下啦價錢都係$59-$80左右，咁就試下佢既原味先啦！俺流熟成濃湯拉面($59) 個湯都幾重豬骨味，清爽唔油膩。拉面係黃色果種我最愛既麵質彈牙又有咬口。但呢個面就冇溏心蛋！所以我就另外加咗蛋 蛋好好食啊，好食到唔識形容整體性價比都幾高，可以再食。個大阪燒餃子都唔錯，有木魚，沙律醬係面，下面就普通燒餃子，多啲調味料令到口感更豐富，肉味都幾新鮮👌🏼

今天去了葵芳新都會廣場，幫太太拿東西，肚餓吃碗拉面醫肚，看見有很多人吃，就入去試下，叫了碗辛辣熟成濃湯拉麵$63，價錢不算太貴，湯頭不會油油的，我略嫌不夠辛辣，還加了他們的XO辣醬，但湯底夠味美，面選擇了普通，面質有彈性吃一碗也夠飽了，份量不算少追加了一隻溫泉蛋$10，蛋心夠流心，軟熟也有少許甜味裝修也很日式，還有冰水設備

自從下載了葵芳新都會my living pass之後為了儲分都會首選在新都會用饍新都會新裝修，多了食肆可以慢慢選擇，食完又可以逛街再儲double分！今日選擇了拉麵！這間拉麵店經常都有人排隊不要被人龍嚇到，食客們好合作，食完拉麵好少會逗留好耐所以好快就可以安排入座，最多都只是等15分鐘左右排隊的時候就會派餐牌及點餐紙可以選擇拉麵種類、麵的軟硬度、要／不要䓤、要／不要荀還可以選擇追加食物其實拉麵種類都算多可以足次試不同的味道！今日試了俺流男盛熟成拉麵因為它的配料夠多，可以一次過試完叉燒、炸雞、溫泉蛋麵選擇了普通，不軟不硬就最好的選擇叉燒都好好味不過炸雞還是散叫好，浸過湯底後最好快點進食，否則外面層皮就好快會變稔濃湯底，合我心意最重要是溫泉蛋是不是好吸引呢～另一碗是黑蒜油熟成濃湯拉麵材料差不多一樣有溫泉蛋有叉燒但個湯相對上較濃聽聞黑蒜有豐富的營養價值難怪好多餐廳都會特意出黑蒜料理其實還有好多醬料放在枱上給顧客選擇如果覺得不夠味，想再濃一點的可以再加黑蒜蓉不過我覺得都足夠濃了加不加就看個人喜好總括而言這間拉麵店是值得一試及再光顧👍🏻

叫左最多送果款拉麵, 熟男特盛拉麵什麼的。入面有炸雞, 叉燒, 同蛋, 炸雞好大舊, 啖啖肉又唔算油膩, 叉燒係燒過, 有d 炭燒味, 仲要係厚切! 蛋係半熟, 唔算好流心, 一般。麵質叫左幼d ge麵, 唔會太飽肚, 湯應該係豬骨湯底, (佢menu無寫), 奶白色, 唔會太咸。我試哂佢幾隻醬, 柚子胡椒好咸!!! 有少量柚子味, 少量胡椒味, 如果唔係咁咸, 照計係ok  ge。再試梅子醬, 又係咸到痴線.... 另有黑蒜醬, 呢個最正常, 幾濃ge蒜味, 唔怕咸。辣醬我無試。最後我都是揀左落醋, 最正常最夾.... 個人認為唔好落佢d 醬仲好....另外叫左煎餃, 佢外型唔似一般餃子, 似係一朵花仔, 但無左下面果截,  入面有菜有肉, 唔夠熱, 但唔會太油, 味道ok ge。呢度以價錢來計, 係幾抵,因為樣樣野都大大碟。我地碗麵仲要加左底, 完全食唔哂law

葵芳新都会广场刚装修完不久，今天又刚好要到富衞帮朋友交保费，顺便下来吃碗拉麵，以盐味拉面主打的拉面，下午三点，人不是很多，直入，拉面选直面，挂汤能力不强，小小弹牙，汤底有淡淡的的鸡汤香味，感觉很清爽，水凖还是不错的，就是位于扶手电梯底吃拉面，感觉怪怪的

行完葵廣，唔想食小食做晚餐，就黎左隔離個商場搵野食。見到呢間拉麵店咁開揚係兩條電梯中間，價錢唔算好貴，就決定試一試。雖然都打蛇餅，但好似排左十零分鐘到就入到了。枱上放左三罐醬料，分別係柚子胡椒、黑蒜蓉同梅子覺得柚子胡椒係最值得試，因為真係幾特別，食落係胡椒嘅微辣，同時帶有柚子香氣。建議試呢個醬可以放少少係個匙羹上面，再一邊食麵，每次食麵舀起嘅麵條同湯底都會沾到少少醬料，咁就可以試清楚佢嘅味道。如果唔係落哂成罐醬料都未必試到有分別。俺流熟成濃湯拉麵 $58熟成湯 – 用壓力煲快速煲煮豬骨、雞殼等熬成湯底的確好濃郁，但真係好咸，咸到飲左五、六杯水，返到屋企都係咁繼續飲。拉麵配料較少，雖然知道價錢唔算貴，都唔能夠要求太多嘅，筍非常好食，建議加！唔好蝕底玉子 $10賣相幾吸引嘅溏心蛋，軟硬適中，蛋冇特別調味，所以都係正正常常咁嘅味道。叉燒一片 $13塊叉燒係凍嘅，難道係當冷盤？🤔厚薄算適中，唔算好硬，但食落真係普普通通，唔算好特別。覺得13蚊一塊叉燒有少少貴，因為根本食唔出有特別方式烹調。

今晚難得約到個成日要加班既fd去葵芳新都會食飯,一於試下大家都未食過既俺流塩らーめん。雖然唔識讀，但成日見到好多人排隊，應該都幾好食。排隊既時候，職員會問你幾多位，然後派一個mune同每人一張既點餐紙（好似一蘭咁）。排我前面有10個人左右，但係間餐廳既翻枱速度好快，等左10-15分鐘就入得。我同朋友都未諗好食啲咩，已經被安排入座。最我叫左"俺流熟成濃湯拉麵"，追加左一片叉燒，而朋友就叫左"黑蒜油熟成濃湯拉麵"。感覺上，我覺得有蒜味同無蒜味既分別不大。但重口味既朋友堅持蒜味比較好食。食完野先見到枱面有三種醬料,分別係"黑蒜蓉","柚子胡椒","梅子醬"。唔知道"俺流熟成濃湯"加左"黑蒜蓉",會唔會變成"黑蒜油熟成濃湯"呢？小食之中，"大阪燒餃子"味道正常，而"玉子大阪燒"就最有驚喜。睇圖片/上枱時，以為係類似章魚小丸子的食物。一夾開先知道原來個餡係原隻雞蛋。雖然第一次咁食法係有新鮮感，但係我始終喜歡食有章魚做餡果一款多啲。因為18只有一1粒。埋單$243，2碗拉麵+1片叉燒+2個小食+2罐汽水。唔算貴，一試無妨。