俺流うどん

營業中

休息中

唔係針對哩間食肆，係成個food court 嘅運作少量混亂。入口無購票機，場內散落嘅購票機我見到嘅有三定四架，另外仲有一個真人counter有兩個職員。啲檔攤部分可以直接買有部分要上述啲機或counter 買。啲擋攤嘅形狀唔規則，所以餐牌擺放嘅位置不一，要搵到有咩食係有啲難。最後counter原來有menu，連menu大細都不規則（笑）Counter 職員精彩了，托住下巴同我落單，我個視角隔住半個mon 佢好似個高僧咁對於我嘅點餐不置可否，環境嘈雜，唔知佢收到幾多成但最後又俾佢落啱哂order真係高手在民間。大食代會俾個call 機通知你可以拎嘢食，但哩度係無嘅。叫咗俺流熟成濃湯拉麵（$73）加原味餃子3隻（$18）。個麵就都相當咸，佢唔係濃豬骨味，係單純地咸，無咩層次，好似係快餐店嗰種港式拉麵，舊薄叉燒肥肉比較略多，原來咁就叫「俺流」。餃子係王將嚟，味道ok，都焦香，但佢個餃子汁就咁扔落個碗度，茶記都唔會咁。一餐$91蚊，好似交咗智商稅，去別天神貴少少有人送餐，唔使搵位，唔使買票，至少有杯水，又有辣芽菜食無咁嬲。

這店在 Food court 內，之前曾經點過這店的烏冬唔夠熱，關東煮是ok 的。這次點了照燒鯖魚定食 （$78）鯖魚ok麵鼓湯ok薯茸ok菜ok菜面的肉丸串是凍食，熱食可能好些。不過不失，價錢合理。