便所主題餐廳 (已結業)

朋友生日請佢 "食屎" , 佢食得好開心! 因為環境同用具真係幾攪笑! 開頭預0左唔好食, 但味道估唔到又OK 喎! 可能唔係個個都接受到佢呢個主題, 所以餐廳人唔算多, 唔洗訂位!一行5 人嗌0左好多0野食, 一個SET 都係$50-$70, 份量唔少都OK! 我0地嗌0左4 個SET + 1 小食 + 1 併盤 + 2 ICE-CREAM, 其實太多, 但樣樣都想試!未去過真係可以試0下, 有大圓枱, 一大班人傾計都OK!個人就覺得SOFA 會好坐過 廁所囉! 服務生都好有禮貌好好... GOOD!

一直的唔起心肝過海找尋便所的孖芝，聞說銅鑼灣開了分店，當然孖住老公去~ 可能新開業不久，人流不多。店內裝潢很有特色，更有幾處獨立間位，適合朋友聚頭呢！孖芝坐不慣沒靠背的椅，所以放棄馬桶，選了舒舒服服的卡位~是日試吃：焗薯皮︰哎呀~ 釀料太多洋蔥，受不了~ 芝士焗雞扒飯︰一般，不夠熱，芝士味淡，飯又太乾，而且不是蛋炒飯底…日式牛奶火鍋(牛肉)：配菜尚新鮮，湯底太甜，牛奶味不突出。布甸奶茶︰是很大杯啦~ 但茶味太淡，布甸亦很少，只有甜甜甜。打翻醋罈子︰猶如一斤果醋的味道…難得是香港少有的主題餐廳，不過食物質素沒有驚喜，太可惜了~ 無論餐湯，汁料，還是湯底，調味都偏甜，不太合孖芝口味~ 有點失望，所以都沒嚐甜品了~

之前聽過我間係旺角...不過本人家住港島好少去旺角...最近行過銅鑼灣見到佢開左...所以就去試下...環境幾好...好特別...之前去台灣都有好多呢類餐廳...可惜香港太少啦!野食方面都幾大碟..男朋友好大食..2個人叫左3個套餐,一個小食,2杯食品!BROWNIES(脆脆地..加埋D SAUCE會好流!)韓式牛肉(少少辣,幾開胃)LASANGA(芝士落得好勁)素菜火鍋(清清地,有好多料)飲品:奶茶同CHOCO奶茶....野飲好大杯..平時其他餐廳會唔夠飲,呢間就有突不過個CHOCO奶茶好甜呀!!!味道方面都OK!唔會太差!個素菜火鍋湯底好甜好好味!!服務方面..加水都加得好密...可能新開...人流唔多..每個AREA都有侍應!都好NICE!

友人一直好抗拒便所餐廳，覺得好嘔心，唔會好食。唔知做咩佢突然話想試下，我當然無所謂啦~原來銅鑼灣都開左間便所餐廳，星期日7點幾黎到，竟然唔駛等位，甚至係大把吉位! 我一直無食過旺角間便所餐廳，唔通間野真係只玩主題，其他野都好差?! 佈置得果然好似廁所，我地坐既係馬桶，而玻璃枱既下面就有洗手盤做裝飾。睇個菜單，有d食物個名/樣都幾嘔心，我同友人就保守咁叫左以下食物:焗芝士海鮮千層麵: 睇落去份量真係比較少，幸好都足料，有足夠芝士去填飽個肚。不過話係焗，但就唔夠熱，反而個浴缸就太熱，燙手既! 而個西湯ok，好濃，無加太多水。烤雞脾飯套餐: 用馬桶上，但竟然無想像中咁嘔心! 烤雞脾味道不錯，但飯就比較凍，扣左分。中湯就係一個普通不過既中湯。可樂花枝餅: 完全唔明點解係叫可樂…食物味道都ok，最欣賞既係佢既服務，無論上菜，加水，收碟都好細心，好快! 下次試下旺角果間!