佳運餐廳

營業中

休息中

又是一間上水街市熟食中心的食肆，早上過來買菜，當然順便看看那一間未光顧過。今次要了雪菜肉絲麵，一如所料，肉絲少之又少，雪菜佔了七成以上，幸好麵身都淥得夠腍，澆點辣椒油提提味，還可以吧！火腿跟餐肉就非常乾身，望見已經拎拎頭，再加一杯熱飲，食過就算。

多數人黎呢度都係食炒粉麵飯大大碟都係$25仲包野飲不過我就只會食雲南米線!一碗入面包埋酸菜，花生，芽菜酸菜食到最尾成碗都係,所以有次就叫左少酸菜不過原來少酸菜個湯底會差好遠... 無乜味咁配料有好多款揀豬軟骨夠入味；豬頸肉就香口；雞肉清清地；腐竹係炸過的，不太喜歡；鮑魚絲有咬口；魚腐唔太似出面食果d，係鯪魚肉再加d豆腐拎去炸，幾得意另外加飲品都係$3!見到佢的焗飯都幾靚，又係$25!不過上次見到搭檯呀姐投訴乾炒牛河唔得，太濕(見佢食剩大半碟!)仲想讚下呢度的侍應，禮貌都OK你知熟食中心有d阿姐好有性格...但呢度的阿姐都幾醒目有次叫米線，我仲諗緊飲咩，佢就話幫我落左先，因為要等得耐!唯一不足係呢間比較少檯，同埋熟食中心環境始終差少少

好耐冇寫食評, 今次不討不快!一直都有幫襯開呢間外賣, 嗌左幾個月, 近幾次都發覺接線阿姐態度好麻麻(用麻麻形容已經收儉左!)我地一次嗌幾個餐, 一般都會同你計到最平既組合, 例如有d餐+凍飲要加錢, 有d凍熱飲同價, 有d熱檸蜜要加錢,總之就唔同野飲跟唔同野食有唔同價錢啦, 一般餐廳都會同你計到最平, 呢間唔會唔緊要, 我咪自己計囉, 佢夠膽話我咁樣搞到佢好亂~好野~!你唔係應該清析過我既咩對於你既價目表! 我都費事問你有冇腦, 禮貌d話: 你唸下~佢答我: 我唔唸呀你搞到我好煩!我話: 咁樣差左6蚊個喎佢話: 你都係想平o個$6je跟住又話我煩, 我相信佢都認得我, 因為唔係第一次收多錢, 我都追過好幾次於是我話: 我由頭落過丫佢跟住先稍為搞清楚個價錢你慢或者腦筋唔清析唔緊要, 唔好咁惡劣囉~!呢樣係我最不忿既地方!詳情係咁既我地嗌左幾個野食, 有米線有飯餐, 飯餐包凍熱飲品, 熱檸蜜+$3另外嗌左2個米線, 所有熱飲都係加$3原來2個午餐嗌熱檸蜜, 米線飲熱檸茶, 即係每個餐都要加3蚊, 但係我發現如果餐飲調轉係可以平$6, 就係咁俾佢話我搞到佢好煩! 你冇野呀!!? 咁都唸唔掂

家住上水，以前食街市都係食開果幾間，而佳運係近年先開！記得第一次係哥哥強力推介，於是半推半就嘗試第一次！第一次係食米線，之後每次黎親都係食米線但我會選擇小鍋米線，即是咩都有d，eg.鮑魚絲,蟹柳,腩肉,冬姑...最好食是鮑魚絲,最難食係冬姑,所以我每次都會叫走冬姑不過要加$3先有野飲!另外，呢係沙嗲牛肉好好味，同出面ge好唔同

呢度 D 米線加左秘制咸菜 (可以淨係買呢 D 咸菜) 不論湯底同米線都好好味 , 湯都可以飲埋, 不過我唔食得辣, 次次都係要唔辣湯底有辣度可以揀餸方面我就最鐘意腩肉, 鮑魚絲, 爆醬蝦子丸, 豬大腸兩個餸, 加野飲都係 $24 度不過呢度 D 奶茶就好麻麻另外, 之前試過一次香草芝士焗豬排飯 , 都非常正, 但唔係成日有

這間佳運餐廳的過橋米線是好正..佢有一仲酸菜好正..我食得出有豆板張炒果的..沒有一粒沙..過得到別人..清潔得好湯低用上正宗的..好似是在大埔拿貨..老世自己熹的正得一去..份量多價錢平..正宗.

*過橋米線(小辣)*有幾款餸 : 蟹柳一條、火腿絲、芽菜、腐竹、冬菇、腩肉二片麻辣好香, 配上湯底, 好味道!腩肉二片, 是鹵水做的, 九成豬油一成肉, 味道OK!除左湯底及麻辣似返啲雲南過橋米線外, 尤其是腩肉十分失望, 一)不應該是鹵水煮的, 二)九成豬油一成肉, 點食呀!*凍檸茶*茶底唔係咁靚, 苦苦地!過橋米線(小辣) $23凍檸茶加$4外賣加$1