佳記甜品 (已搬遷) 新店位置

咁大個女入黎元朗既次數真係十隻手指數得晒，今日趁放假入黎探朋友，順便周圍食下好野。朋友介紹黎食B仔涼粉，坐低後見到餐牌，要成78蚊，感覺有D貴，不過既然咁出名，本身都想試下既，但係當見到隔離檯食緊個傳說中既B仔涼粉後，心諗，呢個份量，無4個人都唔洗旨意食得完，就打算叫其他野算啦，不過講真，78蚊一個巨型涼粉，真係幾超值既，下次要多D人黎至得。豬皮醬汁非常惹味，煮得好稔，真係令人食到停唔到口。略嫌切得有d大塊，如果可以一口一塊就好了。辣魚蛋:一份魚蛋有8粒，入口微辣而且彈牙，非常好味。芒果涼粉: 既然無得食B仔涼粉，食返個芒果涼粉都好呀，芒果份量十足，味道非常鮮甜，涼粉都切得好大粒，入口非常爽口。大大碗既涼粉，食完小食之後食，份量有D多，真係想像唔到叫左個巨型B仔涼粉會點算。

來元朗就係為咗食蒜蓉香辣雞翼尖、黎呢度就係為咗食蒜蓉香辣雞翼尖、係油尖旺搭車過嚟要一個鐘就係為咗食蒜蓉香辣雞翼尖！~'元朗佳記甜品全港首創B仔涼粉'~但最吸引我嘅唔係B仔涼粉而係雞翼尖！雖然涼粉都好食，食個最基本嘅花奶涼粉啦～～呢個係B仔涼粉嘅門面但我嘅目標係遠處嘅另一個外賣！$17一份蒜蓉香辣雞翼尖！山長水遠黎到，自己要兩份再買幾份俾親朋戚友！主角！！！！！！熱辣辣嘅，而且越食越辣加上蒜蓉味十足非常入味！我平時唔識雞翼尖架但係就會掛住呢度嘅雞翼尖！一食就停唔到口架喇i'll be back

B仔涼粉 $78呢個好大份😳完全唔知咁多4個人都食唔哂呀有西瓜 香蕉 蜜瓜 哈蜜瓜 大樹菠蘿 水蜜桃 奇異果 龍眼 荔枝 蘆薈🙈勁多款 生果都好甜 但奇異有啲酸😿下面係涼粉 加埋煉奶 凍冰冰食都幾正❤️呢個5-6人食好似比較好🤔 好大份好抵食 B仔無論幾時都係咁多人😂評分:8/10🌟

每次山長水遠去元朗當然要去食佳記今次同成大班朋友去，終於可以叫b仔涼粉有好多生果係上面，大樹菠蘿，荔枝，奇異果都有呢個涼粉真係要四個人以上先食得曬。豬皮，份量都好多，好入味主角！必食b仔雞翼尖，夠辣！好惹味呢個味道係外面完全食唔到

食左鰻魚蛋治同無骨雞翼包之後，最後一站就黎到B仔食甜品本身去左舊B仔，但見到長長人龍就過左去新B仔，點知新B仔都咁多人。真係唔應該假日下午黎食B仔，真係太多大陸人~行左個圈等左陣就有位了，得兩個人預左要同人搭枱了~今次搭左兩個大陸人，佢地就嗌雞翼尖同一個糖水再加B仔涼粉。佢地一嗌，我同朋友都打左個突，嗌咁多嘢食得晒咖啦?點知個B仔涼粉一上枱，佢地就問我地要唔要一齊食~不過我同我朋友都對B仔涼粉無乜好感，就拒絕了，希望佢地最後食得晒啦可惜同行朋友唔識食雞翼尖，自己一個又食唔晒，所以今次就無嗌到今次就嗌左腸粉、芒果河粉同芒果西米撈腸粉雖然唔係好多人嗌，但質素唔差，滑得黎都幾香不過今次黎食既重點都係芒果河粉同芒果西米撈兩個都係芒果汁底，同好多芒果茫果河粉食食下好濟，兩個人share就啱啱好至於芒果西米撈其實只係將芒果西米露轉左做芒果汁底再加芒果沙冰係面，用飲筒飲幾過癮(西米撈同西米露發音似之餘，B仔啲啊姐經常性聽錯同落錯單，明明我同我朋友都係聽到佢覆我地嗌西米撈，點知嚟左西米露🤦🏻‍♂️🤦🏻‍♂️🤦🏻‍♂️仲要死口唔認🙉嚟得B仔就預左啲啊姐會一啲服務都無🙈)最後仲嗌左芒果pancake同芒果糯米糍

平時成日食b仔 都會食佢地既黑珍珠今日男朋友去買外賣番到黎見到個黑珍珠好失望平時食都會有椰汁冇沙冰既成碗都會好多黑珍珠 而我今日既外賣 既然變左樣冇椰汁 小量既黑珍珠 仲有沙冰男朋友仲同我講個姐姐話要加$5先有黑珍珠本身餐牌上明明就有黑珍珠價$係$29 點解要加$5呢 仲要唔係我要既野 個姐姐好黑心😠咁樣呃人加錢有圖睇 沙冰融左 係因為我由食晚餐開始就灘左係到 冇放入雪櫃令到沙冰融晒 叻外果碗芒果黑珍珠都係咁樣😡😡😡😡

佳記甜品，又名 B 仔涼粉，相信都係不少人既童年回憶，一係就中年回憶，但相信亦有人同我 baby 講係未食過 😂 總之食既都係回憶既味道，忙中都要偷下閒黎同班朋友黎回味一下呀！Tag 佢地出黎聚下舊啦 🤓——————————————————————#脆皮芝士腸 $8/4覺得 B 仔既芝士腸都係好食既，脆卜卜，唔知係咪金妹牌呢 🌝 最愛細細既芝士腸好 qq，唔知邊個都係芝士腸呢 😋#爽滑腸粉 $8/4腸粉唔係話一流出色，但係都幾滑架！#蒜蓉香辣雞翼尖 $16呢個係必叫吧，好多人都係為呢個雞翼尖而尖叫，為呢隻尖山長水盡而黎，務求啜到佢皮都甩哂為止呀 😍#B仔涼粉 $75呢個係最經典既主角吧，呢個大雜燴水果涼粉雖然唔係咩名貴菜式，但真係好大好大好大兜，好抵食！約埋三四個豬朋狗友食除返開都係 10 幾蚊，真係窮食開心之選，充滿回憶呀 😆——————————————————————#佳記甜品元朗又新街置富中心 7 號舖

收左工甘岩撞到同事，二話不說拉我一齊去食甜品。天氣炎熱，周圍都坐滿人，自然會更吸引人坐埋黎分一杯羹。佳記必食雞翼尖，幾時食都甘正，不過我覺得真係油左d，每次食，食嘴都係痴笠笠。我對佳記既甜品真係麻麻地，食過好多唔同款式都唔覺得好食，同事見我諗左甘耐就幫我決定埋，結果三碗都係芒果涼粉撈。佢話每次黎都係食呢個：好味架！信我啦～芒果涼粉撈芒果新鮮，打破我以往係到食親水果都唔新鮮的概念，沙冰透心涼，由細到大都愛吃涼粉，所以無從抗拒。

有元朗人說道, 真正住在這邊的人, 其實都不會食B涼粉。這話在於我來說, 說對了一大半。因為我和我那些同住在元天屯的朋友們, 好像真的不刻意跑去吃什麼B仔涼粉之類的B仔名物糖水, 因為質素很普通。只是有時候溜狗溜到附近, 又或是一班朋友在宵夜時間嘴饞想要找個位置邊吃邊聊, 我們也會貪就腳而到訪B仔, 但衝著的就只有雞尖。蒜蓉香辣雞翼尖, 嗜辣者專屬, 醃得入味軟腍, 既蒜且辣。閒時來一份雞尖, 跟朋友吃著聊著, 一天又這樣過去。

來元朗必食的餐廳，我最愛雞翼尖，有紀子，都幾辣，惹味之選！雞肉吾鞋口！咁辣，我當然會叫生果涼粉，我食過大碗的b仔涼粉就會有多d生果，有大機菠蘿，都好甜好飽。如果2人食，食個細的，已經夠飽

食開大坑渠嗰間b仔，呢間都係第一次試，嗌返我最鍾意嘅雷沙湯圓，點知一上枱就見到完全同嗰便係兩個回事，啲花生好似殞石咁大粒，明明大坑渠嗰邊磨到細如粉塵加嘛，啲殞石大粒到完全影響哂湯丸滑溜嘅口感，完全唔掂。

食過好多次、好多款糖水同小食，最念念不忘既係B仔生果盤，買咗外賣出街食，個盒夠大，份量同堂食差唔多。淋上一盒細細盒既煉奶，輕輕拌均勻，食得，裏面有大樹菠蘿、菠蘿、香蕉、木瓜、西瓜、蜜瓜、哈蜜瓜、龍眼、番鬼佬荔枝、奇異果、蜜桃、椰果，有益健康，最啱一家大細share食。

曾經有一段時間，常常與朋友來 B仔食 它的甜品，我們都喜歡這間新店多過第二邊在坑渠旁的舊店。因為舊店的員工次次也是極之沒禮貌，很想趕客的擺架子。這間店的員工雖然不是特別好服務，但是都能十分體諒他們十分忙，還要至少他們不會擺架子。每次來，都會叫它的馳名甜品，B仔涼粉。今次我們點了涼粉，不過想順帶推薦一下，B仔配西米露是非常好吃的喔。還是先回歸這次點的B仔涼粉吧，有機會下次再介紹B仔西米露。它的水果量勁多，有十多款水果，並且堆積得一座山一樣高，來到時感覺超爽的!而水果的味道就按乎本身的季節吧，不過當中有些水果是罐頭來的，例如荔枝菠蘿，紅毛丹。涼粉吃落很易入口，不會是那些較鞋的那種。

「B仔涼粉」對我來說，是一個近乎神話。我一直都以為，我此生此世都未必有機會試食著名甜品店，位於又新街的「佳記甜品」，試食他們鎮名甜品。但隨着「西鐵綫」開始出現，我在大病後又多了張「殘疾八達通」在手，機緣巧合下促使我一個人，坐着港鐵來到又新街「佳記甜品」，看看傳說中的「B仔涼粉」是甚麼樣子，甚麼味道。始料不及的是，「又新街」距離港鐵站還有一段距離，離開港鐵站後，我一路拿着手機地圖，一路在不太熟悉環境的陌生地方不斷摸索，幾經辛苦下終於找到「又新街」和傳說中的「B仔涼粉」。可能因為「佳記甜品」在區內是有名的甜品店，又有着一定的歷史，所以食店內長期坐着大量食客，食客食完甜品離開速度亦快，所以進入「佳記甜品」，永遠不愁沒有甜品跟涼粉食。所以現在我翻看，當日拍下的照片，看完我還有少少驚訝，怎麼「佳記甜品」內坐着這麽少的食客？其實都只是因為客人流轉速度太快，才給我有如此的錯覺。作為區內的老字號甜品店，「佳記甜品」應該不怕會有關門結業的一日，但是我看完場內大部分人，試食「B仔涼粉」的一刻，和我看完餐牌的價錢之後，我就不敢再點「B仔涼粉」了，因為「B仔涼粉」實在太大碗，太昂貴了，根本不是為像我一般的獨行

為左雞翼尖可以去到幾盡!!傳說B仔雞翼尖系何其嘅好食但佳記實在太遠，搞到一直都無行動！難道收早！緊系那那聲Call埋成班豬朋狗友約齊腳衝去食啦！。喂！對於元朗路痴嘅我當然搵朋友做人肉GPS帶我去啦！聞名不如見面只系晏就3點鐘咋！已經爆哂場要等位🙈🙈可想而知夜晚會多人成點啦入到去諗都唔諗緊系一人一碟B仔雞翼尖啦！尷於朋友對涼粉無太大興趣所以唔敢叫大大號B仔涼粉（罐頭什果🙈）而系叫個普通嘅鮮什果涼粉，香芋頭西米露腸仔、魚蛋、豬皮、腸粉.....登登登主角雞翼尖到啦之前食過坊間好多聲稱「B仔雞翼尖」嘅舖但始終未試過真身雞翼尖肉質偏稔，蒜味夠出，而辣味會慢慢滲出黎！整體黎講都盤幾好食！可能期望太過所以未到好滿意嘅狀況或者我本身中意食比較結實啲肉啦，所以未完全滿足到我🙈反而豬皮同腸粉就好驚喜啦！腸粉滑嘟嘟，豬皮又非常入味系可讚嘅地方而涼粉就正正常常無咩特別但份量都算好大一碗而芋頭西米露系幾好食，不過搞笑嘅系佢舊芋頭系成舊無切過就咁上！🙈🙈整體黎講系好食架！不過奉勸各位下次經過元朗，系到食都唔錯嘅選擇