佳記甜品 (已搬遷) 新店位置

在元朗食完晚餐，太耐無食B仔，決定去食一次！甜品款式多，但唔算特。四個人叫左一個招牌B仔涼粉！ 生果多過涼粉，仲有好耐無食過既大樹菠蘿，正！味道一般，但七十五蚊咁大碗，叫你切咁多款生果都難啦，仲要份量多到四個人差點食唔哂，抵！😌😌😌

由讀小學開始媽媽放工都會係b仔買甜品返黎比我食,都好多年了， 味道相比下，以前係好依d , 宜家都不過不失， 雞翼尖甘耐以黎都係好正 自己吾算太食辣既人，但佢有種令我辣都要繼續食最多飲野既姐🙈本來諗住叫木瓜西米撈，但無，最後叫左西瓜西米撈（今次吾甜） 男友叫左芒果西米撈 ，有d甜有d有陣怪味😨 雞翼尖每次都會食👍🏻

係元朗行完山之後，成身熱辣辣，想食番d凍野消下暑。一早聽聞元朗b仔涼粉好出名，所以聞名不如見面，我同朋友一於去試試。第一次去搵左段路先到，而見門口好多人排隊，原來係買外賣。我地一入舖頭問個樓面啊姐野，點知佢既態度係唔太友善，可能都唔在乎我地呢d細客仔。木瓜雪耳糖水都幾好食，木瓜好大舊，雪耳發得幾好，好爽，個糖水好清甜。雞翼尖真係好正雞翼尖一碟份量都幾多，而且雞翼尖好冧入味，肯定煮左一定既時間。雞翼尖愈食愈辣，食到我出哂汗，但真係好惹味好好食。魚蛋同腸仔都唔差，唔知用左咩汁去烹調，但都幾入味。腸仔好冧，而魚蛋細細粒好彈牙總括而言，b仔既熟食相當唔錯，但服務態度有待改善。

食完3多雞脾，熱氣指數爆哂標直攻喉嚨即刻想搵d清熱d既野過下冷河，轉個彎就見到b仔晏就又好似無咁多人排就食啦！同男朋友兩個等左陣就有位次次黎都必食雞翼尖尖！個汁依家好食！仲有雜果涼粉，我地要左鮮果，原來有罐頭同新鮮分。腸粉都算ok！一向地抵食！下次黎再食先

難得入黎元朗，就當然要試下地標b仔涼粉同雞翼尖啦。去到當晚人山人海，相當利害，好彩就係泊好架車就立即有位，咁我地就叫左個雞翼尖同b仔涼粉啦！雞翼尖首先黎到，辣辣地相當惹味，佢個汁真係煮得好好食，辣辣地就真係正，令人更加期待甜品出現，來消一消辣味。好，跟住到涼粉出現啦，真係好大份量，令人無從入手，表面上睇黎都好多罐頭野，椰果，波羅，荔枝，桃，海底椰，蘆薈，所以味道都無咩特別，只有西瓜，蜜瓜，香蕉係即開，唔知係唔係我地期望過高，反而就覺得無咩特別，只係覺得好大碗law,不過總結黎講，都係ok呀！

嚟到元朗，B仔總係有種吸引力，次次嚟到都一定要去食一食，今次同另外三個朋友就去咗，我哋叫咗兩個魚蛋腸粉，雞翼，同一人一個糖水，而我呢，就係叫咗椰汁黑糯米。B仔嘅魚蛋細細粒一啖一粒，其中特別嘅係，魚蛋有種草味，奇怪得嚟又接受倒。至於我哩個腸粉怪，只要係配全花生醬嘅腸粉，我都會覺得係好食嘅腸粉。然後就係我最愛嘅椰汁黑糯米，最鍾意黑糯米煙煙umum，配埋椰汁散發陣陣椰味，正!!!而我都試咗朋友嘅芒果西米露，芒果是甜的，巧幸福呀~~~

每次只要入元朗,我都一定會去B仔食返碟蒜蓉香辣雞翼尖,雖然每次去嘅價錢都越黎越貴。由以前啱啱開始食嘅12蚊變到依家嘅16蚊。但係都仲係忍唔到口,一定要食返碟先至安樂。

黎元朗點可以吾去B 仔涼粉食不過我吾太好涼粉 所以多數叫pancake食主要有芒果同榴槤2款 兩樣我都岩食 梗係叫晒喇我最中意佢夠多cream 對於勁中意食cream既我絕對係大滿足成口奶油香 配合大大塊芒果/榴槤肉重點水果包甜Pancake皮又夠薄夠軟身 食完肥死都抵

嚟到元朗，大家心思思要去食佳記甜品。食店座無虛席，我哋等左差唔多十分鐘先有位。餐牌上嘅甜品款式相當多，但我們還是選擇了招牌的B仔涼粉。整盆涼粉的份量相當足，材料盛得滿滿的，足足有四個人嘅份量，相當抵食。涼粉賣相吸引，色彩繽紛，除了普通水果如西瓜、哈密瓜、奇異果和龍眼外，最特別是加入大樹菠蘿，這種水果很少吃到，雖然我不是太喜歡吃這水果，但配以涼果及椰果，加上涼粉又沒有如想像中苦澀，口味還是十分棒的!吃完涼粉還不夠喉，當然還要嚐嚐那些小食。 小食當中最馳名的就是蒜茸香辣雞翼尖，在店外排隊時已聞到陣陣的蒜蓉香味，驟眼所看，好像差不多每一枱都會點那小食。 雞翼尖炆得恰到好處，相當入味，蒜香味和辣椒味互相配合，真是好吃到停不了口。除此之外，我們還點了腸粉和炸魚蛋。魚蛋就一般般啦，腸粉很滑，口感還不錯。佳記不愧為元朗必吃之選，食物美味抵食之餘價錢又平民化。每次來到元朗，必定要光顧一番!

大家都話入元朗一定要食B仔涼粉, 我細細個已經聽過呢個名, 今日終於一睹佢的蘆山真面目, 其實我地無叫到, 同行FD話一般嫁姐, 但都見好多人叫, 成坐山咁大個份量, 岩4個人食啦, 咁我地叫左另一樣出名的,就係 辣雞翼尖, 個人認為辣度係小辣黎, 入口都好易溶, "送"番杯啤酒就嘆啦~我地仲叫左榴槤班KICK, 榴槤熟透好香好好味, 加埋裡面的CREAM, 正! 我地都叫左D生果涼粉AND西米露, 其實都係生果, 但勝在夠凍, 都5錯既!

榴槤係好奇怪既生果，你鍾意食就覺得好正，唔鍾意食就覺得入唔到口。 個人好鍾意食榴槤，但屋企人唔食，唯有出街食，榴槤甜品就係最好既選擇。榴槤班戟 $30/2件，好多榴槤肉，好香甜，個忌廉同個綠色班戟皮唔甜，正!! 一個人獨食，好滿足!芒果腸粉 $37/3件，腸粉入面大大舊芒果，配埋粉皮同香濃芒果汁，真材實料。

黎到元朗，梗係要黎佳記。叫左一個B仔涼粉$75。真係好巨型，面頭好多生菓，要好小心咁由頂食到底，唔係啲生菓好易碌落黎架。生菓好新鮮，仲有椰果、蘆薈同大樹菠蘿，兩個女仔SHARE真係有啲吃力，哈~大滿足

係元朗行完街就想食D小食黎到元朗點可以唔食B仔呢今次我地就去左新B仔雖然已經11點幾但門口已經見到超級多人黎得B仔就預左佢冇服務個店員叫我地直接去搵位坐其實真舊兩間食D野都一樣而且個裝修都係一樣又舊又污好啦講到野食呢度既翼尖係比舊個間份量少D得舊既2/3雖然味道一樣但係食完都唔覺得有野落左肚咁魚蛋就正常冇咩特別但係D腸粉勁差D醬都冇舊B仔咁好食所以要食得好 就要去舊B仔先得!

之前兩次入嚟三聖食海鮮，跟手都會揸車過元朗佳記食涼粉，今次大家晌容龍食海鮮食到咁高「慶」，就更要食番啲冰凍嘅涼粉降吓溫，更可以延續依份傳統。癈話就唔多講喇，都已經3年第3次寫佳記，所以，兩張環境相交待晒當晚現場環境，有口皆碑，就自然多人捧場 。再嚟就餐牌底面兩張相交待晒最新嘅價錢，睇番B仔涼粉嘅定價，由前年嘅$70，到舊年嘅$72，至今時今日嘅$75，加幅依然好溫和 ，但對比啲相，份量仍然咁巨無霸。 B仔涼粉 $75 正如以前都講過，嚟B仔涼粉與其叫嚟食飯後甜品，倒不如叫食飯後果啦。兩大兜生果山，睇見都開心，我哋11個麻甩佬，每人至少分到兩碗。以前就貪得意會數吓有咩生果，總共有幾多款，但依家就懶理，為咗唔好跌到成枱都喺，由小弟先負責分生果，再添涼粉，灌滿花奶，入口冰涼清爽，甜甜滑滑。忽發奇想，B仔涼粉都算喺食咗好多年，見佢都似喺無咩點變，生果款式亦以罐頭貨居多，唔知有無可能，將來有朝一日限定推出升級版，全部以新鮮生果入饌呢 ！

食完晚飯冇嘢做就走去元朗食糖水！佳記甜品嘅雞翼尖係一定要食！！佢哋嘅雞翼尖煮到好入味，蒜蓉同辣椒嘅混合真係好正！雞翼尖煮得好琳，唔會啲皮好韌！另外叫咗碗芒果西米露，啲芒果都幾大粒，不過都幾酸！西米細細粒，椰汁味一般！仲叫咗會芋頭西米湯圓，成個配搭有啲奇怪，不過好飽肚湯圓冇乜特別，就係甜左少少，同埋個皮煮到溶晒咁...