佳記甜品

營業中

休息中

這天在附近辦完事，二人想吃糖水，便到了佳記甜品。看一看餐牌，沒料到甜品舖還提供不少的鹹點小食。我們隨意叫了兩款，小人點了蒜茸香辣雞翼尖，蒜香味很出，辣度中上，配合一起就是惹味，不禁食不停口。我們都覺得如果不是雞翼尖而是雞翼的話便更好了，起碼多些肉食呢！友人要的是咖哩蘿蔔豬皮，皆很入味，咖哩汁不會太烯，濃杰適中，而且不會過辣，很易入口。腸仔在這裡的作用僅是增添食肉感，因為不管怎麼蘸都沾不了多少咖哩汁的味，猶幸腸仔不是太鹹，兼且爽身。甜品沒多想便要了椰汁西米露。椰汁落得夠多，香撲鼻，西米亦煮得透，顆顆透身，口感很好。吃過辛辣的食物再來一碗甜品滋潤一下，不錯的配搭。

曾經好鍾意好鍾意好鍾意食嘅糖水舖，（重要嘅事要講三次）每次睇佢嘅餐牌都會心思思，因為好多好多都想叫黎食。當然必食嘅有雞翼尖啦！雖然網上已經有好多食譜教你點樣煮，但我煮嚟煮去都煮唔到B仔呢種味。不過對比起以前，我覺得雞翼尖已經冇咁辣，蒜味都已經冇咁濃，唔通味道隨着時間都一齊退步咗？另外叫咗一碟腸粉豬皮，豬皮就一貫地好食，但係腸粉已經冇以前咁滑（唯一花生醬仲保留到嗰種醇香），至於糖水方面，我好鍾意揀撈撈系列，奇異果，火龍果都係我嘅選擇！個底就揀涼粉，感覺可以清下熱，降下火。不過涼粉真係浸得太過糖水，好甜，太甜了。

食左d太咸既晚餐，要食返d甜野先得。椰汁紫米露，唔會太甜，但唔夠香濃，可以紫米同椰汁太少。芒果腸粉好味，大家都讚好食，芒果都幾甜喎，好夠芒果汁，加d椰汁仲正！B仔，好大碗好足料豐富，但新鮮生果唔係時令，所以唔會甜。

今日嚟到遠近馳名嘅元朗B仔涼粉，食咗佢哋鎮店之寶B仔涼粉，老實講對B仔涼粉都唔陌生，但係當一段時間冇食嘅時候，嗰一盤滿到就瀉嘅生果山，都總會令我帶來驚喜，加上用涼粉底，不知不覺間都能夠為我帶嚟好強嘅滿足感，直頭係用飽黎形容，另外，今次嗌咗腸粉魚蛋食，水準亦都保持到！真不愧為元朗嘅地標及代表性食物之一😍

今日放假，食完Lunch之後，入咗元朗行下，突然想食d甜野，就上網搵下附近有冇甜品食，原來下午有些甜品店還未開始營業，最後終於搵到一間「佳記甜品」，這間店最出名嘅食品是「B仔涼粉」原本打算一場嚟到，就打算叫「B仔類」嘅食品，當我們決定叫「B仔杏仁豆腐」，阿姐 (服務員) 建議我們改食「鮮什果杏仁豆腐 $40」，因為我們只得2個人食埋單時，阿姐叫我們下次多d人，先食B仔類甜品，我們只好等下次機會價格💰：$40味道😋：OK

十月初，藍天白雲下到南生圍後，在元朗找甜品。本身想去的甜品店未營業，另一處大熱天時下要在室外排隊，最終到了佳記。佳記有幾個舖位，仍大排長龍，但可於有遮蓋的範圍下排隊，所以尚可。排隊期間，不停見人叫一大碗的B仔涼粉，很吸引的水果，但因為只是兩人吃，份量似乎太大，於是選擇了「B仔船」。B仔船($61)份量適合兩人吃，沒有涼粉但有多種水果，配有椰果和蘆薈，另有曲奇雪糕。雖然只是普通的水果，但十分適合熱天時一嘗

Our must-eat whenever we are in Yuen Long! 每次去元朗都必定會食的B仔涼粉超級大份 四個人分啱啱好水果種類多 有🍉🍌🥝🍑🍈仲有好甜嘅木瓜和大樹菠蘿最上面有椰果 而最底就是主角涼粉啦

舉世聞名的B仔涼粉其實感覺係 ...好多涼粉同生果味道無特別岩懶人唔想食買生果 唔想切生果 咁呢盤野幫到你😂芒果糯米糍好酸既芒果😂😂可能呢間野有其他野食出名啲 好味啲 但呢兩樣甜品就 坦白講無咩驚喜了

下午茶叫了一個水蜜桃啫喱。份量剛剛好。本身我想叫涼粉，可惜當日沒貨！洗手間是踎廁。沒有異味，值得一讚。可是地板有小小濕。另外，洗手間沒有廁紙。所以客人需要自備廁紙。有點麻煩。店舖環境尚可。冷氣很涼。檯面及椅子也乾淨企理。店員態度友善，有戴口罩。

好耐好耐都冇嚟呢間食糖水，好想食綠豆沙解下暑。一如以往都keep 到水準，甜度適中，煲到起沙。係好味既。$20 碗。👍🏻叫了10蚊腸粉！熱辣辣！好味！啲辣醬一流😆

元朗B仔涼粉﹑雞翼尖都係名物之一，難得入去元朗就試一試，聽人講呢到既雞翼尖係骨腍入味肉唔爛，同埋蒜香同辣味重，相當惹味，就叫一份試試－－－－－－1. 雞翼尖 4/10今次去食係有出入，一來唔太入味，二來淨係食到鹹味但缺乏辣﹑蒜香😖雞翼尖煮到好腍，肉質唔爽2. 芒果涼粉 6.5/10底層以涼粉做堆疊，上層鋪滿芒果，份量都多，但芒果好似浸左糖水咁，唔似本身水果個清甜，不過芒果夠熟唔酸，同埋花奶分開上，可以跟自己喜好去加，呢一點唔錯👍🏻3. 西瓜西米露 7.5/10夏天食係幾消暑，西米露都幾大碗，椰汁味濃同埋幾香，西瓜切成細細個波咁，方便食用

今日去咗南生圍睇風景，南生圍小橋風景優美，兩旁樹木井井有序，真是一個打卡點，在南生圍打完卡後，再去形點1 shopping，在商場食了一點東西在周圍遊覽，先發現原來形點1連貫形點2，商場很大 遊覽了一個下午，接著再去元朗舊區四周遊覽，元朗好熱鬧行累了，突然想起食糖水，於是三個人就去食b仔涼粉，我哋點了一 碗b仔涼粉，一碗雜果河粉， 真的沒想到 b仔涼粉這麼大碗，雜果涼粉還好沒有那麼大碗，我哋三個人都食唔曬，太浪費了，最後我們坐多一會兒 把這些美味的食品一食清， 好好味，甜而不膩。

今日有空入南生圍，風景很靚，不少打咭點，跟住行去食b仔記涼粉。依稀記得係在大坑渠那邊 ，終於畀我哋找到，但係大熱天時，行到身水身汗。 好在都不枉此行。 先來一個雜果b仔記涼粉， 來到時真係畀佢嚇了一跳一大盤 ，諗下自己食唔食得曬 ，涼粉食落去涼浸浸嘅涼粉 ，生果又多又新鮮。一個人肯定食唔曬， 我們還叫了雜果河粉，估唔到咁好食。 真係食到飽飽喎。 令人感覺暑氣全消，垂涎欲滴。 大家有機會一定要試試，最好三個人食嗰個涼粉。

是星期六的晚上時間，從下白泥影完日落坐車出黎想食甜品，太約晚上8時半左右先出返元朗市中心呢邊。本來首選都不是食這間甜品，只是剛剛附近想吃的甜品店都要等位，一向不愛等的我轉食呢間，一入到去店員都有量下體溫的措施才可進入。本身不太喜歡店內裝潢，所以都是旦選個想愛吃的糖水，分別是芒果西米露和椰汁黑糯米........那個芒果真是非一般的酸，不太好吃吧，兩碗都一樣喔，真是失望。可一不可再，早知就不吃甜品吧，白白浪費了卡路里，正在減肥犧牲好大吧。嘿嘿嘿

特登揸車入元朗試下b仔涼粉，據聞好出名，點知...超中伏！如今捻起依然作嘔🤮先唔環境和服務態度，招牌b仔涼粉，80幾蚊一大碗，居然大半碗都係罐頭生果？！？無嘢啊嘛？邊係人食