佳記甜品

營業中

休息中

每次入天水圍，都一定會過黎元朗既佳記食糖水。雖然呢間成日叫佢b仔涼粉，但我就麻麻地佢呢樣糖水，因為入面好多款水果都唔岩食。黎佳記食一定係叫雞翼尖😍😍😍真係好好味呀，蒜香味辣味都夠晒入味呀！！而且雞尖啲肉煮到好淋身，一個字：正🤩另外佢既芒果西米撈又係呢度必叫必推薦既糖水👍🏻👍🏻👍🏻👍🏻👍🏻芒果又多又大舊又夠甜，可惜掛住食唔記得影相😫其他糖水其實試過不過覺得麻麻，係得呢兩款keep住食到依家

琴日難得平日有假，就山長水遠入元朗搭車去下白泥睇日落睇完日落當然要出番元朗食好西係附近食完小炒就順便買番盒榴連班戟番屋企比老媽子同自己食每次黎到元朗就算唔食b仔都會買走，尤其中意既係榴連班戟，比起出面甜品舖既榴連班戟，b仔既真係特別香中意榴連既朋友仔一定要試！一打開透明包裝袋，陣好濃既榴連味就攻上黎，勁香！本身個班戟都好大個，咬落去啖啖榴連肉，比平時出面食既多好多倍，唔會淨係得忌廉！皮都好夠煙韌！下次有時間會試埋榴連糯米卷，好似都好正咁！

「佳記甜品」可說是早期的網紅店了，在未有網絡宣傳攻勢的年代，它已經是家傳户曉的名店。同時也吸引了很多遊客來光顧，總店分店經常坐無虛席。也許是主力做遊客生意，定價偏高。筆者的確甚欣賞「佳記甜品」的腸粉，入口真係非常滑溜。下單時，店員會詢問需要下什麼醬料；亦會在碟上獨立放甜醬辣醬。普通用滷水鹵製的豬皮。豬皮處理工序不算好，吃用時仍見到表皮上有毛頭。經滷水煮熬都頗入味，但不夠爽口。筆者曾經因爲這碟雞翼尖而經常到訪元朗，可惜事隔幾年再食，已經不是當年的味道了。不知是否人客太多而趕著出品，雞翼尖明顯不夠入味，蒜蓉味還可，辣味卻是不夠濃。

元朗B仔涼粉又名佳記一直都有好多食客慕名而黎，而我每次喺元朗食完飯之後，如果有時間都會去食返碗B仔涼粉。今次同D朋友食可以食多幾款唔同嘅甜品Share。我叫咗呢一個楊枝甘露，入邊啲芒果夠晒甜，撈埋啲柚子同埋西米露一齊食岩晒。酸酸甜甜咁的確唔錯。而其他朋友叫呢兩款西瓜涼粉同埋哈密瓜涼粉，其實係入邊本身個生果唔同之外，我都食唔出名唔同嘅分別。不過都係好食嘅生果夠晒新鮮而且涼粉都好食。價錢都係30零$40一碗啦唔會話好貴。雖然變成一直比人話衛生麻麻哋。但係我哋食完都冇咩問題，但係唔鍾意係街度食嘢嘅人或者只可以叫外賣啦。

由細食到大既B仔涼粉，咁多年都已經變左一個地標，同埋一個聚腳點，每次搵朋友都係話B仔等，真係食到宜家都未厭！每次必點既雞尖！〔蒜茸香辣雞翼尖 $19/碟〕又平，又大碟！呢度既雞翼尖特別好味，雞尖好淋，好入味，蒜茸仲係一粒粒，好辣，好過癮！食雞尖另一個附屬必叫既：芒果西米撈$40因為雞尖實在太辣，所以每次都會叫個西米撈解辣～芒果加冰打成泥狀，好甜好正好涼爽～食完個咀舒服曬！堆到滿一滿既芒果蓉～仲叫左榴蓮班戟$33／2件榴蓮味勁香，一間舖總有幾枱都食緊！好味！椰汁黑糯米$24黑糯米好香，加埋椰汁好滑～楊枝甘露芝士脆脆餅$40/2件分量好多，脆餅最好味係個消化餅既餅底，好脆好好味！呢度食到既仲有回憶，係另一番風味！

黎得元朗，講起食糖水，相信唔少人都一定會諗到要去B仔食，但其實一係好一般😥😥😥今日同屋企人一行8人，諗緊邊到有大既糖水舖，大家都話想去B仔試下，所以我地就去左試下喇。今次叫左佢既招牌b仔涼粉同埋西米露。整體其實真係冇咩技巧可言，其實亦都只係單純將所有嘅生果對埋一齊，然之後係個底再放兩份，而且佢只不過係比好多嘅量你，但係價錢其實都係收返咁多，我就真係覺得唔係好值得為咗B仔涼粉特登走入黎元朗食啦😅😅😅

呢度好似全部侍應都係菲律賓姐姐下午時間黎到 想食小食好耐無食腸粉 排隊排左一陣 菲律賓姐姐用唔鹹唔淡廣東話問我要咩醬我要左甜醬 麻醬 豉油 變混醬腸粉算係 爽口彈牙唔會好粉食完有啲飽下次黎一定會試埋其他小食好似魚蛋 雞翼尖 B仔涼粉

山長水遠去到元朗 點都要去佳記甜品到食番個雞翼尖先既2個人食 一人食咗一碟蒜蓉泡椒雞翼尖 都係$19D雞翼尖浸左同炆左好耐 勁香勁辣 但係又唔會好似果隻韓國辣泡面咁食唔到入口 但係又唔會好似果隻韓國辣泡面咁食唔到入口 我個friend唔識得辣，但係都覺得好野味 D骨都好淋 骨肉好易分離 重要D皮好滑 真係好值得一試另外魚蛋好重陳皮味，而且好彈牙，真心好高質另外其實仲叫咗個雜果涼粉，不過冇影到，份量好多，都係$39。雖然好多人食，但想講出餐好快

一般去元朗食甜品都會諗起b仔～～但我唔係去食b仔涼粉～～order左其他甜品～～原來星期日晏就三點都好多人食，都幾難搵到位坐～～咁岩有啲口渴，就order左個西米露，密瓜西米露有好多密瓜，又甜又好味又爽口，糖水唔會太甜，西米煮得剛剛好，perfect池～～另一個甜品就order左西瓜涼粉，超大碗，另配花奶自己撈～西瓜都好清甜，涼粉大大粒，好清涼～～可惜無得order之前食過好好味既芒果腸粉，好想食呢！

由於好少入元朗，一去就梗係要食人人都識嘅b仔涼粉! 特別係好多人都讚不絕口嘅雞翼尖，試過就知，佢愈食愈辣，但係又好味，辣得好過癮，必食再叫左個腸粉，啲醬好夠好入味，食落係正常嘅口感同味道再試埋鹵水雞翼，都係normal啦重頭戲黎喇! 芒果西米撈，雜果涼粉同榴槤班戟份量真係好滿，3個人食都覺得好飽，而本身我係唔食榴槤嘅，試左啖榴槤班戟都覺得榴槤係可以接受嘅，佢地整到好好食

除左B仔涼粉，雞翼尖亦都係呢度出名既食物。之前食個陣係夠蒜香、又夠辣，可惜今次呢碟雞翼尖一d都唔入味。recipe 應該冇變到，但醃得好明顯唔夠入味。可能出面排哂長龍好多枱客人都叫雞翼尖，但我寧願佢話買哂都好過拎呢碟未ready既出黎賣，臨走前都聽到隔離枱彈緊。今次係為左係雞翼尖而去黎食糖水，下次都唔知會唔會再黎。另外叫左碗鮮雜果西米露同紅豆沙湯丸，鮮雜果西米露生果算多，有西瓜 火龍果 蜜瓜同芒果，但可惜芒果係酸到爆。但紅豆沙就好差，大約食一半就停手了。隔離搭枱有位女士都叫左碗紅豆沙，仲衰，食左兩啖就走左，好似冇食過一樣。我諗呢度食生果比較穩陣D。

元朗B仔凉粉元朗人都識。各式各樣的糖水。做得十分出色。我最中意食雞翼尖。炇到好入味。小辣蒜容好正。仲有榴槤斑。好多榴槤肉。皮超薄。全部好正。而且價錢親民。真係飯後約埋大班朋友宵夜聚下都五錯。

一心入開元朗 就去食下B仔涼粉（第一次食）咁出名， 點知..... 許留山都好食過佢....一大碗生果（大部份係罐頭生果）+冇味涼粉...點解要$84咁貴... 定我唔識唔知罐頭貴生果入面最好食嘅 竟然係香蕉！Btw佢腸粉係幾好食...不過我加錯左辣醬（難食）

講起元朗甜品鋪，基本上冇人唔知佳記糖水或者B仔涼粉，實在太出名啦。最出名就係佢既雞翼尖，榴槤甜品都應該多人食。🤔同男朋友特登走出去元朗食糖水，決定食佢既雞翼尖。男朋友唔太食到辣，都硬住頭皮陪食。😘—一份既份量都唔少嫁，對於唔太食得辣既我地黎講，夠哂啦。鐘意食辣既人，食佢地啲雞翼尖，應該都會微微過到癮。😚—燉鮮奶藍妹超鐘意食燉奶，鐘意熱奶燉完之後既淡淡奶騷味。滑嘟嘟，一吸就滑入喉嚨，暖笠笠，三兩下手勢就食完。😋

夜晚食完飯好飽，走去b仔買個糖水番屋企食先。 堂食同外賣都好多人，等咗2/3個字終於有得拎。 次次嚟親b仔都會嗌芒果糯米糍。 本身諗住嗌埋雞翼尖，但見佢有好多人排隊等外賣，所以最後都冇嗌到。芒果糯米糍一盒有6件($40)， 入邊嘅芒果唔算太甜， 有啲酸。 但個糯米皮好食，佢嘅份量都足夠2個人食， 所以次次嚟b仔都係必食。而且仲嗌埋椰汁西米露，有涷同熱可選擇，都幾大碗下($20)， 佢西米露都幾多，夠椰味。 佢嘅甜度我接受得到，係天仁嘅少糖嘅甜度。