佳佳甜品 (已搬遷) 新店位置

上星期四晚同朋友在附近食完飯, 想食一D傳統的糖水, 我特就THINK 到這小店, 朋友叫了番薯糖水, 我就叫了意米白果腐足! 有點DISAPPOINTED, 因只是水汪汪, 沒有腐足味, 白果細到同D意米SIZE一樣, 唯一係D意米好好味!朋友的番薯糖水沒有特別, 只是一般貨仔!!

上次同大王太飽冇食到既”蕃薯糖水”，終於係同張大俠打完個靚邊爐後再次黎到現場。9點幾已經坐滿，要等一陣先有位。坐低就叫咗望穿秋水既”蕃薯糖水”，杏仁糊同芝麻湯丸。蕃薯糖水: 一字記之辣! 糖水充滿薑味，連大王咁夠薑都話太辣，真係驅風最啱!!!杏仁糊: 好味, 係唔夠凍啫(雖然個伙計晨早講咗!!!!)芝麻湯丸: 呢個出色﹐皮薄但又”煙Un”﹐食多幾粒都唔會飽﹐個芝麻餡又好味!!!正!!!!!下次再食過!!!!!!

芝麻糊十分好食，次次都要食。芝麻糊好細緻、好滑，無不勻的情況。初初坐街食有時著套裝都有不便，但其他地方找不到這美味，現在都好習慣。食完芝麻糊加叫湯圓。其實我亦很喜歡他們的湯圓，湯圓不花巧，大大隻，好實在。薑水底夠辣，好暖身。而且不貴。食這一黑一白，好滿足。

天氣凍 趁行年宵前黎食一碗暖笠笠湯圓當晚人客好多 店外既位都全滿不過咁岩有一台人走 : D朋友推介呢度既薑糖水好好飲於是每人order一碗寧波湯圓一共有成8粒都係$12湯圓算okay ,無想像中既流沙效果皮未算勁簿 餡料係黑芝麻 都幾香口不過重點都係薑水底香到不得了 食落口仲有辣辣地感覺經過食道 直達胃部 實在太真材實料冬天食完包暖!抵食之選 !

今天食完午飯,見佳佳得一個客,唔洗好似夜晚同幾十個人迫,就即刻坐低食個甜品。佳佳的湯丸,軟綿綿,又有少少彈牙,芝麻又香,一流!在十一、二度的天氣下,加上特濃的薑湯,感覺真係無得頂!一碗有八粒湯丸,而且價錢仲係12元,超值之選!

吃罷UCC的聖誕晚餐後, 我倆去了旺角買些東西, 之後轉到佐敦, 為的是一碗芝麻糊及一碗蕃薯糖水, 目的地就是非常出名的佳佳糖水店.認識這兒, 始於夏天時份某飲食雜誌的介紹, 知道這裏的中式糖水非常之了得, 尤其是蕃薯糖水, 出名薑味夠濃, 但在夏天食實在有點不太合適, 所以沒有馬上去試. 聖誕夜當晚, 只有十度左右, 我知道是一試它的時候了, 於是專程到佐敦去吃.去到時已經是九點幾了, 正正是食糖水的時間, 只見在店子的前面甚至附近, 已經開了十多張枱子了, 我們剛到時, 幸好正正有人離開, 所以我們非常好彩地不用等位, 點了蕃薯糖水及芝麻糊.先說芝麻糊, 一放下來, 就知是真材實料所製, 因為顏色上跟一般只是開粉溝出來的完全是不同. 而且不稀身, 杰度剛好, 沒有偷工減料. 一啖試後, 即感覺到香香的芝麻味, 這兒的芝麻糊, 可以說是我食過當中排行第二位, 但跟綠林的極品芝麻糊比較起來, 這兒的香味仍有所不及, 不過已經非常難得了.之後當然是主角蕃薯糖水了, 一放下來, 還沒有吃, 已經聞到那強烈攻鼻的薑味, 老婆先吃了一啖, 嘩! 簡直是攻喉. 初次食真的不習慣, 雖然之前已經知

　　食完飯同朋友一齊行尖沙咀海旁時，碰巧一名友人遲到無用膳，另一名友人便提議去食糖水，咁就五個人夾錢搭的士去佐敦食呢間的糖水。　　去到見到糖水鋪將桌擺到成條街都係，仲要人多到無位，以為要等一陣。點知啱啱有人走，結果來左十秒之後，我地已經坐左係度。　　不過呢間野有度唔方便，就係唔會逐張桌offer menu俾你，糖水menu係貼係櫃枱嗰邊，一列12元、一列16元.....咁樣。所以我同一個朋友要讀糖水名俾遮著看不到的朋友聽。大家好快揀好，朋友便想叫人過來，但伙計一忙就真係唔理你，講一句”等一陣”就算，感覺好似俾人過左一棟咁lor　　之後糖水來到，我叫左黑芝麻糊。可能是因為１０c 的關係，我本來要熱的，結果只是暖的，感覺上好似少了一點東西咁。至於入口後，口感幼滑、頗甜，怕甜的朋友就可能會覺得糖加得太多了。　　因為不熱的關係，所以好快食完就走左。我對呢間鋪始終沒甚麼壞印象，但好感不算太多。算了，我都唔知幾耐先會再來，所以無咩所謂。　　都係嗰句”人一世物一世”，食一次便算了。

上次吃過的番薯糖水，薑味濃，番薯甜，好好味！留下很好印象，今次想試吓其他味道。綠豆沙：豆味不濃，味道很淡，不是太差，但談不上比一般好。芋頭西米露：芋頭味更淡，甜味不足，成碗淡茂茂，杰杰地、少少甜，好似食糊仔咁麥米花生粥：花生食落爽口，生生地，煮得唔夠時間，麥米還好，唔會生，但全無麥米粥的香甜軟糯

好一間人氣湯水店, 店子雖小, 但入夜後就坐哂出街都唔夠坐...鐘意試新式甜品糖水的朋友可以唔駛來了...因為這店只賣傳統中式糖水, 仲日日都係果十幾款...最鍾意食佢的芝麻湯丸, 細細粒, 又唔厚皮...仲要係用蕃薯糖水個薑湯底...好勁薑的... 但又好好味!食完飲埋 D 薑湯真係成個人暖哂~ 但阿姐的服務就真係有待改善...堂食都仲好 D... 起碼一叫完佢就好快攞俾你...叫外賣就真係有 D 無奈, 佢都唔得閒理你...

小妹一向都好鍾意食蕃薯糖水, 琴晚同朋友o係佐敦食完飯, 佢介紹左附近有間糖水舖的蕃薯糖水好好食, 咁我地一行4人食完飯就過左去食糖水啦.一坐底, 眼見全部都係舊式糖水, 非常好, 其實我對新派糖水冇乜興趣. 朋友話蕃薯糖水薑味好濃, 我怕會好辣, 所以都係放棄… 但朋友叫左, 佢比左一啖我試. 嘩! 真係好濃薑味, 我真係頂唔住… 如果天氣得返幾度時, 我可能都會試吓, 真係可以行氣活血呀. 最後我叫左凍的白果薏米腐竹糖水, 唔太甜又足料, 都好好味! 朋友就叫左湯丸, 見到d皮都算薄, 朋友話都好好食.環境就麻麻地啦, 因為其實都o係坐街邊食.

是夜與家人吃飯後，大家覺得肚子還有空位，所以我便提議到佳佳吃甜品。雖然天氣仍然炎熱，但我依然堅持要吃熱的芋頭西米露，就算熱到出汗也值得。 因為本人總是覺得熱的芋頭西米露才夠芋香。 叫家人嘗一口，他們也覺得芋頭西米露好有芋香，而又不太甜，不枉是本人最愛。 另外，家人選了︰杏仁糊（熱）--- 家人覺得普通。我也試了一口，感覺一樣，杏仁味不算濃，糊也不夠滑。 還是芝麻糊較有水準。蕃薯糖水（熱）--- 原先家人想吃喳咋，但原來佳佳是沒有的。退而求其次下，家人選了蕃薯糖水。店員未放低，我們已聞到薑味，好誇張。 因本人不吃蕃薯，只是嘗了一口糖水，薑味實在太過濃烈了。家人也覺得薑味太濃令到糖水變得『辣』口，所以家人只吃了一半便停口了。

昨晚是第二次去食，黑雨後成條街冇乜人，好靜。上次食係星期日，試咗芝麻糊拼合桃糊加寧波湯圓（芝麻餡），覺得糖水滑之餘又唔會好似開粉咁成pat「糊仔」，係口中仲可以感覺到一絲芝麻和合桃的顆粒，好香 之後問過老闆娘（自己估計佢係），佢話都係自己磨芝麻同合桃，所以有顆粒。我十分支持佢自家製嘅精神，唔會好似有D店用出面批發嘅材料公式化又唔好味。另外寧波湯圓嘅皮好有彈性，「煙」韌而柔軟，同我喺炮台山食過嗰間福元有得揮！呢度D湯圓係寧波式，比較細粒，飯後食嘅話唔會太飽，正！！就係因為第一次因為太回味所以昨晚又去，今次食咗杏仁拼合桃，杏仁糊同樣出色！雖然店面極細，但都算乾淨。我肯定會再幫襯！！

來過佳佳不少次，就寫一寫曾吃過的數款糖水 ( 不過通常都是吃湯丸/芝蔴糊 )：1.寧波湯丸:- 非常喜愛那個「特濃薑湯」! 天氣較涼的日子總會想到這裏來暖一暖胃 - 黑芝蔴湯丸「皮薄餡靚」，又不會有某些湯丸為加強流心效果而出現的過重油味；- 其他款糖水只需加$4就有3粒，都幾抵食! 而就算在芝蔴糊中另加湯丸也能吃出餡料的芝蔴味2. 蕃薯湯水:- 又一濃薑推介!- 蕃薯也帶點點天然的香甜味和夠粉- 每次也可以喝清光3. 芝蔴糊:- 有一段時間沒有吃過，但印象中芝蔴味也是夠濃、杰度適中，不會出現「一舊舊粉」的問題- 不過看近來的食評說，好像退步了? hmm 找天沒有那麼熱的時候再去試試 4. 綠豆沙:- 不太喜歡百合與綠豆沙的配搭，有點太「粉」了5. 腐竹糖水:- 煲得白白滑滑的，味道也對辦;- 本人較喜歡有點腐竹絲可以咀嚼一下的腐竹糖水多一點; 不過天氣熱時，吃一碗凍的也不錯

因為電視有介紹過..亦有fd食過都話好食..所以今晚專登唔食咁飽留肚去食既.....就係為左lee碗蕃薯糖水!!!!!!!!!去到..冇冷氣..今日好熱呀...加上碗又熱又薑既糖水..好彩真係好味咋..真係好夠薑又唔算太甜...如果冬天黎食一定會好正..今日飲淨d湯呀..因為實在係太熱la...又超薑woo..再食個人會爆炸..所以放棄左少少湯...冬天一定要再去食過

原來佢o係「八王子」斜對面。一點鐘多之時,因為唔清楚開鋪時間,打去問問,很有人情味的老闆,說1:30pm已有齊野食喇!蕃薯糖水,咪以為係普通既野,要整得好食,我敢講,而家無一間糖水鋪做得好!佳佳的金黃蕃薯糖水,夠辣!甜度啱啱好、煲透而金黃色的蕃薯,綿綿的。用匙羹「斬」件,蕃薯粉沙,與薑水混埋,傳統風味出晒黎!+湯圓($4/3粒),令這蕃薯糖水,如虎添翼!因為唔係好大粒,皮滑餡靚,與mass production的湯圓質素,完全無得比!麥米粥,買走。我叫阿叔,不用發泡膠兜,用此「吉」樽裝。點知佢幫我裝滿了!份量足足有家庭碗三碗!喜歡麥米有o趙口。其實煲法無乜花巧,加左少少花生,糖量甜少少,無咁寡。這種原汁原味的傳統糖水鋪,買少見少,反而新式既越開越多。「保育行動」可唔可以廣泛D呀!