何洪記 (已結業)

8月8日看過蘇絲黃力讚這店的雲吞麵已經想要印證一下，見頭條新聞又要介紹曾特首這間心水店，即刻快快來試，否則見報後實迫死。雲吞麵$23 - 四粒雲吞，幾櫡麵。麵夠彈牙無鹼水味，湯都幾好味，雲吞一般，沒什麼驚喜。因為麵好少，無機會變腍就食晒。干炒牛河$46 - 牛肉麻麻，疏打粉太多，搞到無晒肉味咬口。河粉炒得透，條條金黃色，碟底算不多油。見食友大讚經典咖喱牛腩飯$45，一於食埋。牛腩幾腍，咖喱都頗香，不辣，成碟飯撈晒。價錢算中上，味道ok啦，食過又不會心思思要再食。下一餐又吃什麼好呢?

廳聞何洪記的炒粉麵好吃！問服務員有什麼好吃，她介紹我吃加喱牛腩飯。一試，果然很好味道！我吃過很多加喱，有泰國、印度、日本，但是何洪記的加喱牛腩很特別，聞到香濃的加喱味，入口先甜香再慢慢滲出辣味。很有層次感，牛腩很入味，汁液香濃但不糊口。越吃越想吃，停不了口！45元一客，貴是貴點，但勝在好味，值得一試！

呢間野開左幾十年,好講每份材料ge比例,幾次夜晚見到d人排晒長龍,睇下佢有咩咁巴閉. 食左豬手撈麵,豬手雲吞麵,牛腩麵同艇仔粥,樣樣都好好味,d辣醬同杏花樓o個d好似,超好味~不過真係好細碗(要講比例..-_-)同好貴,一個飯碗ge size要$30幾.佢d料好新鮮,真係幾勁,但係我覺得荃灣or其他地方有d 舖頭都做到呢個水準之餘係勁平,不過佢o係cwb,實係咁~

粥品乃何洪記賴以成名的重點食物之一，可惜今非昔比，與數年前比較差了很多。粥底用料其本上是生粉水。建議大家要嚐好粥可到不遠處的李景。

干牛河抄得阿乾身, 唔油好好味! 服務都好好!

放lunch, 有點微雨.人也不願行得遠遠, 求其行過對面一兩條街便來到這裡.人一樣十分多, 單人位見到有便入去.格局如果唔講真係以為係新x記, 但價錢卻是半豪華級數,一個炒麵可以係接近五十元, 瑤柱肉粽都要三十幾, 搶$乎?卡位十分逼, 我高當然冇計, 好彩對面個伯伯係坐入的, 我先可以日字形同佢打對面坐. 之後一位男士同一位女士坐埋一邊卡位, 都好坐左落去唔識轉身, 唔知的食物黎佢地點夾野食呢?求其要左個雲吞麵, 麵係幾爽, 有四粒既雲吞又一粒一啖,個碗麵真係幾細, 可能仲細個永華. 個湯係幾清, 但冇咩味道.埋單$23, 食雲吞已係其中一樣最平既食物.食物唔錯, 但價錢和環境我總括俾唔到笑面.還是行去皇后餅店整返的麵包梗好過.

豬潤肉丸粥$30: 粥夠棉，而且有瑤柱絲。豬潤和肉丸都不錯，另據聞後者是用蝦肉和豬肉合製而成，口感幾特別。服務方面，老闆娘很有禮，而且有不少熟客。

下午點幾兩點, 黎呢度食野, lunch hour 多人唔在講, 但好在岩岩有人走, 仲係卡位添!我叫左個牛腩撈, 分量一般啦, 女仔實夠, 男仔就差d喇. 牛腩幾入未, 又夠香, 但我都係鍾意食炸醬撈多d!ps, 呢度既阿姐幾好禮貌架!!

有一日凍凍地經過﹐入去要了碗魚腩粥﹐好似22元﹐同埋油菜。個卡位真係好鬼細﹐我都幾乎坐唔到。粥底幾正﹐好綿﹐而且白雪雪咁﹐不過魚腩就麻麻地喇﹐選料都係冇中環的粥麵皇咁好。

是次二人行，點了京都炸醬撈麵和牛腩撈麵，麵質彈牙得如象筋一樣！京都炸醬味道濃郁，牛腩亦頗腍。非常不錯！

夜晚要去時代廣場見人，走的時候已經九點幾，又仲未食飯，一條友來了這裡搵食。老實講呢度唔係特別好，但就充滿回憶，因為以前成日在這裡拍拖。佢地話由四六年到而家，係米咁耐世紀就唔知，不過我就食左廿年有多。九點幾人亦不算少，好在給我找到個卡位坐下。這裡有粥有麵，但覺得最出色的還是少粉麵，所以就叫了乾炒牛河。唔知點解呢D舊式粥粉麵舖好多都有埋炒粉麵供應，仲要水準唔差。牛河即叫即炒熱辣辣，幾大碟，夠色夠味道，亦當然的夠晒油。牛肉是疏打粉牛，一貫茶餐廳作風，味精又一定有，如果唔係邊得來咁好味，所以食完要隊支可樂或細啤至唔口渴。四十六蚊，可以話係貴，但食開有感情，耐唔時都會來食的。題外話：呢度的二人卡位，十年如一日都咁窄，我中等身材都坐低就唔郁得。同對面距離亦近，所以來拍拖是有理由。不過如果好似今日咁搭檯就有黠尷尬，在食的時候係要同對面的小姐有點默契才不致會撞頭，坐著個「馬蘭奴」就奉獻米搭檯。

幾鍾意佢地的乾炒牛河..牛肉好淋,味道色澤很配合..價錢不貴,而且在旺區,食完即可行街..另外粥都不錯,生滾粥,質棉而且味底亦不錯....服務及環境就係迫普通茶餐廳feel ,

何洪記似乎歷史悠久有出名﹐連我母親大人都話食過(她很少出門食飯的)﹐前排專程去試下係唔係真係有料到。叫左一個雲吞麵加一碟炸醬撈伊麵﹐雲吞的確係幾好味﹐麵都好好﹐無話有一浸鹼水味﹐不過SIZE 就似乎細左少少﹐只係比“麥奀”大少少﹐淨係食個雲吞麵做下午茶就夠﹐正餐真係起碼要食兩個。而個湯就應該有味精喇﹐食完都幾口渴。炸醬撈伊麵就非常一般﹐油略為過多﹐味道還可而但肉絲口感有點硬﹐最正反而係個伊麵底﹐要黎撈辣椒油真係食兩碟都無問題﹗食係食得過的﹐但價錢都幾貴﹐絕對唔係平價粥麵鋪價位囉。

男友話同跑馬地間"正斗"同一集團, 但平d同少d選擇, 環境都無咁好~ 今晚食dinner, 兩個人叫o左好多o野呀~油菜($17) - 要o左菜心, ok啦~水餃麵($25) - ok啦~牛腩伊麵($29) - 幾稔幾入味, 又唔會太油, 唔錯~牛筋河($25) - 同上~腰"月閏"粥($30) - ok啦~個肥師奶waitress態度幾差, 唔該改善o下~

個人覺得，這裡的生滾粥及雲吞水餃粉麵都只是新釗記水準。反而d炒粉麵就幾正，干炒牛河係個人推介，其次星州炒米都幾得。價錢幾貴，完全係酒樓價。