佐賀燒肉谷 (創紀之城五期(apm))

營業中

休息中

夜晚9點鐘同幾個朋友去食最貴果個和牛set，諗住瘋狂食和牛，入到去出餐又慢，又漏單，叫麵豉湯完全唔熱，叫和牛又俾普通牛。食到十點鐘左右有聽員過黎同我地講last order2230要叫野食就叫埋佢，之後就叫我地埋左張單先，正常程序無問題我地都埋左單先。埋完單搞笑嘅事情就出現啦，十點半last order 十點二手機已經落唔到單，我地就問第二位女職員，佢就話已經last order左，我地問唔係十點半咩，佢先死死地氣同我地人手落，落完佢走入廚房拎左一碟得幾塊和牛嘅野出黎話無晒和牛，啲牛俾你地食晒，我當堂笑左，埋單718一位，完全唔知做左啲咩，食到一肚氣，無下次！未試過放題食唔飽，今次第一次

Apm開咗分店，終於有時間嚟食下😍環境舒適，有幾間獨立包廂，私隱度高晚市一共有4款套餐，今次我就食Lv.3 澳洲和牛海鮮放題，多達128款食物，仲有得任飲Sapporo生啤及清酒🍶💟澳洲和牛海鮮放題 120分鐘 早割 $448店員先送上一set生蠔，有日本蠔及韓國蠔，可以配搭明太子或清酒燒嚟食，食落好新鮮！其後，店員送上本店招牌梯級燒肉拼盤、海鮮拼盤及壺漬封門柳～✮梯級燒肉拼盤一共有8款牛肉，當中最好味嘅係呢個餐主打嘅澳洲和牛特上牛肋肉及上級牛胸腹肉，油脂非常豐富、肉質軟綿，有少少似食緊日本和牛😋正呀！之後瘋狂encore, 質素一樣咁好，而且仲有多款口味選擇～✮海鮮盤有鮑魚、海蝦、海螺、青口及三文魚，全部都好新鮮，海蝦超大隻，而且好彈牙！部份海鮮都係任食㗎😉✮壺漬封門柳聽講係鎮店之寶😍份量十足，超大條呀！醃好入味，油脂較少，但味道層次非常豐富～除咗頭盤，另設自助吧及手機落單，食物選擇非常豐富，而且質素唔錯，個人推薦：醬燒赤雞雞肉爽、炭火地雞、蜆肉味噌湯、焦糖甘薯、紫薯餅、蜜瓜蛋卷同埋抹茶雪糕🍦120分鐘，食完真係大滿足🥰下次一定要試下Lv.4日本佐賀A4和牛海鮮放題，期待😍

💁‍♀️💁‍♂️ 13/01/2024(Sat), Dinner🍽呢一晚為💁‍♀️食妙妙同💁A先生帶埋🧑👧小朋友去到APM行街，去到晚飯時間就喺商場入面搵食啦！行吓行吓，見到佐賀燒肉谷呢度有得食燒肉放題，裝修得都幾靚而且都坐得好舒服，既然大家都肚餓，一於就喺度開餐啦！而今晚我地order咗：🔆 LV.3 澳洲和牛海鮮放題（$518+10%）入座後店員會先安排一盤燒肉拼盤，每款牛都有幾件，鋪排得靚靚咁上枱，等我哋可以先試吓每款唔同嘅肉，試啱之後可以再追加。第一輪食到比較印象深刻嘅，係澳洲和牛特上牛肋肉同埋肉眼芯都唔錯，肥瘦相間、牛味適中，唔會太肥食到成口油，另外安格斯牛小排就肉味較濃，比較岩A先生心水，可惜之後再追加嘅就變得成舊肥膏咁，同拼盤上嘅差天共地🙅🏻‍♂️。另外，可以掃QR code落單一啲小食如枝豆、煙三文魚柚子冷豆腐、清酒煮蜆等等，餐廳中間有張長枱放咗啲熟食、飯🍚同紫菜、調味汁等等，仲有甜品🍮、雪糕機。煙三文魚柚子冷豆腐凍凍地個汁又好開胃，我哋都好喜歡。小朋友就最鍾意白飯上面加上紫菜同調味汁，單單咁就食咗一大碗飯🍚。食到最後，小朋友就最開心可以自己唧雪糕，今晚嘅雪糕係柚子味，味道唔會

APM新開嘅燒肉店真係好正！午餐有定量燒肉套餐，晚餐仲有放題。午餐套餐除左定量肉類仲有任食嘅前菜、飲品同甜品。🥗🍧🍹- 牛二品燒肉盛盒(輕量) HK$118🐂有兩款牛肉，質素唔錯，美國牛胸腹肉嫩滑，油脂豐富，口感嫩滑。牛肩里肌(板腱)肉感十足，味道濃郁。- 牛角包🥐任食，可以自己DIY燒肉牛角包，仲可以加牛油果莎莎醬，一味兩吃。- 紫菜飯🍚亦都係任食，DIY將白飯加入醬汁、紫菜碎同香料，燒肉配飯一流。- 燒棉花糖🍡最特別係甜品都可以DIY，用竹籤吉住棉花糖燒烤，再加入唔同醬料，新奇有趣。真係值得一試, 大吃特吃！

收工唔知食咩好就試一試佐賀燒肉🫡不錯🥳🥳我們叫了level 2 就已經好夠食了Level 2 已經有102款食物選擇牛豬雞仲有海鮮同熱盤選擇可以食足100分鐘，離座20分鐘先截單燒肉最驚佢個火唔大，燒極唔熟但呢到唔使驚，火🔥氣十足牛肉一落，一出油，啲火就冚冚聲咁出黎轉眼間牛肉都熟了一黎佢會上三種肉作為頭盤最最最最最最推介封門柳之前係其他地方食卦門柳都好硬唔好食但今次真的超級推薦，我同朋友足足食左4大條真係好好食，又爽又軟又有牛味另外仲有一個紫薯年糕，燒一燒個面，香脆好食👍🏼

呢間燒肉係Apm唔算開咗好耐但一去就勁鍾意第一座位比牛角更舒服第二最愛佢地嘅日式小前菜真係好好味送飯食一流牛肉份量又多基本上都多元化同味道唔差每次食完返公司都好滿足同飽死

去到APM, 剛好食飯時間，於是今次去試燒肉(之前經過幾次都冇入🤣終於試到啦）今次選擇了60分鐘，時間都唔算太趕，合理的坐卡位，幾舒服，環境唔錯，而且夠靜😊職員服務態度良好👍有禮貌的除了牛肉外，還有啲菇，脆肉瓜、栗米、菠蘿可以燒下，菠蘿好甜👍同埋有個自助區，想食乜就自己攞啦，包括有前菜、飯、甜品，仲有飲品、咖啡機✅。。。。。。。醬汁方面，選擇算多👍lunch 嚟講，其實選擇算多，抵食，有機會會再去的😄

觀塘新開120分鐘任飲任食燒肉放題🤩 任食多款肉類 海鮮 甜品 飲品 啤酒清酒自助區有小食、炸物、湯、飯、冷前菜▪️日式湯餃子 ▪️日式蘿蔔牛腩 ▪️白豚味噌湯 ▪️炸麥樂雞（好cheap嘅味道） ▪️薯條（夠脆）▪️日式紫菜飯 全部都喺自助區拎到雪櫃有D飲品，主要係罐裝汽水及韓式飲品對甜品有少少失望😔 雪糕都只得雪糕機嘅軟雪糕杯裝雪糕唔知係乜嘢牌子，仲要follow佢哋社交平台先有😀佢哋會先上頭盤 每一款肉類同海鮮都有少少牛舌 牛肩里肌肉 牛頸脊 牛小排 牛板腱 牛肋肉⭐️ 煙燻壺漬封門柳 👍🏻 原條封門封超長 肉質軟腍海鮮頭盤: 清酒煮帶子 青口 鮑魚 燒帆立貝 大海老 黃金螺整體肉類選擇幾多 雞牛豬海鮮應有盡有整體嚟講性價比高✨ 環境整體新淨闊落 幾舒適 係一個唔錯嘅選擇👍🏻—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $300 𝗉𝗉🌟 𝗈𝗏𝖾𝗋𝖺𝗅𝗅 7.5/10📍 佐賀燒肉谷 (觀塘)觀塘觀塘道418號創紀之城五期apm5樓L5-1號舖—𝖿𝗈𝗅𝗅𝗈𝗐 @𝗈𝖺𝗍𝗌𝗇𝗐𝖺𝖿𝖿𝗅𝖾𝗌 𝖿𝗈𝗋 𝗆𝗈𝗋𝖾!

平日收工，時間比較早五點幾左右有啲肚餓，所以直接喺商場搵嘢食見到呢度，其實同一個舖位左邊係燒肉，右邊係火鍋我屋企人食個火鍋覺得OK 所以我就決定做白老鼠，不如試埋燒肉咁下次可以一家人去食由於都幾肚餓，凍冰冰所以我叫咗個重量級一人餐牛肉食落味道唔錯，而且唔會太硬飲品佢有韓國梳打水可惜就係冇一啲比較無糖嘅飲品，例如醇烏龍茶整體上坐落環境都舒適乾淨，可能新開嘅關係。唯一覺得可以進步嘅，就係自助區嘅選擇可以再多啲。或者時間可以長多少少已經加錢去到75分鐘如果唔加嘅話得60分鐘，其實真係唔夠。又要燒肉又要攞嘢食，燒肉唔係一時三刻就食得比較急講唔係咁可以享受

昨晚為了慶祝朋友生日，梗係同佢食番餐勁嫁啦，好想放縱自己暴飲暴食，於是就選擇了食燒烤放題，見到官塘APM商場新開咗間佐賀燒肉谷，價錢合理，而且當日嘅壽星仔或壽星女重可以免費，兼有個美國和牛蛋糕送㖭，勿失良機，於是就入座一試。放題有5個level組合，我哋就揀了LV2.特上牛品海鮮放題$388。Bar枱小食有很多種類，任君選擇，有沙律、魚餅、中華海蜇、炸雞軟骨、蔬菜、魷魚、菰菌、生果、乳酪、甜品和各款飲品……等等，琳琅滿目。燒烤肉都有很多種類，有牛舌、嚴選牛頸脊、骨付牛肋肉、特選牛小排、煙燻壼積封門柳、豚角燒、雞肉、雞翼、青魚、多春魚、青口、蜆、照燒帆立貝和法國黃金螺……等等。我特別要介紹嘅就係特選牛小排和煙燻壼積封門柳，肉質感覺鮮嫩和滑，再加上少許醬汁令牛肉提升了不少鮮味，咬落牛肉汁微微滲入口腔裏，感覺juicy。至於其它的食物都唔錯，感覺新鮮好食。

最近成日比呢間日式燒肉店洗版，今次終於可以試一試！呢間人氣大熱嘅和牛燒肉放題，裏面採用木系嘅裝修，滿滿嘅日式風格🎎，而且仲有包廂類嘅卡位，私隱度都幾高！餐廳主打澳洲和牛上級牛胸腹肉、澳洲M3+安格斯西冷扒同特上牛肋肉🥩等，而且仲有得任食多款海鮮同加配任飲啤酒，款式好多好抵食！------------------------------🔥◖Lv. 4殿堂澳洲和牛海鮮放題◗ $528醬汁可以喺自助區調配，有柚子辣醬、柚子燒汁、酸辣海鮮醬、日式燒肉汁、味噌同鹽醬，點肉類都好食，覺得裏面個柚子燒汁味道最夾，酸酸地可以解下膩！呢個套餐有112點品可以任叫任點，入座會先送上牛肉拼盤，有齊八款唔同部位嘅牛肉同各款海鮮，試啱咗先再叫！肉類牛豬雞肉都有好多款式同部位，仲有得揀有冇醬醃；海鮮同炸物小食款式都唔少，出面自助區有少量熟食、蔬菜、雪糕、甜品同飲品可以自己攞。🌟當中比較推薦以下菜式👇🏻/肉類🥩澳洲和牛-特上牛肋肉澳洲M3+安格斯西冷扒美國黑安格斯牛肋條極上安格斯牛小排煙燻壺漬封門柳柚子味原條牛仔骨/海鮮🦐醬燒廣島蠔大海老花魚一夜干原隻鮑魚燒柚子石班魚柳照燒帆立貝法國黃金螺/小食🍘榴槤炸彈炸芝士年糕

很久沒有吃燒肉放題，最近和朋友聚會，她說自己常來吃這間，就跟著來吃，放題有很多級別選擇，看到有新推出的柚子味原條牛仔骨，立刻肚餓了🤣我們選擇了Lv4的殿堂澳洲和牛海鮮放題，沒多久就看到「和牛天梯」呈上，中間有多款新鮮肉質飽滿的海鮮，旁邊則是和牛不同部位，從肥美的到牛肉味香都吃得到～這些吃完都能再點，而座位外還有一些熟食，例如餃子，湯，白飯，小吃等等，冰櫃則有新鮮沙律，用來少的蔬菜，前菜，水果和甜品等，選擇非常多！場外的食物當中我最喜歡是菇菌類，想不到用來燒的時候它們很香又很多汁，吃肉中間吃一點菇的話還可以做到減膩效果🤣這麼多款牛肉中我自己比較喜歡吃牛板健和牛頸脊，牛味特別濃郁，輕輕一燒已經很好吃，而且不會太油膩，可以一直吃很多❤️用來搭配紫菜飯也不錯，而柚子味原條牛仔骨確實出色，整條燒的時候柚子味慢慢散發，甜甜酸酸牛肉吃起來更有風味！甜品的話他們的窩夫和流心椰子球是encore之選～～前者在烤盤烤完變到很酥脆，搭配現場自己按出來的柚子雪糕很完美😍柚子雪糕又夠奶香，很清新；至於流心椰子球外脆裡面的椰子西米很香濃，咬開的時候椰香飄到口中，很幸福☺

👍🏻殿堂澳洲和牛海鮮放題(120分鐘任飲任食) $488主打澳洲和牛上級牛胸腹肉、特上牛肋肉、澳洲M3+安格斯西冷扒等🔥仲有多款海鮮同免費任飲Asahi生啤同清酒🍻入座會先送上牛肉拼盤，有齊8款唔同部位，試啱口味再手機落單任嗌🤪APM新分店仲有限定優惠，每位免費送清酒煮特大帶子一隻、大海老一隻同無限追加壽喜燒美國CAB嫩肩肉除咗手機落單嘅肉類、海鮮同炸物小食外，自助區仲有熱食、雪糕甜品、飲品等當中比較推薦以下菜式🌟-🔸澳洲和牛上級牛胸腹肉｜🔸澳洲和牛特上牛肋肉🔸煙燻壺漬封門柳｜🔸炭火赤雞燒🔸極上安格斯牛小排｜🔸美國黑安格斯牛肋條🔸蒲燒鰻魚｜🔸原條魷魚筒🔸日本宫城縣產燒原隻生蠔｜🔸原隻鮑魚燒 🔸日式海膽忌廉流心餅｜🔸榴蓮炸彈 -Lv4餐中嘅肉類款式都幾多和牛特上牛肋肉油花最豐富，爆發濃濃脂香🤪牛胸腹肉油花均勻，入口軟嫩必食仲有呢度嘅招牌壺漬封門柳，成條咁上醬汁醃得好入味甜甜地，有咬口得嚟唔韌，肉味最濃郁好juicy🤤海鮮類必食原條魷魚筒，大大條好厚肉，鮮嫩爽彈，生蠔同鮑魚新鮮冇腥味炸物小食全部熱辣辣，冇油益味又唔會油淋淋，外脆內爆上菜速度都唔錯，冇漏單情況新店地方乾淨唔會好大油煙，坐得舒

對比海鮮刺身放題，我更鍾意和牛系列燒肉放題，熱辣辣自己控制火喉，而且真係靚既和牛完全食得出牛香、牛油、牛味、入口即溶既感覺！🏠餐廳： #佐賀燒肉谷 (創紀之城五期(apm))📍地址： 觀塘觀塘道418號創紀之城五期(apm)5樓L5-1號舖今次品嚐餐廳最高級別套餐《日本九州產黑毛和牛海鮮放題》$688 ，有117種食材提供，最大賣點當然就係黑毛和牛內各個部位，包括牛小排、牛肩胛、牛肋條、牛角切等等部位，每個部位都細嫩可口，燒到4成5成粉嫩色已經很足夠！仲有其中一個加分位，最大特色可以任飲Asahi生啤、日本男山清酒，以及任食movenpick雪糕！另外一款我最推薦餐廳招牌，煙熏壺漬封門柳，（Lv2套餐就有），原條封門柳真係食出牛精華香味，每隻牛都只有一條既部位。餐廳定時都會推出期間限定系列，今期有全新柚子味系列，其中柚子石斑魚柳印象特別深刻，錫紙盒放著柚子汁加石斑煮得非常入味，整體黎講真係不錯的燒肉放題體驗。

要入谷就梗係入🏯佐賀燒肉谷😆，佢哋嘅Lv5可以任食🇯🇵日本九洲產黑毛🐂和牛同埋多款🐟海鮮，而且仲有🍶清酒、Asahi 生啤🍻任飲，同埋 Mõvenpick 雪糕🍨任食添！佢哋有成六款🇯🇵日本九洲產黑毛🐂和牛分咁多，個人推薦👍究極日本和牛📐三角嫩肌、極上黑毛和牛薄炙🔥牛肋肉同埋極上🥢黑毛和牛小排，油脂豐富🤤分布平均，唔同部位口感各有不同😍但都係超級美味！另外煙燻🌫️壺漬封門柳都係😋必食嘅，佢哋用秘方醃製👍再加上煙燻處理，入口🤩肉味香濃肉質軟腍又有煙燻香🤤，味道層次好豐富！佢哋嘅🦐海鮮款式亦都十分之🥰豐富，個人推介👍柚子石班魚柳，入口🐟魚肉好嫩滑而且充滿🧈牛油同埋柚子嘅😋香甜，好鮮味。燒香蕉🍌幾有特色，燒🔥完又香又腍仲有朱古力🍫醬同埋半溶綿花糖，🤤香甜滋味！甜品方面奶黃🐟鯛魚燒就最得我心❤️，燒到外面脆🤩內都嘅奶黃半溶，😋又香又甜。可以任食 Mõvenpick 雪糕🍨亦都好吸引😍，我拼埋奶黃🐟鯛魚燒一齊食就更加🤩滋味！