休閒茶座 (已結業)

最近放假都在下雨⛈難得好天便走走去對面村口的茶餐廳吃飯當時大概3點左右茶餐廳門口依舊放著午餐餐牌結果下單的時候被告知午餐已經賣光🤦🏻‍♀️那為甚麼還放著在門口當眼處🤷‍♀️🤷‍♀️好吧！侍應阿姐說只有下午餐那就點下午茶囉最後點了N餐豬扒配薑蓉撈丁當侍應阿姐放下我的撈丁那刻我便心知不妙🥀開始撈了幾下大量湯水還在😭而且薑蓉太少 了撈完也沒有味道😭😭豬扒也是不是煎的😫最後吃了一半便放棄🤦🏻‍♀️

年紀大了，不能空著肚去開會，今個星期的公司例會改了早上11點半，所以可以有時間食埋早餐先搭車返公司，原來差不多11點仍然咁多人正在食早餐，咁多人唔駛做？去開新金富但超多人，所以去休閒茶座，其實都一樣咁多人，不過仲有位，例牌點沙爹牛肉麵早餐($27)、餐肉太陽蛋跟牛油方包、凍檸茶($2)。沙爹牛肉味道做得算不錯的，只不過醃得少少過火，公仔麵仍夠硬身夠彈牙。餐肉太陽蛋跟牛油方包，餐肉煎得過火，太陽蛋也算合格，牛油方包.........還可以啦！飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍，合格！

我成日食茶餐廳，其實主要都係想食公仔麵，所以甚麼常餐、特餐、早餐、午餐、下午茶餐對我是沒有分別的，如果無麵餐的話，我會照單點公仔麵，今日去朋友屋企附近交收，之後佢車咗我去一個停車場，泊低車後行去啲村屋方向見有間餐廳，所以入咗去了，雖然好熱但門外都好多人坐，我怕熱，所以入去睇下有無位，午市時間又咁啱有枱，我狂睇餐牌睇下有無麵餐，最後得常餐，$31，有沙爹牛肉麵，煎蛋及方包，配凍檸茶要加$2，唔記得我朋友佢叫乜了。沙爹牛肉麵，沙爹牛肉有汁而肉又算幾滑，麵好似係大光麵之類，無煮得太腍，幾爽口，轉了太陽蛋，所以煎得無咁熟，有蛋汁又夠滑，方包又係普普通通，杯凍檸都算有茶味。

同女友喺單車公園踩完車，身水身汗咁行返過富安，一眼就見倒“休閒茶座”呢 4 隻字，對於當時疲累不堪嘅我地，真係非常吸引。入到去舖頭，擾嚷左一陣就坐左喺向住停車場嘅邊位。舖頭唔係好大，但座位尚算舒服，坐喺邊位更有陣陣涼風，既舒適又寫意。“好味下午茶餐”有 A - N 咁多款，我揀左 M : 炸脾沙律，女友則要 E : 奶醬脆豬包奶醬豬先上，很大的豬仔包開了邊，上面塗滿奶醬。一啖咬下去，非常爽脆，奶味濃郁，花生醬香滑，正 , 不過個包稍稍燶左少少, 好似好熱氣 至於我份雞脾沙律，份量都 ok, 沙律係正宗茶餐廳雜果沙律，雞脾炸得普普通通，唔算好乾不過有 d "鞋".坐喺度咬住雞脾，嘆啖奶茶，望住出面街人來人往，真係倍感休閒囉

年初四，紅日假期的最後一天，我們說好出美孚接小兒到太和的外婆家，出發前，先要食早餐，我們就在半路上，找到了方便泊車的大水坑村，找食。就在大水坑的公眾停車場旁，昔日叫新田餐廳的車佬及富安花園街坊茶檔，今日是舊瓶新酒，同樣是主力招呼司機、單車友及街坊的羊露天茶檔。是日的我們也是開著車來的，所以我們也是車友類型的顧客。早餐，我一向喜歡食公仔麵，雞扒蛋公仔麵，做法簡單，味道也簡單，因為涉底就是簡單易入口的光身麵的無味湯底，配上有少少煮過腍的公仔麵條，乏了味道的雞扒，過份平凡的煎蛋，也就是說，麵太簡單。 太太的一個蛋治，要了烘底但令人感覺到烘得太燶，麵包雖然夠厚，但脆得非常，同樣地也乾得非常，脆多士夾三文治，食落很有趣。 奶茶倒是不錯的，味道濃郁香滑，好啱搵食司機要求。 此店用盡了村屋同鄉村食肆的優勢，半室內，半露天，充滿了新界的鄉郊清新空氣。要是食物再好一點，更好。

假期和一眾同事們去踩單車我們相約在大水坑站附近的<<休閒茶座>>集合未吃東西的我提早來到點了一個早餐早餐有火腿通, 煎火腿蛋和牛油方包淨吃牛油方包, 味道有點鬱悶所以把火腿蛋都夾進方包裡, 成一份腿蛋治再加上一碗火腿通, 味道雖然普通不過作為運動前的能量補充也OK

一個休閒的假期，想到馬鞍山踏單車，去到近單車公園的一間茶餐廳，吃一個輕輕鬆鬆，休閒下午茶。間餐廳多好人，但一去到就有人走立即有位坐，真係太好了。然後一坐下就叫了個下午茶餐，先來一杯冰凍的檸檬可樂，立即使人透心涼。一口氣就飲了半杯啦﹗很快就來了件西多士，味道不會過甜十分好味，而且非常之飽肚，可以再繼續活動，向烏溪沙進發啊﹗

過去的前身，咖啡是區內最好的店，現己轉手轉名熱咖啡 - 差咗，已沒有拉過，似以前滑和香，已能有區內水準般差熱奶茶 - 茶香濃又滑凍檸茶 - 茶味一般熱狗 - 大大隻，蕃笳生菜放底，飽是"叮"熱，所以淋淋的飽，如果將飽放入焗爐焗至整個飽表面微脆，熱狗就可再高一個層次雞翼魚腐魚麵 - 雞翼脆而香口，火喉掌握剛好，魚腐敗筆是太淋和凍，味道差，魚麵都算OK牛扒魚腐魚麵 - 炸牛扒...太多油，味道正常西多士(昨天下午茶) - 小許蛋漿令多士面是淺金黃，而是深金黄，多士中加上菓漿，建議加糖漿吃，咁就可以食到蛋味、麵飽味和菓漿味，表面牛油可令蛋味更香今天..95元

最不明白係 食食下竟發現有部cam對住我地 點解荼餐廳裡面要裝cam, 客人既食相完全被拍下 這一點 連酒店大餐廳或連鎖店都唔會有既事, 屋村餐廳竟然會有 這間茶餐廳 改了名都係頭一次來吃 同以前同一位置那間真的相差太遠 伙計只得一個是舊的 最愛吃的西多士 以前一定要散叫, 但易手後 可以在下午茶餐找到 可惜完全變了 價錢 $24, 見到那刻己經唔想食 又扁又乾 明明是新炸的 但點咬落去係硬 以前是厚厚的 >.< 奶荼無味