伊之吧

營業中

休息中

之前有朋友介紹這間的漢堡唔錯，所以今日去試吓，但就不是食漢堡，而食全日早餐😬這個份量和價錢正常，因為唔會特別多，但都有7款嘢！炒蛋幾滑，火腿和煙肉都唔會好肥和好咸，好耐無食過脆皮珍寶腸啦！覺得好味😋多士個蒜茸好香好，外脆內軟👍🏻叫咗杯cappuccino唔錯😃

呢度好特別，夜晚係一間酒吧，日頭會有西餐，所以環境就一般啦，唔算太舒服但係最鍾意喺呢度食早餐，因為佢嘅早餐係好新鮮，係即叫即整，每次都熱辣辣，但製作需時，如果趕時間就爭啲啦哩度款式都夠多，雖然全部都係西式嘢，如果食慣中餐既朋友就未必岩啦，佢無論係牛角包、炒蛋、沙律、漢堡扒、煙肉，多士等等都好好味，肉汁濃，蛋又滑，麵包又夠鬆軟新降不過可能即叫即整嘅關係，佢嘅價錢都比一般早餐貴，間唔中食下嘆下係好正既

每個星期六日，都係我同澄兄外出食早餐好日子。近來我地都愛去 去伊之吧食早餐 ，今次食咗 牛油果蕃茄莎莎牛角包，牛角包 鬆脆， 番茄莎莎醬酸酸地好開胃 ，牛油果都好新鮮 。爸爸 就食咗珍寶 早餐 ，仲配咗豬骨湯通粉 ，澄兄特別鍾意食漢堡扒 ，唔會太乾非常啱佢食。

想食好味漢堡，但係一般比較有水準既地方都比較貴。於是上網去慢慢發掘之下，發現左係粉嶺既哩間伊之吧。本身不帶住好大既期望去，但係去到卻有驚喜!從門口看過去，佢好似一間酒吧咁，掛着一些霓虹燈作影襯。店內是有些凌亂，不過還算是乾淨企埋的。正值中午與下午茶時間的我們，點了一份千島滑蛋漢堡(afternoon set)配熱寧茶同半份漢堡(Tea set)配Mocha。兩份漢堡都是配着薯條來的，炸得是滿香口但因有些油膩，吃不完。而漢堡是用上焗香了口的麵包和新鮮的免治牛肉製作的，所以有上一定的水準! 至於飲品，大家可以看到圖上那可愛的圖案，十分有心思，而味道也是不錯的! 這個價錢有着這好質素的食物，再加上在這清幽的環境下，是滿值得一去再去的! 

粉嶺聯和墟海聯廣場伊之吧, 推出約58元的特色堡包餐&拉花咖啡!學生8折. 食過數次, 包雖是嘉頓交來, 廚師焗到芝麻包面更香脆可口, My favourite 磨菇漢堡包, 牛肉自家製,混入洋蔥,黑椒,煎至兩面肉汁封存,配上大大隻多汁的BBQ磨菇,夾上芝士, 蕃茄及生菜,一口咬下, 多種味道在口中爆發, 口感十足! 趁熱食炸到金黃脆口大大條薯條.加3-8元配上飲品. 是日選了Latte, Mocha, 朱古力, 上枱飲品的拉花令人驚喜, 每次花款不同, 讓相機食先的我, 可以係facbook 呃like!服務中上, 坐下有人招呼及替我們拍照,態度友善.

 已經連續去過三次, 每一次都沒有令我失望雖然環境就... 麻麻, 但食物  我食過早餐的吞拿魚沙律牛角包, 和午餐,烤焗蘑菇漢堡配薯條, 將軍漢堡水準都不錯  咖啡都很香濃, 我通常點Latte,  年青的店員哥哥每次都很有耐心的拉花  而且都會心思, 每次拉不同的花  我同朋友去了三次, 就見到四個不同的拉花  看了令人心情愉快  真不捨得飲呢~!! 在這一地段可以有如此的食店... 直得推荐

粉嶺又開左新餐廳，聽同事講話幾好食，一於拉埋班同事黎試下。一行五人啱啱好叫哂五個午餐，滿足哂我地嘅好奇心。等左一陣就有位，枱上有餐具，但有啲亂同好多毛毛痴住，長櫈上仲有薯條碎同醬汁，無法啦，店員太忙係有啲污蔑了。叫哂五個餐後等食，先黎左杯凍奶茶，都ok嘅但偏淡。再黎凍朱古力，好淡淡淡淡淡，淡如水，難飲。經典漢堡，就係牛肉，芝士，生菜例牌組合，簡單好味。鎮江漢堡，味似將軍漢堡，有紅洋蔥，生菜等配料，紅洋蔥醃得甜甜酸酸幾特別。自己點嘅芝士滑蛋漢堡，滑蛋真係幾嫩滑，牛肉肉味濃，多汁又香口，真係幾好味喎。雙層漢堡，更厚更飽肚，一個女仔真係食唔哂。蘑菇漢堡，大傘菇好juicy，烤得好香好正，我覺得五款之中呢個最有特式同最好味落單到上菜要四十五分鐘時間，如果趕就唔好黎，呢度適合慢慢嘆，吹吹水，千奇唔好心急。店員真係好忙，成日吹單只會更慢囉。

之前聽人講要等好耐琴日下午12:25 到店等左十分鐘就有好好味既包食可能附近啲人未放lunch 啦。烤焗蘑菇漢堡 配少少粗薯條 同熱飲 先58蚊大大個包 一路食一路滴汁 成手都係真係好抵食 好想試哂其他味野飲呢 凍蜜瓜奶 +8蚊 其實係兩個人既份量 用個超過500ml 既玻璃樽裝味道唔會太甜 食完包再飲 balance 返啱啱好

上幾個星期去買雞脾包時見到這店外寫著是賣Burger而不是賣fast food，好有興趣，這個星期日便和男友一試。本想試磨菇漢堡怎知沒有磨菇，便試鎮江將軍漢堡啦！此將軍又怎能同乾巴巴的麥叔叔那位比呢，一咬肉汁都流出來了，雞+牛的漢堡內有雞軟骨，增添口感，頗為特別。配以酸酸甜甜的鎮江汁，好味！男友的經典漢堡，也不錯，但我還是喜歡將軍多些下次一定要試磨菇漢堡，好似好吸引~!

今日聽同事講附近開左間幾好味既burger 鋪，於是就諗住lunch去試下新野先。一坐低見到menu 之後，就想試下佢個烤焗蘑菇漢堡，最初未上菜之前，以為佢地d蘑菇會好似平時d漢堡包咁樣切成一片片。點知到上菜既時候有驚喜喎，漢堡包裏面係夾左成隻蘑菇，咬落去既時候，蘑菇無煮得太乾，相反仲保留到水份，而漢堡都保留到肉汁，食完之後令人下次想再試多次。不過唯一美中不足地方係餐飲朱古力味道比較淡，下次可以嘗試下其他餐飲。

難得的公眾假期，就來個遲來的午餐吧，3時到達，店內已坐滿客人，看來生意不錯呢！我於是買了外賣回家慢慢吃！今天是佛誕，店家特別提供了素食漢堡選擇，我選了烤焗大磨菇漢堡，餐飲選了涷mocha! 個漢堡有芝士，蕃茄，大bbq菇，菜，超大個，食一個已好飽！味道方面，一點也不寡，好清新，菇味好濃，而且個包面焗到好脆，我好鍾意呢個素食burger,希望將會長期供應啦！至於飲品，咖啡味濃，是少甜的，如果喜歡甜些的，應要落單時講聲，否則可能不合胃口呢！小店誠意之作，在這區實在少有，希望可以立足得到！

估唔到粉嶺都會有間咁有情調既漢堡cafe~係同事介紹下就組成了「五人行試食團」去試下味道～13:00到達餐廳，13:05落單，13:35先有得食  首先我自己叫左雙層芝士漢堡配港式奶茶：漢堡中既免治牛超juicy 配埋兩層溶左既芝士一齊食，味道油而不膩～再加埋港式奶茶（心諗：成set野都係放假mode，好想慢慢嘆啊！）好relaxed；最初係叫英式奶茶，但店員話英式較港式淡，所以我都係叫返港式，好香濃既茶味得黎又夠曬滑!正呀^^而我同事方面就對「烤焗蘑菇漢堡」有好好既評價...佢話個蘑菇超大粒又好多汁～夾埋一齊又唔會好膩，但佢對杯凍朱古力就有點不滿了，可能因為我地一次過叫左4杯啦！所以冇咩朱古力味...超淡。。。

偶然嘅機會下黎到呢間由酒吧轉形到CAFE嘅伊之吧食個LUNCH打算小試牛刀穩陣D就叫左個經典型漢堡試下再加杯野莓冰茶。坐低左陣已經有墨西哥脆片送上，算係吾錯嘅小驚喜，不過無咩醬料點黎食係差禁D嘢禁嘅，因為我吾太中意用茄汁點，同埋食多幾片已經覺得有D咸。因為嘢飲黎先就先講嘢飲，杯野莓冰茶可以話不過不失，因為野莓冰味同茶味都吾特出，所以感覺上無咩特別，仲淡左小小。到主菜經典漢堡一拎上手就FEEL到包身脆卜卜，但個人中意上下比例為七三或六四，感覺上可以再進步。一層層講落去，沙津醬後就係芝士，芝士吾孤寒大大塊，不過小小嘅沙律醬係味道上無咩作用，變得可有可無。主覺漢堡肉，食得出係自家製，有黑椒有洋蔥，不過略嫌太乾身，肉汁吾夠，但屬誠意之作。其餘嘅菜就吾講，因為都好正常到薯條，係用新鮮薯仔整，呢個係驚喜，但size可以好小小，因為真係大條同長左DD，同埋炸得吾夠脆，再脆D就！總括黎講50蚊吾算太貴，見三個店主(?)應該都係年青人，相信會有進步。不過地區關係假日多小朋友同街坊d，吾叫好清淨到可以輕鬆下，同埋人多關係要等下。不過我建議上菜先後可以調節下，因為主菜黎到我杯茶D冰已經溶得7788，同埋飲品

難得一天的平日假期，雖然仍要解決無盡的公事煩惱，但決意不要留在家裡，怎麼也要與女朋友出外走走。出發前，當然是要裹腹一下。回想起兩天前在家樓下接過一新開漢堡店單張，為報答那位派單張女孩的親切笑容，於是決定一試。進店了解後，原來是本來的伊之堡酒吧新增設早、午和下午茶餐，聞說是由三位年青人主理，青年創業，值得支持一下！店內環境與很久之前來沒多大分別，雖然不是新裝修，但店內有許多梳化位及播放著品味音樂，還不時伴隨穿透的陽光，為我繁重的心情帶點閒適。我們十一時進店，趕得及品嘗這兒的早餐，女朋友點了個，但由於我被這裡的漢堡吸引著，在我誠懇的詢問下，老闆（應該是）讓我破例提早一點叫午餐，我如願地點了。女朋友很喜歡那個牛角包及MOCHA，味道很不錯，而我那個漢堡也蠻特別的，那塊大蘑菇與那塊漢堡的配搭非常匹配，令我回味無窮，而且份量很充足，感覺滿滿的呢！不過唯一需要改善的就是那杯熱朱古力，如果再濃一點，那就非常完美了！在用膳過程，看到鄰座的客人坐下不到五分鐘就不耐煩地催單，心想人家的單張上已寫明「我們不是快餐」，就是不明白為什麼他不去吃快餐而要到這兒。享受慢活和閒適，是值得付出一點兒時間呢。

今日早左返工，見到有間叫伊Burger 既Cafe 新開，仲有早餐食，就決定試下。入到去，播住好提神既英文歌，都可以醒一醒。我叫左個醒晨全餐+Latte，個全餐有多士、炒蛋、薯餅、吞拿魚沙律同漢堡扒，都幾豐富，大致上都OK，係塊扒既味度比較濃，我鍾意淡少少。杯Latte幾好味，同埋都幾大杯。整體黎講，如果不太趕，呢度都可以比我享受下自己既寧靜時間。