令和居酒屋

營業中

休息中

同屋企人去食Dinner ～呢間居酒屋嘅氣氛好好👍🏼入面掛滿晒好有日本風格嘅燈籠🏮同埋字條裝飾，別有風味～入面唔算好大，去食晚餐的話建議book定位。🦪清酒生蠔🍶每隻 $32我哋嗌左半打～每一隻都好新鮮肥美，食法係將隻生蠔放落一小杯清酒裏面，然後連酒一起放入口，充滿清酒香嘅生蠔特別鮮甜。🔥特選石板燒 $300有A5和牛丶鮑魚和大蝦～服務生在我們面前燒，一路香噴噴好吸引🤤A5和牛超嫩～充滿脂香，鮑魚彈牙爽口！大蝦都好惹味。🐟令和刺身爆丼$198呢款丼刺身有好多款～海膽丶三文魚籽丶蟹籽丶三文魚丶油甘魚丶吞拿魚⋯ 鮮味十足，醋飯酸度剛好。🍆和牛脂燒茄子＄58加埋一粒粒炸成脆脆嘅和牛脂，茄子軟腍吸盡脂香，呢個特別惹味！🔥串燒點咗燒牛筋串（$30）丶堂燒冰火菠蘿（$28）丶燒大蔥 （$16）各一串。全部都火候剛好，其中牛筋串最有驚喜～入口腍軟多汁，好Q彈。🍋鮮檸檬燒灼梳打 $48賣相正！一大排鮮檸檬片，打卡一流。🍹熱情果乳酸梳打 $28好抵飲！大大杯清甜解渴，充滿熱情果香。

一直都好鐘意去居酒屋，感覺好chill ! 呢到一入黎，真係好似去左日本咁呀! 而且每個客人入座，店員都係敲一次鼓歡迎，好有趣! 除左手上既餐牌，牆上面都會掛左D牌講有咩特色食物，見到串燒好似幾唔錯，叫左汁燒牛筋串同埋燒牛蒡串。店員仲提我地呢D要早D食，如果唔係，凍左會變硬就唔好食了~ 牛筋好淋! 同埋都幾入味! 牛蒡串真係第一次食! 感覺好似配埋酒一食。另外都叫左個燒茄子，原來面頭個D係和牛渣滓，唔怪得咁香~ 但唔會話好油膩，茄子都燒得剛好，好易脫皮食。令和玉子燒好香，食落口仲係暖暖地，好重蛋味，而且睇相都見到係幾厚! 日式炸豆腐係個皮岩岩炸左少少脆口的感覺，而入面係好嫩滑，個汁都好fresh，好岩做開胃菜呀!! 串燒方面，叫左燒鮮鰻魚串，白蔥豚肉串，雞軟骨串同埋冰火燒菠蘿。白蔥豚肉串好好食!! 本身以為係一件豚肉一件係蔥咁樣一串食，但佢係豚肉包住蔥咁燒，所以係好香好juicy。銀雪魚西京燒既魚肉係超級滑!! 呢個好有驚喜呀 A4日本黑毛和牛壽喜燒一品鍋都好出色，和牛片好有入口就融既感覺! 今次真係大滿足!

收工後想舒緩壓力，酒和朋友真係不可缺少。今次就嚟咗旺角令和居酒屋。我叫咗餐廳自家釀製嘅梅酒，朋友就叫咗熱情果梳打，兩杯味道都唔錯。令和玉子燒，賣相非常靚仔，基本上係每台嘅必叫自選，亦都係打卡嘅好選擇。蟹子沙律，望落細細兜，食落份量到十足，味道正常。炸豆腐，原本想像中係冇醬汁，好似港式大排檔嗰種，好明顯我就唔夠了解日本文化，其實浸左醬汁，上面再放咗啲木魚。A4日本黑毛和牛加野菜豆腐籃，我哋揀咗壽喜燒湯底，佢比起一般嘅壽喜燒湯底更加甜，如果好好甜嘅都可以試一試。和牛方面偏肥，有啲邊邊位如果冇筋嘅話係好軟冧，幾有牛味。野菜比得都幾大方，會好飽肚。串燒方面我哋都叫咗好多唔同，有汁燒牛蒡、汁燒牛筋、鰻魚串、雞軟骨、白蔥豚肉串，咁多樣裏面，我覺得白蔥豚肉串比較出色。甜蝦刺身，味道正常， OK好食。和牛渣宰燒茄子，本身同朋友食嘅時候唔係好知上面嘅係乜嘢，原來係和牛肥膏炸出嚟嘅脆脆，好似豬油渣啲friend。我諗廚師係特登諗過特登平衡返下面較為清淡調味嘅茄子。食咗咁多咁多嘢食，其實都捧住個肚走，要講到今日VIP一定係銀鱈魚西京燒，問咗侍應，西京燒嘅意思係用白豆豉喺煮之前先醃咗個銀鱈魚，銀鱈魚本身好滑，

咚！咚！咚！🎉一入到餐廳老闆就會擊鼓歡迎客人🥁好熱情呀❤️‍🔥牆身貼滿酒labels 真係𣊬間好似身處係日本咁🇯🇵前菜有一小碟中華沙律🥗但可惜冷氣太大 食物會好快變凍 所以要趁熱食喇‼️有啲隱藏menu會用黑板顯示 不定期更新✨.📌燒牛大腸串 $30口感比豬大腸硬 醬油烤到好香 外皮焦香 好香牛味🐮腸唔會過肥 內部清理得好乾淨🧼.📌燒牛筋串 $30牛筋烤過無平時咁軟 但咬落去都輕鬆～醬油配搭好match🍶外面有少少焦 同樣都係好香好有牛味🤩.📌A5和牛油•燒原條茄子 $58上面嗰啲粒粒係和牛油脂 炸得好脆 有啲粒粒有啲硬 有啲又會咬到佢啲油脂爆出黎好香口🧈配茄子係一個幾有趣既配搭 冇浪費到和牛部位😆茄子好軟已經幫你切好左 食之前淋淋啲燒汁上面 同燒汁好夾🍆.📌明太子沙律 $36明太子切到正方形細細粒 沙律醬同芥末已撈埋入去 辣味可以辟腥🌶咬落去索索聲 口感好過癮 青瓜絲清爽🥒.📌三文魚伴意式黑醋 $88三文魚無乜醋味 入唔到味 但係醋同個沙律菜就好夾🥗略嫌有點搶focus🫣三文魚籽一咬爆開 夾埋一齊食口感層次好豐富😚三文魚夠哂肥美 酸酸地幾開胃🍣.📌燒魷魚一夜干 $88送酒一流 燒得好食過

滿懷期待入到令和居酒屋🏮不過食物就好失望咯，刺身望落都唔係幾新鮮，食落口感又霉又無乜味，真係唔知食佐啲乜嘢喇，咁質素刺身都唔值38三件喇，串燒一般般喇，唔會有下次咯

雖然一路未有得去日本，都有得去有地道居酒屋過下日本癮既💛令和依兩年已經成為我哋嘅食堂。自家清酒，$68買一送一真係好抵飲清酒廣島蠔，每次黎必食😋先將生蠔浸落杯清酒到，等30秒左右再食，再飲埋杯酒，酒同蠔既鮮味混埋一齊，又係另一種境界🙈三文魚他他，依個送清酒一流，足料又開胃，份量多到我可以夾埋啲青瓜續塊食😎雞皮餃子都炸雞都好推薦，夠晒juicy 又唔厚粉。石燒牛，佢有幾款唔同既牛，我地就揀左澳洲和牛。店員會拎個石燒爐黎即場煮，可以揀要幾成熟。燒菠蘿又係我必點之一，佢加埋糖係面一齊燒，中和左菠蘿既酸甜，外熱內冷，當甜品食可以好完美咁總結成餐💛

又係幫襯黃店系列喇 旺角洗衣街嘅呢間令和居酒屋裝修好有特色 非常有居酒屋嘅風味叫咗個石板燒套餐 有得揀唔同嘅牛肉 我就揀咗 美國安格斯牛小排 肉質紅潤脂肪分佈均勻 鍾意幾成熟隨你選擇 另外糖煮壽喜燒都十分有驚喜

這是聖誕前的一頓晚餐，趁還未忘記晚上出街食飯的感覺，是時候回憶一下了。七點正到達，已經坐無虛席，熱鬧的氣氛彷彿一刻穿越去了日本的居酒屋。去居酒屋一定要叫串燒，燒鳥拼盤有五款不同部份的雞串，我最喜歡白蔥雞肉串的juicy口感，配上燒出甜味的大蔥提升香氣，另外脆脆的雞軟骨也是送酒之選。說到酒，當然要試這裏的名物鮮檸檬燒酎梳打。一大串的冰檸檬片實在搶眼，雖然要等冰片溶化才飲到檸檬味，但一杯飲品可以嚐到兩種味道，也好。這裏的石板燒也是必點，我們要了150g澳洲M6和牛。侍應會端出石板堂煎，牛肉一放上去已經爆發肉和油的香氣，再淋上惹味的醬汁 ，煎出來剛好是要求的五成，面層微微焦香襯托肉味更濃。而份量也足有五大件，只是有些位置還需用點力咬開，始終澳洲和牛未能做到入口即化。如果切半才上碟可能效果更好。叫了石板燒，一定要加$25追加蟹羔飯/沙律/味噌湯。蟹羔飯本來已經鮮味，配上燒肉就是把海陸滋味二合一。海洋的滋味，蠔當然是首選。古法罐仔蒸蠔，金屬罐裏放了六隻掌心般大的蠔，和一塊昆布一起蒸，看上去十分簡單，但剛好全熟的口感極滑溜多汁，味道超鮮甜而且完全不腥。重點是只要like/ follow 店家的社交

極鮮甜熱辣辣海鮮鍋🦐黑松露赤蝦🍢爆明太子串燒！-🥘寄世海老鍋 ($328)1️⃣扇貝、海老、大蜆、魷魚，豐富海鮮精華，流入壽喜燒湯底，倍加鮮甜。2️⃣田中另加左廣島蠔、肉類同油揚等等，咁就唔會浪費個鮮甜湯底。🦐火灸赤海蝦伴黑松露醬 ($108)灸燒過嘅赤海蝦，放上黑松醬同黑松露醬，極香濃，再配上清新露荀，配搭一流。🍣帆立貝伴高知縣產柚子醋 ($128)鮮甜滑嫩帆立貝，飽滿三文魚子，配上酸酸甜甜柚子醋，層次豐富。🦪清酒生蠔 ($28)飽滿日本生蠔，浸入清酒30秒，再放入口，鮮味係口腔中爆發。🥓北海道花魚一夜干 ($88)一夜干油脂豐富，入口散發濃郁魚油香氣，足料厚肉，令人滿足。🍢串燒：荔枝豚肉卷($24)、汁燒活鰻($48)、汁燒雞肉 ($22)、明太子免治雞肉棒($28)、明太子燒帆立貝($58)1️⃣呢到嘅串燒都相當高質，火喉啱啱好，最推薦有明太子嘅串燒，明太子極足料甘香。2️⃣荔枝豚肉卷同汁燒雞肉亦唔錯，嫩滑而肉汁豐富，汁燒活鰻就夠厚肉肥美，值得一試。🍵抹茶蕨餅 ($38)蕨餅質感夠煙韌，沾上海量抹茶粉，紅豆濃郁飽滿，呢個價錢有驚喜。👍🏻8/10

📍令和居酒屋 - 旺角-呢間人氣黃店居酒屋長期滿座 大家黎之前記得book枱📞-🔸煙燻火雞椰菜沙律普通撈左黑醋汁既沙律菜 幾大兜 純粹填肚用🤣-🔸芝士煙肉焗廣島蠔呢碟好有驚喜 隻蠔好大隻好鮮甜 一啲都唔腥 texture好滑溜 質素非常高！建議大家可以order蒸蠔 鮮味應該更加出🦪-🔸炸物拼盤（芝士雞肉丸子、魷魚軟骨、雞皮餃子）雞軟骨就食得多 魷魚軟骨真係第一次食 炸到好香口惹味😋 入面好爽口 點埋沙律醬食送酒一流🍻雞皮餃子都幾好食 油香十足用雞肉搓成既丸子入面包左芝士 一咬就爆漿 但個人認為有啲漏🙌🏻-🔸石燒鮑魚拼美國安格斯牛扒牛扒份量十足 仲有專人幫大家燒埋👨🏻‍🍳師傅好friendly 係燒既過程入面仲會同我地吹水講笑 好健談 可惜牛扒生熟程度控制得一般 我地order左三成熟但end up得到既係9成熟🥶 所以肉質有啲老同埋韌 但都仲保留到少少肉汁既～至於鮑魚就燒到啱啱好😋 鮮味之餘非常嫩口 加上燒汁甜甜地幾惹味！-🔸鮮檸檬威士忌梳打 🍋上碟既時候幾驚艷下 有十幾片冰檸檬插左係度 夠晒gimmick✨現場見到每枱都有嗌呢杯野飲！開頭飲呢杯野既時候得淡淡既whisky味 酒味唔

Boxing Day 同班friends book左位過黎食Dinner 吹水裝修好靚 好warm好似去左日本咁一行人好肚餓咁叫左個四人餐，再加一個魚生丼，串燒拼盤，關東煮，玉子燒，雞肉丸子拼盤。。。仲有飲品 同酒。前菜四人餐入面既炸雞三色魚生飯&串燒拼盤燒廣島生蠔四人餐壽喜燒既牛，牛脂分佈得好靚，份量又多，好味又抵食關東煮，湯我地飲曬雞肉丸子拼盤，熱辣辣又脆口 食到差唔多，我地friends自己有個小抽獎。抽得好開心既時候，店長拎左一對清酒杯出黎送比我地，話係比我地再抽獎真係好驚喜，係意外收穫黎，對酒杯都值$300，真係好好客氣氛都好好，仲有個小魔術表演添，睇得好開心。另外我地係book枱時，有問可否拎蛋糕黎店舖餐後食。呢到除左無收切餅費之外，店員仲會幫我地係蛋糕碟上寫字！係一個好好既用餐經歷，見21：30後加錢就有任飲幾款酒，搵日會過黎再食。

之前都聽過呢間居酒屋 一直都想試 但好似一定要卜位先食到 今年又未諗到平安夜去邊食 又唔想食西餐 想一改以往既習慣 今次試下食日本野一兩星期前打去卜位 竟然有位 即殺 呢間居酒屋 竟然係咩都有 只要你諗到既都有見到有梅酒 一定要飲 仲再買一送一 不過係要飲完一杯先會上另一杯 唔比即時分享見到佢有任飲 不過2130後 今次無緣了 叫左生蠔同刺生食左左先 再黎個三文魚他他然後整個燒和牛同鮑魚同海蝦 係專人幫你即燒即食 都幾好味 然後覺得凍凍地 就叫左個鍋同串燒因為有啲鍋冇左 只能叫牛肉鍋 同埋有啲野都賣哂 結果我地係食到超級飽 性價比都算高 食左咁多野 都係千幾蚊左右

今次終於黎到食晚餐啦，難得慶祝生日，就緊係要黎食好d啦！我地1行4人book夜晚7點鍾食，但有限時，大約個半鍾左右，不過都好夠做啦，同上次一樣都有叫到蒸蠔同生蠔，今次叫左個2人餐，入面有燒m6和牛、鮑魚，蟹膏飯，炸物盤，燒蠔同麵豉湯。另外，仲叫左個玉子燒，關東煮同串燒盤，當然仲唔少得支清酒啦，d野樣樣都好好食，服務又周到，老細又行過黎打下牙較，成件事真係好正！之後都會再返黎食，試埋其他酒同野食，4個人埋單一千四百幾，抵到爛呀！

居酒屋既裝修設計充滿日本風味，周圍掛滿日式燈籠及清酒瓶裝飾，好有氣氛～店內提供刺身、鍋物、石燒肉及串燒等，仲有自家製飲品，選擇多樣化😍❀ 限定石燒盛B 🐮依個石燒拼盤有A5和牛+牛舌心✨ 下單後店員會拎石板上枱，即場幫手燒肉及調味～燒時聞到好香，特別鍾意食和牛，肉質軟嫩，滿口油香好正，而牛舌好厚身，好有咬口❀ 古法罐仔牡蠣 🦪只要like & share 社交平台就可用優惠價$108食到6大隻蒸廣島蠔，好抵食🥰 廣島蠔肥美飽滿，食落creamy又鮮味，估唔到唔洗調味既蒸焗蠔，味道都唔錯呢～❀ 免治吞拿魚腩丼 🐟大大碗丼飯，表面鋪滿吞拿魚腩蓉，口感綿滑又帶魚香，配埋芝麻粒及紫菜令味道更香❀ 串燒拼盤 🍢好多款串燒！有雞翼、雞皮、雞軟骨、大葱豚肉、金菇牛肉、秋葵、煙肉車厘茄及大蔥串，可以一次過試唔同口味👍🏻 串燒燒得好香，最鍾意食大葱豚肉及煙肉車厘茄串，豚肉醃得入味配埋大葱食好香，車厘茄酸甜多汁，配埋煙肉食好夾！❀ 自家梅酒 🥃❀ 自家調配蜜桃茶 🍑嚟到居酒屋必飲梅酒，見到係自家製就更想試下😍 梅味濃郁，香甜又易入口～而蜜桃茶味道清甜，蜜桃及烏龍茶配製比例啱啱好，有香濃茶香及果香

最近黎到旺角食DINNER, 揀左令和食日本野～先黎個關東煮，係日本既大眾料理，包括雞蛋、蘿蔔、蒟蒻、海帶結、蒟蒻絲等，每款都好好食！再黎個清酒煮蜆，好香酒味，食落蜆肉啖啖肉，又鮮美~再黎個魷魚軟骨，脆卜卜，好有咬口感，唔錯！之後點左個燒魷魚一夜干，經炭火烤過，食落軟硬適中，風味濃郁。再SHARE 個令和魚生丼, 入面有好多材料, eg. 三文魚、吞拿魚、帶子、海膽、蝦 等, 每樣都好新鮮，食完已經好有飽肚感~最後點左２梳打，菠蘿同荔枝乳酸，味道都唔錯～整體來講, 價錢都唔貴, 下次可以食其他野！