仙滿堂

營業中

休息中

去過兩次，第一次點單，餐牌寫著30幾蚊嘅奶茶同我收40，粉髮女在收銀機操作好耐都無法成功落單，不得已叫同事幫忙先搞定。第二次點奶茶要求少冰走甜，奶茶到手依舊係十分甜，因趕時間懶得同佢argue重新做。次次都是粉髮女搞到幾唔開心，睇到佢就不想再試過呢間店。

過開嚟沙田行街，順便發掘下有啲咩食，發覺有間新開嘅甜品舖就試吓先裝修以木系為主，都幾悠閒舒適。甜品舖主打仙草/布丁/豆花系列既甜品，仲有啲西式窩夫雪糕，甜品同飲品，款式都算多我哋各自叫咗一款台式同西式甜品：招牌仙草（$55）仙草嘅份量都幾多，配料有芋圓，白玉，紅豆同薏米，可以根據自己口味加上煉奶，仙草都幾滑溜，而其他配料如芋圓白玉都煙靭彈牙，薏米個口感都幾好，而且食落佢唔算好甜，我覺得味道啱啱好招牌麻薯牛角包配3.5牛乳雪糕（$98）牛角包上面鋪咗啲cream，側邊有埋麻薯同埋lotus餅，牛頭包烘得熱辣辣，夾埋一齊食口感一流，煙煙韌韌，而雪糕個牛乳味幾突出，不過就好快溶要快啲食

經過左幾次呢間甜品舖都幾多人排隊～我第一次係外賣雪糕第二次係食完晚飯過去堂食所以我就放埋一齊post啦😆🍧 招牌仙草 $55（另外奶茶凍$10）非常足料同份量大 好多迷你白玉同薏仁😍仙草好滑 不過我自己私心鍾意鮮芋仙嘅仙草多少少🫣最敗筆係芋圓… 得微煙韌 食唔出係芋圓奶茶凍好香奶茶味 唔算好甜🧇 Oreo4.3牛乳麻糬窩夫 $68有2件窩夫 一pat麻糬 朱古力醬同好多oreo碎 都幾大份 價錢合理👍食落偏乾身 如果多少少朱古力醬會好啲 因為可以痴住啲oreo碎同窩夫一齊食麻糬都係偏乾 所以用叉拮起太拉絲🙈 係成pat麻糬拮起左🤣味道上幾好嘅 係要改良少少配方就好好多😆🍨 3.5牛乳雪糕杯—3.5招牌牛牛 $68呢個勁好味 一定會encore😍上層係3.5特濃牛乳雪糕+迷你白玉中間係比利時朱古力雪糕下層係仙草超級足料又大大杯 牛乳雪糕同朱古力雪糕都好香好滑🤩我會覺得雪糕值得去食👍 其他嘅話只要冇芋圓都ok🤣

🍮仙草2號+奶茶凍 ($65)好大碗好多料🤩最中意就係布甸同奶茶凍🤤🌹🍹蜜戀茘枝玫瑰烏龍+ 椰果 ($41)甜度岩岩好😚如果想再無咁甜可以唔加椰果🍦Why Not Both雪糕筒 ($42)一邊係牛奶雪糕，一邊係朱古力味🥛🍫好滑好大杯🤪-❣️仙滿堂•沙田沙田正街18號新城市廣場三期3樓A310號舖

-諗起食甜品/糖水系咪大家個腦最快彈出鮮芋仙？滿記？食完晚飯行經有沙田新城市 新開左一間新甜品店 - 仙滿堂有好多唔同系列 招牌仙草 紅豆湯 豆腐花 養生黑糯米⋯牛角包麻糬窩夫 芝士奶蓋白玉丸子 3.6牛乳雪糕等⋯呢到環境比較細 位置都唔算寬敞 大約8:30去到都坐滿哂人 ⁡ 🌈芝士奶蓋白玉丸子 (Oreo脆脆) $42白玉丸子🍡超讚👍🏻好煙靭加上芝士奶蓋既咸香 Oreo 脆脆既甜 咸甜交錯好正😍丸子好飽肚咖 可以2-3個人一齊share 🌈仙草1號 $55 (仙草、紅豆、薏仁、奶茶凍 & 珍珠) 仙草味道唔會有苦澀👅 滑嘟嘟紅豆同薏仁都煮好綿密 珍珠口感亦都唔錯 好煙韌🥳仲可以因應你中意既甜度 自行加入糖水/淡奶👍🏻 🌈招牌豆腐花 $50(豆腐花、紅豆、珍珠、芋圓、迷你白玉)屋企人叫左個豆腐花 😍濃厚豆香 好滑芋圓都唔會好硬實 一口size 白玉好煙韌 整體都 ok

忙左成日，收工緊係要約friend食個甜品慰藉下心靈！上次食lunch 經過呢間甜品已經好想食，但lunch time 太短時間就唯有今日再戰😚招牌仙草💰55有仙草，紅豆，薏仁，芋圓同迷你白玉，仲有個維記牛奶可以倒落去。口味好豐富，樣樣野夾埋好match😋不過真係要有2個人share，唔係會好飽😆Oero4.3牛乳麻糬窩夫 💰68仲要加埋配料芝士奶蓋 ($10)！啲窩夫配埋芝士奶蓋再沾上oero，真係好味☺️麻糬方面，就偏向奶凍既質感。雖然甜品對女仔係另一個胃，但2個女仔share呢2份都真係夠哂架啦😙下次要試下佢個芝士奶蓋白玉丸子系列，見到隔離幾枱都有叫，但今次實在太飽，下次再戰！

店員叫幾次都冇人理 仲要收+1真係笑死望到我舉手仲喺度傾偈 真係唔知係返工定係來玩？D 芋圓好難食 紅豆仲難食！！！！！！！！總之就係唔值50蚊一碗😅丸子又冇味又黐牙真心唔建議😅

[ 仙滿堂 ]放假行街經過見到新開咗間台式甜品店，裝修行簡約風，食物類別多，除咗仙草系列，仲有芝士奶蓋白玉丸子🍡、牛角包麻糬窩夫🧇等，全部都好吸引呀😻😻。✿ 仙草1號 $55(仙草、紅豆、薏仁、奶茶凍、珍珠)仙草份量多，入口順滑，夏天食消暑一流。另外紅豆🫘、薏仁、珍珠煮得淋身，容易入口。特別推薦奶茶凍，茶味香濃，質地爽口挺身👍🏻👍🏻，茶控必點。✿ Oreo脆脆丸子 $42有6粒大大白玉丸子🍡，面頭鋪上咸咸的奶蓋&Oreo脆脆，丸子充滿Q彈軟糯口感，食完一口接一口，做得唔錯。✿ 桃膠鮮豆漿 $36鮮豆漿甜度適中，仲有大量養顏又好味嘅桃膠😋😋。總結🫦仙草系列足料又抵食，另外特別推介芝士奶蓋白玉丸子🍡，食完有種好滿足的感覺😌😌。下午茶或者食飽飯嚟食翻碗甜品都係唔錯嘅選擇。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿仙滿堂地址: 沙田沙田正街18號新城市廣場三期3樓A310號舖電話: 25806428✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

夏日炎炎☀️最適合吃一碗仙草降降火🥵近年香港仙草甜品店愈開愈多，不少都排滿長長人龍。沙田新城市原來都有新開的仙滿堂，和同事平日七點到達，亦有不少顧客。⁡👉🏻食物: 4.1/5⁡▪️仙草牛牛配料非常豐富，有紅豆、薏米、小丸子、芋泥、仙草、芋圓及3.5牛乳雪糕🥰特別推介芋泥，甜度適中，芋香未被奶味搶過，入口帶芋粒，芋香十足！而牛乳雪糕亦相當不錯，帶有濃濃奶香，可搭配仙草吃。比較可惜是芋圓外層偏軟、略淡。⁡▪️芝士奶蓋白玉丸子-抹茶味白玉丸子口感值得一讚👍🏻，煙靭之餘帶有微微米香。芝士奶蓋帶咸香，頗合我口味，但抹茶味就不突出。白玉丸子頗飽肚，建議二人分享。

好食指數:🌕🌕🌕🌗🌑Cp值:🌕🌕🌕🌗🌑•招牌仙草• $55佢有仙草、薏米、紅豆、芋圓、迷你白玉份量很ok!!!唔加糖漿都ok!芋圓同埋迷你白玉煙靭度好好！幾好食！•招牌豆腐花• $50佢有豆腐花、紅豆、珍珠、芋圓、迷你白玉都係唔加糖水都得！味道啱啱好 份量都ok!Ps 鋪頭細細間 但要每人點一樣野 有最低消費 另收加一嘅～ 唔使成日去鮮芋x 都得！

今日早收工去沙田接閨蜜放工 做左成日野佢話要放鬆下 咁就帶佢去食個甜品慰勞一日辛苦工作我地去左仙滿堂試下 店內坐位坐得舒服 我地坐左係近商場位置 夠哂冷氣😸🥢招牌仙草 $55配料有好多 仙草,紅豆,薏仁,芋圓,迷你白玉仙草好滑遛 而紅豆同薏仁煮得夠綿密👍🏻芋圓同迷你白玉口感軟糯 幾樣野配搭一齊都食到材料嘅味道 甜度又岩岩好 涼浸浸好消暑😋我地另外再加左奶茶凍同焦糖布甸🍮兩款奶凍味道濃郁又好Q彈奶茶凍好香茶味 而我個人比較喜歡焦糖布甸味 🥢Oreo4.3牛乳麻糬窩夫好大一份! 好喜歡麻糬煙煙靭靭😍 加埋Oreo食口感好好 Oreo餅碎又夠多👍🏻窩夫焗得好香脆 3樣加埋食好滋味呀~食完好滿足 性價比高 下次可以試埋其他

喺沙田食完晚餐諗住睇吓有冇咩甜品食，結果就去咗仙滿堂度食個仙草系列都幾吸引，今次叫咗個招牌仙草有薏米，紅豆，芋圓，迷你白玉，最後梗係唔少得仙草。淡奶可以自己選擇落定唔落。另外再嗌咗一個焦糖香蕉黑糖麻糬牛角包配3.5牛乳雪糕🍦招牌仙草味道：🌕🌕🌕🌕🌗評價：第一感覺個配料好豐富，薏米個口感幾好食，甜甜地🤭感覺上比較健康。而紅豆係粒粒分明，芋圓口感煙韌，食落有啖啖芋頭同番薯香味。白玉就正常發揮。整體幾好食，特別係個仙草，話晒我都係仙草愛好者🤭🤭 焦糖香蕉黑糖麻糬牛角包配3.5牛乳雪糕味道：🌕🌕🌕🌕🌗評價：冇諗過會有牛角包，不過見到就會想試吓。加上對佢個牛乳雪糕幾有興趣，食落去牛奶味勁出，因為天氣熱，就算喺商場入面都溶得好快。起初以為黑糖麻糬會喺牛角包入邊，點知原來係鋪喺面頭，上面再加上焦糖同香蕉嘅配搭，打卡正呀👍🏻📌 仙滿堂 (沙田)沙田沙田正街18號新城市廣場三期3樓A310號舖

晚餐後同朋友一齊嚟呢度食甜品呢度有最低消費，限每人要order一樣食物於是同朋友每人叫咗一杯嘢飲，再加一款甜品share食奶蓋蜜桃茶：奶蓋係分開另上（一開始佢唔記得俾我，要自己留意番叫左咩野食，睇吓齊唔齊）奶蓋係鹹芝士奶蓋，奶味濃加埋鹹鹹地，好鍾意呢個味（個人喜好）杯嘢飲叫咗少甜，但都偏甜，味道正常甜品：好多料，逐樣講仙草—正常薏米—正常桃膠—正常小丸子—正常芋泥—甜到啱啱好，非常綿密，真係泥狀，杰身，足料，靚芋頭紅豆—外表完整，一咬入邊起晒沙，岩岩好芋丸—煙靭好味，真係食到原材料嘅味道，有芋頭、紫薯同番薯味基本上個好評係比個芋泥，其他嘢都正常發揮，如果係芋泥控嘅話，一定要去試一試！冇乜地方做到呢種效果。同埋間舖頭偏細，位置比較窄，仲有限時進餐，晚市都比較繁忙，整體食物偏貴，淨係大推芋泥，整得好好食！

週五下午放假，過來沙田和朋友到新城市廣場行街。走到3樓見到有間新開甜品店。這間「仙滿堂」主打仙草系列的台式甜品，但也有其他系列。店內有堂食座位，可以和朋友邊坐邊食邊聊天，順道行街休息歇歇腳。招牌仙草包括了仙草、芋圓、紅豆、薏仁和迷你白玉。一碗份量頗大的，吃畢也相當飽肚。紅豆大粒，微蜜軟糯。加上仙草的Q彈滑溜、芋圓和白玉的煙韌，還有薏仁的嚼勁，整碗甜品口感十分豐富。賣相靚靚的牛角包窩夫，croffle烘至微脆，入口微甜帶牛油香。上面配以大量忌廉，邪惡非常。窩夫有招牌麻糬伴碟，麻糬帶牛奶香，軟糯煙韌，而且配有lotus餅碎，味道好香。3.6牛乳雪糕完全是超濃郁的牛乳味，不過就偏甜了一點。

超足料仙草甜品😋 甜品店主打台式甜品，仙草/ 豆花/ 窩夫等等應有盡有！今次試食兩款甜品都份量十足，味道不錯👍🏻/招牌仙草 $55/仙草好足料😍有齊我鍾意嘅配料，有海量芋圓、紅豆、白玉、薏仁😋 芋圓同埋白玉非常有咬口，而下面嘅仙草口感順滑，成個甜品唔會太甜！/奶蓋布甸麻糬牛角包窩夫配3.6 牛乳雪糕 $98/牛角包窩夫非常鬆脆，仲係暖暖地，食落唔會覺得好油膩，面頭牛奶麻糬口感煙韌，同窩夫形成強烈對比！布甸係口感比較結實個種，面頭加左鹹鹹地嘅奶蓋幾有趣👌🏻 牛乳雪糕味道濃郁有d 似食緊牛奶白兔糖😂 個人覺得雪糕偏甜不過友人覺得啱啱好😳 整體黎講，試左兩款甜品味道都唔錯，份量驚人，侍應服務都好好👍🏻