仁芝初

營業中

休息中

港式傳統糖水小店已經買少見少，店舖裝修簡約，鋪面唔算大，不過糖水嘅質素真係唔錯！1. 木瓜燉雪耳$34呢個都幾足料，木瓜大大嚿，煲完都仲有木瓜嘅清甜，雪耳都好爽口，唔會太甜！2. 生磨香滑芝麻糊$32芝麻糊勁綿，芝麻嘅味道勁香濃，而且仲好滑，唔會覺得漿口！食完口入邊仲有濃濃嘅黑芝麻味！3. 生磨香濃合桃露$34合桃露好香濃，合桃味勁突出！鍾意食合桃嘅朋友一定要試呀！有部分糖水仲可以揀雙拼，可以一次過食兩款唔同既糖水👍🏻

仁芝初通菜街鴻輝大廈地下6號舖bad trip體驗, 不可一不可再!漏單 店員態度不佳 食物質素低 份量少. 𓌉◯𓇋 楊枝甘露 $44 -加配芋圓 $12糖水一上係常温, 芒果係酸嘅. 加配咗嘅芋圓不但漏單, 仲薑汁底熱上. 𓌉◯𓇋 薏米腐竹拼芋茸西米露 $32味道淡味, 糖水好稀.食物🙅‍♀️ ■ □ □ □ □環境🙅‍♀️ ■ ■ □ □ □性價比🙅‍♀️ □ □ □ □ □同區推薦甜品/糖水店🤰Joyful Dessert House🤰佳佳甜品

我要個凍楊枝甘露加芋圓，嚟到張枱個楊枝甘露係暖嘅（turns out 原來已經係凍😮‍💨）個楊枝甘露質地類似沙冰，唔係好似普通糖水咁。一早嗌咗要芋圓但係又冇送到，漏咗單。好聲好氣叫個店員落單好似好難為佢咁樣，態度極差。後尾發現原來個芋圓唔係好似其他舖頭咁落喺個糖水入面，係另外落係1個碗，然後係熱嘅。個楊枝甘露係酸嘅，不過係酸到乸舌頭，真係第一次食。芒果係大粒嘅，不過大粒得來又係好酸，冇一粒係甜。總括嚟講個楊枝甘露可以唔使嗌。

食完晚餐當然嚟返個甜品～已經二訪呢間小店🍧糖水自家製 每日新鮮製造餐牌有多種港式糖水 非常養生🤤而且好多設有雙拼岩晒咩都想試嘅我❣️✨芋蓉蓮子西米露x白果腐竹薏米$32芋蓉打得好綿滑 食到兩種感覺仲有足料嘅白果、薏米、西米露、腐竹非常豐富☺️好幸福呀✨法式紫米露 $42點少得呢個招牌糖水 顏色豐富 非常吸引必食‼️有層次且口感細膩以法式燉蛋、紫米露、椰汁作精髓連爸爸都大讚 💯✨薑汁燉蛋 $38打開蓋已經聞到好濃嘅薑汁味又唔會搶咗蛋嘅香味 ～食落好滑溜添

椰汁紫米露，煲到好棉密，糯香味好濃，加椰奶，好健康既味道；生磨核桃露拼芝麻糊，非常濃香既核桃味，手作芝麻糊香味，湯圓Q彈，呢碗好中意，每一碗都感受到媽媽煲糖水既心機。綿密健康味道。

今日嚟咗旺角呢間仁芝初，門口已經有好多明星合照，入到去牆上面黐滿咗lollytalk嘅應援物，粉絲必去！-我地叫左一個芒果奶凍同埋法式紫米露！呢間甜品舖入面嘅甜品都係每日新鮮即製，性價比幾高👍🏻🍽️芒果奶凍芒果幾甜，芒果汁唔會太甜，奶凍幾smooth，奶凍同芒果汁嘅搭配好好，加埋粒粒芒果食，一啖食晒，享受🆙🍽️法式紫米露甜品分開三層，第一層係椰汁，有少少泡沫嘅質感😂，第二層係主角紫米露，好足料！第三層係法式燉蛋，好軟滑👍🏻紫米露同燉蛋意外地好夾，面頭仲放咗幾粒紫紅色啫喱添🫶🏻

意外發掘左一間隱世港式糖水店 提供各種甜品糖水。有傳統口味 例如芝麻糊 紅豆沙 合桃露 杏仁糊 係童年回憶呀😍天氣開始熱 糖水店仲可以叫冰涼甜品 好似法式紫米露 用左椰汁＋紫米露＋法式燉蛋 mix 埋一齊好好食🥰清涼舒爽 口感細膩 甜度適中，讓人吃完回味無窮😍 叫左兩款傳統甜品 生磨香滑芝麻糊and蓮子陳皮紅豆食到入面嘅真材實料 好多渣好濃好杰😋😋講緊係32蚊 真係性價比極高🩵 而家坊間出面大部份都係西式甜品 比較少食返最傳統嘅口味 真係好好食 還完返以前童年嘅味道

仁芝初 @art.of.dessert_旺角手工中式糖水✓中西合壁超多款式！生磨香滑芝麻糊拼合桃酥自家生磨芝麻、合桃～味道更香更濃郁入口細滑～建議大家要加配埋芝麻湯丸夠哂真材實料🤩薏米腐竹拼芋茸西米露芋茸棉軟配上西米露薏米腐竹～甜而不膩我另外加配咗換三色芋圓～更添口感糖水款式多價錢合理足料又好味📍旺角可以試試👍🏻仁芝初 @art.of.dessert_📍旺角通菜街2Q-2Z號鴻輝大廈地下6號舖

食完正餐後，剛巧經過「仁芝初」，另一個胃又想將它填滿，去食甜品滿足一下。 餐廳堅持一絲不苟，甜品天天新鮮製造，自家手工糖水，真材實料，性價比高。 餐廳推介甜品包括：紫薯芋茸蓮子西米露、桑寄生蓮子蛋茶、芒果奶凍、古法養顏燉桃膠、法式紫米露… 等等。 😋是日選擇：1️⃣古法養顏燉桃膠 🍽材料十足，桃膠稱為平民燕窩，內裡還有紅棗、桂圓、杞子，滋潤養顏。2️⃣蛋白杏仁露🍽濃郁杏仁香氣及香甜味道，蛋白滑順，增加味道的層次感。3️⃣芝麻湯圓（3粒、加12元）🍽皮薄、內裡的餡料在咀裡釋放出香濃的芝麻味道，細細粒，容易食。

喺旺角食完dinner，就去附近食埋甜品！朋友推薦呢間好有特色嘅甜品店，話食過覺得甜品好好食，仲大讚聽店員講餐廳嘅甜品都係每日新鮮製，價錢唔貴，性價比高👍🏻！▫️ （凍）蓮子陳皮紅豆沙拼綠豆沙+芋圓 $46唔知大家有冇食過喳喳糖水？正正就係紅豆沙拼綠豆沙，超懷念呢個味道！綠豆沙煲得好香濃，起曬沙，唔會太稀，配上蓮子陳皮紅豆沙，口感棉密，好細膩，兩者互相融合，味道超級夾！另外再加咗芋圓，芋圓煙靭，有咬口，好食喔😋！▫️ （凍）芋茸蓮子西米露拼紅豆沙+芋圓 $46粒粒清爽，晶凝通透嘅西米露，浸泡係香濃嘅紅豆沙中，紅豆煲到起晒沙，紅豆又大大粒，味道唔會太甜，兩者食落好夾好好食！整體而言，兩款甜品都相當唔錯，下次仲想試試佢嘅紫薯芋茸蓮子西米露，以及法式紫米露，友人話呢兩款佢食過都係超好食！

【旺角創意中式糖水舖🍬仁芝初】-如果大家係旺角行街行到攰想搵個地方坐下🤭小編推薦可以去『仁芝初』食返碗糖水😋有三十幾款糖水任君選擇，仲有得兩拼添😝-😋法式紫米露🥥 $42呢個法式紫米露幾特別🤩佢有三層，分別係椰汁、紫米露同埋法式燉蛋，顏色豐富賣相好吸引😍最上個層椰汁打成泡沫🫧入口相當綿密配埋紫米食幾夾🤣食完都有啲飽～燉蛋充滿蛋香，面頭仲有啲啫喱糖🤤好味指數：🌕🌕🌕🌕🌘-😋古法養顏燉桃膠 $42呢碗係非常滋潤嘅糖水，入面有桃膠、桂圓、杞子同埋紅棗😍非常足料～糖水可以揀熱或者凍，甜度適中👍🏻好味指數：🌕🌕🌕🌕🌑-😋芋圓（8粒）$12芋圓可以加配落糖水又或者另上😝另上嘅話就會配埋黑糖薑汁🤤飲落超暖胃，芋圓有咬口煙煙韌韌😍幾好食好味指數：🌕🌕🌕🌕🌑-📍 仁芝初 (旺角)旺角通菜街2Q-2Z號鴻輝大廈地下6號舖💸人均消費：$48

晚餐食完車仔麵覺得唔係好夠喉，就過咗隔離嘅仁芝初度食甜品而家中式甜品買少見少，就算有都可能好貴，$30左右真系佛心價錢，真系要推推Menu 好多選擇，貪心想試多點命可以雙拼蓮子陳皮紅豆沙$32食到陣陣陳皮香，蓮子夠鬆化紅豆沙唔太甜，甜度岩岩好，食完成碗都唔heavy 木瓜燉雪耳$34木瓜鮮甜夠熟，雪耳亦都夠軟身，熱食feel 到好滋潤生磨香滑芝麻糊$32芝麻糊偏甜左少少，香滑唔似用粉開份量亦好佛心呢，成個紙盒滿滿的

餐廳的甜品每日鮮製，保證新鮮，品質保證！每款糖水甜度適中，不會死甜，適合香港人口味，難怪深受食客歡迎！✨古法養顏燉桃膠美顏養生精選！超足料！桃膠分量超班，而且已徹底去除雜質，桃膠晶瑩剔透，口感軟綿，糖水清潤可口，絕對是少女恩物，美顔之選✨桑寄生蓮子蛋茶同樣足料，而且桑寄生味相當濃郁，味帶甘苦，甜度剛好，與苦澀味取得平衡，配上原隻烚蛋和蓮子，配料豐富，而且功效多多，如安胎寧神，治失眠、經痛，絕對是女生不能錯過的中式糖水！仁芝初📍旺角通菜街2Q-2Z號鴻輝大廈地下6號舖

仁芝初相信係食果仁類甜品最出色～點咗合桃糊 食落好濃稠有合桃嘅香味平時好怕啲糊唔夠滑 有粉粉嘅感覺呢到嘅食落好smooth 甜度都恰到好處看似普通的桑寄生蛋茶色澤比坊間嘅深色 飲落充滿草本甘香飲到落底更加有起沙嘅感覺 精髓仲有隻雞蛋 要浸在桑寄生茶裏幾個鐘頭上色入味一口咬落去連蛋黃都有色有味綠豆莎～要食傳統糖水唔都非綠豆沙莫屬一打開蓋 就聞到濃濃嘅臭草氣味正正係呢個氣味，就知道呢碗糖水有料到綠豆已經煲到起晒沙 但又唔會話太杰做飯後甜品一流雖然店仔細細 但坐落都幾舒服

食飽行旺角經過呢間糖水小店, 就即刻口痕想食甜野啦!決定買外賣返屋企食, 順便落一落格 (肥妹就係咁, 飽都要食lol) 拎到返屋企都仲係暖暖地既hehe🌑生磨香滑芝麻糊真係好耐無食過足料同認真製作既芝麻糊. 質地好杰撻撻, 一杯就知道好足料! 未食已經聞到淡淡既芝麻香, 食落口感好濃, 有細細粒既芝麻口感, 甜度岩岩好! 真係推介! 😋🫚🥚薑汁燉蛋養生之選haha. 平時食燉蛋都係覺得愈滑愈無渣就愈好, 但係今次呢個有少少粒粒既口感, 反而顛覆左我呢個印象! 薑味濃得黎唔會搶左蛋既香味. 下次都要叫返呢個食! 💛🥢總結: 呢間小店製作糖水真係好認真好足料, 絕對推介大家去食! 我都要再訪!!哈哈