京笹居酒屋

營業中

休息中

不嬲都有嚟開呢度食午餐，今日發現佢個午市menu唔同咗，果然店員話佢哋換左廚師，所以有個新menu，款式比以前少咗，但係數埋都有差唔多20款我要咗一個吉列豬扒定食，質素畀我想像中好，一直都覺得丼吉嘅炸豬扒喺香港嚟講係第一位，所以有啲擔心佢個麵包糠會好硬，但係成件事ok喎，個豬扒又唔會好實，而且個麵包糠炸粉好輕身，亦都好脆，唯一嘅缺點就係油多咗少少另外朋友要咗佢嘅招牌套餐，有一個細嘅海鮮丼，天婦羅，同埋烏冬，100蚊幾抵食整體嚟講水準保持到，會繼續幫襯

相約友人食呢間多年幫襯的居酒屋，因為好友即將生日因為呢度有自釀梅酒，所以一定要點杯支持下同relax 一下食物質素呢度一向都好高今次點左牛舌燒，西京燒銀雪魚，野菜，炊飯，雞軟骨，免治雞肉串，魷魚一夜干西京燒銀雪魚超好食，肥美，燒焦的邊位好香口同有魚脂香，而且呢款魚是油脂多，食落鮮嫩多汁，必點呢款蛋卷點左原味，但好似明太子個款比較出色梅酒是自釀，朋友點完一杯又一杯但雞軟骨棒棒醬汁少左好多，同之前食過好唔一樣，可能下次不點了🥲

這裡午膳沒有網上book 位，我們是直接walk-in 。午市有很多顧客，要先齊人才可以入座，也有食客在門口等，接侍職員是日本人，這裏也有很多食客是日本人。午市定食套餐選擇也很多，不花巧，價錢合。點了花魚定食，點餐時，職員也會提提花魚須要等20分鐘，麵鼓湯不會太咸，花魚份量足，花魚放鹽多了點，餸飯是ok 的。餐廳內可能人較多，比較嘈吵，環境、食物、服務等整體也不過不失，職員有禮There was no online reservation for lunch, so we walk-in directly.The customer is required to arrive together to get the seat.There were many customers in the restaurant. Some customers were waiting at the door.The waiter and many diners there were Japanese.There were many choices of lunch set, which was not

一直到知道呢度係喺尖沙咀做嘢嘅日本人嘅飯堂我都唔係第一次嚟食㗎啦佢嘅午餐選擇非常之多，有炸物，魚生飯，蓋飯等等，各式各樣今次就試左炸池仔魚配飯係新鮮嘅池仔魚，一啲都唔腥，肉質軟滑，唔算太油，非常之脆，係即叫即炸嘅另外我覺得食日本嘢碗飯都非常之重要，佢係選用日本米，軟硬度煮得啱啱好，所以我食晒成碗價錢嚟講佢算係價格適中嘅日本餐廳，所有套餐都介乎78至到118左右，喺尖沙咀嚟講我覺得係合理嘅價錢而且味道唔錯

一入到去充滿日本風🏮店員都係日本人，亦好受日本客歡迎😌🔻燒免治雞肉棒｜$55 呢個雞肉棒實係幾出色😋表面充滿燒汁，啖啖肉👍🏻🔻雜錦天婦羅｜$98入面有蝦、茄子、南瓜等等送上黎熱辣辣，好好食😆🔻北海道炸蟹肉溶忌廉餅｜$68一咬入面爆哂忌廉汁😳不過一個人食一舊會有啲「漏」最好就兩個share😉🔻明太子撈烏冬｜$88烏冬煙韌有咬口，掛哂明太子醬汁😋🔻鯖魚塩燒｜$78鯖魚入面保留到肉汁☺️唔會太硬魚肉都好嫩滑🐟加埋檸檬汁😆正！

由於佢嘅門面太低調，細個成日經過見到都冇入過去🤣 今次朋友介紹去咗試吓，舊式嘅日系裝修、牆上手寫日文字menu 、加上日本店員，好似去咗日本一樣 🌸⭐️ 前菜 （$23x2）木耳、青瓜，粉絲、海蜇、蒜蓉辣椒 ⭐️ 刺身沙律 ($78) 大大嘅一盤🤣 有蟹柳、三文魚、三文魚魚䰵、吞拿魚、蟹柳、油甘魚🐟⭐️ 北海道炸蟹肉忌廉餅 x2 ($68) 呢個真係好出色，剛剛炸起好熱，入面忌廉醬多到流出嚟 ，好滋味 🤣💕⭐️ 生蠔蔬菜鍋物 ($138) 日本產蠔份量太少（3隻） 其餘都係菜，同埋湯底好清，係一個健康嘅選擇🥬⭐️ 鹽燒魷魚筒 ($78) 如果揀汁燒應該會juicy d，鹽燒嘅魷魚邊會有啲啲苦。。。⭐️ 鹽燒牛舌 ($68) ⭐️ 味淋雞泡魚乾 ($70) ⭐️ 免治雞肉棒 ($55)💰HKD 390 p.p for Dinner

日本人主理嘅居酒屋，門口嘅叔叔、落單上菜嘅姨姨都係日本人，廣東話有少少日本口音。大概係即叫即做，所以上菜速度偏慢。裝修、氛圍感都非常道地，感覺真係好似日本嘅居酒屋，滿席嘅時候好應聲。*前菜 $23炸魷魚之類？硬脆硬脆，幾特別。自家製梅酒 $58梅酒酸甜酸甜，醉咗都唔知啊！*烏龍茶燒酒 $58茶味好苦，只有後勁有少少酒味。薯仔沙律 $48粒粒薯仔+真•薯蓉，薯仔味重又有口感。薄片青瓜紅蘿蔔有脆度又易咬，不過調味略淡。雞肉蔥串 $50雞腿肉好軟嫩，好多肉汁，京蔥焦香。調味輕手，主要靠表面嘅甜醬汁。免治雞棒 $55雞肉肉碎+軟骨，咬落卜卜脆，醬汁甜甜，雞肉本身調味比較輕手，好正！明太子撈烏冬 $88烏冬粗身好煙韌，明太子醬好濃好掛汁，鹹鹹香香，大推！三文魚軟殼蟹卷 $90入面嘅軟殼蟹好脆好香，有飯香又唔乾硬，再鋪三文魚，非常好食但白飯實在太厚了。銀鱈魚西京燒 $120燒到熱辣辣出晒煙，銀鱈魚油份好重，西京漬帶味噌甜味，能夠帶出魚香油香。

我鮮少在OpenRice 留言，但我好感激各個在店內工作的職員，特別想多謝一位叫呀靜的親切姨姨。🙇🏻‍♀️🙏🏼🙏🏼🙏🏼妹妹身體不適，又想吃日本菜，又想吃粥，憶起這間居酒屋的茶泡飯特別好食，便想著快快吃飯快快回家，誰知妹妹未吃飯已經開始想嘔，好彩呀靜路過主動幫妹妹倒左杯熱水，又比膠袋，又帶我妹妹去廁所，貼心！其他職員都好熱心，有一位小哥遞左一盒紙巾，一個日本人小哥就不停送熱水，我超級唔好意思，（後來呀妹嘔完就無野-.-應該lunch 食錯野）都驚其他食客誤會以為係食完店家既野食嘔，其實唔係！😭D 野食迫於無奈打包了回家，幸好味道依舊很好，很地道的日本味道，100分好味！我相信好多人都讚過，我無唯多講，我一定會再到呢間居酒屋🏮！提外話，酒非常好飲！我好甜酒：晴王葡萄酒，自家製梅酒和荔枝酒毁滅性好飲！（未試其他）

🍚京笹居酒屋又去左尖沙咀搵食 同相識多年既中同聚舊🍚三文魚軟殼蟹卷軟殼蟹脆脆地 d肉ok三文魚就正常朋友講左3次呢個卷好好食😋🍚大蔥雞肉串雞肉味道ok 但有d難咬蔥就正常🍚奄列炒飯個樣似蛋包飯食落開胃睇落易整既野 原來係最好食👍🏻🍚燒牛舌牛舌分成細細舊 燒得幾好🍚牛肉薯餅個樣炸得唔錯 但味道一般 仲叫左 燒豬頸肉 油甘魚刺身 等等個d味道都ok🍚京笹居酒屋尖沙咀海防道32-34號寶豐大廈1樓#居酒屋 #刺身 #牛舌 #明太子 #蛋包飯 #尖沙咀 #三文魚 #軟殼蟹 #薯餅#openrice #foodie #foodphotography #食好西 #foodporn #food

之前朋友帶過我哋食一次，好鍾意食佢嗰個納豆飯加蕎麥麵套餐，不過晏晝自己一個食實在太多。嗰日同兩個朋友一齊喺度食飯，大家都嗌咗一個唔同嘅lunch set，我就叫咗一個刺身丼，真係極度好食！加咗好多醋喺度，好黏好好味！大推然後見到隔籬枱好正，又腸仔拼盤？我哋都跟基叫咗一碟，佢有三種腸仔，味道由淺去到相對較重口味，真係嗰一刻突然之間感嘆：晏晝就咁有食神真係得唔得㗎，太幸福啦😍😍😍😍

我們一家兩大兩小來到尖沙咀提早欣賞聖誕燈飾，問了為食的朋友有什麼好介紹，他推薦了這家由日本人主理的居酒屋。我們提前訂了6:30pm的晚餐，到達時還沒有其他客人，於是我們選擇堂食。每位大人都點了一碟前菜，今天是辣辣的寒天。最欣賞佐酒小食: 銀鱈魚西京燒非常新鮮，燒得剛好，口感絕佳。串燒雞肉脆皮腸給我們帶來了驚喜！它熱騰騰又香噴噴，每一口都充滿肉汁，非常適合搭配酒類。薯仔牛肉餅和雞肉脆皮腸一樣，外層炸粉香脆，口感十分出色。益力多冰球沙冰燒酒讓我們重溫了童年的回憶，大球益力多冰充滿了口中。自家醃梅酒是我最喜歡的，入口甜味多於酒味，就算女士們多喝幾杯也不會醉（開玩笑）。奄列蛋飯是孩子們的最愛，滿滿的雞肉、雞蛋、蕃茄和洋蔥，蛋皮厚實大片，喜歡吃蛋的人一定要試試！不過，都有D係伏伏地的菜式，比如蟹肉炒飯讓我們有些失望，沒有蟹肉，只有雞蛋和蔥，稍稍有點遺憾。及等了差不多40分鐘的雜錦壽司，魚生似乎不太新鮮。總的來說，京笹居酒屋是一家值得推薦的居酒屋！雖然有些小小的不足，但整體而言，佐酒小食及日本酒類飲料係非常出色的。特別推薦他們的銀鱈魚西京燒和串燒雞肉脆皮腸，絕對讓您愉快的用餐體驗。🌟🍽️😊

京笹居酒屋 Kyozasa Restaurant @Kyozasatst.味道：😋😋😋😋抵食：👍🏻👍🏻👍🏻👍🏻環境：⚡️⚡️⚡️⚡️⚡️回訪指數：🤤🤤🤤🤤/5.尖沙咀 老字號～門口好有日本風味 店主店員9成都系日本人入面牆上菜單 全部手寫日文字吾識睇日文 有中文menu 上菜好快甘岩撞中有人生日 會調暗燈 同唱生日歌 窩心👍🏻..✨前菜 $23 x2 = $46積物 充滿醬汁的豆卜配好爽口既木耳(?).✨雜錦魚生 中 $440刺身有7款 最欣賞魷魚 卷埋一件包埋菜 好食又得意蝦 同 海膽 鮮😋.✨枝豆 $50就是一般的味道.✨蒜片牛柳粒燒 $88超多肉汁 切到一口牛的樣子柳菜絲非常幼 配沙律汁吾錯.✨燒三文魚腩 $100個皮非常香脆 配合超香嘅魚油三文魚燒到啱啱好 加檸檬汁增添清新味道.✨深薯溶湯烏冬 $88 (可揀熱/凍 亦可轉蕎麥麵)賣相並不討好 只係覺得有一堆白色嘅嘢喺面頭 筆落去 好似一浸泡 諗起白雲☁️ 有細細個窿 好似竹笙食落去嘅時候 真係好似竹笙🤣 竹笙愛好者 真係可以試吓呢碗烏冬 有一種超級放大版竹笙嘅口感 入面有粒粒應該系山藥 因為有

服務員態度十分惡劣就算再好食都不會再光顧如上光顧午餐炸雞因為平時食大約5分鐘就會有所以我們總共光顧了4份然後等了超過25分鐘我們向服務員查詢的時候說不好意思我們只剩餘10分鐘午飯時間請問能否查看一下炸雞整好嗎然後女店員說冇辦法炸雞係咁耐 等唔到你哋唔好嗌冇辦法㗎啦亦都非常明白即炸需要時間因為平常的時候不用等那麼久如果是要馬上找為什麼不能先跟我們說好當查詢的時候還用那麼惡劣的態度最後我們只能夠用10分鐘去用膳真的再好吃以後也不會光顧了

第二次嚟呢度食午餐，呢度其實係一個極度受日本人歡迎嘅日式食堂，佢其實唔係我哋香港人去到日本會食嗰類型嘅餐廳，因為佢食嘅嘢全部都係比較平民化嘅日本菜，所以佢菜單上面種類好多，不過我同朋友都會發現好似唔係好揀到自己想食乜嘢，因為佢主打日本人平民口味，例如山藥撈飯蕎麥麵之類嘅嘢今次我叫咗期間限定嘅魷魚明太子牛油飯,因為係出面未見過嘅組合,所以想試下一上枱畀嗰舊巨型嘅牛油嚇親，但係我竟然冇猶豫到直接將佢擺咗入去熱嘅飯度，將所有嘢撈埋曬一齊食，有少少後悔，因為真係唔應該擺曬成舊牛油入去，牛油嘅味道太濃，覺得有少少漏，不過整體嚟講係好食嘅，因為通常有明太子嘅嘢我覺得都唔會難食，而且魷魚亦都有好多，好有咬口，成件事食起上嚟係一個新鮮嘅味道同埋組合

第二次食, 一樣係咁滿意! 今次仲要唔可以食生冷野, 淨係食佢既熟食都一樣大滿足!1. 燒牛舌應該係食過最好食既燒牛舌滑得黎有口感, juicy, 唔會好咸, 加少少檸檬汁簡直係一絕!! 2. 豆腐牛肉鍋傳統煮法, 入面有少少粉絲牛肉好入味, 唔會好韌豆腐係一級滑! 配炒飯食一流!!3. 雞肉炒飯正常啦呢個, 加埋個豆腐同牛肉汁就好正! 4. 天婦羅拼盤夠熱夠嫩, 仲想點最好味係炸蝦同炸茄子!5. 炸雞軟骨冇令人失望既味道我個人覺得炸雞軟骨最重要係唔可以厚粉, 呢度就符合要求啦! 6. 炸蕃薯泥芝麻球最後加個甜品! 唔會太甜, 即炸既溫度加口感, 滿足!! 雖然我冇份飲, 但朋友試左佢地個home made 梅酒, 讚口不絕! 京笹係個種平時未必會諗起, 但食完就會好滿足既居酒屋. 基乎每個員工都講日本口音既廣東話, 未出發得, 係香港都可以有1, 2個鐘當自己去左日本啦!