京滬村 (已結業)

元朗工作午餐，泊好車後行去呢度，呢頭好多食店，呢間食評唔錯，要行上一樓，樓梯比較殘舊，污糟及破損，入內比較似靚少少嘅茶餐廳！感覺比較平實，餐牌食物唔貴，用膠套套住，可以用臘筆劃上去落單！酸辣湯面（$40）拉麵係師傅即拉，所以細睇有粗有幼，好彈牙，份量好多！酸辣湯夠濃，鹹香酸微辣！口感豐富！不過湯嘅配料唔算多，要有嘅都有！自己最喜歡爽脆荀絲！小籠包（1隻）即叫即蒸，皮薄多湯！可惜皮唔夠力穿咗！湯清甜，餡料豬肉幾滑唔乾！好味！凍豆漿：幾大杯，豆味一般，不過幾滑，唔太甜！同事食：擔擔麵（$40）雲吞湯麵（$40）生煎包（1隻）汽水：食物好味，尤其拉麵係師傅即拉，同事都讚湯底好濃！不過兩隻小籠包都穿就失色少少！店員爽手！一招手就有回應！午餐唔使加一！好抵食!水準幾好嘅上海菜

坐低已經太肚餓，好彩有兩小碟，蘿蔔、同埋花生頂下肚...擔擔面係朋友至愛，唔洗5分鐘，俾佢食晒～食親上海菜都會點嘅醉雞，呢個賣相唔錯，又有酒香，雞髀嫩滑...小籠包屬於舊式小籠包，即係厚厚小籠包皮，包住入邊啲鮮肉同肉汁... 好懷舊嘅味道～響其他鋪頭，拔絲蘋果、拔絲香蕉、拔絲番薯都試過咯... 就係未試過拔絲菠蘿... 今日一試，實在太滿足喇... 酸酸甜甜嘅菠蘿，俾脆糖皮包住，分外美味...甜品又邊有嫌多㗎... 再嚟馳名桂花酒釀丸子... yummy~

入左元朗探完朋友，順便食埋飯，元朗區大街小巷都充滿著特色小店，仲比我發現左一間滬菜食店！ 天氣涼左，麻甩仔都要補下，叫左個#石鍋花膠鮑魚燉小籠，涼涼地食個熱辣辣的石鍋，一個大型小籠包，感覺已經好爽，入面真係有大大片花膠同埋鮑魚粒，勁多肉汁，材料十足，湯頭有一份清甜，講真呢個石鍋花膠鮑魚燉小籠價格十分實惠，去洒樓叫個小籠湯包都要30-40幾，普通料又細粒，食過呢個之後唔會叫洒樓果d叫埋個韭菜蝦仁炒鱔糊加白飯，韭菜同蝦仁絕配，韭黃香氣滋味十足，鱔同蝦份量好多，之前試過其他地方的鱔糊好搵笨，好少鱔得啲韭黃，呢個鱔糊味道強烈也比較嫩，蝦仁爽口入味，同白飯一齊食係一流

專程到元朗yoho mall影風聆，影完相搵食，不過完全不想選擇商場內的餐廳，上網碌下碌下見到食滬菜食評及照片幾好，就決定這間吧！上到二樓發現地方幾大幾寬躺，感覺舒服水煮牛肉上網見到食評推介水煮牛肉，水煮牛調味除左花椒，還有黃豆芽、白菜葉等，香辣味道好濃，水煮牛肉份量好多，而牛肉味道口感嫩滑味濃，湯鮮香麻辣，驚豔呢！我倆邊吃邊用面紙擦汗擤鼻，過癮另一個就是廚師推介：石鍋炒蟹粉炒飯，蟹粉又係勁多，鋪滿蟹黃蟹肉非常鮮味，上菜一段時間仍然熱辣辣不停冒煙，炒過的飯粒粒分明，底部仲有香脆飯焦，極為出色重點是店員好熱情而且超好人，我在食飯其間不小心把牛肉掉到裙上，弄髒了，同時把地方弄污，店員沒有黑面還笑著說不要緊，先把衣服弄乾淨，害我多不好意思，服務態度真心的好

今日同朋友黎元朗呢間叫左野山椒焗桂花魚，真係不得了，下次再黎個陣一定要再食😋😋😋跟著食埋九黃炒鱔糊，汁同味道都調較得十分之好，簡直不可錯過既一道美食😜😜再黎一道重慶口水雞，呢道菜真係吾試吾得，吾係誇張，食左呢度既口水雞同出邊比真係食過番尋味呢，仲有個南翔小籠包，裡面既湯超足料，必叫！最後酒香東坡肉，平時東坡肉食得多，但連酒第一次食，簡直美食佳淆，所以黎呢度一定要點呢幾味餸😚😚😚😚

上年黎過兩次，性價比唔錯，今年再黎……可惜，失望而回……鎮江餚肉兩個字足以形容：好咸除左咸，就係咸，我咩味都食唔到，我食完一舊要飲半杯水！小籠包同鎮江餚肉一樣，肉既咸味好突出，同樣佢薑味亦好濃，欠缺左豬肉既鮮甜味。小籠包皮好易穿，一籠4隻，有2隻挾起左10秒就穿左。黑松露小籠包皮比普通小籠包厚，食落亦比普通小籠包咸，佢冇吝嗇喺黑松露醬上面，所以黑松露味好夠，可惜連咸味都唔吝嗇……搞到啲咸味同黑松露味喺度爭，好失敗上海炒年糕以為呢個同樣好咸啦，點知驚喜既係，佢咸味適中，年糕尚算有咬口煙韌另外服務，侍應好似發緊夢咁，明明叫左茶，只係叫佢埋黎落單，佢問我要咩茶……叫個黑松露小籠包，佢又落錯單，俾錯松草小籠包我……

朋友和我都非常喜歡試新式的中菜，見於京滬村的廚師以前在米芝蓮餐廳工作，而價格亦十分親民，便立刻動身去訂位。當我們到的時候，發現排隊人數不少，興幸有訂位，要不然可能要等個大半小時。我們叫了他的招牌菜：拔絲地瓜，石鍋鮮蟹粉蛋炒飯，魔鬼天使（小籠湯包，分別是蟹粉及蟲草花口味），花旗參湯及醉雞。果然不負所望，拔絲地瓜每粒均裹上厚度一致的糖層，咬下去香脆好吃。蟹粉炒飯的蟹粉厚厚的一層滿載於炒飯上，而炒飯本身做得十分岀色，乾身而且蛋汁均勻地裹上每口飯，拌上蟹粉簡直一試難忘。魔鬼天使的蟹粉味不太足夠，鮮肉味道搶過了蟹粉味。相反蟲草花味的香氣一咬下去就香氣撲鼻，值得推薦。花旗參湯十分足料，喜歡花旗參的朋友可以一試醉雞就有點太乾，過於濃郁有點過鹹。

2017.10.08 😊【超標都要食•抵食蟹粉盛宴】元朗😊提到元朗最近的盛事 當然是YoHo一田開幕作為一個新界女孩 週日的假期亦有去湊熱鬧來到這個美食天堂 緊記不忘大吃一頓😎這次小妹就發現到一間價錢經濟食物質素不錯的上海菜想跟大家分享小店位於樓上鋪 一不留意就會錯過整體感覺像舊茶樓裝修而成🤠除左有午市套餐供應外星期一至日1100-1730更享有68折、免茶、免加一 🤑老實說 小妹都是俾這個優惠吸引著這期的吃貨界大熱不少得蟹粉而小妹卻意外發現店鋪亦有數款相關的料理石鍋鮮蟹粉蛋炒飯 $88 *折後$59.8石鍋飯總是讓人想到韓式料理🍚餐廳卻很創新用在滬菜上一上菜時整體份量俾我想像中來得少原來當拌飯後卻發現蟹粉及飯的份量比例相宜二人分享剛剛好蟹粉不會帶腥 意外地帶鮮🦀就連平日不太愛蟹的我亦決定再戰蟹粉生煎鍋貼 $48/3另一選擇鍋貼 雖然是較為油膩但亦值得一試🤣鍋貼的底部煎到金黃 大小一致而且每一口都有吃到蟹粉 絕不吝嗇南翔小籠包 $36/4 *折後$24.7小籠包 是上海菜必食這碟料理超級抵 價錢打上68折後只需25蚊由於是新鮮制作需時⌚包皮透薄 肉汁滿溢 不錯可惜跟前兩者相比較為遜色京

今日女朋友突然話想食小籠包，於是上網睇下元朗邊度有得食。發現左呢檔野。係OPENRICE度見到有唔少人讚於是去試試。去到間野樓下可能會嚇一嚇，不過上到去服務員同食物都唔錯。特別D服務員都好NICE。我同女朋友叫左個2人餐。想講番一樣係 除左京蔥牛肉 同 上海粗炒麻麻之外，其他野食都會再食。 小籠包比起出面好多檔好食。即整既酒釀丸子亦有驚喜。唔錯唔錯

今日要同朋友們搵個地方食下野傾下計的地方,由於唔想去CAFÉ,所以就黎左依到幾好,因為唔駛等位,另外D職員都非常有禮貌,依到既環境都唔錯,地方幾大,最緊要就係坐得好舒服,價錢又合理,會再黎,皆因我是辣妹子🌶前菜方面酸甜蘿蔔,清脆酸甜,好開胃好好食滿滿的一大盆紅辣椒加辣椒油,內裏蓋著水煮牛肉,從辣椒下面撈出牛肉,牛肉味道香滑,非常鮮嫩,辣椒辣嘴不辣喉,以香辣為主蔥花手抓餅鹹度也剛好,用手撕開來有一絲絲嘅感覺,不過油份較多,食多左有濟胃感巴邑辣子雞味道很複雜,以調味來說加上大量的辣椒、花椒,非常香口好吃,炸香炸透又麻又辣,算是做的非常出色,不過雞肉真的切太大,雞肉不夠嫩滑,稍為失色

我可謂食極唔飽，喜歡搵好野食，今次找個朋友又來到元朗區的京滬村，可以一次過食盡京菜、中菜及上海菜，餐廳環境很大很舒適，裝潢佈置走時尚中國風，有不同設計的座位，適合一家大小或是朋友聚餐，可以分享美食，價錢更是大眾價十分吸引，整體食物質素都很不錯，值得再次光顧。京滬四小龍($58)每隻味道不一樣，首先一讚是皮薄包著熱燙燙的湯汁，好食度值得推薦👍🏻-南翔小龍包皮薄味道極為鮮美，質素不俗。-蟹粉小龍包鮮香四溢，蟹肉鮮甜多汁，鮮汁從湯包中爆溢而出，夠真材實料-蟲草花小龍包，香甜清新，口味層次比較豐富-黑松露小龍包，松露的味道獨特，整個味道濃郁水煮牛肉($98)驚喜❤️一翻這鍋火紅紅的水煮牛肉，發現牛肉份量相當多，再放入口，牛肉味道香濃肉質細嫩滑嫩，油花分佈均勻，厚薄適中入口無筋，牛肉鮮香可口，香味濃烈，麻辣味厚，水準超越價格，好食到停不下來，我一個KO石鍋鮮蟹粉炒飯($88)石鍋面上看到面料超多，熱騰騰的煙霧瀰漫，並且聞到陣陣香味，石鍋飯看似偏小，但原來面蟹粉很多，蟹粉鮮味十足完全融於米飯當中，食落很幼滑，飯粒粒粒分明，底部飯有飯焦味道更香囗

有時偶然都想食下上海菜，今次黎到呢間京滬村，係元朗都有聽過下佢既名，今次係特登黎拜會一下，順手解一解口癮上海菜必叫的小籠包，呢款係蟲草花小籠包，見到有條蟲尾係個小籠包頂頂出左黎，好搞笑。咬落去，皮唔厚，裡面湯汁與肉顯得有點肥美，而且足料，汁味濃而不膩，口感與味道都不錯呢！花菇燉花膠，又花菇又花膠，認真夠補，湯味清甜，裡面有少少豬肉，湯不似味精湯，而且花膠煮得剛剛好，超軟滑，花菇亦夠哂厚肉，啖啖菇味。酒香東坡肉，舊東坡肉超大舊啊，切開個時已經見到好滑，上面一層肥膏與肉融為一體，入口就溶，而且東坡肉超級入味，所以真係食極都唔厭五味滷鴨舌，份量好多呢，汁好濃味，所以成個鴨舌都非常之惹味石鍋鮮蟹粉蛋炒飯，一上已經聞到好香石鍋飯同蟹粉味，食落去更加冇得彈，蟹粉超濃郁味道加上濃熱辣脆的石鍋炒飯，食到停唔到口

同朋友三人行，專登訂位，山長水又遠咁去呢間京滬村到食，一開頭都好有期待既，因為好評都唔少，睇相都唔錯咁。去到坐個位，已經好差，要過一道門，成日想搵個侍應都搵唔到，下下要行出去叫人。個卡位仲要係道門後面，隔離有一台，要出入都要開個道係正隔離既門，坐都坐得唔舒服😞諗住算啦。前菜有細細碟酸葡萄，幾好味，叫佢加，點知話唔比加。野食到，叫左三樣。兩食片皮鴨。水煮牛。蟹粉小籠包。水煮牛好。一般⋯無咩特別。蟹粉小籠包。要$18蚊一隻，諗住如果好食既都可以接受，誰知算係我食過最唔好食既小籠包😩仲差過出面食普通既小籠包。好貴姐。主角。片皮鴨。包皮厚到好似二三塊疊埋左咁厚🌚咩事⋯ 鴨都係一般，好似普通酒樓咁既貨色。但有讚既係個柚子醬！可以食個柚子醬先，幾清新，但只可以掂一兩次，個人都係比較鍾意傳統個種。個廁所🤢好唔掂，又迫又髒。總括而言，無下次。。。

細個果陣我媽經常帶我食上海菜，覺得上海菜又幾好食，所以有時都會去食下。咁岩今次去元朗，就上openrice search到京滬村，食左4道菜（小籠包唔記得影😂😂）1. 花鵰醉雞個人覺得幾好味，花鵰酒既味幾濃，但又唔會蓋過雞既味道，雞肉都幾滑，值得一試👍2.手撕雞偎麵E個偎麵中規中矩3. 賽螃蟹蛋白炒得都ok，口感都算滑嫩，不錯不錯👍4. 小籠包小籠包肉汁豐富，但感覺上唔算好特別價錢唔算太貴，兩個人食都係300蚊有找，值得一試。☺️☺️

朋友去台灣旅行啱返到香港就話要帶我去元朗食片皮鴨😬去到間鋪坐低睇完Menu之後，發覺有好多仲意食的菜式，我哋決定改食其它😜2人晚餐，水煮牛肉，巴蜀辣子雞，石鍋鮮蟹粉蛋炒飯，京滬四小籠。最先上嚟係水煮牛肉，一睇份量，嚇到我同朋友都O哂嘴😱因為超大份，除牛肉之外仲有黃豆芽、雲耳，笋，粉皮嗨底，真係好足料。外面好多水煮菜式都係油淋淋，但呢度煮出嚟嘅牛肉好入味，唔油之余最主要係佢唔會太麻，太辣，啱哂我👍🏻試左四小籠之後，我最仲意都係食蟲草花。我最仲意都係石頭鍋飯，食到尾時，個底好似煲仔飯咁有飯焦，好香好好味。唯獨是辣子雞有少少失望，可能係腌的問題，又或者係因為大件，我同朋友都覺得唔夠入味，所以食剩左好多。只因太耐冇見，成餐飯可以講冇停過嘴，食同講🙊最後講下呢度嘅服務，D侍應都好有禮貌。開心的晚餐，下次要同多D朋友嚟一齊試下片皮鴨😋