亞萊泰 (T Town North)

營業中

休息中

九龍灣同黃大仙都有分店坐得好舒服，位置好寬闊餐廳好大，多人/少人去都得，有啲8人枱，周圍嘅2人枱都好大經過可以食餐飯食2人餐都只係$308（無加一）包晒小食、湯、主菜、蔬菜、甜品👍🏻冬陰公湯味道好啱我哋胃口泰式拼盤唔錯，上菜時食物溫度仲keep到，可能啱啱炸起？😍 食得出蝦係新鮮嘅菠蘿炒飯好足料馬拉盞通菜都入味雞嘅色水好靚，色香味俱全叫咗偏爽嘅亞麻籽甜品同4色糕點鍾意食creamy可以叫其他甜品

其實我都幾鍾意食泰國嘢，但通常都要出到好遠 唔太多機會食到，原來依家新界都有唔少泰國餐廳，今次發現呢間 款式都幾多選擇，每次食泰國嘢都好花多眼亂🙈樣樣嘢都覺得食泰國嘢一定要食咁😝 今次我哋得兩個人就叫咗泰式炒金邊粉同埋香芒蟹肉炒飯，兩樣嘢味道都做得好好，唯獨是有少少缺點係兩樣都炒得有少少乾身，不過味道係好好的！另外泰式小食拼盤可以選大份或者小分，我覺得對於兩個人食好方便，咩都想食又唔會怕食唔晒！飲品方面我哋兩個人都叫咗椰汁紅豆冰，紅豆又係有少少硬，但係整體好香椰汁味！成餐飯兩個人加埋都係食咗二百幾蚊，晚餐來講確係抵食！下次再嚟可以試埋其他嘢啦😋😋

泰國菜一向都係我的至愛，決定今晚再出動去T Town 亞萊泰座位很多，不用等太久，店員細心！菜式選擇很多，也有很多套餐👍👍👍先有泰式蝦片，加上泰啤、珍珠奶茶🥤正呀！🥰🥰椰青清甜，泰國🇹🇭feel 二人歺$308 超值，4人可 叫2人餐再加點其他菜😌湯是魚肚羹，有蟹肉的，稠稠的，冬天喝挺適合泰式小拼盤，蝦餅加了香草🌿香香的，春卷脆卜卜，加上泰式辣醬，開胃☺☺18吋軍艦咖喱海中寶，比手掌長，海鮮很多，咖哩適合香港人口味😝😝泰式原條脆香盲鰽配靑香芒沙律🥗惹味，香口，外皮脆口，魚肉保持鮮嫩，還有花生，超美味.必點項目😂😂😂各菜式都很有水準，而且價錢合理，真的不錯😋

夏天沒胃口要吃泰菜，冬天有胃口也要食泰菜😂😂😂同家人星期五晚relax 下，就在樓下 T town 亞萊泰晚餐🥣地方很大，而且裝修是新風格的泰菜館，座位很大，要多幾道菜也不會迫👍👍菜式份量很大，店員服務都好有心，價錢又街坊，晚餐首選😂😂選擇咗二人餐好抵食喎成日都食冬陰公，今次選了 香草蟹肉仿鮑魚魚肚羹，用火熱著，夠曬熱，有點像碗仔翅的口感😬花膠蟹肉海鮮粉絲鍋很多海鮮🦞有蝦、魷魚、魚肚等等👍👍材料豐富，很大鍋😝18吋軍艦咖喱海中寶足足18吋的長度，用上法包焗，外皮很香脆，配咖喱是絕配，不會辣，反而多一份香濃😍😍海鮮很多👍👍鹹肉炒通菜，青綠夠獲乞爽爽脆😁泰式海鮮菠蘿炒飯 跟餐加$50，原隻菠蘿腸上，賣相一流仲有甜品送添！🤗🤗4個人$700落樓，好味，要再嚟呀😝😝

環境別緻嘅泰國餐廳冇諗過起喺天水圍都有間環境咁闊落嘅泰國餐廳入到去 見到啲佈置都忍唔住望多幾眼望到餐牌 見到有個幾平嘅二人套餐一於試吓 首先第一樣包嘅嘢係 細嘅小食拼盤雖然講就話係細嘅 但春卷蝦餅樣樣齊蝦餅一啲都唔膠 外脆內軟同春卷一樣之後湯 就揀咗冬陰公湯呢個湯算偏辣帶點酸啱晒鍾意食辣嘅我哋蝦都有兩隻好足料㗎主菜就叫咗 18吋軍艦咖喱海中寶睇個名唔知佢係咩黎好奇心令我哋叫咗呢樣餸有幾意外地好食 長法包上面有咖喱同埋個款嘅海鮮 包括魷魚蟹柳等等兩個人都竟然食得晒18吋嘅長法包可想言之真係值得一試去到蔬菜嗰部份啦 泰國嘢都離唔開通菜見到呢一間除咗有 馬拉盞同埋蒜蓉味揀之外竟然仲有一款叫做鹹肉 原來係 通菜同埋啲瘦肉炒埋一碟又幾好味喎 仲要肉嘅份量都幾多已經開始好飽啦但我哋見 加$50可以多一個泰式金邊粉所以又忍唔住試吓 呢個金邊粉係炒嘅味道好香 同時炒得又唔乾雖然好好食 但呢個餐 絕對係好豐富其實唔額外加其他餸 已經好足夠最後甜品到啦有大菜糕 椰汁糕各兩件甜度適中 又有咬口 就算飽都食哂佢嘢飲方面嗌咗個椰汁冰 同杞子紅棗茶仲有好多特色嘅飲品 好吸引呢次用餐都算係一個好愉快嘅經驗下次再嚟啦

天氣凍凍地最好食D辣辣地既菜式，今日同朋友黎地呢間試下，星期一至五冇咁多人，地方寬落，座位之間又冇壓迫感，叫左個二人套餐。先上既系泰式辣膏炒蜆，啲蜆肉好大隻，炒到蜆肉同殼分開，唔同平時食開果D咁細隻， 亦食唔到有沙， 泰式辣膏啲汁微辣帶甜。跟住系泰人大頭蝦冬蔭湯， 一隻大蝦一開二，幾大舊蝦膏， 加上酸辣適中湯微帶椰油，而磨茹 都唔少。馬拉盞， 有鹹肉、蒜蓉口味，少辣鹹香，價錢實惠，坐得又舒服。

我同朋友仔兩個無食下午茶，加上天氣太凍，真係好餓，見到呢間泰國野好似幾多野食甘喎！好，坐低睇吓有咩好食先。椰香青咖喱，好多牛腩，青咖喱辣辣地，仲要有個鍋熱住，配埋呢個印式薄餅，正！香芒蟹肉炒飯，飯炒得粒粒乾身，夠香夠味，加埋粒粒芒果，酸酸甜甜，唔錯。泰式海南雞，食落啖啖肉，冇骨又好滑，我最鍾意中間個醬汁，有啲似泰式鳳爪個汁，少少酸辣。芒果白糯米飯，糯米飯煙煙韌韌，仲配有一大匙羹椰汁，好甜好好味！椰汁雪燕窩，食泰國嘢竟然有雪燕食，椰汁味香濃，呢個係凍食嘅。飲品有買一送一，好抵呀！

天寒地凍，但又想食泰菜咁點算，去頌富呢間亞萊泰真係最好不過，一次過滿足哂我食泰菜同打邊爐既願望，餐廳既火鍋湯底都充滿泰國feel，有椰汁雞湯、青檸酸辣湯、冬陰湯仲附送埋泰式醬料添火鍋配料係以九宮格形式盛載，有生蝦、金菇菜、冬菇、鮮魚片、唐生菜、牛肩胛、花膠、玉子豆腐、豬肉丸、泰國粉絲，唔夠喉既話，大家仲可以追加各樣既火鍋料架湯底我就揀左奶白色既椰汁雞湯底，打完邊爐成個人暖笠笠黎到泰國餐館，跟係要食埋正宗既泰菜啦，我地仲叫多個$308二人餐泰色拼盤有蝦餅、魚餅、雞肉丸、素春卷餐湯就揀左冬陰公，入面有隻大蝦、蘑菇等等，味道充唔會太辣，冇點酸味，都幾暖胃兩杯特飲奇亞籽涼粉冰同椰汁珍多冰都只係需要跟餐加$10咋仲有甜品送添

同好多人一樣，我都幾鐘意食泰國野，喺香港食到嘅泰國野，其實味道普遍都唔錯，呢間亞萊泰我覺得幾好食。佢地好多食材都係泰國直送，又有泰藉廚師。餐廳位於t town，買完野我地就過來食飯，呢度都幾大，我地被安排到卡位，非常闊落。menu都好多選擇，沙律/小食/炸物/湯/海鮮/咖喱/飯麵都有，價錢算幾相宜。冬日火鍋menu特價菜式，明爐魚又幾抵食。最多人點就係二人餐，308蚊包左小食拼盤、湯二選一、主食五選一、炒菜、甜品，性價比高。仲可以以優惠價升級餐點同飲品。仲有四人餐。泰式小食拼盤有蝦餅、魚餅、鳳凰丸同泰式春卷，都係炸物，即製熱辣蝦餅、魚餅同炸丸都好彈牙，春卷不過不失。大頭蝦冬蔭湯有驚喜，呢度做得偏辣，唔會好重椰味，我自己就好鐘意。裡頭都好足料，除左爽鮮大蝦，仲有大菇同大量香茅、香料、辣椒主菜可以揀海南雞/鐵板豬手/咖喱海中寶/炒蜆或者生菜包，我地揀左鐵板豬手，好惹味，鐵板上，熱辣辣，豬手好腍好腍，又唔會太肥膩鹹魚炒通菜好大碟，呢個餐認真幾抵食。我地仲追加左雞/豬串燒各2，好惹味呢。甜品係泰式糕點，質地偏硬左少少。泰式飲品都係10蚊兩杯，勁抵！

又落T town覓食，呢間泰國嘢又係我飯堂之一，之前食過一兩次下午茶，覺得佢啲咖喱幾好食，下午茶40蚊就落到樓，仲唔洗加一，成日都俾卡位我坐，試過就返尋味。今日唔食咖哩，試吓我好鍾意既菜式-喇沙，今日呢碗喇沙盛惠$44，包熱飲一杯。不過呢碗喇沙河味道一般般，冇咩椰奶味，令到個湯底濃得黎唔夠滑，而且配料又冇咩，魚片芽菜咩都冇，就係得幾件雞件，而啲雞又好老，鞋颯颯，好可惜。唯一可讚係河粉，滑不溜口，掛湯唔錯。之後呢碟海南雞豬手黃薑飯，係全日供應，並非下午菜，$62（周末+$3，即係$65）。雞同豬手份量唔係好多，不過有埋湯俾你，叫做一個套餐咁！ 雞係去骨滑雞，都有啲雞味，豬手男友話好食，調味好，係豬皮多左啲～

📍亞萊泰 (天水圍)天水圍少有泰國菜食，難得Ttown 裝修完開左間緊係要去試下！入面裝修都幾泰式，設有好多卡位仲有包房，岩曬靜靜地聚會👍🏻 .✅芒果椰子特飲 $36芒果控必試！成杯都係芒果蓉，少少甜，正啊😍 .✅泰式鮮蝦金邊粉 $85個份量真係出邊嘅double, 抵食推介，如果再多幾粒鮮蝦就更有口感 .✅泰式椰汁雞湯（細）$78香料同冬陰功差不多，岩曬怕辣嘅朋友，而雞肉又多又嫩滑，冬天食泰菜都可以補補身👍🏻 食物質素黎講，呢間連鎖餐廳都算不過不失～好食指數：🥇🥇🥇🥇🥇🥇🥇7.3/10分環境指數：💡💡💡💡💡💡💡💡8/10分地址：天水圍天華路33號T Town北翼N211號舖Tel: 31840280人均消費：$150

今日下晝2:00嚟到就已經開始下午茶啦！呢間泰國野成日人山人海。今次叫左喇沙海南雞湯河（$44），喇沙味超級重，但椰汁欠奉，雞件也略嫌老，不推介。同埋海南雞豬手飯（$65），好明顯呢隻海南雞好味過上面湯河的海南雞好多，又滑又嫩；豬手就比較硬身，但都好食呢間野聽人講好好食，但如果夜晚嚟食真係有啲貴，所以如果冇錢但捱到餓的朋友，可以好似我咁，等2點就即刻來食下午茶，就可以用一個較相宜嘅價錢食到高質素嘅食物la~(星期六都有架）

話說呢間餐廳我阿姨超鐘意黎食，貪佢夠平靚正又冇加一🤭 呢排佢仲慶祝緊兩週年，星期一至五晚市時段全單八折呀🤩 咁抵緊係要約埋朋友一齊黎🥳(以下所有價格為未八折既價錢，八折完之後係成張單減咗一百蚊多啲🤣) .1️⃣泰式小食拼盤 （小）（$78）次次食泰國野都鐘意叫小食拼盤，貪佢一次過就可以試哂幾款野食🤣呢個小食拼盤有齊泰式春卷、蝦餅、魚餅同鳳凰丸（啫係雞肉丸），但一百蚊都唔洗，兩個人食啱啱好😚2️⃣脆香軟殼蟹伴泰式蛋咖喱🦀（$118）軟殼蟹比想像中多，最少都有3隻，已經每隻切開咗一半，都幾方便食，食落脆脆地，唔錯🙈3️⃣泰式椰汁雞湯🐥（細）（$78）雖然係椰汁雞湯，但除咗椰汁味外，都有落到羅勒味，所以都好有冬陰公嗰隻風味😋，而且入面仲有好多秀珍菇同雞肉，對兩個人黎講都幾大碗🤭4️⃣香葉咖喱海中寶（$118）呢個菜可以用兩個字黎形容，「霸氣」🤣！成條18寸長法包上面佈滿咗多到滿瀉既咖喱汁，咖喱汁超濃，仲要差唔多每食一塊，都有唔同既海鮮係上面，例如蝦🦐、魚🐠，不過因為好多咖喱汁遮住既關係，要真係食落去先知係咩海鮮，好似尋寶咁，襯返海中寶個名🤣5️⃣軟殼蟹牛油果凍卷🥑（$88）好鐘意呢個紙米卷，整得大大舊又夠紮實唔

—直接揀套餐 貪佢咩款式都有d 2人套餐($308)小食拼盤(細)春卷/蝦餅/魚餅/鳳凰丸啱啱炸起 唔會差得去邊冬蔭功蝦湯都夠辣 開邊蝦易嗦湯汁仲有好多秀珍菇海南雞(半隻)唔太肥頗腍 去晒骨啖啖肉蒜茸炒通菜調味適中 唔會話好鹹亞麻籽椰青糕/千層糕/大菜糕見我哋差唔多食晒 就上埋甜品+$50菠蘿海鮮炒飯凍嘅天氣要食多d澱粉質😂今日趕時間 下次可以試下冬蔭功湯底打邊爐——————————————亞萊泰天水圍天華路33號T Town北翼N211號舖

早餐是最多人光顧的時段在這裏吃早餐吃過很多次由當初才$20幾到現在$32勝在食得很飽，座位又舒服.不過今日坐卡位，同另一批客人一人一邊感覺上有點尷尬飲品想得很慢，食完整個餐才上.不過早餐時段去到11:30才結束別無他選了