亞玉豆腐花

營業中

休息中

前日(20-9-2020 Sun)晏晝,同老公食完車仔麵後,過嚟沞公訂月餅,然後要行吓幫助消化,行行吓行到嚟,諗起食豆腐花清熱氣,於是排隊買,由於上次喺8月22日食過佢嘅綠豆沙唔多掂(嗰個食評: https://www.openrice.com/zh/hongkong/review/%E5%A7%8B%E7%B5%82%E9%83%BD%E4%BF%82%E8%B1%86%E8%85%90%E8%8A%B1-e3796974),於是我勸退老公唔好食綠豆沙.咁佢就揀$12.00嘅涼粉.我要$3.00嘅凍豆腐花.排到去俾錢,亞姐話欠$2.00,原因係疫情,改用膠碗,點解佢哋唔寫張紙?凍豆腐花唔凍,冇乜味,一般.老公嘅涼粉加花奶,涼粉全部切成約2立方厘米大小,味道偏甘,亦都係一般.味道係2.5分

今日行過路德圍看見只有一條「豆腐花」隊伍，好奇怪平日兩條豆腐花隊是不分高下，呢排你的，安排我的。今日阿玉豆腐花竟然冇人排隊，走去看過究竟，原來兩間的豆腐花基本都係$3，但因為抗疫期間阿玉豆腐花用一次性的外賣月塑膠碗，所以外賣堂食一律加收一蚊，而隔離的豆腐店都係用平日的食器，所以維持$3。其實兩間豆腐店的質素都是OK的，但我今日選擇了不用排隊的那一間。炎炎夏日叫了一碗豆腐花加咋喳，豆腐花香滑，咋喳夠稔身，好味，透心涼，$4 一個甜品很不錯呢。

大前日(22-8-2020 Sat)天氣好熱,同老公返到荃灣,就喺呢喥買豆腐花返屋企,自製雪糕西瓜豆腐花食,嚟到時有短人龍,老公突然想要涼粉,但最後都係揀綠豆沙,咁我最後都係買咗兩碗$3.00嘅凍豆腐花同$17.00嘅綠豆沙,收$26.00,因拎走要加$1.00一個膠碗.亞姐會問要唔要糖水同蔗糖?我答要,佢就落好多.返到屋企,我老公就急不及待要食綠豆沙,我打開睇,佢係裝到滿瀉,食落,味道唔甜, 綠豆係腍晒但冇起沙,質地亦稀,幾失望.味道:1分翌日晏晝,喺屋企做咗一輪嘢,就拎豆腐花出嚟,加埋西瓜做成冰凍西瓜豆腐花,未加西瓜前食啲先,口感滑,唔太甜,依然啱味.味道: 4分抵食係3.25分上次食評係喺2017年10月26日刊登嘅呢篇: https://www.openrice.com/zh/hongkong/review/%E9%AB%98%E4%B8%8B%E7%AB%8B%E8%A6%8B-e2899011

路德圍兩間豆腐花鬥倒你死我活，已經持續左好長一段時間。我就比較鍾意食呢一間，豆腐花又香又甜又滑！仲要平到爆$3！除咗糖水或者黃糖，仲可以選擇溝紅豆、綠豆、花奶、咋喳、芝麻糊或涼粉。佢個豆漿有少甜，唔會好似出面啲豆漿咁死甜，買返屋企做早餐一流。雖然好多人買其實都唔知有冇利潤嘅，希望佢繼續做得住！

·$3嘅豆腐花到底去邊度搵...💛除咗原味之外，仲可以配咋喳、綠豆、紅豆、花奶、芝麻糊同涼粉🤩唯一嘅缺點就係要企係街邊食🥺·芝麻糊豆腐花 $3———不專業評分💯食物指數🍴: 💛💛💛💛🤍環境指數⛱: 💛💛💛🤍🤍抵食指數🤑: 💛💛💛💛💛推薦指數👾: 💛💛💛💛💛———📍亞玉豆腐花 (荃灣)荃灣荃興徑6號昌泰大廈地下5B舖———

全港最平豆腐花非你莫屬，只需要3蚊就可以食到。只不過，你要有心理準備，一定好多人排緊，至少要花15分鐘排隊，先會買到😝買完之後，佢會比個載住豆腐花的碗你，食完自己放係鋪頭前的碗堆性價比😎😎

喺荃灣的豆腐花戰裡面，公平啲間鋪頭一次，今次食阿玉。同樣係3蚊一碗豆腐花，今次點左熱的薏仁白果白果豆腐花，繼續係用3蚊食得下已經好開心的心態。店員熟手將筒的熱豆花潷入碗，再加一勺薏仁白果喺面。 好，唔另加糖先食一口。下!? 咁樣都只係3蚊?? 食落豆腐花的軟滑度，豆香度真係完勝隔離喎，而且薏仁同白果都好香軟，用薏仁白果的糊的甜味，令本身無糖的豆腐花已經夠甜。呢碗豆腐花十分有驚喜。下次都唔駛諗，兩間揀邊間喇。

去到路德圍，總會見到有兩條好長嘅人龍，去慣嘅人都知係排豆腐花，但係邊間抵食得黎又好味啲呢？亞玉同隔離另一間都係賣豆腐花同埋糖水，$3一碗真係超級抵！即使長期都排長龍（其實唔洗等好耐），每次經過都忍唔住要買返碗黎食過下口癮😂呢間嘅豆腐花，師傅潷得薄啲，質感比較軟滑，豆味亦都比較濃！冰糖同黃糖都係隨個人喜好自己加，如果豆腐花配芝麻糊/綠豆/紅豆/涼粉/花奶/喳咋都係$3，超級抵食架！我去買個陣，凍豆腐花賣得太快，所以呢碗唔係雪左好耐，得少少凍，但都好正！

荃灣好多好嘢食就係人都知，所以星期六日成日都會特登過去荃灣搵食。不過無論食啲咩都好，臨返屋企之前一定會嚟到路德圍嘅亞玉豆腐花，買一碗嚟完美嘅一日畫上句號。咁大碗足料豆腐花，都只不過係$3 ，呢個價錢真係邊度可以搵到。平唔代表冇質素，豆腐花非常之滑，白果同薏仁甜到剛剛好，撈埋豆腐花食，簡直就係一流。因為天氣太熱，所以特登叫咗個凍嘅豆花，食落去簡直就係透心涼。最重要嘅係，白果同薏仁，對女性身體非常之好。各位絲打有機會去荃灣嘅話，記住去亞玉豆腐花，買返一碗嚟食呀！

This place is such an excellent and well worth store for Tofu pudding! For a shocking $3, there's no way you can beat the quality and variety this store serves. Ofcourse, the tofu is not the best that you will have, but for $3, it was much better than other stores I have tried before at a much higher price. The tofu texture was not silky though also not rough and dry. If you ordered a flavour that had another source of liquid, e.g. black sesame paste, then the sweetness and liquidity of the past

After eating cart noodle, I decided to take some desserts. Noting that there was a long queue outside this dessert shop, I decided to see whether there was any good choice. To my pleasant surprise, bean curd of various types only cost $3 a bowl. I took one bowl of bean curd with green bean paste and another bowl with red bean paste. Despite the low price, the bean curd was smooth and rich in flavour. The bean paste topping was generous, and it enriched the taste of the bean curd. I joked

叫左薏米同紅豆豆腐花2碗，一碗只需3蚊，平到咁去邊到搵？講真，哩個價錢，我真係唔要要求太高，本身預正常水平。但紅豆同豆腐花異常地夾，唔洗落糖已經好好味個豆腐花好滑三蚊渣！如果我屋企樓下有，我一定日日食，真係好抵，cp值爆燈 之前係東張西望個到已經知亞玉豆腐花同隔離店鬥平賣豆腐花。3蚊一碗真係唔知有無賺，見到隔離豆腐花好多人買。但各位手足請留意，此為良心香港人店，雖然年輕一輩未必成日食豆腐花，但都希望可以幫襯下請多多支持良心小店！

五一黃金周，撐黃店出名黃店「亞玉豆腐花」食豆腐花！豆腐花一碗，只賣$3，真係平到震！天氣好熱，叫咗碗凍嘅豆腐花嚟，企街立食，碗仔細細，但係豆腐花滿滿，豆腐滑滑捋捋，好似絲綢、絹咁滑，食到係好天然嘅味道，而且豆味好重，真真正正係又香又滑，完全係港產豆腐嘅最高level。黃糖、薑汁或者係糖水，任君選擇，隨你加，我個人好怕甜，只係略略地加少少黃糖就可以啦。我自己賺嘅錢，點樣洗都得，鍾意比錢黃店都係我嘅選擇，又奈我乜嘢何！又吹得我脹咩！？

兩間豆腐花鬥到你死我活，不過真係未有立場時都唔會食隔離嗰間🤨 亞玉有豆味好多😌 🍨 紅豆沙豆腐花 $3當你以為$3佢就會賣d渣嘢畀你咁你就錯了😗 紅豆沙煲到起晒沙，唔會太甜，撈埋好有豆味嘅豆腐花，我每次都點呢個😌🍧 芝麻糊豆腐花 $3芝麻糊真材實料，稠稠哋唔係溝水開稀嘅😗 呢款豆腐花唔甜的，啱晒不好甜的人😎🍡 客家糍粑 $18/3pc呢個好食😙 切開睇到佢皮勁薄～ 入面嘅餡有芝麻花生，全部都勁香～ 名副其實皮薄餡靚😎題外話：早兩日見到隔離間嘢排長龍🤡，我百思不得其解，諗諗吓唔通因為疫情影響亞玉轉用外賣兜，要加多$1？🤨

$3蚊一碗豆腐花，真係好平好平好平，其他地方食都要$10 蚊以上🙈，所以$3蚊真係好吸引。咁平當然吸引唔少人去食，所以一定有長長人龍，想食自然乖乖地俾D 時間去排隊啦！雖然好長，但排隊輪候時間唔洗好耐。終於排到我，叫左一碗蕙米白果豆腐花，有料既都$3蚊😭😭，豆腐花好滑，直頭可以滑入喉嚨，有黃豆味。蕙米白果呢D 餡料都唔少，配搭豆腐花食，香香甜甜滑溜。令人想再食多一碗。雖然長長人龍，花少少時間排隊，但食到又平又靚既豆腐花，真係咩都抵。