亞玉豆腐花

營業中

休息中

呢間豆腐花店經常見到大排長龍，特別係假期日子仲聽過有人特登過黎試。以前食過豆腐花，有豆香而且又滑，值得一試👍🏻豆腐花試過，今次見到佢新出椰汁西米紅豆冰，就試一試佢。點知椰汁。超。甜。加埋紅豆本身都已經好甜，所以成杯野飲得一個字，甜。完全飲品到唔到椰汁香，中伏！

天氣酷热☀️，叫一碗凍冰冰嘅黃豆豆腐花，加落黃糖，糖水同埋薑汁。企埋一邊慢慢品嚐。黃豆香味濃郁，豆腐花口感嫩滑，入口即化🤤食完成個人清涼曬🍃下次要去試埋糍粑同埋砵仔糕😋

作為一個元朗人 點可以唔去又新街覓食呢呢間亞玉豆腐花長期排隊 今日就終於可以一試啦整間店鋪並無坐位 好多人都會選擇買完企係一邊食陪豆腐花既黃糖係旁邊放左係枱可以俾食客自己去落 食完就可以放碗係另一邊既地下有桶擺 雖然企住食 但都唔會太唔舒服.成間店賣既食物唔多 除左黃豆豆腐花之外豆腐花仲可以陪紅豆等既其他野另外就仲有糍粑 缽仔糕等售賣.而講番豆腐花店既主角豆腐花呢本人鐘意落海量黃糖 即使係咁豆腐花既黃豆味依然無被蓋過9蚊一碗其實都性價比幾高👍🏻

元朗又新街係食街好多小食檔Bi 今次試嘅係亞玉豆腐花。一開始梗係要試黑豆豆花先豆味幾濃夠滑然後就試黑芝麻糊夠香夠濃抵食兩溝試唒兩種然後試下白果薏米豆花呢個好杰，偏甜。另外，佢地個糍粑做得好岀色呀姐即包個皮好薄BI平時唔太食花生糯米滋都覺得呢個好仲有砵仔糕有豆無豆 任你選擇最後，要一讚呀姐好有心機杯涼粉冰， $15 大大杯，切到啲涼粉好細粒，呢啲真係心機時間黎。又有椰汁，又有紅豆。大熱天時，真係抵過買杯珍奶！黑豆漿都有豆味

小弟今次去到元朗阜財街，雖然整條街4間台式飲品，但我都冇幫襯，揀左尼間排長龍既亞玉豆腐花。人雖然多但多很快，排左大概6分鐘，豆腐花已到手，自己加黃糖落糖水，豆腐花口感和味道其實只是很一般，價錢$9來說，就真係只值$9

亞玉豆腐花大家都知係自家品牌，每日都新鮮自己磨整豆腐花，然後運送到各門市岀售。夏天經過，食碗豆腐花，順便清清熱。⚫️黑豆腐花 - $10第一次試，比起普通既豆腐花，豆味更濃，而且黑豆更有益。🥣芝麻糊 - $16依到既芝麻糊係小編食過甘多間糖水舖，最抵食又最好味既。小編最中意食杰撻撻既芝麻糊，芝麻味又濃又重，食到成咀黑蚊蚊。🖤糍粑 - $6 / 1粒小編係芝麻既愛好者，又係煙韌控。依到既糍粑又係又平又好食。🔴砵仔糕 - $3新鮮岩岩岀爐，又多豆，即刻忍吾住買左件。

難得入到元朗，即問朋友邊間必食小店或餐廳，朋友就介紹一定要去「亞玉豆腐花」。果然亞玉豆腐花每個時段都有人龍，幸好職員手腳快，排隊時間不用5分鐘就可買到，而且仲好新鮮時時刻刻都有製成品出爐，非常厲害。必吃首選「豆腐花」原味加上薑汁糖水及黃糖，漿汁自由任加，十分貼心。我就比較喜歡在豆腐花上加芝麻糊，芝麻糊香而不甜，而且豆腐花很滑，呢個配搭很不錯。砵仔糕都是每天即製，可買有豆或冇豆的黃糖口味，口感Q彈，價錢不算貴，值得一試。另外15蚊有三粒嘅客家糍粑，外包薄很煙韌，餡料有芝麻同花生，很香口惹味。

成日經過阿玉都排哂長龍，好想食！但真係唔想排～！所以次次望下都放棄。今日同男朋友踩完單車去又新街行下，竟然 無 人 排 隊仲唔即刻走去買！！我地買左薑汁豆腐花同埋白果薏米豆腐花白果薏米豆腐花～(凍)一打開已經好香薏米味豆腐花質地好滑，真係滑到要大叫果隻！薏米好足料，煲得岩岩好，有咬口又彈牙，而且甜味適中薑汁豆腐花～ (凍)好香既薑汁，只係加左一匙黃糖就已經好好味。唔喜歡甜既朋友，咩都唔落，原味薑汁其實已經好夠味怪不得日日夜夜都咁多人排隊，係實至名歸既～我諗下次我都會排埋一份嘞

亞玉好嘢！每次黎都有街坊排隊，快靚平當之無愧呀！！.亞玉豆腐花是賣傳統中式甜品的，無座位，所以要「立食」或打包走。好多街坊經過都食碗豆腐花先走。.豆腐花都有好多種口味。⭐️黃豆豆腐花（$9）最classic 呢個，有冷熱選擇。黃糖糖水自己加。如要外賣，+$1，感覺上外賣份量較多。.⭐️黑豆豆腐花（$10）質感無黃豆豆腐花咁滑，但個人覺得口感特別，值得一試。.另外，可以加$3加紅豆或芝麻糊。值得加的，因為份量不少，特別是芝麻糊，好香黑芝麻味。..⭐️咋喳（$10）$10一碗十份足料，有西米露、紅豆、綠豆等，而且有陣陣椰奶香味，超值食！.香滑砵仔糕$3一個，$12五個。呢個年代竟然$3食到飽肚嘅小食，不得了！砵仔糕有分原味及紅豆，價錢一樣。.⭐️客家糍粑$6有一粒$15有三粒。皮很薄而且餡料十分之多，咬一口，嘩啲餡多到漏出來。.黃豆豆漿$10枝，黑豆豆漿$15枝都是超級大枝的。黑豆豆漿還可以選擇無糖，健康之選。.總括而言，快靚正，亞玉好嘢！

今次難得去到元朗 食完飯心思思想去總店既亞玉豆腐花食番碗飯後甜品👅 亞玉豆腐花有4間分店 最為人所知當然係荃灣啦 而元朗 屯門 紅磡都有得食架😆我哋就叫左2碗豆腐花泥食 分別係1碗冰凍既豆腐花併紅豆 1碗係熱辣辣既豆腐花併芝麻糊🤤 明知道熱既豆腐花比較滑 不過呢個天氣實在係無辦法食到兩碗熱嘅豆腐花 所以一碗凍一碗熱就岩哂啦😋 豆腐花加左紅豆夠哂甜 紅豆勁多又腍👍🏻 芝麻糊同豆腐花都好夾 芝麻味好香👅由於幫襯只要加$2就有個砵仔糕 所以我地唔小心又食多左1個砵仔糕同3粒糍粑😂 砵仔糕細細隻但係有好多紅豆 唔會太甜👍🏻 糍粑皮薄而煙韌 入面要用爆饀泥形容😱 超飽滿既芝麻花生饀丫 抵食🌟

每次星期六日經過亞玉都好多人，條龍打橫排左成條街，熱辣辣更加唔想排隊>< 但係今日食完晚飯經過都唔算太多人，所以就決定排隊一試先😋以為亞玉豆腐花真係淨係有得食豆腐花，點知原來仲有好多花款！最映入眼簾既係客家糍粑😋😋一盒有三個，唔算好大個，老闆娘叮囑我唔好壓到個糍粑，如果唔係會壓扁，拎到返屋企食，嘩😍😍😍 個皮好薄好煙un，好多餡！！😋😋其他兩個放入雪櫃放過夜第二朝仍然好煙un，糍粑皮無變硬！！估唔到專買豆腐花鋪頭既糍粑都咁高質素😋

唔知大家仲記唔記得豆腐花爭霸戰🤣雖然元朗嗰間無3蚊雞益街坊，但熱死辣辣經過，即時買返碗凍豆花消消暑♨️♨️-☆ 凍黄豆豆腐花 HKD$9▪大大碗潷到爆滿🤭▪豆腐花幼滑 好香黄豆味▪黄糖同糖水任落 較到幾甜都得😄▪企喺條街度食夠哂風味-☆ 芝麻糊豆腐花 HKD$12▪啱哂貪心既我 一次過食到兩種口味🤤▪芝麻糊香濃細滑 食得出芝麻有炒過👍-另外亦食左砵仔糕，細細粒但超多豆🤩，口感煙煙韌韌，一啖食一個啱啱好！

經常都光顧屯門的亞玉豆腐花，一直都念念不忘豆花的美味，這次難得路過元朗，決定去元朗的亞玉豆腐花試一試。芝麻糊甜度適中，入口帶出濃濃的芝麻香。客家糍巴口感煙韌，內裡有花生及芝麻餡料，口感豐富。黃豆豆漿豆漿微甜，香滑有豆香，而且大大枝，分量足，非常超值。黑豆豆漿相比黃豆豆漿，黑豆豆漿的黑豆味更濃，不算太甜，是我嘉喜愛的味道。砵仔糕紅豆味很突出，口感軟棉棉，囝囝也吃得津津有味。黃豆豆腐花豆腐花很滑口，豆香味濃。

呢幾日天氣真係好熱喺元朗行街見到好多人排隊買豆腐花於是我哋都買咗碗豆腐花同埋其他嘢食嚟消下暑凍黃豆豆腐花 $9/碗豆腐花可以堂食亦都可以外賣食落豆腐花豆味重 好嫩滑 呢度嘅黃糖可以任你落 可以自行調教甜度如果鍾意兩溝嘅你 亦都可以選擇併芝麻糊或者可以併白果薏米豆花黃豆豆漿（$10）+ 黑豆豆漿（$12）另外我哋買咗兩支豆漿嚟飲黃豆豆漿冇分甜度甜到啱啱好豆味好出 不過我更加鍾意飲黑豆豆漿 黑豆嘅豆味更加突出 質感幼滑 另外我哋見好多人買砵仔糕（$3@） 於是又買多兩個砵仔糕試下 分別係有豆同冇豆食落非常煙韌 帶點黃糖嘅味道 紅豆亦都好多客家糍粑$15/3粒食落煙韌皮薄 入面有好多花生餡同埋黑芝麻 再加埋糖 食落甜絲絲 正呀

嚟到元朗，就會諗到「亞玉豆腐花」。每次都一定見到有唔少人o係店外企o係度食緊嘢。今日啱啱落完大雨，雨毛毛地下濕濕的，都冇減我興致，仲比平時買多d, 帶走俾屋企人食！我估豆腐花銷量應該係最Top吧！如果即場食就自己落糖水或黃糖。外賣就黃糖另上。豆腐花滑到呢。。。我真係好鐘意食豆腐花，除咗口感好，豆味又濃，仲要係健康食品，對皮膚好呢！豆漿又係必飲的！砵仔糕是另一恩物，好有懷舊feel, 黃糖砵仔糕唔會好甜，煙煙韌韌，小朋友都鍾意食！第一次食客家糍粑，仲以為係糯米糍，皮薄餡多，好有o趙口，要分幾啖食！其實仲有好多款糖水，不過每次都掛住食豆腐花，下次要試吓！