亞玉豆腐花

營業中

休息中

第一次嚟試叫左兩碗凍豆花($6/碗)，一盒客家糍粑($10/3粒). 豆腐花夠豆香，但係論滑，始終唔夠舊式豆品店。本來只值合格，但係佢地令我改變主意嘅係成瓶薑汁任落，好鍾意薑又唔怕燥嘅我落左勁多! 另外黃糖夠脆口，無加砂糖，抵讚. 客家糍粑基本上就係糯米糍，佢地只係得花生加芝麻一種餡，皮薄，料算豐富，我以深水埗生隆嘅花生糯米糍為滿分，呢個值7分.

豆腐花香滑可口、溫度剛好、份量亦足，豆味濃度適中，為本人每次路經必買之飯後甜品。可選加糖水或黃糖，黃糖另有獨立包裝，多少份量隨個人喜好。另砵仔糕屬迷你型，三兩口就吃完一個。砵仔糕雖入口煙韌，惜味道較淡，沒一般傳統砵仔糕的那份味道。

到期一會呢間排晒隊嘅豆腐花除左豆類製品, 其實佢仲有砵仔糕同茶果, 但太晏去通常呢2樣野都會賣晒~!! 呢啲係凍嘅.... 不論外賣定堂食都存定貨 凍熱各要左1碗 凍豆花 - 太實, 唔滑, 唔知雪得耐定係點, 不值一提...熱豆花 - 滑不留口, 即叫即"筆", 唔會"筆"定一碗碗... 熱度剛好!! 唔加糖水, 就咁加黃糖更好食... 甜度自家控制... 非常好!!!比起小時候食開某間九龍城豆腐花老店...亞玉更出色!!

呢日下雨天, 晏晝5點幾去到食野係門口企左一陣就有位第一次黎, 未食過黑豆豆花 ($8), 就試下一碗熱既試左一啖咩都冇加既, 冇豆味... 唯有加黃糖 佢D黃糖大大粒, 幾有咬口臨走前叫多個糍粑 ($4 一個, $10三個), 即係糯米糍, 呢個先好味個皮好軟, 好多餡 仲有D阿姐都好好人

大家都排隊落ORDER+比錢,之後拎到豆花後就自己落糖水、薑汁或黃糖~如果店內有位就可以入去食…冇位就會企門口拎住個碗食~好多人拎住個碗企喺到食豆花, 好滋味~!!!豆花: 口感好滑, $6/碗就唔算平, 但冇乜豆味糯米滋: $10/3粒, 粉團好滑, 而且唔算太甜, 易入口, 入面有足料~主要係花生, 但都食到芝麻香~!!個人覺得糯米滋比豆花更吸引不過糯米滋唔係成日有, 一出爐好快就俾人清曬~我見D人一打打咁賣走的~!!

總是見到好多人排隊, 我也忍不住來一碗, 因為堂吃只有好少位置, 家又在附近, 所以外賣回家慢慢嘆豆腐花有黃豆, 黑豆兩種, 我還是先試大眾化的黃豆。由於是熱吃, 回到家裡面的糖已經完全融化,豆腐花好滑好滑, 而且甜味剛剛好, 不過....完全沒有豆香, 之所以熱吃就是因為熱吃才有豆香嘛 嗯. 有點失望。

是日由天水圍踏單車到元朗南生圍，途經一間小店話 '馳名豆腐花'，我同友人都沒有聽過店名啊，但一場來到便打算試試，誰知人真的太多(因為方圓50km都不見其他店舖)，因此友人便說：食豆花梗係要去亞玉。心想亞玉好歹電視都有介紹過，便特地踏單車到元朗市中心的亞玉。沒有任何座位，可以買完企住食，或外賣取走。我們當然外賣取走到公園優哉悠哉地吃吧。豆花非常滑，有薑汁有黃糖，很搭配啊~~~不過其容量較少，在元朗以$7一個豆花，算是貴呢。好在它的確有實力，下次經過可以再食~~~原本想食客家糍粑，可惜一早已賣清光，下回請早呀~~~

晚上8:15左右, 好多人在舖內和舖外. 看見入面有位, 即刻走入去坐.想吃黑豆豆腐花, 賣光. 黑豆豆漿, 賣光. 黑豆系列都無哂啦! 最後, 叫了豆腐花. 夠香, 夠滑. 不夠熱. 糖水, 紅糖任君調配. 加幾多都得. 賣$6碗, 抵食.吃杯熱豆漿, 又無. 只得凍. 賣$7一支. 抵飲. 好味.如果想食黑豆系列, 請不要天黑先去到.服務態度不錯.

琴日去食之前已經好飽了.但太好食了.不禁叫了2碗食.豆腐夠滑又好好食.!過兩日出元朗個時.我一定會再去個度食番幾碗.更會介紹朋友去個度食..d豆腐花又平又令人可以有種食完仲想番黎再食ga感覺.大讚;!

見到成日都好多人,就心思思去試下啦~食左豆腐花,好滑!!但無乜豆味,佢有埋ginger汁俾我..正rice pudding,好多料,好香口x仔糕..都幾滑下..同平時食戈d唔同,佢應該放左"囉"米粉~

食完飯仔, 行左一個圈同朋友仔去左食豆腐花店舖入面既位唔多好多人都唔介意企晒係門口食但我地就等左一陣咁岩有人係店舖入面食完走, 梗係鑽入去啦~豆腐花從未試過如此的滑溜溜仲要入口即融落埋自家製既薑汁, 超香且fresh~仲有梗係唔少得我食豆腐花最愛落既黃糖啦落左特別甜同埋好味道~朋友仔食過翻尋味, 仲要食兩碗!!咁正, 唔怪得d人介意企係門口食啦~讚喔!!

豆腐花成日有得食！但呢間口既豆腐花係我食過最滑口既一間~~~平時食豆腐花就有糖水同黃糖俾我地自己落，但係呢間仲有埋薑汁俾人客自己落！我就鍾意加薑汁，食落辣辣地，食完個身都暖哂~

來亞玉幾次了,呢度的豆腐花真係平靚正,好滑! 特別想食黑豆豆腐花,但次次都一早賣哂今日下午4pm左右經過,見到有黑豆豆腐花,立即要佐碗堂食黑豆豆腐花($8)和黃豆豆腐花($6)一樣,好滑,好有豆味值得一讚的是檯面上備有薑汁和黃糖(宜家好少豆腐花店會提供了),可以自己無限量添加我個人好鍾意食黃糖, 所以一早叫佢走糖水(試過有次忘了叫佢走, 然後又因為自己想落黃糖, 結果甜到喊><)真係好好食!!我又落佐好多薑汁,變相變佐做薑汁豆腐花不過我覺得黑豆和黃豆豆腐花差別不大, 我食唔到兩者的差別....走時外賣佐4碗俾家人我勁鍾意食豆腐花, 聽到有好食的就會周圍試。暫時食過好食的豆腐花,非亞玉和深水埗的公和荳品廠莫屬了

每逢假日，元朗食街都是人頭湧湧，當中的亞玉豆腐花，鋪頭外不是排長龍，就是有一堆人拿著豆腐花站著吃，這間小店成為了元朗的景點。堅持傳統的小店，向來都很支持。之前食過這裡的砵仔糕，賣十蚊五個，五蚊兩個。砵仔糕分兩種，有紅豆和冇紅豆，都是小型的，兩啖就吃完一個。砵仔糕盛載在小瓦缽裡蒸熟，然後放在蒸籠保溫，賣的時候才用竹籤把砵仔糕挑出來，然後用膠紙包著，以防砵仔糕黏在一起。吃時砵仔糕還有微暖，與一般砵仔糕不同的是，這裡的味道不太甜，入口較軟滑而帶點煙韌，也吃得出米香。 今次再試的，是黃豆豆漿和客家糍粑。豆漿七蚊一支，從雪櫃拿出來，夠凍，有豆香又不會太甜。糍粑就是糯米糍，每個都圓碌碌很飽滿，賣四蚊一個，十蚊有三個。糍粑的皮夠薄，入面的餡料很多，花生芝麻蓉中，還混入了黃糖，吃起來表面軟綿綿， 入面脆卜卜，又香又甜，是非常美味的中式糕點。還有豆腐花未試過，有機會一定再來。

是日來到元朗, 幾位朋友一同掃街, 其中一站是這裡.黃豆豆腐花 $6: 8分, 有豆香, 也幾滑, 只要加小小黃糖, 已經足夠甜度. 只要$6一碗, 但份量也不少, 實在是交足功課.怪不得這裡的人龍是幾長的. 吃完豆腐花, 大家再去下一站.