亞玉冰室 (已結業)

『亞玉冰室』開左一段時間， 終於有機會幫襯 ！食物選擇好多，搞到我心大心細😌 雖然係下午茶時間，但係畀呢個嘅邪惡嘅焗芝士豬頸肉煎蛋公仔麵吸引左🤤如果你鍾意食新記嘅芝士撈公仔麵， 呢一個焗芝士公仔麵就一定唔會令你失望！ 個人覺得比新記出色！睇相都睇到焗完嘅芝士面金黃香脆，芝士汁又多又濃郁🤤 豬頸肉夠入味又淋， 撈埋隻蛋食 超級惹味 😋😋😋另外奶茶都好不錯♥️間唔中一次半次食啲邪惡野人都開心啲😉😉😉

準備上班，去附近找到了這間亞玉冰室，據說和豆腐花是同一間的。座位後大，坐得很舒服，空氣都很流通，不會令人感到焗促。點了一個芝士豬頸肉煎蛋焗公仔麵，從遠處已經聞到香味，芝士醬很多， 十分足料，配上一隻流心蛋，豬頸肉，十分滿足。請大家支持黃色經濟圈！元朗其實有不只一間冰室！

焗豬扒飯好味，超級多芝士，又熱辣辣。牛肉炒意粉都好正，牛肉好多，份量都大大碟，牛肉食極都仲有，，抵食。另外再叫咗個茄汁炒通粉外賣，最好食係呢個，啲通粉有用洋蔥蒜蓉同埋火腿炒過，好香好足料，淡淡通粉都比茄汁包圍着味道意想不到地好味，腸仔應該係廚師腸，唔會俾埋啲超鹹超難食嘅腸仔你，呢個要加分！隻太陽蛋都煎得啱啱好，仲有有塊火腿都係煎到好香，原來仲有兩塊煙肉又係大大塊，個通粉嘅份量超多，我分咗兩餐先食得晒！砵仔糕都超好味，又多豆。紅豆好林，糕嘅質地又彈牙，我買咗15個都嫌少，必試

行行下街經過間糖水舖，想話停低腳步入去食返碗豆花🤤入到去打開個餐牌，見到佢本店招牌係「法蘭西多士」 就一於Trytry$30超厚既多士上面擺左舊好大既牛油，熱辣辣多士好快就將牛油🧈溶化左😋配埋糖漿 好食😝好耐無食過西多🤣🤣加埋佢杯熱奶茶☕️好香既煉奶味 茶底都沖得幾好 唔錯😌📍亞玉冰室地址 : 元朗西裕街17號民康大廈地下4-5號舖

.1) 咖哩雞扒飯 ℍ𝕂𝔻 𝟝𝟚飯同咖哩係分開上，要撈幾多集汁都有由自己決定👍🏼不得不提，雞排嘅數量竟然係有𝟚塊咁多呀!!!😳😳真係好抵食咖喱好辣，所以唔食得辣既人要注意呀🤭不過鍾意食辣既就一定要試下，好惹味😆雞扒一啲都唔老，好滑!.2) 茄醬牛肉焗通心粉 ℍ𝕂𝔻 𝟝𝟞熱辣辣咁上枱， 好多汁汁既味道有少少似羅宋湯除左牛肉之外，仲有少少菜所以食落去真係會有啲似食緊羅宋湯咁😆😆好大碟，亦都好多牛肉，大碟到連老公都食唔晒 🤔🤔.份量真係好大，小編食既飯叫左少飯都剩返好多所以真係好抵食，抵佢咁多人幫襯👍🏼.小pop會繼續不停食食食，所以如果想得到更多似食資訊，請like & follow～😋

亞玉多款式揀價錢又不貴，自從新年期間黎試過一次後，便常常同家人黎食了，總括一下近期食呢幾餐先。餐飲要左熱杏霜同熱奶茶，杏霜正正常常，夠濃味又無加糖，最怕啲餐廳自作主張加入大量糖去沖泡。奶茶就一般啦，個人覺得茶太濃又唔多夠奶。亞玉名物特大紅豆冰，朋友轉飲奶茶紅豆冰，咁大杯都係加9蚊咋，抵到爛，紅豆夠又軟腍，呢杯個奶茶底又好飲啲喎，可能多左奶。熱檸茶都ok，不過同樣茶太濃有啲澀口。是晚點左咖哩吉列魚柳飯，咖哩香口帶辣勁，個人覺得唔錯，魚柳大塊炸得香脆，唯獨飯少左啲不太飽。家人點的公司茄汁炒通粉，是晚係漢堡扒，火腿片，腸仔同太陽蛋，唔係次次都一樣，我估係賣晒就自動轉其他餸補上，呢碟超大，茄汁酸酸甜甜好開胃。再黎有常餐的蜜汁叉燒通粉，無乜特別，勝在大大碗。份常餐仲有呢啲㗎，雙蛋火腿同多士，賣相一般啦。又試過叫焗飯系列，呢個係窩蛋芝士吞拿魚焗意粉，個賣相正喎，蛋汁加上半瀜芝士超好味，吞拿魚亦可得多，每口意份都食到吞拿魚。你懂的……。食物味道就一般啦，但支持佢份心意，小店加油！

同朋友呢排已經黎左好幾次，朋友同我每一次都會叫芝士豬頸肉煎蛋焗公仔麵，第一次食係驚艷到，之後每一次都仲係覺得咁好食😋佢芝士味好足，仲有一隻半生遮蛋一篤開流出黎撈埋落啲焗cheese真係冇得輸🤤豬頸肉都好淋好入味。另外朋友今次試左黑松露炒蛋三文治🥪，原本個樣以為正正常常冇特別，一食又係驚艷到，黑松露味好香，炒蛋好滑，加埋個烘到脆一脆嘅多士，成個食晒都唔會濟，睇黎我會成日黎呢度打等👍

依間冰室都算係近期較為出名嘅冰室，每次午飯時間都一定大排長龍，我相信食物質素都差極有限。今日經過嗰陣終於冇咩人排，可能因為已經過哂午餐時間，我朋友又未食飯，所以今日就決定試下依間經常大排長龍嘅冰室有咩特別。由於我已經食咗嘢嘅關係，我就只係叫咗嗰黑松露炒蛋配多士。賣相就正正常常啦，但係佢一放低嗰陣其實就已經聞到好重嘅黑松露味。食落去嗰陣食到好重嘅黑松露味之外，重覺得佢嘅調味啱啱好，同埋嗰炒蛋炒得好滑。雖然就咁食佢個黑松露炒蛋未必食得出依間餐廳嘅整體質素，但我一定會再嚟試下佢其他嘅嘢食。因為真係好似幾吸引。

食物我叫左黑椒牛肉炒烏冬同瑞士汁豬頸肉炒公仔麵。炒烏冬黎先，但都等左35分鐘，就發現佢地係一次過炒10碟，等齊或多d人叫先炒，咁樣上餐，點叫人去食野。炒公仔麵仲耐，足足等左成45分鐘要三催四請，問咗最少3次先可以有人認真幫手跟，到比錢時好心同佢反映，個個收銀男人態度差，雖然係黃店，但咁做生意，想幫襯佢都難。味道都ok既。

真·元朗人應該點都聽過亞玉冰室，佢出名黃，老細又夠黃成日撐手足，今次返元朗終於食到佢喇！佢假日午市12點已經大排長龍，同路人都爭住懲罰佢哋冰室裝修懷舊，有多款霓虹燈招牌，寫住各款字句，幾得意仲有好多文宣添！食物方面，佢有最大路既常餐、咖哩、焗飯類等等，今次同朋友就嗌左個常餐同招牌焗豬，再加杯出名既紅豆冰先！先嚟個沙嗲牛麵，麵底彈牙唔會煮過龍，沙牛夠入味，煎雙蛋多士都好正常，價錢都係四十零蚊，抵食啦至於焗豬份量都好大，豬扒大塊唔韌，飯用炒飯底！如果芝士再多啲就好不得不提係佢杯紅豆冰，跟餐加幾蚊，勁大杯！紅豆好多，多到我飽到上心口佢仲有其他口味，奶茶紅豆冰、阿華田紅豆冰，下次再戰！

自從6月反送中至今，香港食店都有分「黃藍」。講到元朗最強嘅黃店，非『亞玉冰室』莫屬 。望望餐廳門口先，有好食豆腐花，亞玉甜品。當然呢到就冇好似荃灣咁平，1蚊3蚊咁喇。再望下餐牌叫咗個早餐出前一丁，其實個早餐都冇乜特別嘅，去得呢度食嘢嘅，我諗最主要都唔係睇味道睇餐牌睇價錢。最主要都係想話比老細聽我哋撐你。而我哋香港人都好多謝佢，成日都送啲物資比街坊比手足。老細真係好有心㗎，有遊行嘅時候又專登包大旅遊巴接載街坊上街。又捐口罩捐飲品食品！好有心。餐廳入邊都有啲手作，大家可以隨心捐款幫助下各位手足嘅。今日我就攞咗一張2020年嘅年曆。同埋攞咗好多貼紙，諗住佈置下。同老細傾左幾句，最後臨走之前都多謝咗佢然後再講多句祝佢生意興隆呀。老細收銀機前面都放咗個香港人嘅年曆㗎。大家望下我個貼紙靚唔靚

呢日下午攞咗假入元朗探我嘅情人蠟筆小新😂，陀地friend就盡地主之誼帶我去食好西。輕鐵站落車後就行呀行呀行幾分鐘，去到亞玉冰室。茶記嚟講，環境佢算好好，好光猛之餘，仲有啲霓虹燈做裝飾添，亦都坐得舒服😙。我哋兩點半去到，餐廳係坐滿人，不過又未使等位。兩點鐘就已經開始做下午茶，茶餐食物都係大路嘢，但全日可以點嘅餐就有啲賣點，因為佢大部份款式都有得搭配通粉😍，我自己都算係半個通粉控。我同朋友share食，首先要咗份公司茄汁炒通粉($53)，份量都幾多下，兩個人食每人都食到一個碗仔咁多！🍅茄汁個味啱啱好，酸甜度適中，唔會太乾或太濕，而且配埋洋蔥粒好正啊。不過我覺得呢碟應該唔係炒通粉，而係撈通粉，因為無乜鑊氣，但唔大影響，一樣咁好食😋。餸就係經典茶記四寶：腸仔、火腿、煙肉同煎蛋。另外，我哋要咗下午茶餐嘅吉列豬扒拼沙律($36)，🐷吉豬幾大塊，外皮好脆，但稍為乾身咗啲，建議要點沙律醬食。至於跟餐嘅沙律，就正正常常，都唔錯。兩樣食物都有跟餐飲，熱飲唔使加錢，凍飲就加$3。我哋都係嗌凍檸茶，我就要咗少甜少冰，而店員亦都真係好清楚咁用唔同杯以分辨兩杯。果然我嗰杯真係唔太甜👍。總括嚟講，依間位於元朗嘅茶

#tastytommy良心食店 (捐款支援手足 1月1日更用5位數租旅遊巴義載街坊去維園💛)芝士鹹牛肉蛋包💛 $33元朗新開冰室! 痴線架 冇expect過佢係成pat芝士醬咁邪惡🤣🤣 我諗住係華嫂咁是但搵夾片芝士落去就算啦 雖然我覺得華嫂正d 不過佢藍左🤷🏿‍♂️ 芝士醬味道尚算香濃 鹹牛炒蛋嫩滑😋 可惜包體太淋 雖然有搽過牛油 但烘得唔夠香脆法蘭厚西多士 $30好厚好香脆 重花生醬味!😋揚州炒飯 $40作為一碟下午茶有少少細兜 淨係試左一啖味道正正常常啦~下午茶跟餐既熱奶茶都ok👌🏻 同埋下午茶係供應至晚上7點😮ps.有傳老闆同亞玉豆腐花係朋友關係 亦有人見甜品位個姐姐以前做過亞玉豆腐花

.黑松露滑蛋多士🍳🍞 $38咁嘅價錢估唔到會有咁多黑松露！黑松露味好重，炒蛋都真係好夠滑😋 但係個多士就腍咗，唔夠脆，可能係因為俾啲蛋漿浸腍咗🙁吉列豬扒拼沙律🥗 $36同樣地，性價比好高，估唔到下午茶餐都會有咁大塊豬扒☺️ 炸粉唔太厚，皮夠脆，豬肉唔韌，當然就唔係juicy架啦，但都已經夠好食👍🏻 至於個沙律就只係普通罐頭生果加啲沙律醬，係正常茶餐廳水準，鍾唔鍾意就見人見智💁🏻‍♀️又抵食又食得飽又好食嘅下午茶餐，又係黃店，得閒要支持下😉

第一次過黎呢邊諗住食早餐，點知朋友遲到，只能排隊食其他餐。等位時，人龍接近20人，據了解係因為老闆自費安排旅遊巴出港島，所以受到追捧。等咗大概30分鐘，終於入座（附近有寵物店，可以睇住貓排隊）。老闆有禮貌講「唔好意思要久等」，客人聽到大概心情唔會差吧！？正如其他食評所講，牆上的霓虹光管引人注目，為免影響待應工作，只能作純文字討論。餐牌款式少，無炒粉麵飯類，所以定位係冰室，而非茶餐廳。蔥油雞脾飯，老實講蔥油好少，大約一匙左右飯底豉油亦明顯不足，感覺比較Dry。雞脾肉質屬於正常份量，唔會好似某連鎖快餐店咁偷工減料，整體感覺可接受。凍飲係凍奶茶，主要飲到奶味，茶味相對少，感覺偏甜的。我比較欣賞朋友所叫的紅豆冰，底下有大量紅豆，可惜未有拍攝作證。